韓牛牧場 (已結業)

餐廳：韓牛牧場 (銅鑼灣)地址：銅鑼灣登龍街28號永光中心3樓銅鑼灣永光中心呢間韓牛牧場 @hanwoopasture 開咗大約半年，佢哋得到韓國官方機構Hanwoo Board認可為頂級韓牛銷售店🎖，主打1++韓牛（韓牛嘅最高級別，相等於日本A5和牛）同濟州最高級別黑毛豬，仲喺全港首間有呢兩款高級韓國肉放題嘅餐廳🇰🇷除咗呢兩款肉之外，佢哋另外一樣過人之處喺用光波爐去做韓燒🔥，有一個自動轉盤，放食物上去轉一圈即喺燒咗30秒，餐紙仲有教埋唔同食物大概要燒幾耐😌。用光波爐無傳統烤爐咁易將食物燒燶，加熱速度夠快之餘仲可以令食物有香脆效果😋✝️1++韓牛韓燒定量午市餐(二人份) $238呢個主打1++韓牛嘅午市二人套餐有1++韓牛牛肋骨肉、韓醬1++韓牛肩胛、西班牙黑豚五花腩、韓式雞腿肉同虎蝦拼半殼青口，豬牛雞羊海鮮同蔬菜樣樣齊🤩。1++韓牛嘅產量稀有，好少會出口，好多時韓國人過時過節先會食。韓牛嘅肉味好濃郁而且肉質軟腍，入口有即融感覺，油花脂肪無和牛咁多，相對無咁油膩👍。西班牙黑豚五花腩切成薄片，豬香味突出，有少少軟骨🤏，連埋脂肪層一齊食更加香口😙。鍾意重口味嘅仲可以配埋麻油胡椒鹽、韓式豆瓣醬

1++韓牛韓燒定量午市餐（二人份） $238定量韓燒包括有牛肋骨肉、牛肩胛、五花腩、雞腿肉、虎蝦同青口。肉類肉質鮮嫩，紅白顏色分佈比例勻稱，虎蝦鮮甜彈牙，青口加左牛油食落香口唔會乾身。食燒肉最怕油煙大，餐廳用嘅係韓式光波燒烤爐，無煙之餘仲有自動旋轉烤盤，烤肉嘅時候好方便。餐桌紙仲寫咗食材預計燒烤時間，好岩我依啲唔識煮嘢食嘅人作為參考。~~~大醬海鮮豆腐湯飯 $78海鮮湯好足料，虎蝦、青口、扇貝、魷魚圈全部都有兩件或以上，仲有豆腐、白蘿蔔、粟米等配菜，份量好足。而湯底味道比較清，唔會蓋過海鮮嘅鮮甜，亦唔太咸，用嚟泡飯或者直接飲都可以。~~~沙律、前菜同飲品都係自助式嘅，十多款前菜小食同生菜都係任食，飲品就以罐裝為主。

韓流襲港已有一段時間，今次又比小編在銅鑼灣找到一家家庭版韓燒餐廳，午餐/晚餐也算價錢相宜。 點餐前先可以盡情挑選前菜任食，近門口一邊是新鮮沙律吧🥗、另一邊是多款小吃如炒菠菜、炒芽菜、中華海帶、炒枝豆等，開胃得猶如個人拼盤。麻辣牛舌是重點推介，厚牛舌入味有口感，前菜也能保持新鮮，唯獨是不見有韓國泡菜，有點奇怪。午餐也十分抵食（二人餐也是二百多），個人推薦「1++韓牛韓燒定量午市套餐」，上菜木盤精緻有質素：韓式牛肋骨及牛肩胛是上等部位，大蝦和青口也夠大隻及新鮮；雞腿肉和五花腩肉呈粉紅鮮嫩顏色，放上枱上家用韓燒爐時不用放油，爐頭會自動亮燈、旋轉及吸油，時間也比傳統的韓燒爐為短，感覺與傳統韓燒不同。我們二人意猶未盡，再點多一個厚切牛舌井，配上生蛋，攪拌醬汁，也比想像中好吃😋 而進食燒肉時可以出去自助櫃拿大量生菜及生蒜片、韓式燒汁伴碟，那就不覺油膩。這裏飲品也是任點，晚上更可以飲韓國燒酒及有多款韓國雪條作甜品🍮 臨走前看見好像有一間包廂，10人舉行小型party或韓燒自成一角，地方整潔。這間餐廳暫時開業兩個月也算新淨，Farewell同事也可以考慮。

