響茶 (獅子石道） (已結業)

✨ 杯杯西柚紅茶（25%糖）（50%冰）（$29）（加珍珠 +$3）➡️（$32）紅茶底加咗檸檬，估唔到西柚絲都幾多令口感幾豐富，珍珠軟硬適中。✨ 碳焙烏龍（$17）（0%糖）（25%冰）（加芝士奶蓋 +$9）（加芋圓 +$5）➡️（$31）芝士奶蓋偏淡口，小芋圓幾煙韌，茶底幾濃厚。

👉D24榴連芝士奶蓋 $49杯飲品係碎冰嘅，所以無得少冰，不過佢應該係同榴連一齊打匀，我買左之後其實唔係即刻飲，所以d冰應該溶溶地，但係咁樣我反而覺得幾好😂唔會超冰凍同有冰粒，係飲緊好杰嘅榴連肉咁。。榴連味方面我覺得夠，個口感嘅榴連肉厚度都好夠，唔會太杰岩岩好，甜度都ok唔會好甜👍🏼。芝士奶蓋方面，都有3cm厚呀，我淨飲左一下芝士奶蓋，覺得咸度好似多咗少少，芝士味都有嘅。我自己有整過芝士奶蓋飲，如果太少鹽芝士味係會無咁出，不過呢個咸味多左少少，可以淡返少少。。整體黎講我覺得杯飲品好飲，雖然$49好似好貴，不過市面上嘅芝士奶蓋飲品都大概呢個價錢，而呢杯仲係榴連，所以我覺得價錢可接受。飲完唔膩，唔會口渴，同幾飽😂。衛生方面點解我會扣分呢？因為我買嘅時候佢哋咁岩搬緊貨入去，搬咗入去d貨擺地下，咁好正常，不過疫情之下我會擔心你搬完貨有冇洗手先沖飲品，同埋我睇住入面嘅妹妹仔沖沖下我杯野去左拆貨😃雖然拆完之後佢其實只係掂到水壺嘅手柄，不過最好清潔下先掂啦。。。即刻follow埋ig睇更多美食分享啦！🌟iamfoodienana

佢哋可以透過WhatsApp落單 之後再去拎 叫過三四次 只有一次咁啱員工冇留意電話 但都可以接受 另外嘢飲方面芋圓麻麻哋 茶底都一般 茶底比較鞋口 奶蓋反而唔錯 所以就要個人自己判斷下要唔要試佢嘅奶蓋 因為佢奶蓋係芝士 所以好好飲

響茶分店唔算多，有日難得經過九龍城，試下最近好多人介紹榴連奶蓋。榴連唔係個個鐘意，鐘意榴連，就覺得呢杯好正，榴連味好夠好香好濃👍🏻👍🏻有機會試麻佢其他產品

平時成日都黎幫襯，次次買都係六七八杯咁買返去同同事一齊飲。琴日中午時分去到貴店買左六杯飲品，其中有三杯係紫薯芋泥鮮奶波波。但飲左幾啖發現，三杯既芋泥都係有強烈既酸味，懷疑已經變壞。有同事第一次飲唔知，直程成杯變壞既都飲曬。每次我都係揀買呢個口味，都係好好飲，但今次質素真係好差，好令人失望。wts貴店同佢地反映返件事，但得到既回覆得三隻字：好，感謝。咁既回應去應對一個投訴，連一句抱歉或者唔好意思都冇，呢啲態度真係令人唔想再幫襯同支持。亦都唔知佢地事後係咪真係有認真去重新檢察食物既品質，定由得變壞既食材繼續供應比下一位既客人食用。我同我同事都因為咁，而搞到腸胃不適。都已經唔想再wts貴店，不如直接上黎openrice講，第一次openrice食評就送比貴店啦，全公司同事都決定唔再幫襯。

未飲過咁難飲嘅珍珠奶茶，雖然係$20好抵又大杯，但真係飲一啖就唔會飲，唔知飲緊茶定奶定水，似係用好多水溝稀左嘅奶茶，珍珠份量又少，不過都唔緊要因為都唔好食。水果茶$35質素都唔係好，水果唔新鮮，真係飲一次都嫌多…台式飲品我飲咗咁多年，真係冇乜邊間差過佢…..會唔會只係呢間分店先咁差？見佢仲有好多其他飲品牛油果、紫薯污泥等等影相都好吸引，但飲過一次之後真係有陰影，或者等其他人再俾多啲食評，先會考慮再唔再挑戰….

