頂好海鮮酒家

營業中

休息中

細叔難得回港探我地，當然搵間老字號酒家。細時細叔帶。大個就到我啦😊皮蛋酸薑-流心皮蛋，薑夠爽，一齊食好好味。開胃避風塘鮑魚⭐️飽魚大大隻，避風塘風味令到鮑魚更香口，好惹味椒鹽瀨尿蝦⭐️大隻，入面仲有少少羔，椒鹽味十足，新鮮肉彈，回味極品手切牛頸脊⭐️牛骨脊脂肪平均肉質清甜，配上一煲清湯，入面有蔥花，芽菜，滾上十多秒，肉質軟滑，真心好味西蘭花帶子🌟夠爽脆，帶子好鮮味，夠鑊氣重點推介-東星班⭐️⭐️一斤多，熱騰騰食，肉滑，配合蔥花一齊食，香口無比陳皮綠豆沙-綠豆整成溶，陳皮香味突出。完美滿意，價錢合理，整體滿意👍

今日同屋企人去頂好海鮮酒家食生日飯，估唔到佢哋啲品質幾好，屋企人都幾滿意👍🏻菜膽螺頭燉豬展湯 - 個湯好好味，一啲都唔油膩，螺頭提升了湯的鮮味，勁正。湯料可以食返，唔會浪費，而且豬展肉同螺肉都好軟，送飯一流🥣义燒拼燒腩仔 - 义燒肉質好軟，無乜脂肪，啱晒我，最鍾意食瘦义👍🏻燒腩仔脂肪同肉的比例好好，外皮香脆，又唔會太咸，好好味🤤上湯蕃茄白菜仔 - 上湯有濃郁的蕃茄味，令人越食越上癮，白菜仔好淋甜，非常新鮮。鼓油皇開背煎中蝦 - 海中蝦煎到外皮金香，開背後，好易容將蝦殼拆下。蝦肉吸收晒鼓油汁的味道，好食到停唔到口👍🏻豉汁帶子蒸豆腐 - 豆腐勁香滑，入口即溶。帶子放在豆腐上蒸，帶子的鮮味流了落去豆腐到，令豆腐更加鮮味。最後食埋個綠豆沙，勁滿足，屋企人滿意我就最開心

今次一家人黎到食飯！簡簡單單叫左幾個小菜，分別係燒味雙拼、豉油皇開背煎中蝦、上湯鮮茄肉崧浸白菜仔、菜膽螺頭炖豬展湯同埋蟹粉伊面！首先就飲個菜膽螺頭炖豬展湯，個湯好足料，除左螺頭仲有瑤柱，可以食埋個湯料！燒味雙拼揀左燒腩仔同叉燒，兩者都肥瘦均勻，幾大碟！豉油皇開背煎中蝦好鬼大隻，入面仲有膏，口感彈牙，而且好鮮味！上湯鮮茄肉崧浸白菜仔看似簡單，但個白菜仔煮得夠腍，吸左個湯個精華，個白菜仔好入味好甜！然後就係蟹粉伊面，上面舖滿蟹粉，鮮味十足！最後會奉送黑糖馬拉糕同綠豆沙做甜品，馬拉糕，又唔會太甜，綠豆沙清熱氣，整體都唔錯！

今晚同屋企的長老去了尖沙咀老字號的頂好海鮮酒家食晚飯，餐廳五十年代開業至今，屹立大半世紀，招呼過多位明星藝人，當晚還見到家英哥食晚飯。餐廳出名食海鮮，有自家養魚缸，海鮮每日新鮮送到魚缸，保證新鮮生猛。入座後先送上酸薑皮蛋。薑葱生蠔：一上枱飄出香味，黑椒薑葱味道突出，用了美國桶蠔，煮熟後都超大隻，入口濃郁鮮味，而且又香滑。避風塘龍蝦：龍蝦帶蒜辣香，十分惹味，入口啖啖肉，而且彈牙鮮甜。麻辣雞煲：剛入口時都不算辣，但越食越辣，辣味是慢慢滲出，十分刺激，雞肉醃得入味。梅菜蒸菜心：簡簡單單的蒸菜，食到原汁原味。最後還送上綠豆沙及芝麻餅。

This traditional teahouse in Tsim Sha Tsui is well-regarded for its affordable prices and wide variety of food options. 😘The fresh prawn dumplings are thin-skinned and packed with flavor; the steamed chicken feet in black bean sauce are smooth and delicious, leaving a lasting impression. ♥️😋The stone pot crab roe noodles are a must-try, with sweet crab meat and rich broth that keeps you coming back for more. 💕☺️Whether for dim sum or a meal with friends, this is the perfect spot to enjoy classic H

