韓樂 (香港仔中心)

營業中

休息中

起31/10同我媽食飯。環境平民版餐廳，食物都係比較港式平民。當時叫左炸醬面，肉醬豆腐煲同生菜包炸豬。其中生菜包炸豬因為6:00之後所以只需＄1，勁扺。主食味道正常。整體來講如果想食平民版韓國野可以去，但唔好追求正宗。

本身我哋係食RUD燒肉，點知勁多人我哋一行九人就大有細，叫我哋分開枱坐，當然唔可以啦！而且出邊打緊風，所以我哋錯有錯着就入咗嚟韓國食韓國菜！一入到去，環境裝修好靚，有好多位置都係打卡點最欣賞佢個火山排骨頭肉質鬆軟！而且價錢合理！值得一試，另外亦都叫咗一個韓國燒牛肉石頭鍋飯我見到個份量的而且確嚇親，估唔到咁嘅價錢個份量亦都咁多！撈勻咗之後就咁睇都覺得幾足料，味道唔錯，唔需要再另加加醬汁！總括嚟講呢間平民韓國菜，值得一試

有時因為呢間餐廳野食好味就算等耐啲都唔緊要呢次等左將近半小時已經冇得坐低定點齋企都願意等 但冇諗過等候時候係咁長外賣要等25分鐘以上 廚房入面啲大佬係咪唔當顧客時間係時間？餐廳入面亦都唔係爆滿既情況 唔明點解會咁耐希望能改善到問題

經常幫襯韓樂既lunch，因為夠抵食，仲有我至愛既石頭鍋飯，每次都例牌食石鍋飯。雖然依間野叫韓樂，但感覺上同實際上都唔係正宗韓國餐廳，所以味道都唔夠韓式，例如拌飯係冇辣椒醬撈，又冇泡菜拌碟要俾錢另叫。餐廳上菜速度算快，石鍋飯係超熱同起到飯焦，雖然冇辣椒醬同泡菜好似差甘d，但佢本身都有個辣汁同燒汁都幾好味既，冬天食真係一流，食極都食唔完，因為好熱要慢慢細細啖甘食。已經試過晒全部石鍋飯，上次食過三文魚係切粒粒得好少但今次係一塊塊超多肉。而雞扒好嫩唔鞋，撈埋紫菜粟米係我至愛。八爪魚都好多舖滿飯，相反牛肉同豬肉泡菜就反而相對比較失色。我見都好多客叫石鍋飯，所以應該都幾受歡迎，至於其他就未試過，因為我太專一唔想揀其他黎食。

今晚突然想食牛扒，見佢隔離意樂間鋪都有牛扒餐，仲平小小，但佢門口個menu張相好似吸引啲，所以揀左衣間。入到去都冇人招呼，係自己揀位坐，我再睇吓個餐牌，原來咁啱我想食個餐，今日有特價，所以都唔駛再睇餐牌，就叫左西冷牛扒拼薯菜和熱朱古力，侍應問牛扒要幾成熟？我要7成熟。首先講吓賣相先，牛扒都幾大件，薯條比我想像中多，牛扒下面放了好多配菜（主要係邊豆，甘荀片，同少少椰菜花和菇）。我就比較鍾意佢啲汁係另上，自己想濃味啲又得，淡味啲又得。味道方面，整體上牛扒都嫩和淋，只有小小筋。可能唔係鐵板上，啲配菜都好生，但可接受，😅我都食哂啲配菜。薯條比較幼細，但炸得好香口，雖然要戒口，但都破戒食左好多，希望唔好太熱氣。😅杯熱朱古力係佢哋推介之一，確實幾濃味，好飲👍

戴眼鏡鬢辮嘅女職員好冇禮貌 ，叫親都唔認，就係行過身邊叫佢3次都直行唔理，又唔係攞住食物，總之就係有嘢唔想做，等其他同事做，因2為我睇得好清楚，我就坐在中間卡位出菜位第一張台，所以希望佢老闆睇到我寫嘅嘢做留意吓佢，如果唔係就比佢趕客走，唔會幫襯，費事激氣，佢唔想做就唔好做喇，又要收工資，又 倒米，希望公司正視問題。

第一次去好正！D嘢幾好食、又唔貴、又坐得舒服！点知第二次去有個女侍應指定我要坐門口同人搭枱！但當時全間餐廳咁大坐得二成人，果陣只係12：00！ 我嬲起上黎掉頭走！怪得咁多香港人北上消費！

前幾日見到某個不經常接觸的侍應，態度不禮貌，想問佢攞杯水，佢大聲回我一句 “自己浸啦你”。跟著有個年長女士進來問佢攞餐牌 該侍應隔著另一張枱 不停嗌過去 menu係左邊左邊 下面下邊 左邊呀，攪到該年長女士手忙腳亂 好似老懵董咁 非常尷尬 ，唉… 唔係個個老人家都識menu是甚麼，心諗你攞畀佢咪得囉。 希望該侍應可以改善吓語氣態度 ……

