韓樂 (T Town North)

營業中

休息中

叫咗3樣1. 韓式燒汁豚肉炒年糕唔係平時韓國辣炒年糕嘅味道 ，比較近似佢地嘅雜菜但加咗年糕， 醬汁好味 ，唔會太鹹太淡 年糕煙靭度剛好 ，唯獨豚肉過厚同有啲嚡， 如果切薄少少口感會更好。2. 魔鬼芝士八爪魚小章魚嘅口感好得意 ，上菜嘅時候可能因為用鐵鍋所以熱辣辣，啲芝士融曬可以包裹住小章魚 ，但要留意芝士嘅味道並唔係平時食pizza上面嘅拉絲芝士， 或者韓式炸雞上面芝士粉嘅味， 而係更加近似兒時食嘅芝士波， 不過呢個味道見仁見智，個人同朋友覺得幾得意， 有啲可惜嘅係章魚份量唔多 ，到最後剩下太多芝士。3.陸軍部隊麵麵過軟 ，芝士唔融 ，湯底亦冇韓式嘅感覺， 只可以叫做求其加咗啲嘢嘅公仔麵 ！唔抵食！另外店舖環境整潔 ，但到夜晚繁忙時間 QRcode落單系統大塞車 ,導致好多嘢都叫唔到。

韓國野成日都辣得好過癮，所以間唔中就會想去食下。今次放假搵fd玩，佢帶左我去佢屋企附近嘅餐廳，想快手食完。三個人，等左一陣就有位，都ok。每次去到韓國野都係會比公仔麵吸引，所以今次都叫左個辣麵，味道就普普通通，d肉都淋身。不過就覺得佢似茶記多過似韓國野 lol 同埋配料都唔多🥲

聽個名就知係主打韓式食物嘅餐廳，滿心期待係食韓food,但入到去，完全不是那回事，只能講佢係一間茶餐廳🤣🤣當然價錢和食物，都是茶餐廳水準，不過不失，錯嘅是我，沒睇清楚餐牌，期望過大

忙完兩日，送完亞女返學，終於可以嘆個早餐有返me time，叫咗個豐富早餐，雞扒配煙肉🥓炒蛋🍳加多士🍞，原本仲有配菜，係沙律菜，但係我無要，因為佢個沙律菜撈左啲醬，我覺得唔好食，所以落單嘅時候直接話唔要，唔使浪費🤪。再加杯即磨咖啡。正！😋食物：❤️ 雞扒配煙肉🥓炒蛋🍳加多士🍞$40⭐️多士-香脆，不過佢個蒜蓉牛油就好似有少少酸味。⭐️雞扒-好食，雞皮有少少脆，肉質Juice。⭐️煙肉🥓-有點瘦同乾，味道還好⭐️炒蛋🍳-大份，唔係太滑，但係又唔係好老，都好食。⭐️即磨咖啡-唔錯👍，有咖啡香味，飲落唔會太過苦澀，因為我唔落糖嘅🤣。環境：如果可以坐得鬆動啲就會舒服啲，有好多卡位，就算你一個人，職員都唔會俾你坐。餐廳內需要搭枱。餐廳位置訊號收得比較差，坐得較入的位置，連社交平台都會開唔到。另外，如果有客人大聲少少笑或講嘢，餐廳裏面都會覺得好嘈好刺耳。整體嚟講：食物可以，環境及服務一般。推薦指數：❤️❤️❤️🤍🤍

今日報復式堂食🤣，夜晚同亞女去撐枱腳，去咗食韓國菜，佢唔係一間真韓國菜館，佢似係一般西餐廳嘅食肆🤭我去呢間餐廳最鍾意嘅係食安格斯牛扒，無錯，你無睇錯，係牛扒🤣，可惜係，之前好好食架，好有牛味，絕對係CP值滿分，但今日……，塊牛扒無咗好香嘅牛肉味，仲多咗一種食粉味添，oh no…，唔開心☹️，問咗個侍應係咪轉左第二隻牛扒，佢話係，即係無得再食lu😭。亞女就叫咗個牛肉石頭鍋飯，雖然啲餸同真正嘅韓國石頭鍋飯有啲唔同，但係個鍋就真係燒得夠熱，做到有飯焦，正😋。飲品可以半價叫，叫咗杯凍檸茶同凍華田，凍檸茶係用打碎咗嘅檸檬，我本人就比較鍾意一片片檸檬多啲🤪！牛肉🐄石頭鍋飯價錢:$66CP值：⭐️⭐️⭐️⭐️安格斯牛扒🥩價錢:$118CP值：⭐️⭐️⭐️凍檸茶/凍華田🍹價錢:$10CP值：⭐️⭐️⭐️