這間位於尖沙咀的老牌酒家【頂好海鮮酒家】，開業多年，有多位明星名人幫襯。餐廳主打多款海鮮小菜，款式甚多，有自家魚缸，海鮮十分新鮮。酸薑皮蛋糖心皮蛋入口溶化，配上酸薑更開胃。避風塘龍蝦新鮮澳州龍蝦，肉質雪白彈牙，避風塘煮法更惹味。豉油皇大蝦大蝦走油後蝦殼香脆，蝦頭有蝦膏，蝦身爽彈，十分鮮味。麻辣雞煲雞煲新鮮熱辣以砂煲盛載，麻辣味突出惹味，加上葱頭等配料，雞件嫩滑入味。梅菜蒸菜心菜心用了最嫩的部份，十分翠綠，梅菜味滲入菜心。最後還送上綠豆沙、芝麻餅及芒果卷作甜品。

頂好海鮮酒家是粵菜老宇號，主打生猛海鮮小菜，樓底極高，裝潢要懷舊的港風味道，適合一家人聚餐。酒家提供多款宴會餐牌，搜羅海鮮佳餚，令人大飽口福。四季豆蘿蔔糕炒膏蟹炒膏蟹上枱香噴噴，膏蟹的蟹膏濃郁，嫩滑蟹肉十分鮮甜，令人食指大動。配上清脆的四季豆，香滑的蘿蔔糕，吸收了膏蟹的精華，軟綿香滑，增添風味，金黃蟹膏令人回味。油泡大明蝦球大顆蝦球，經過油泡後，外層爽脆，入口鮮甜彈牙。蝦肉鮮甜，搭配鮮艷的燈籠椒、芹菜等，和薑蔥調味，鮮味且令人垂涎。百搭薑蔥炒帶子螺片圓滑的帶子，和爽脆的螺片，搭配薑蔥的香氣，入口薑的微辣，使帶子提鮮，帶子肉質滑嫩，螺片鮮香而不油膩。炒蟶子王蟶子鮮甜、爽口，爆香後更油潤，加上京蔥提升，吃得暢快! 肉質細膩。這在豉椒加持下，風味十足，令人一試難忘。合桃酥/綠豆沙少不了飯後甜點，合桃酥香脆可口，充滿堅果香與味，是傳統點心的滋味。綠豆沙甜度適中，口感綿密，帶有淡淡的豆香，甜度適中，滋潤香甜。

今晚與好友相聚，四人一桌吃中菜最好不過。今晚來到尖沙咀這間頂好海鮮酒家，喺尖沙咀已有一段歷史，是一間不折不扣的老字號中菜酒樓。跟好友相聚吃晚宴，當然最好是點數款小菜，然後一同分享。酒樓的小菜夠鑊氣十分出色，而且我們還有點海鮮，海鮮鮮甜無比，啖啖肉相當高質。百搭薑蔥炒帶子螺片，薑蔥炒帶子份外惹味，帶子啖啖肉很鮮甜彈牙，仲有煙靭的螺片。還有一些豆、紅椒、菇菌伴着帶子和螺片跟薑蔥一齊炒，十分豐盛，而且夠鑊氣。油泡大明蝦球，相當吸睛，因為蝦球大大隻，彈牙爽口又鮮甜，很久也沒有吃過這麼新鮮美味的蝦球了。蝦球伴上了黃椒、蘑菇、芹菜等等一同炒，顏色繽紛又好味。還可以沾上蝦醬帶出蝦球的鮮味。聖子王，聖子鮮甜彈牙伴着其他配菜如蔥、芹菜、紅椒、綠椒等等一同炒，夠鑊氣。聖子嘅份量相當多，超級惹味。四季豆蘿蔔糕炒膏蟹，這道菜是今晚的主角。蟹份量充足，足夠四人分享，每人也吃到數件蟹。而且蟹的味道相當吸引，蟹較為大隻，所以肉也十分多，超鮮甜美味，超級喜歡。除了蟹非常之好外，這裏的蘿蔔糕也相當吸引。蘿蔔糕混合了醬汁跟蟹一同炒後，變得十分惹味，蘿蔔糕軟綿綿的，口感味道都相當吸引，而且蘿蔔糕切成正方形的方便食用，而且很