坐落於銅鑼灣登龍街有間主打韓牛放題嘅餐廳叫韓牛牧場，星期一至五晚餐時段分兩種價錢($278/成人 $198/長者 $158/小童 19:15前離座或21:30後入座); 而我食嘅時段係1700-21:30時段, 價錢係 ($298/成人 $218/長者 $198/小童 )首先會有一份 4合時令海鮮拼盤； 有海蝦，蒜蓉帆立貝，牛油青口同墨魚仔。隨後有：4合安格斯牛肉盛同醬油蝦！醬油蝦响放題嚟講真係好少見，不過呢幾款都係得一份，唔包括在任點嘅食物之內。刺身放題第一round我哋叫咗：三文魚、立魚、墨魚片、北寄貝、八爪魚、生虎蝦、希靈魚、鮑片 。而肉類同熟食放題有超多選擇：韓風味：炒年糕、炒粉絲、泡菜豚肉炒飯、東大門炒烏冬、黑椒炒牛舌韓炸物：韓式炸雞、泡菜餃子、椰汁流心球、紫心香芋丸天婦羅：海老天婦羅、南瓜天婦羅、一口甜薯天婦羅、茄子天婦羅而外面嘅沙律自助吧有：菠菜，辣青瓜，牛舌，蓮藕片，芽菜，辣白菜，青瓜絲。 韓式湯類：海帶牛肉湯、大醬豬肉湯、三文魚豆腐湯。仲有任飲汽水，茶，同啤酒。仲有大量韓式雪條任食！食完真係攬住個肚走。📍 銅鑼灣登龍街28號永光中心3樓

1++韓牛韓燒定量午市餐（2人份）1）韓牛肩胛：油脂不多，肉質有少許實2）牛肋骨肉：軟淋，油脂不錯，有牛香3）西班牙黑豚五花腩：用心燒到變脆身，好香口，無豬嗅味，不錯不錯4）韓式雞腿肉：雞質出奇多汁嫩滑，加少少樣鹽已經好正5）虎蝦：爽口彈牙，夠大隻6）半殼牛油青口：附上牛油很細心，殼外青洗得好乾淨7）翠肉瓜：有夠厚身，燒到熟仲有好多水份8）雞髀菇：因爐沒有油關係，呢個有點乾身9）茄子：完全唔落油，慢慢熱乾變熟，估唔到都好好食另加火炙1++韓牛丼$138 ：好多片肉，只可惜飯底濕左少少但整體不錯出面自助韓式前菜都好好食，我地食左幾轉🤣

韓牛牧場 (銅鑼灣)今日同朋友去左銅鑼灣食放題慰勞自己，呢間選擇都好多🥰❤️幾推薦😝6色刺身拼盤🦪🍣刺身選擇多，而且都好鮮甜😋三文魚肥美好食～韓國醬油蝦🍤好有韓國風味😋食完韓牛食下呢啲都唔錯架☺️四合海鮮拼盤🦪海鮮拼盤有帶子同蝦等等，味道都唔錯😍安格斯肉眼扒（定量）🥩肉眼嘅牛味好重，油脂都好香😋世子牛盛🥩世子牛盛有四種唔同嘅牛肉，每一款嘅味道都唔錯，而且唔會好柴❤️安格斯肩里脊🥩呢款聽落係最高級，食落都無令人失望😋牛肉味重❤️安格斯一口牛粒🥩一口牛粒放入口真係好正，肉質嫩滑肥美，口感正🥰🥰韓醬醃安格斯牛仔骨🥩呢個個調味做得真係好好！好入味🥰對於中意食牛仔骨既我嚟講，表示幾滿意，推薦推薦！韓醬醃安格斯牛胸肉🥩好少食呢個部位，食落都幾驚喜😋大家可以試下架海鹽牛舌🥩厚厚一塊，食完好滿足😚韓式梅花肉🥩切到好薄身，所以好快熟☺️肉質都幾好🥰雞腎串🍢好有咬口又彈牙😉調味都做得唔錯翠玉瓜🫒燒完好juicy😝可以解解肥膩牛油金菇金菇配埋牛油真係好邪惡，菇味都好突出🥰菠蘿🍍燒完真係超甜！食燒肉必叫配菜😝小甜薯🍠有牛油係底，日式甜薯燒完暖粒粒😚又甜又好食😛韓式炸雞🍖炸到好香脆😝雞肉嫩滑，唔會好乾都唔會柴😋炒烏冬🍜佢