同家人嚟左呢間韓樂食lunch，平時都係叫飯類，呢次就試下韓式牛肉雜菜炒粉絲～食物有啲濕，唔係條條分明，好似林晒咁，唔會再叫呢個🙈🙈🙈🙈杯凍檸茶都ok ge！不過店內好似有啲污糟，啲餐具好多污漬服務態度Ok， 都肯幫手換！

我開心今次同屋企人去咗頌富嘅一間餐廳，叫韓樂，呢間餐廳好高質素，一定要推介俾朋友，首先呢一個餐廳嘅位置於頌富站，一落車，行兩至3分鐘，就會到呢一間餐廳，很方便很快捷，簡直係天水圍的中心點，如果朋友嚟到，一定要推介食呢一間，而且食物方面，我哋今次叫咗個牛扒，真係好值得叫呀，牛扒肉質新鮮，而且煮嘅成熟度啱啱好，好入味，而且呢個牛扒好有牛味，然後我哋仲叫咗個韓式嘅粉絲，呢個粉絲都係超級推介，我見到身邊嘅人好多都叫呢個粉絲，佢唔似平時嘅粉絲咁平單，佢係加咗啲醬汁，所以成個粉絲好入味，佢開胃，所以我覺得如果朋友嚟到頌富，一定要推介食呢一間粉絲同埋牛扒，而且服務態度質素好高，入到門口，侍應嘅服務非常好，好多笑容好有禮貌，我得響度食飯有被服務的感覺，所以我好鍾意呢間呀！

2022.08.24瞓醒同朋友求求其其食d嘢…..🤣🤣🤣#什扒餐#韓式牛肉雜菜炒粉絲#食物Ok#服務態度Ok#不過d杯好似要換，比人感覺好似有d污糟漬…..🙈🙈🙈

😍黑松露野菌炒滑蛋香脆牛角酥😍炒蛋又軟又滑🍳，味道適中，再加上配野菌和黑松露，味道更加、好香作為一個vegetarian，工作時好難搵到嘢食，momoku嘅「黑松露野菌炒滑蛋香脆牛角酥」作為下午茶真係so good good，價錢都實惠，$36～（送熱奶茶）

收銀態度極差今天第一次帶小朋友來食lunch, 我黎到之後問佢有冇位， 冇答我， 後來我見到原來側邊有部機要拎飛。 等緊位嘅時候， 佢話我小朋友擋住佢條路我都算。因為我小朋友真係擋住出入口。到我坐低時，冇人拎menu 比我，咁我唯有等人經過啦,正在等餐牌期間， 啱啱見到收銀帶位，於是我請佢拎餐牌俾我，佢叫我等一等，繼續serve佢帶位果2個疑似朋友嘅客，仲好好咁安排左張卡位比佢地， 原本張卡位係我地要先， 後尾有張細檯走， 佢安排左我去細檯。細枱唔緊要，我都唔介意,但之後佢安排咗個張枱後，一直都唔拎Menu俾我，返去一個冇人要serve 既cashier。放menu 既位明明就係佢後面都唔順手拎。 服務態度極差!!!! D 食物再好食都唔會再幫襯。

本身諗住食壽司郎，但佢五點幾已經截咗籌🥲所以就去咗樓上食韓樂，然後仲發現原來用外賣app埋單有七五折😱😱👍🏻勁抵食呀！一行6個人，叫左一人一個主食，飲品有半價👌🏻我叫左三文魚蟹子炒飯🤣唔知點解對炒飯情有獨鍾，不過唔夠熱有啲凍😓味道同份量係OK嘅～仲有叫咗八爪魚石頭鍋飯，同埋泡菜豚肉石頭鍋飯，超級熱辣辣😳小心燙口🙊好在可以自行調配鹹味，因為醬汁係另上嘅👍🏻跟住都有叫咗個海鮮部隊鍋🤣🤣🤣其實就係辛辣麵😛鍾意食嘅人就會明白真係好好食😋😋🥰我哋仲試咗moumou Pizza🙌🏻大大個，中間有個溫泉蛋，不過已經穿咗🤣芝士勁澎湃😆不過個麵包底就爭咁啲🙈最後仲有一個豚肉年糕，感覺勁鹹🤪好似落咗好多味精咁，不過就係要咁樣先惹味！I like😌😌飲品方面我誠意推介「爆檸茶」🤩🤩🤩佢呢度嘅檸檬係已經幫你榨好晒嘅，勁好飲！！一定要試下❤️