住九龍城區許久，附近都可sharetea都試過，便想試試看響茶。點了一杯“香芋珍珠奶茶”。店面環境不錯，服務態度也幾好，價格也平，只是奶茶拿到手上，便感覺廉價。雖然20蚊並不讓我期待它會有幾分好飲，只是看這顏色，就有一股7蚊8蚊的廉價感，仿若回到小時候，超市裡賣的那些袋裝香芋味飲品😰，對比起來，一旁的coco都可的“奶精”奶茶反而還更高級一些。打開之後，果不其然，也是意料之中的味道，倒是珍珠幾有嚼勁，還算過得去。飲了兩口，終歸是太難喝，丟掉了。雖然不知高價一些的奶茶同果茶會不會好些，但這個“香芋珍珠奶茶”，我勸你不要嘗試——真的幾難喝🤔

建議：方便榴槤控 止癮🥤今次同榴槤控 Fd子出到炮台山 ，本身打算去半島冰室 D24榴連西多士 ，不過最後都係比半島菠蘿包 同扒丹佛芝士三文治 吸引左🤤 為左止Fd子既榴槤癮，最後就行番去橋底一戰響茶既榴槤D24四季春 🥤半島冰室仲有另一款好想食既芝士咖喱咸牛肉西多士 ，但因為轉左餐牌所以今次無得食，希望黎緊快啲出番🤤 今次試左：▫️四季春D24榴槤 (HK$49)黎到冬天，估唔到仲有榴槤產物。Fd子一開始見到個價錢都爭扎左好耐，但飲完之後又係咁話物超所值🤣 價錢上相比其他茶飲真係貴好多，不過如果當榴槤甜品咁試，好似又講得通😎 唔試永遠唔知伏唔伏呀嘛。一打開杯蓋巳經，有陣好香既榴槤味。面頭仲有層奶蓋😆 奶蓋有3️⃣種口味揀，除左一般茶飲店會有既原味 同芝士味外🧀 仲有一款特別口味，就係－班蘭奶蓋。為免遮左榴槤味，所以揀左原味。飲落唔膩之如同榴槤都幾夾，榴槤既部份真係好正🤤 濃得黎夠滑。Fd子飲完之後不斷話，真心上癮😆🥤▪️班蘭奶蓋+鐵觀音 (走甜走冰 HK$24)過左幾日去到九龍城，發現係商場對面又有響茶。醒起Fd子話個原味奶蓋唔膩，仲有特別味。所以作為#奶蓋控 既#試仗專員 決定一試班蘭味奶

係九龍城廣場剪完頭髮之後出黎，見到對面街有間台式飲品店所以就行去望下，見到有斑蘭奶蓋好吸引，所以叫左個無糖四季春斑蘭奶蓋，另外佢地都接受自攜杯既。個斑蘭奶蓋好稀，好薄，飲左兩啖已經好似要俾d茶沖散曬，有少少斑蘭味。得減少奶蓋有d失望，唔知係咪因為自攜杯所以有差別，可能用佢地既杯會好d？

星期三下午我乘搭巴士，在「馬鞍山」「頌安商場」裡面，享用完很濃厚「蒜頭」香味的炸雞食品套餐、很重「忌廉」酸味調味粉的炸薯條，還有很重「士多啤梨」甜味的雪糕甜品作為下午茶。之後我立刻前往位於「頌安商場」旁邊的港鐵「恆安站」，趁晚餐時間還未正式來臨之前，乘搭「屯馬綫」前往位於「九龍城」的「宋皇臺」，希望在晚餐前購買享用外賣手調台式飲品。原來「九龍城」雖然屬於雲集不同食店的美食地區，但是我發現自己偏偏在「宋皇臺站」出口附近，尋找不到太多手調台式飲品店，需要走到「九龍城」核心街道「衙前圍道」，慢慢發掘台式飲品店。結果我在「衙前圍道」找不到理想的台式飲品店，反而需要在「衙前圍道」接近「獅子石道」路口再轉右拐，走入「獅子石道」接近「賈炳達道」盡頭位置，才找到台式飲品店「響茶」。我一看完「響茶」掛在牆壁上的餐牌價目表之後，就發現自己終於找到，少數符合自己一向台式飲品口味喜好的飲品店，至少「響茶」廚房有製作「水蜜桃紅茶」飲品。我現在享用的首選手調台式飲品，是擁有濃厚「水蜜桃」甜味，和濃厚茶味的「紅茶」茶底的「水蜜桃紅茶」。不過我看見「響茶」製作的「水蜜桃紅茶」飲品正式名稱，叫做「36D水蜜桃水果」。然

叫左杯抹茶紅豆鮮奶，少冰走甜，再額外加一份紅豆，冇諗過原來double紅豆都係得咁少，而抹茶味比較淡，有啲失望，一共35蚊😭😭😭😭😭😭😭😭😭😭

第一次飲響茶，看到menu好多好想飲，小妹本身系水果茶控🥰😋見到佢地招牌水果茶就毫不猶豫落單，以為叫少甜...味道上會爭少少🤏，但系一樣超好飲😋茶好香水果粒粒又勁多🥰下次要試埋其他茶飲😇

平時飲開阿薩姆同鐵觀音珍珠奶茶，茶香，奶滑，珍珠夠q彈，價錢平，出面細杯都23蚊，李度20蚊超大杯！好低飲！天氣熱又吾想食野飲返杯珍奶真係無得頂！真係可以頂一餐😂今次我就試左黃金鳳梨配芝士奶蓋，我特別鍾意奶蓋！李度既芝士奶蓋好正呀！真係要試下，芝士味香！咸咸地！口感好滑！一試愛上！黃金鳳梨表面係奶蓋（我記得奶蓋好似有3隻味揀），中間係沙冰，最低係菠蘿肉！3層口感！我鍾意一開始就分開試左個口感先最後就撈埋一齊！鍾意清新既一定要試下！下次試下個D24榴連先！好似係限定！