同朋友去咗銅鑼灣行街，見肚餓就上咗呢間樓上餐廳醫醫個肚先😋1++韓牛韓燒定量午市餐（二人份）$238🐂🐖🐓🦐🥗🍆呢個二人套餐都幾豐富㗎，雖然主題係韓牛，但都有唔同嘢食，包括：牛肋骨肉、韓牛肩胛、五花腩、雞髀肉、青口，仲有蝦添呀😍🦐除咗肉類，側邊仲有啲茄子、菇可以一齊燒，咁就唔驚會食到好滯，罪惡感都唔會咁大🤣-最鍾意係啲韓牛，油脂分布平均，食落去都幾嫩！其他食材都好新鮮，唔會有任何腥味。不過要留意嘅就係燒嗰陣記住要睇火，唔好燒咁耐，如果唔係就會好易燒到乾曬🫣但餐廳好貼心地係餐紙印上唔同種類嘅食材要燒幾耐，唔識掌握時間嘅話就可以留意返喇宫廷人蔘烏雞湯-跟飯（2人份）🐔同朋友仲嗌多咗個蔘雞湯食，人蔘味好足，雞肉亦都好嫩，湯飲落覺得好暖胃，好舒服～仲有好多唔同嘅韓式小菜任君選擇：）

睇完韓國綜藝節目，就想去韓燒食個晏。見韓牛牧場個名，似乎係好嘢喎。上到去一入門口就見有一排沙律同埋韓式前菜坐低見到個餐牌有二人韓燒餐睇張相好豐富咁為起上嚟一人百零蚊仲有沙律飲品同埋前菜任食好快就上菜，佢上到嚟份量似乎冇咁多佢個韓式燒烤轉盤無需預先加油，但唔知係咪我啲肉唔係咁肥佢哋全部都癡晒喺個盤度。我哋見唔係幾夠食點多咗個飯火炙1++韓牛丼佢烤得好過我自己烤，韓牛肉有牛味又嫩。韓式前菜種類都幾多，但係佢冇refill 過，除咗第一次攞咗最後兩小片牛舌之後就冇見過佢啦。

韓燒唔係燒，係用光波爐烘乾⋯韓牛應該可以，不過烘乾⋯再靚的牛都浪費了，沒有肉汁海洋拼盤帶子偏黑，唔敢食，其他ok飲品款式都可以，甜品韓式雪條，種類多侍應態度非常好

難得和老婆出銅鑼灣食飯，左揀右揀，最後揀左呢間食韓牛放題120分鐘每位$438，未試過食到咁冇心機，食到收哂口。個韓牛簡直中哂伏，又冇牛味又硬，啲所謂黑毛豬一陣蘇味，豬腸又有陣屎味，真係冇樣掂。個垃圾德國x光波爐，燒出黎啲野原全冇哂肉汁，乾到pk，咬到咬唔到。最慘食完兩個人返屋企都肚痾，奉勸大家唔好信啲好評，今次我都係第一次寫食評，簡直係唔寫唔得，兩個人食成千蚊俾啲咁既質素你，出面大把選擇，唔會再有下次。

之前已經食過韓牛牧場，今日想食韓燒所以encore☺️-今次食世子牛盛（120分鐘放題），入面包左刺身&海鮮拼盤，冷盤前菜，韓牛，壽司等等超級多野食😆野飲同雪條都係任食，仲可以加$28飲燒酒配韓牛一流🍻-一去到店員就勁快上左刺身&海鮮拼盤，醬油蝦，安格斯牛肉盛盒，仲好耐心咁教我地點樣燒👍🏻真係估唔到放題會有醬油蝦食🤣-牛舌同蝦係必點！牛舌加胡椒鹽呢個組合無得輸，大家一定要試下😋蝦係好新鮮好彈口，我食左好多隻🦐🦐🦐

