頂元魚蛋大王

營業中

休息中

呢個間標榜自家製手打丸昨晚收工又去食吓係咪真係咁正先：之前我朋友去過食牛腩好正，知道我喜歡吃魚蛋，所以就帶我去，但我就覺得魚蛋一般😅，反而墨魚🦑丸我覺得有驚喜😋——————-🟠A-凍檸茶——-味道適中，不會太甜，夠冰凍，茶濃…———————🟤B-崩沙腩麵：牛腩真係好靚，炇得入味夠腍，靚腩材料，麵質爽滑———————-🟢C-一品六寶麵——-墨魚🦑丸，扎肉，貢丸，🐷肉丸、魚皮餃、魚🐟片頭😊🔷1-墨魚🦑丸：六款食物為最出色的是墨魚🦑丸，咬落満口足料墨魚🦑，又爽又鮮，彈牙好味🥰——————🔷2-魚皮餃：皮彈牙亦算不錯👌——————-🔺3-貢丸：爽口彈牙，足料冬菇及......等等👌—————-🔸4-扎肉：一般，無覺得特別出色——————🔸5-豬肉丸：一般，只係覺得爽和彈牙，無覺得特別出色👌——————🔸6-魚片頭：質地較腍，都夠魚味，但不夠爽口彈牙👌——————🟣D-南乳炆豬手：炆得夠腍，但味道一般————————🔴E-炸魚皮：咬落既脆係有些漏咗氣的帶靱————————🟠F-菜心：正常————————-⚫️G-剩食魚蛋魚片頭：魚味都👌，唯獨是唔夠爽口彈牙，可能好有期望佢既魚蛋變吃失望——————

作為廣東人必吃的魚蛋粉牛腩面，這種日常的小吃來講，香港現在的水平真的是整體都在下降，要想找到一碗好吃的魚蛋粉牛腩面真的是太難了，這家雖然不算是出色但也不差，分量十足，而且魚丸墨魚丸牛丸都是自家自製的。很開心可以在這裡吃到魚面，對於像我這種經常做運動的人來說的話，想少吃點澱粉就可以吃魚面配其他的東西。

大食妹今晚收工之後去做中環做yoga, 咁啱見到—間新開嘅粉麪店, 就諗住試試, 順便醫下肚<牛腩河粉>腩汁底配上河粉真係無敵, 河粉索曬腩汁嘅精華, 好正正牛腩份量都好多, 屬於半肥瘦果種可惜佢嘅牛腩冇辦法做到入口即溶, 但係38蚊呢一個水平, 性價比都可以話係幾高嘅

經過機利文新街街頭便發現一間新的餐廳，一時多，外面已站着等候外賣的人，可是等候外賣的時間卻很快，大概5分鐘便已準備好。有別於一般魚蛋粉麵，他們還提供魚麵，所以決定一試。他們店舖還會提供火鍋配料。Order 了金牌牛雜魚麵。試過外面的魚麵，感覺外面味道不好，所以對魚麵的感覺也不太好。這裡的魚麵卻十分爽口彈牙，感覺也不會有太多麵粉，令我驚喜萬分。而且湯味道夠濃，令魚麵吃起來十分入味;而牛雜也十分入味，爽口。美中不足是配菜比較少。

以前呢個鋪位係一間好難食嘅茶餐廳，見佢裝修轉咗粉麵鋪頭，又係講到乜乜自製魚蛋，就姑且又入去試吓。入去見間鋪嘅樓面好擠迫，因為接近有一半位置係用來做廚房，見佢廚房有好多大型嘅爐具，所以信佢係自製魚蛋嘅。但係就真係坐得非常非常非常之唔舒服，我每一個動作，手踭都差d就嚟會撞到後面嘅食客，以後面嘅食客嘅每一個動作，手踭都會撞到我一樣！好啦，咁就叫碗淨魚蛋試吓啦。點知原來只係得魚蛋同炸魚角，係冇魚片嘅，再加多兩條菜心。先食炸魚角，嘩！啲味道濃烈到，覺得成舊炸魚角都充滿味精！咬落魚肉有啲死爽死彈嘅感覺，你懂的！到魚蛋，口感偏冧，沒有果種死爽死彈，而且調味亦無魚角咁濃，但有少少腥腥哋，可能唔夠胡椒粉辟腥，相信你懂的，但見佢嘅形狀凹凹凸凸不規則，都應該係真正嘅手打魚蛋！但無論如何，味道真係唔得。個湯都係冇乜特別，雖然係味精湯，但味精唔算濃烈，可以接受。蔥花有加芹菜，香口。整體來講，要$38一碗，真係大部份都係俾租，食物嘅質素真係完完全全俾租金比下去。論味道論價錢，真係唔想再食第二次。

魚旦吃得出是自家制作和很彈牙，但味道有點過咸墨魚丸味道算最出色豬肉丸、貢丸、扎肉、魚皮餃大大粒，味道一般，沒有很想再吃的欲望魚麵感覺不太特別，下次應該唔再試整體來說，這間丸類大大粒，味道只屬一般，整體偏咸，但份量算抵食，而且除粉麵外，還可以選擇泡飯或飯類，算較多元化，而且份量十足。不過是日沒有試牛腩類，但目測份量足，男士絕對不會失望。而且樓上還有座位，不過環境較迫，背貼背，而且傳菜不斷在後面穿梭，整個人要坐直身子，絕不享受，不過最奇怪的是，樓上坐滿人也只開一部冷氣，再加數把電風扇，但實在感受不到涼快的感覺

做完gym通常響就近幾條街買個快手外賣。行過見到大大個新既招牌，加個姐姐好落力咁大叫介紹，就試一試。見到佢有魚麵，好似幾特別，就決定試下。餐牌唯一係健康瘦肉既選擇唔太多，好多都係丸類，如果有番啲雞絲呀，瘦牛肉片呀之類會對健康一族較為好。肥牛份量多，肉質都唔曳，好滿足！值得一提個魚麵。好！好！味！佢成個口感係白魚蛋咁既，只不過係條狀。所以成碗可以話係肥牛魚蛋。湯對我黎講偏濃。佢會跟個好似XO醬咁既野，辣辣地，幾襯個魚麵。個麵另一個小問題係無菜，所以要另外叫一碟。不過個麵份量都大，我食到下午茶時間先食完個菜！新店仲有好多時間可以微調同進步！加油！

新開一間魚蛋粉麵店, 一開已好多人想試,特別是因為它有”魚蛋大皇”之名. 由於太多人, 所以決定買外賣. 好奇想試魚麵, 可惜已賣晒. 所以選擇了魚蛋河試一試. $46套餐連飲品, 中環價錢. 等了20分鐘, 第一天無法啦. 魚蛋新鮮, 不錯, 河粉沒特別. 下次會試牛雜看看好不好味. 等外賣時還看到新鮮的魚送到,用作魚蛋材料, 証明是自家製的食材.