韓樂 (馬鞍山廣場)

營業中

休息中

味道不錯, 價錢算是合理, 地方也整潔. 最好的是上菜快.早餐算是很好, 分量大價錢合理, 味道也算好, 算是有特色.晚餐味道比較好, 選擇也多有特色的是排骨山, 雖然並不是太地道的韓國食物, 但大部分食物都有水準, 以這樣合理的價錢來說是非常不錯.不要用傳統韓國餐廳的標準來看, 他是非常不錯的一間餐廳.

這間餐廳價錢都算平，叫咗韓風香酥炸雞，份量也幾多，但味道我覺得一般，叫咗個豚肉湯粉絲同牛肉湯烏冬，湯的味比較淡，烏冬都算滑，服務就一般，下次未必會再食.#牛肉#豬肉#粉絲#烏冬#馬鞍山#湯麵#蛋#🥚#韓式#炸雞

雖然大集團快餐，都冇乜好期望，但去過其他分店都叫味道正常，黎到馬鞍山呢間真係極恐怖，無論食物定服務都10級劣我自己覺得韓國石鍋飯要有泡菜先好食，眾多石鍋飯中得八爪魚果個先有泡菜，所以手機點左呢個，同埋叫左豚肉辣面到上菜個石鍋一粒泡菜都冇!問個女侍應女侍應：係呀，泡菜賣晒丫嘛，冇架啦今日我：下 賣晒又唔講 講我就唔點呢個飯啦女侍應：你電腦落單我都唔知你點乜咁樣賣晒d材料唔同客講照整照出餐叫人硬食有日賣晒白飯就咁出d配料唔通間野真係幾過分下作為韓國餐廳冇泡菜都幾搞笑，識做去附近超市都買到罐廿啦八爪魚石鍋飯既八爪魚係白恰既完全冇味，然後又冇泡菜而且辣醬勁稀，成個飯得顏色但冇味...個辣面就普通發晒漲咁送上黎，唔熱，係温既....但竟然有2片泡菜....又話賣晒既喂?!我都已經唔想同呢間野既人溝通，食飽拿拿聲走算，呢間分店冇下次

經過馬鞍山Momoku 餐廳，見韓國餐廳居然有早餐食咁奇怪🤔️，又有些肚餓，一於入去試下佢！原來這間餐廳的早餐都有很多選擇，我原本驚韓國餐廳的食物都會是辣辣的，但原來都唔係。早餐是截至11:30，剛好入去是11:24，仍趕得及！我地叫了兩個早餐。一個豬扒香草腸麵+熱咖啡、另一個-雞扒炒蛋扁意粉+熱檸茶。豬扒、雞扒都有醃味，味道唔錯，咖啡是即磨咖啡，整體水準唔錯，選擇多元化，有機會會來試下午餐，我見隔離枱的炒飯好香，都好吸引🤩！

本身認識呢間餐廳係之前荃灣海之戀店，食物及服務都有一定水準，所以馬鞍山開分店個陣都十分期待。但難以置信馬鞍山店既服務及食物水準之惡劣令我不得不在此留下食評。一家四口落單叫左4個早餐，先黎左我個陸軍部隊麵，上菜速度正常，但一食就發覺出事，個麵完全冇味，明顯係滾水泡麵only，同侍應講佢淡淡回應話比返包味粉我自己加返就算😨，好啦都唔係太大問題，即食麵落返味粉都唔會差得去邊，然後到阿囡個「炒旦蕃茄濃湯通粉」，上菜個樣好似清雞湯咁淡而無味，都算，最後到阿仔個「雞扒清湯部隊麵」，好啦個湯實冇死，點知上菜變成「雞扒清湯扁意粉」😦，好彩係手機落單張單清清楚楚在我手証明我冇落錯單，叫返侍應換返個麵比我，佢地大聲係樓面同廚房講要換返做「麵」，點知來來回回聽住佢同廚房講左不下4、5次個廚房竟然都唔明要換乜😳 最後雖然都換返啱上黎但整個過程都令我決定唔會再去呢間野度食。 P.S. 海之戀個間係原全冇問題的，所以先令我有咁大期望落差..🫤

因為住附近，然後因為係美食沙漠🤫😂((大家可能知吧📍🤣))所以都冇咩特別嘅選擇🥱就嚟呢間叫做新開嘅韓國野試下😃其實其他野食都ok嘅，例如啲石鍋炒飯、年糕、特飲，都唔錯，我有時都會同屋企人嚟食。不過當日叫左呢個芝士鍋真係唔太好食😂😂啲芝士唔係平時食個啲韓國車打芝士，佢陣味怪怪地🥺芝士好濃又唔係好食嘅味…真係唔太推介🫡入面啲料都係差咁啲..有薯仔、腸仔、八爪魚⋯但都係普通吧，樣樣都唔太出色😞

如題，阿媽話唔想煮，所以老豆提意試新嘢。坐低，一睇就知呢度係做街坊Grade, 所以default咗對服務同食物都唔好咁高要求。但係有驚喜喎，下面就講吓啲嘢食先啦。阿媽話好餓所以叫個八爪魚食先。終於係返八爪魚天然色! 唔係染成橙紅色嗰啲。味無咁濃同無咁甜，幾爽口同幾香麻油味，OK! 係少咗啲，不過是但啦，去爭先買外賣同一個價錢得五隻，呢度算好抵。再講下個人蔘雞湯，足料！有半隻雞，有蔘鬚！用鐵鍋上keep到個溫度，味濃淡適中，琴晚凍凍哋飲好正，係雪耳少咗啲，可能煲溶哂。加十蚊可以有個珍珠米飯添。溫泉蛋石鍋飯，正呀！冬天良伴！足料，一撈完個溫泉蛋同個汁，個石鍋吱吱聲啲煙上哂黎香噴噴！豬腩片好夠咪又多汁，銀魚仔令成件事個質感同層次豐富咗好多，再加埋其他配菜，好正，個溫度仲keep到成餐飯添！野菜炒年糕屬正常發揮，年糕唔錯，幾煙靭，個汁都好出色，用紫洋蔥好惹味！炒炒絲就真係好正常，無乜特別，好食嘅。我仲叫咗杯洋薏米柑桔蜜，爆甜！重手到可以加暖水一杯變兩杯 lol 。抵咗！lol 服務唔講啦，唔差嘅，正常茶記服務囉。咁嘅價錢同免加一，唔好要求人哋當你皇帝咁服侍。價錢，抵到喊！一家三口飽到爆炸先係

