韓樂 (馬鞍山廣場)

營業中

休息中

部隊鍋除咗隻蛋冇嘢係食得落肚 麵嘅質地同味度極奇怪 食落去係呈乾粉狀 係暫時成世人食過最難食嘅麵底 午餐肉同條腸勁鹹 芽菜同菠菜似放咗一星期有陣臭味 又油又霉 杯奶茶甜到想你有糖尿病咁 比平時買台式奶茶全糖至少甜三倍 仲要陣甜味係摻雜住代糖同藥水味本身仲諗住咁平好抵 宜家諗應該係啲食材全部劣質所以成本低 係劣質到一食就食得出難食到頂唔順 食咗1/4唔夠就掉咗 🤮🤮🤮🤮 估唔到第一次寫食評就係因為佢 突登嚟openrice警世呢間嘢永久blacklist 🤮🤮🤮🤮

住喺呢度附近 最近發現咗呢一間嘢 之前已經都買過兩次下午茶外賣 覺得個即炸雞髀薯條好食 今日終於得閒過嚟食一個晚餐 試咗佢個招牌火山排骨同埋人參雞湯 價錢合理 味道濃郁 分量及食物品質都一致地好 買單仲要都係188姐 有埋嘢飲同招呼 所以真係唔明啲人食評話尼間野超級難食到底佢係比緊九千幾蚊呀定係咩心態 嗱總之有圖有真相大家睇相！

從未試過咁難食😂😂嗌左個陸軍部隊鍋，勁淡好似用水煮咁，跟住嗌咗個韓式咕嚕豬，一個字咸😭芝士炸雞都還好既，旦都係唔好食既😭😭😭員工態度都OK嘅，係食物質素勁差🙈

難得又再有韓國餐廳落戶馬鞍山，梗係去試下。估唔到成個體驗衰到一個點 食物煮唔熟，落單超過半粒鐘唔黎，侍應又hea！總之錯得既都錯晒！希望睇到呢個食評既街坊可以三思！馬鞍山其實仲有好多其他野食架！！！！0523左右落單，等左個“雞扒芝士辛辣麵” 四個字，第一次催，侍應聽完走左去無回頭，心諗等多陣d野黎就算。好，到10分鐘再追另一個侍應，麻煩佢返黎話我知追成點，見佢叫完intercom即刻走去同第二個客吹水，叫返佢返黎都只係死狗咁話㕑房做緊，好，等多個幾字,下午茶都過埋，再叫一個侍應追，心諗我係屋企都煮完食埋啦！！！今次真係同佢講唔黎就cut單，即刻攞走我張單去追，好醒，等我想埋單走都唔得！最後等多兩個字先連麵帶單出現。等左超過十個字既辛辣麵！！！我究竟係度做乜！！！！一食, 頂！！！d麵未煮熟，麵芯硬到生架！！！！仲要食食下侍應又送黎多碟！！痴線！！！嬲到好大聲咁叫侍應同㕑房講佢d野生架！又係扮無事咁走左去。。。本來好輕鬆既下午茶最後食到成肚氣！！！呢間餐廳一定blacklist之餘仲一定要推介大家唔。好。去。！！！！

平時係馬鞍山已經食到唔知食咩好，終於有新野，行過見到即刻排隊食～等左5分鍾左右，就安排左坐高枱，餐廳既裝修都幾吸引，餐牌既食物都幾吸引，因為馬鞍山市中心冇韓國菜，所以新奇左小小😆海軍部隊麵$78蜆/蝦/八爪魚/青口/帆立貝/韓式年糕/泡菜/菠菜/芝士/京蔥/辛辣麵材料都幾多，味道算唔錯，不太特別，辣味夠溫泉蛋豚肉石頭鍋珍珠飯$68豚肉比較小，味道都係唔錯，可以接受，無乜特別😂但味道可以再濃味啲～小食：韓式八爪魚$18味道唔夠濃，味道一般，可以過下口癮蜜桃梳打+檸檬柚子梳打每個餐+$8就可以配特飲檸檬柚子梳打都幾難飲😂好似咩味都冇得好勁既檸檬味😂蜜桃梳打冇特別總結：其實價錢都算平，而且食物都ok,下次會再去試其他食物的～

