影片
以上資料只供參考, 請與餐廳確認詳情
招牌菜
今天和MC小姐相約了睇戲，入場前沒能趕及吃點東西，只能散場後再作打算吧！時近十點多，在這一般食肆將近Last Order的尷尬情況下，想去一街之隔的Paisano’s營業得較晚，應該是快、靚、正的選擇，不過MC小姐看著大大片的Pizza卻嫌太大件，最後唯有隨便選擇了同廈一間叫「響」的日本料理店。不知是時間關係還是質素問題，店內就只有一枱客人，侍應放下餐牌，特意提醒我們每人有最低消費，綠茶要二十個大洋一位，我原以為是淨飲就收二十之類，因此沒太在意。可能過了吃飯時間，已不太肚餓了，看裝潢大約可猜出是裝修較型格的港式日本料理，因此壽司刺身就可免則免了，點些小吃熟食才是王道。MC小姐愛吃蕃茄，點了一客冷蕃茄，侍應再次提醒我們有最低消費，我認真查詢下，才明白點原來單單飲綠茶也要收二十個大洋，若點選其他超過二十個大洋的飲品就可括免。還真是挖空心思！因此MC小姐點了杯Cranberry Juice，我則要了杯巨峰Soda。前菜在這種其怪規定下，我也不得不「先少人後君子」地問一下，前菜是否要錢？某些日本料理的確會提供前菜，而且會計入帳單，這裡卻相反，綠茶要錢，前菜卻免費，鱆紅魚薄切，賣相還算不錯，不過味道也不過如此。凍蕃茄侍應捧來一大盤冰，上面放一個切片番茄，旁邊插著一小杯抽子醋，還有很心意放上一支葉片及菊花作點綴。一般日式凍蕃茄最少也會煮熟、去皮，浸上清酒或醬汁掩漬，像這些奉上一個切片的生蕃茄，還真的要向廚子說聲：辛苦你了！味道也用不著介紹，就是生蕃茄加柚子醋，只能說這道蕃茄與我預期的有極大的差距。Cranberry Juice侍應稱之為金巴利汁，其實就是一杯由紙包倒出來的Cranberry Juice。巨峰 Soda為了避免飲菓汁先生或菄粒橙，遂點了杯巨峰梳打，命運也不見得好了多少！巨峰梳打沒什麼巨峰味，雖然食材價格上升，拜託也擠多一兩滴巨峰糖漿可以嗎？三文魚茶漬飯三文魚茶清飯竟然用斧鍋盛載，感覺有點奇怪，侍應幫我們把茶倒入鍋內！而飯與湯似乎也比較熱，我先舀了一碗給MC小姐，接著我舀給自己時，飯粒已開始發脹，無他，全因釜鍋導熱快的優點，卻成了這道茶漬飯的毒藥。三文魚有兩大片，已煮成全熟，吃起來有點粗糙，飯越吃越爛，毫無質感可言，可以說根本感覺不到自己在吃茶漬飯。響的內在環境頗為幽暗，可能想營造一種半日式料理半Bar的環境，因此就連綠茶也要收費以「鼓勵客人」點些飲品。當日只宥兩枱人客，侍應服務尚算到位。不過食物水準就的確令人卻步，綠茶也要收二十個大洋就更令人心寒，其實只雖換作前菜收費，感覺已良好許多，而且最少客人可以「要唔要，由我揀」！結帳也要二百個大洋，羊牯做一次就夠了！Berlin
繼續閱讀
原價要收$888/位既於題, 見Openrice 有62折即管試試...以售價來看, 店鋪想走高檔路線.觀看店內環境裝修不俗, 有酒吧, 長sofa.可是酒吧位能望通廚房並感覺到光管及烏絲燈的對比, 實在不太自在.第一道菜:生蠔: 每人送半打; 味道唔錯, 細隻得黎夠鮮甜刺生: 每人一客, 材料不俗及新鮮; 美中不足是, 為何wahsibi 不是用較高級的手制呢?松葉蟹: 可任食, 但不夠甜. 比想像中差了點火鍋菜: 任食美國和牛: 任食; 夠簿, 雪花多少適中, 肉質鬆軟總結: 材料及店內環境尚算不錯. 但如果以正價$888 /位, 絶對不會有第一次的惠顧.而有折扣後也只此一次. 因$400 /位, 我可以去享受酒店自助餐, 多款式, 環境更優美及服務更佳.