唔知係咪欺詐行為，今日喺馬鞍山廣場間韓樂食早餐，少左炒蛋多士，心諗係咪自己冇落單，結果一直都冇嚟，係埋單時問收錢姐姐，佢淨係話換左新餐牌，個餐牌只係擺左喺收銀枱面上，唔問都唔講，真係離譜，搞Q錯，入門口前應該通知食客，平時已經有人講呢間嘢服務差，自己唔信邪，上星期食左幾日，覺得還可以，結果今日食完，終於見真章，等結束營業啦😡😡😡

一個意大利牛肉燴質素高,味道吸引,八爪魚年糕更加好味,但係美中不足,侍應態度差,叫侍應幫我落單,完全冇有人理會,而且好似玩九咁,叫佢比刀我切食物,但係講完之後成十分鐘,期間多次叫侍應提起比刀,但完全冇視客人,不過果個八爪魚非常好食

馬鞍山韓樂都開咗一排，今日先黎食，試吓個早餐先，因為時間尚早冇人排隊，入去坐低之後用近年好多店舖都用嘅QR code落單，所以店員比較少，可能有啲外地人唔識用QR code落單，所以覺得冇人招呼。好講返今日嘅講乜嘢早餐，我叫咗一個煎雞扒煙肉，菠菜炒滑蛋，茄汁豆，配英式多士 +我一向叫開嘅凍齋啡走甜。雞扒～有啲煎過龍嘅情況，即係個底煎到乾咗硬掘掘。煙肉～正常。菠菜炒滑蛋～其實cut左個滑字會貼近現實，一啲都唔滑，係煎蛋。配菜脆肉瓜～佢路過架啫，冇乜調味。英式多士～真心我睇唔到點英式法？不過好味嘅有蜜糖味，係整個早餐唯一可取。茄汁豆～其實間間都係罐頭㗎喇⋯但係唔知點解佢有陣腥味⋯👅我有試架⋯⋯兩粒咁多。凍齋啡走甜～基本上係凍黑水。後話～其實今朝早餐，唔見有先前有人話服務不佳嘅情況，個姨姨仲好努力，佢啲嘢食你可以當係普通嘅茶餐廳仲係好普通嗰隻，講真$52會有更好嘅選擇，其實餐牌唔好加埋咁多啲形容詞落去，咁樣會更貼近事實，個客少啲幻想就少啲對食物投訴。戴返頭盔先，我覺得唔好食≠你覺得唔好食，好唔好食因人而異。

馬鞍山最近開左間新餐廳系馬鞍山廣場，馬鞍山站A 出口行1 min左右。今日同媽咪叫試下，叫左佢地個特價早餐$36 ，非常優惠。有香草、豬肉、腸、餐肉、煎焗留心蛋、火腿濃湯通粉。火腿粉湯味濃郁，十分美味。又多左個食早餐的新地方。

去到見到門面ok，入面人都唔係少，抱住一試心態，真係無諗過咁難食外賣叫左芝士撈麵，人蔘雞，薯條雞扒。芝士麵好淋，成pat野，味道難食，食完第一啖懷疑人生，食多啖果斷放棄，完全唔想花quota係呢兜野上面，而上面塊雞無咁差，表現尚算正常。人蔘雞湯無人蔘味，雞比唔入味之餘，仲要好鞋，白烚咁款無味，完全唔值，外面啲包裝好既人蔘雞湯好味過佢好多薯條同雞扒炸得太勁，硬得滯。整體而言，伏到不得了，唔會再幫襯。

这店有点意思落单叫半天叫不到服务员 还是隔壁桌local帮忙喊的才来点完不给餐单上了问餐具呢不搭理还是隔壁桌帮忙又把服务员叫来拿餐盒就这店也好意思要服务费，真是服了哈哈哈建议姐妹们避避雷，可别花钱吃气

嗌咗個牛肉炒粉絲加芝士炸雞仲有個蘆薈梨子蜂蜜個牛肉炒粉絲我明明落單叫小油，唔知點解可以食到成咀都係油油膩嘢未啊嗰個炸雞成浸油溢味，頂唔順仲有個杯嘢飲，蘆薈得嗰三四粒，然之後有好多一粒粒唔知乜嘢應該係柚子，口感好差味道都唔掂講完，仲要俾咗123蚊，仲要係用真錢俾冇得用消費券🫤

閒時經過間餐廳 都見佢好多人排隊今日就決定試下叫左三樣野1）辣雞扒炒年糕2）豬骨薯仔湯3）芝士鍋基於芝士鍋又有個爐 拿拿聲食左碟年糕佢味道一般 諗住之後兩樣都唔會太差點知個薯仔湯難飲到一個點薯仔係硬,未熟既,啖湯就飲緊生薯粉水咁, 豬骨係一啲味都無真係煲湯啲豬骨都仲好食過佢芝士鍋都係一般 諗住舊薯仔會好食啲 結果同薯仔湯既薯仔一樣出到去仲見到勁多人排隊無下次