叫咗兩杯凍檸茶 少冰走甜分別兩次都係咁比錯嘅 係咁比有甜嘅啲阿姐服務態度仲要勁差 比錯嘢人仲要鬧翻人哋轉頭叫咗個 黑松露煙肉惹菌忌廉扁意粉中文英文都冇寫過有芫荽 有芫荽都算數 仲要成疊同我切到碎過BB食物你叫唔食芫荽嘅人情何以堪？結論係 食物差態度差服務差 唔知點解可以開咁多分店 完

早咗收工，所以趕得切食個下午茶之前喺隔離小鹿排隊嗰陣見到個餐牌已經覺得好吸引，終於搵到日趕得切六點前嚟！叫咗個芝士炸雞，驚唔夠飽見到個薯條就忍唔住加$10加購唔食薯條，都仲有其他可以加購！個炸雞細細粒夠晒脆口薯條仲可以順便點個芝士醬佢俾個茄汁我都冇用到升級埋杯嘢飲都係50幾蚊埋單蝶豆花檸檬茶唔甜，顏色又夠靚平日下午茶時間，冇乜人，可以舒舒服服咁樣坐裝修又幾好睇仲有啲韓國零食同醬料可以買添！總結覺得唔錯，會再嚟

韓樂（香港仔）食物: 芝麻照燒雞扒芝士燴飯😋😋溫泉蛋豚肉石頭鍋飯😋😋柚子蜜糖雞翼😋😋😋熱檸檬水😋😋芝麻照燒雞扒芝士燴飯：雞肉滑嫩，連埋汁同紫菜一齊食，幾好味。不過芝士味唔太出，麻麻地。啲飯都ok,有啲硬身但口感唔錯。溫泉蛋豚肉石頭鍋飯：上菜到食左一段時間時，都仲有熱氣噴出來，份糧好足，啲肉唔錯，配料幾多。柚子蜜糖雞翼：忘記了影相，雞翼好好味，開胃，放左一段時間先食，仲係皮脆肉嫩👍🏻😋。熱檸檬水：一般。總結: 環境燈光較暗，食物幾好味，雞翼值得一試。分數 食物: 7/10環環: 7/10服務: 7/10推介: 7/10上菜速度: 7/10地址: 香港仔南寧街6-12號香港仔中心第五期地下5B及5C號舖

南區返工揾食，好多時都撘一程小巴到香港仔中心解決午餐，今日做野做到兩㸃幾下午茶鐘數，入左香港仔中心位置既韓樂，價錢三十八到五十選擇都有，飯就有兩款，一係牛一係豬，揀左豬，好快出餐，不過，嚟到飯面上有一片完整豬腩，明白38蚊下午茶份量少係正常，不過吾通出貨碗碗都係咁？38蚊係平，但重㸃係一d誠意都無，吾係1片肉撘幾粒肉碎就算囉

今晚落咗去香港仔揼骨，揼完骨肚餓就梗係搵嘢食㗎啦，見到都有幾多人食，然後望入去乾乾淨淨，所以就一試。都係食完寫食評嘅時候先見到原來有咁多負評，但係真心體驗又覺得不過不失。叫咗一個韓國燒牛肉石頭鍋飯 我見到個份量的而且確嚇親，係兩個成人嘅份量。根本冇可能食得晒撈勻咗之後就咁睇都覺得幾足料，味道唔錯，唔需要加醬汁都覺得好足味。另外再叫咗一個來自星星的你嘅雞翼其實講真，佢只不過係一個有小小海鹽既炸雞翼，除咗雞翼本身嘅味道同有少少鹹之外，就食唔出有啲乜嘢特別。肉質一般，都係普通雪藏雞翼， size都細隻。但係就絕對未至於係負評，因為同場職員都幾有禮貌

住在香港仔好耐，一直都好少韓式餐廳進駐香港仔，見香港仔中心開咗呢間韓樂，有見到佢哋餐牌嘅相好似都唔錯，先膽匆匆過去試吓。首先叫咗個芝士炸雞，對佢啲芝士好有期望，點知上到嚟嘅芝士唔好見佢係用鐵板上就一定係熱，上到枱啲雞仲熱過啲芝士，食咗一啖之後，都唔知自己食緊嘅係芝士，完全冇味，到不如我淨係食炸雞。炸雞質素仲恐怖，一嚿炸雞又三分之二都係炸粉，食到自己懷疑人生，真係下次唔會再嚟幫襯。以下呢個飯仲恐怖，啲飯硬到好似未熟咁，一嚿嚿張埋一齊，超級乾身。

Had cravings for Korean food, popped into this restaurant hoping that it can stop my cravings. There was a lot to choose from in the menu, photos were mouth watering and since it’s a chain, I was confident that it should do be good. 當天對韓國食物有些渴望，突然來到這家餐廳，希望它能靜止我的渴望。 菜單上有很多菜式供選擇，照片令人垂涎三尺，而且因為它是一個連鎖店，我相信它應該做得很好。Unfortunately, the actual good did not do the photos justice. The instant noodle dish was blend and tasteless. I ordered a small snack with it’s a savoury fried pork dish but the meat was ha