繼續閱讀
期望高，但現實終歸現實！在openrice看別人的意見時就10分期待了，今天主要試的是串燒，但整體的感覺一般，對於串燒來說，應該不能用串燒來形容！只有串的東西，沒有燒的！但對於每樣食物上檯時的Presentation真的覺得不錯，例如虎蝦下是用乾柴枝墊底，虎蝦在上，感覺很高尚。而串燒上檯是放在一個木爐上，下面放有加熱的石頭，有煙及感受到小許餘溫，也讓人眼前一亮啊！食物的味道雖然一般，但價錢真的不一般！3人共吃$950，是下午時段！
繼續閱讀
今日有個國內D朋友黎香港玩兼探下我，咁我個朋友就話去穩個安靜地方食D好嘢，因為之前有個朋友極力推介過加拿芬有間日本餐廳HIBIKI，環境優雅高級，食物高檔又吾系太貴。一直就唔到時間結果無去到，今次機會黎啦，咁就訂番個位同朋友一齊食餐ＨＡＰＰＹ下。到咗呢間餐廳果然沒令我失望，環境設計非常有品位，朋友都直誇好靓，放D輕柔日文歌感覺好舒適。入座後，侍應好細心講解價錢包括啲咩，介紹餐廳歡迎食肆, 又好細心幫我地圍餐巾。好，出動。。。。首先，當然要食即開生蠔啦，廚師為左新鮮，唔會一開始就開定好多，蠔身都偏溥，但海水味十足，好鮮呀，唔係浸鹹水個種。剛剛開出D生蚝真系新鮮搶口，加生檸檬去掉腥味，再配上辣椒醬，成個生蚝落口，好滑好鮮甜。之後冷盤，刺身有著新鮮D顔色，我們只系鍾意食三文魚腩，蘸上芥末醬油，滑入口中，鮮嫩甘香，毫無腥味，品質不俗，可惜擺盤很普通。親子甜蝦壽司呢個真系不容錯過，比國內什麽花之戀好吃不是一兩倍嘛，一定要一口吃掉，感覺滑溜鮮美的甜蝦和一觸即破的大大顆魚子在最裏面融合出奇妙的味道，有點鹹，有點甜，很鮮，微微腥，少少醋飯的酸，和米粒的甘，好難形容，記得要試。蟹肉醸乌贼睇落賣相唔錯，食用起來口感都算特別，第一次試過用乌贼包嘢食，外脆內香。蔬菜海鮮卷呢個鍾意食，薄薄D蔬菜餅皮包咗蔬菜青瓜絲，再加D魚肉蟹子，口感都幾清爽架。蛤仔海鮮湯做得味道都幾好，蛤仔鮮甜多肉，湯汁香甜。食咗好多海鮮，點番個串燒。肉串新鲜夠大塊。由於雞肉天生比牛肉嫩些，因此這兒的雞肉串燒也比牛肉好吃，但牛肉串的味兒又要濃過雞肉。烤肉串也是很考廚藝的，往往為了烤熟卻令到肉質還韌，所幸這回就沒這毛病，算軟腍。食咗咁多美食真系好滿足，下次定會再幫襯過。
繼續閱讀
平時睇OPENRICE 睇得多, 今次終於的起心肝第一次寫食評, 睇新假期介紹2013 必食食府, 見到有周栢豪,連詩雅做廣告既Hibiki 響, 好似幾唔錯wor~ 於是同BB去試下先~一去到, 超多位, 正~服務都幾好~ 一開始叫左個墨魚釀蟹肉同油甘魚刺身, 個墨魚餅都幾好食, 不過無乜蟹味, BB 就話似食緊荷包蛋咁.. 刺身就普普通通LA, 唔難食, 不過唔出色...然後到主菜... 串燒都幾有heart ar... 全部串燒都有個爐仔熱住...牛舌,雞翼, 豚肉噹噹燒, 廣島豪都算幾好味... 不過個帆立貝就勁唔得, 食落去好似食緊一d 粉狀物體咁, 直情食到想嘔...唔夠飽, 最後叫埋個海膽炒飯... 出乎意料好食wor... d 海膽都算幾新鮮同幾多wor.... 不過就唔多似炒飯law...個日天氣超潮濕超焗, 飲左兩杯啤酒先解到渴呀, 厡來九點前買一送一, 正呀～是日消費每人大約~４００蚊～總括泥講呢度都算中規中舉la, 不過都真係未必會返啅la~
繼續閱讀