今日嚟銅鑼灣呢間餐廳 「午市套餐」超豐富，冷盤小食．沙律．飲品半自助放題形式，超滿足。主打嘅韓牛有質數「1++ 韓牛韓燒定量午市餐」充足嘅兩人份量「1++韓牛牛肋骨肉」肉味濃郁，沾上醬汁都唔會蓋過牛肉味「韓醬1++韓牛肩胛」好喜歡牛肩胛，韓燒絕對不能決少「西班牙黑豚五花腩」烤出油脂，入口嘅感覺完全唔會肥膩，仲好香口「韓式雞腿肉」雞腿食得多，呢度嘅雞腿肉係超級嫩滑，仲好厚肉，烤完都唔會乾身「虎蝦拼半殼青口」大大隻虎蝦，好爽口，蝦頭盡是蝦膏「火炙1++韓牛丼」熱辣辣嘅丼飯，韓牛舖滿喺面層，薄薄一片，但牛味濃郁面層幼滑嘅蛋王，撈一撈...完全溶入米飯，令口感更Juicy食物有質數，下次要試晚市放題

今次又相約朋友黎食-韓牛牧場，揀咗世子牛盛120分鐘放題套餐，$298/位+1。餐廳用QR code 自助落單，光波爐燒烤，無咁多油煙味，燒完既肉無咁油膩，而且牛既質素都好好，實在值回票價。坐定定，職員就立即送上6色刺身拼盤、4合時令海鮮拼盤、4合安格斯牛肉盛合及醬油蝦，非常豐富。自助區任取多款前菜、熟食、湯品及飲品，竟仲可揀啤酒。沙律全部都好新鮮，最中意佢啲生菜，新鮮爽脆，包住燒肉食可解膩，食多幾轉肉都唔漏，好正。雪糕櫃有多款獨立包裝韓式雪條，非常好。牛類有安格斯肩里脊、安格斯牛胸肉、安格斯肥牛、安格斯一口牛粒、韓醬安格斯牛仔骨、厚切牛舌等等，推薦要食。牛粉腸超正，encore幾次，上枱系急凍既，但煎熱後好香，好中意食。豬類有西班牙五花肉、西班牙梅花肉、豬頸肉等，都好味，必食。我地好中意燒多春魚，職員好細心，提醒我地多春魚難燒，如需要可叫佢幫手調教光波爐溫度，以便燒多春魚時唔怕痴底，跟住我地突發奇想，用翠玉瓜墊底，將多春魚放上面，真系成功咗，多春魚燒得乾身之餘仲完整無爛，超正，所以再encore幾次多春魚，哈哈。炸物都系即點即炸，上枱熱辣辣之餘，咬開後仲會冒煙添，椰汁流心球、紫心香芋

俾啲好評呃咗而來 食完真係超級失望覺得自己好嘥時間首先呢間嘢價錢都唔平叫咗一個拼盤 諗住乜嘢都有啲 可以每樣試吓點知二百幾蚊 比佳寶嘅貨色我兩隻蝦 但啲蝦一啲都唔彈牙！霉嘅！牛有豬潤味 都真係第一次食叫做有味 好食啲嘅 竟然係豬肉同雞肉..真係令人好失望其次係個環境 坐得唔舒服四人枱坐 三個人都嫌多佢個光波鐵板爐真係十級危險超級熱又彈油 真係一個唔小心會有意外第三個人咁近過爐哄到超級熱受苦完諗住走啦行去廁所得嗰一格唔乾淨都唔係問題 點知廁所入邊有嚿屎喺度真係暈 都唔知啲好評點嚟 真係嬲嬲地

今日同朋友嚟咗銅鑼灣食韓燒放題，實屬高質， 3百幾蚊有海鮮、魚生、各式肉類真係好抵😋。放題嘅頭盤有魚生、安格斯牛，入口鮮嫩。我最鐘意係餐廳嘅醬油蝦，入口彈牙、爽口。另外，餐廳只要加$28就可以有韓國燒酒飲，真係韓燒嘅最佳配搭。下次一定會再同朋友再嚟！！😁😁