假日行過見呢間野一直以來都排長龍，就咁睇落去賣相唔差。於時就去排隊上試下，排左約10分鐘倒就入到去。咁岩下午茶時間，我地2個人叫左一個窩蛋牛肉飯，一個雞扒芝士撈辛辣麵。每個餐加埋凍飲差唔多$50。嘩頂…難食到不得了。窩蛋牛肉飯係流心茶葉蛋咁既款，再加啲好傑既汁？甜甜地。同埋炒牛肉…難食過吉野家。最慘唔係呢個，係個所謂雞扒芝士撈辛辣麵，雞扒老實講係幾好食。但下面就一埋芝士醬，白灼辛辣麵。我問個職員可唔可以比返包味粉我撈落去，佢地話無味粉，結果就比左支辣椒仔我….我就真係唔明講到明話係韓式辛辣麵點解完全無辛酸麵味都算…芝士你都比啲調味我啦….最終我食左塊雞扒就走人…我對呢間野絕對失望同真係唔會再黎食。亦都唔推薦大家突登黎食。

馬鞍山廣場海柏， 終於新開左韓國菜， 星期六下午午飯時間爆滿， 門口十幾人排隊， 幸好排得快， 15分鐘入得。自助點餐， 不過枱比較細， 2人要夾枱坐， 中間隔板。1）八爪魚石頭鍋飯 $70。。7分涷飲+$3好熱， 熱到辣口食物質素，自已覺得唔差， 配韓式醬， 不過味道唔夠濃及辣。飯都多， 夠晒飽肚。涷朱古力2）韓式牛肉炒粉絲 $64。。6分涷飲／汽水+$3粉絲好槳， 唔得乾爽， 牛肉好少又碎。味道唔太出， 好一般3）魔鬼芝士， 一口雞 $42。。。6分雞炸得太乾， 雞肉唔滑芝士另上， ok, 都夠芝士味。韓式新餐廳開在沙漠馬鞍山， 有新， 自然多人幫襯及試新野。總評： 食物。 因馬鞍山冇韓國菜， 所以比7分。環境。 新開張， 都光猛， 清潔。 7分（格局似升級版的快餐店。）缺點。餐枱太細 。 6分（ 2個午餐加小食， 已經冇位放。）

今晚叫外賣。。。海鮮香蔥煎餅：直徑細過6寸，得幾粒蝦仔同八爪魚仔，粉到無比秘製炸醬拌辛拉麵：無乜味，啲麵一pat嘢咁溫泉蛋牛肉石頭鍋飯：撈完汁都係無咩味真係未食過咁難食嘅韓式食品，樣樣都冇咩味，賣相又差，一定無回頭🤬

以前係旺角食過呢間， 食物熱， 同味道都算不錯，近日聽到馬鞍山開分店， 很開心， 因為馬鞍山一直比覺得係美食沙漠， 再加上韓國餐廳真是欠奉。但今日見到有d 奇怪係馬鞍其他分店價錢不同， 平均貴左6-7 蚊一個飯 😅😅🙈🙈🙈🙈

今日和老婆逛馬鞍山廣場,見到韓樂在這裡開分店,於是便入內光顧下午茶,我們點了韓式牛肉湯粉絲,糖心蛋牛肉飯,魔鬼芝士一口炸雞,香辣青瓜,大豆芽,凍好立克和凍蝶豆花檸檬茶,糖心蛋牛肉飯牛肉味香濃,醬汁香甜,糖心蛋蛋味香滑,白飯軟綿,整份糖心蛋牛肉飯材料豐富,口感十足,魔鬼芝士一口炸雞芝士味香濃熱辣辣,炸雞炸得金黄香脆,肉質鮮嫩,配上芝士口感惹味,佐酒一流,另外我們每款$12加了香辣青瓜和大豆芽,香辣青瓜食落爽脆,辣度適中,食落開胃,大豆芽食落爽中,鹹度適中,最後餐飲加$8配凍好立克,飲落味道香滑,餐廳座位闊落,食物美味,價錢合理,食了一頓好味韓式下午茶