影片
港鐵將軍澳站 A2 出口, 步行約6分鐘
繼續閱讀
營業時間
今日營業
11:00 - 20:45
星期一至日
11:00 - 20:45
以上資料只供參考, 請與餐廳確認詳情
食家推介
最近受到Nextflix烹飪比賽節目黑白大廚嘅熱潮影響，都多咗想食韓國菜。而普遍喺香港嘅韓國菜價錢一向都偏貴，不過喺將軍澳既Parkside Food Court就知道有一間價廉物美，而且係由正宗韓國人主理嘅韓國料理。平時喺Parkside Food Court都見到有好多學生哥個同附近工作嘅人士光顧這間餐廳。由於今日有事要係屋企處理，所以就選擇咗外賣平台嘅送餐速遞服務。今次叫嘅有韓式牛肉拌飯，紫菜炸粉絲卷，同埋海鮮豆腐湯。呢三款食物都可以算係韓國料理入邊嘅代表食物，佢嘅牛肉拌飯牛肉嘅調味同口感都唔錯，加埋各種配料同埋韓式辣醬汁撈埋一齊食之後十分惹味，炸紫菜卷亦炸得香口，而海鮮豆腐湯亦都相當足料，用咗經典韓國嘅辣大醬煮成，相當好送飯，一般叫韓國湯飯跟你嘅一碗白飯都唔夠食，下次最好喺屋企煲定白飯
繼續閱讀
將軍澳木馬工房-韓虎家🐯尋日我去咗將軍澳木馬工房入邊嘅韓虎家，買我最鍾意食嘅牛肉拌飯同埋牛肉飯卷，非常好味🤤❤️牛肉飯捲🌯 呢款飯捲嘅牛肉味道唔錯，肉質嫩滑，飯捲入面仲有啲蔬菜，增加咗口感，整體嚟講幾好食🌯。牛肉拌飯（套餐）🍛 牛肉拌飯嘅牛肉調味適中，飯粒鬆軟，加埋啲配菜，食落去幾滿足，份量亦都啱啱好🍛。辣豬肉拌飯（套餐）🐷 呢個係我嘅最愛，辣味啱啱好，唔會太刺激，豬肉亦都唔會太油膩，配埋飯一齊食，好有滋味🌶️。韓虎家嘅環境舒適，服務態度亦都唔錯👍。整體嚟講，呢度嘅套餐選擇多樣化，味道平均，值得一試。下次有機會，我會再嚟試其他菜式！@trojanfoodclub 木馬工房 ( 將軍澳) Food Club📍 韓虎家 (The Parkside Mall) (將軍澳)將軍澳唐俊街18號The Parkside Mall 1樓木馬工房02號舖#木馬工房 #外賣 #美食廣場 #將軍澳美食 #韓虎家 #OurLittleDream #Ben哥米線 #外婆雞飯專門店 #KAi #金馬燒 #卡路里foodies
繼續閱讀
上星期六去朋友屋企附近揾食，揾到呢間正宗韓國人主理+CP值高嘅小店。我哋兩個人點咗以下嘅餐點。。。1️⃣牛肉拌飯$62滿滿嘅新鮮食材配上珍珠米，有紅蘿蔔絲🥕、翠玉瓜、大豆芽、冬菇🍄、牛肉🐮、煎蛋🍳、紫菜，份量十足，好健康，好好味。👍🏻2️⃣魚糕湯$50除咗爽彈嘅魚糕外，仲有清甜嘅白蘿蔔，湯底鮮甜。👍🏻3️⃣酸蘿蔔$15白蘿蔔爽口無榨，醃得入味，味道酸酸甜甜，好醒胃。👍🏻4️⃣大豆芽$20口感爽口，有麻油香。👍🏻5️⃣炸紅薯芝士條$38紅薯🍠口感軟糯，芝士🧀️有拉絲效果，芝味香濃，好正。👍🏻6️⃣炸豬肉餃子🥟$35外皮炸到外脆內軟，肉餡新鮮多汁，回味無窮。👍🏻下次想品嚐佢哋嘅紫菜包飯、辣炒年糕、炸醬麵！😋
繼續閱讀
韓虎家 📍將軍澳唐俊街18號The Parkside Mall 1樓木馬工房02號舖位於Parkside美食廣場的韓國料理小店由韓國人主理🇰🇷💯👍🏻不論小食、定食、拌飯、韓式炒麵、炸雞、甚至人參雞湯都有我叫左幾款食物🤝味道認真唔錯而且食物即叫即製😗夠哂熱🔥同埋價錢相宜💰性價比高。蒜香豉油炸雞 🍗$45 /4隻個炸雞雞皮夠晒香脆配上秘製嘅蒜香豉油真係好好味下次要試埋其他嘅口味先🤩🫶🏻💯。炸香腸夾年糕串 $38我都係第一次🤪配上芥末醬好惹味跟左兩個主食～份量好足😎而且個調味好正😝仲跟埋紙包飲品😎。辣豬肉拌飯 $58辣豬肉🐖辣得好過癮配上大量甘筍絲、冬菇絲、翠玉瓜片同雞蛋🍳😎豐富又好味。韓式炒粉絲$62可以簡牛肉/雞肉/豬肉😋仲跟埋雜菜😎個粉絲好味又開胃大家如果想食韓國菜～可以一試叫禁多款食埋～埋單$203😎好抵食
繼續閱讀
鍾意食韓國🇰🇷野嘅朋友，一定要試吓呢間❤︎︎韓虎家❤︎︎小店，味道好之餘，價錢合理，款式都幾多選擇，韓式飯/麵/前菜/湯/小食，樣樣有齊，呢到Food court岩岩新裝修，好乾淨企理，都好多座位，order完之後，店員會比個電子牌你，個牌一嚮就可以去拎啦，超級方便。❤︎︎牛肉飯捲❤︎︎$48🌟必食推介😋飯捲餡料超豐富，有泡菜，醃蘿蔔，青瓜，雞蛋，紅蘿蔔，牛肉，啲飯軟硬度適中👍🏻飯捲好紮實，口感豐富，我一口連續食左四舊，我買嘅時候得返最後一盒咋。❤︎︎韓式炒粉絲拼牛肉❤︎︎$62即叫即炒，我等食嘅期間重聽到師父嘅炒餸聲，粉絲爽滑Q彈入晒味👍🏻而且配料超多，我lunch就噤食呢個粉絲都飽晒。❤︎︎炸醬麵❤︎︎$58麵條彈牙，醬料濃郁，配料有青瓜絲同半隻雞蛋，隻雞蛋重暖架😋❤︎︎粒粒梨汁❤︎︎$10韓式粒粒梨汁，入面重有梨肉😋清甜潤喉，香甜解渴。
繼續閱讀