放假訓晏左 skip哂早餐同午餐🙊難得的下午茶時間 左揀右揀先揀左呢間餐廳幾經辛苦揀到食邊間 點解揀食咩更難....下午茶都有好多選擇 餐牌又附哂圖咁 樣樣都好似好好味🥲選擇困難症發作...最後偷望其他人食緊既野再揀左呢個30052 韓色芝麻燒汁焗雞扒扁意粉落單個下先知 原來可以唔要飯轉扁意粉 更岩我心意😌話就話下午茶係輕量版 但係其實一啲都唔輕手大大塊雞扒係面 加埋啲芝士 食哂真係好飽+10 兩隻柚子蜜糖雞翼兩隻雞翼都沾滿柚子蜜糖醬 食落無咁熱氣👍🏻下午茶餐加多杯茶走 滿足滿足😋

下午茶平平哋入去食下，當然想試吓食佢嘅招牌韓式炸雞加芝士汁，再試埋個炸薯條🍟點知全部都冇乜味，啲雞有啲係唔熱嘅，又炸得好難食冇雞味，薯條都冇薯仔味，芝士汁要撈底先有少少芝士味最好味嘅竟然係杯熱檸水，佢係新鮮檸檬汁加水，冇苦味，係全個餐最好食嘅

🍲韓式牛肉野菜炒粉絲💵58🍀🍀🍀🍀🍀🍀🍀🍀🍀 勁大碟，入面有椰菜絲、蘿蔔絲🥕、爆多蔥、牛肉🐮，味道帶少少泡菜味，椰菜同蘿蔔口感較爽，而粉絲口感好軟腍腍，牛肉炒得唔老，亦好夠味👍🏻🍲帆立貝海鮮龍蝦汁意大利飯💵65🍀🍀🍀🍀🍀🍀🍀🍀🍀🍀本身入面有埋帆立貝同蜆肉，但屋企人唔食所以走晒😂，廚師就轉左啲八爪魚🐙，味道似淡淡既番茄味🍅，汁既質感好水，唔似平時食既意大飯咁杰身，同埋飯既口感都較腍，欠缺口感，頭大覺得一般偏低🤫🍲溫泉蛋.豚肉.石頭鍋珍珠飯💵60🍀🍀🍀🍀🍀🍀🍀🍀🍀 超級大碗，見到都飽左😂，有燒汁同韓式辣醬拌飯，入面有芽菜、蘿蔔粒🥕、酸蘿蔔粒、泡菜、菠菜同豚肉🐷，全部加埋食，口感好豐富，個石頭鍋不斷保持啲飯既熱度，但隻溫泉蛋好快就熟晒🥲，記得邊食邊吹熱啲飯😂，唔係會辣親嘴～食到飯焦既口感，豚肉都有滿滿既泡菜味，泡菜就微酸，頭大嫌略唔夠鹹味，同埋食食下啲飯好乾～🌼🌼🌼🌼🌼🌼🌼🌼🌼🌼☀️整體而言，除左落單既店員好有禮貌，其他店員就好燥底😐上菜時間都需時，味道方面都ok 既，但真抵食，好大碗，如果3個人叫2碟野食都夠晒😬

噚日諗住食下午茶，去左呢間所謂既韓國菜諗住試下好唔好食。我點左個韓式 豚肉流心蛋石頭鍋飯 ，朋友叫咗個韓式豚肉牛角包，我地再加多個小食韓式炸雞。我個飯出奇地不用2分鐘就上枱，我一望未食已經覺得中伏，因為d飯唔熱，d豚肉只有肥肉，朋友個牛角包係炸到黑黑地，一望就知到佢地用氣炸鍋翻熱。到個炸雞，一望就唔太想食炸粉多，咬落去食唔到肉，似食緊好硬既粉。成餐比佢地既食物完完全全破壞心情😓最後冇食曬就埋單走人，唔會再有下次。