家人想找個交通方便嘅地方食晚飯，突然記起尖沙咀有間門面貼滿明星照片嘅酒樓，於是我就提議去呢間酒樓試吓，當日叫咗以下菜式：前菜酒樓提供酸薑皮蛋作為前菜，皮蛋係流心的，而酸薑酸味足，有辣勁，食完很開胃。菜膽螺頭炖豬展湯 炖湯飲落清甜，應該是螺頭跟豬展嘅鮮甜味，加上大白菜嘅蔬菜清甜味，成件事平衡得剛剛好，好飲。紅燒乳鴿乳鴿皮脆肉嫩，沾上淮鹽及喼汁，食落更咸香更惹味。燒味雙拼 (叉燒，燒腩仔)叉燒外層燒得焦香，內裡就鬆軟多汁；燒腩仔外皮鬆脆，豬肉部分腌得入味又唔嚡，呢兩款燒味很餸飯。白灼中蝦中蝦很新鮮，彈牙又鮮味，點埋已調校過嘅豉油就更提鮮。蒜蓉西蘭花西蘭花加上蒜蓉嘅香氣，食落更惹味。馬拉糕馬拉糕很鬆軟，味道屬於少甜，作為飯後甜品很適合。芝麻餅芝麻餅同樣都係少甜，食落香脆有蛋香芝麻香味，唔錯。另外，酒樓侍應服務殷勤周到，食物質素很好，怪不得當晚見到有很多熟客光顧。

今日去到頂好海鮮酒家。餐廳已有五十多年歴史，不少名人也到訪品菜。沿樓梯下去一層，寬敞明亮餐廳收在眼廉。杏汁豬肺湯湯富有香濃杏香，絲滑綿密，原來是人手磨製。豬肺、瘦肉、小白茶浸滿湯汁，鮮甜無比。叉燒拼燒鵝燶邊半肥瘦叉燒，油香、完全唔柴。燒鵝同樣出色，外皮焦脆，肉味鬆軟。生茶醬牛肋排肋排浸滿香濃生茶醬，店員事先切好肋排，輕輕一撕便骨肉分離，十分嫩滑。蒜蓉粉絲蒸蟶子選用蟶子皇，尺寸如手掌大細，鮮甜，加上炸蒜更顯鮮味。梅菜蒸菜心菜心帶點梅菜甘甜香，翠綠爽脆。

今天同朋友約好去到一間明星酒尖沙咀頂好海鮮酒家吃晚飯。我哋點左以下菜式紅燒乳鴿，中蝦，蒜蓉西蘭花，燒味雙拼（叉燒，燒腩仔）,菜膽螺頭炖豬展湯。先來一個皮蛋酸菜：酸姜少少辣野味可口。皮蛋口感同味道都好好，少少流既口感一絕。紅燒乳鴿：皮脆肉嫩，外皮夠香脆。肉質新鮮肉滑。中蝦：蝦肉肉質好，海蝦同養蝦真係好大分別。海蝦實肉爽口彈牙，鮮味十足。蒜蓉西蘭花：新鮮西蘭花，加入大量蒜蓉炒香味十足。蒜蓉配炒菜係一流配合。燒味雙拼（叉燒，燒腩仔）：叉燒夠淋，肉質好好香蜜糖味道，燒得夠香口。燒腩仔脆皮香口，肉質好。菜膽螺頭炖豬展湯：炖湯清甜可口，足料老火湯一飲就知。豬展肉淋就咁食都好正。螺頭夾口鮮甜。仲有個馬尼糕，芝麻餅都係好好味。馬拉糕鬆軟可口。

中秋節最好的節目就係和屋企人食飯，而中菜最合適，歡聚一堂，樂也融融。今晚一行四人，預早食中秋節飯。坐下後，侍應送上溏心皮蛋和薑片，溏心皮蛋口感滑溜冇異味，薑片微辣帶甜。🌱四季豆蘿蔔糕炒膏蟹蘿蔔糕超好食😋，能夠做到外邊香脆而裏面食到清甜冇渣的蘿蔔粒和味道香甜的臘腸粒。揭開蟹蓋，已經見到鹹蛋黃色咁靚的蟹膏，蟹膏口感硬身。四季豆、青紅椒和肉碎，口感保持爽脆唔會腍。🌱紅瓜子斑色澤橙紅，清蒸紅瓜子斑，時間控制得很好，蒸到熟但冇過火。魚肉鮮甜嫩滑，連蔥食都冇蓋過魚的鮮味。👍🏻最讚係魚鱗清得好乾淨。🌱老火煲例湯星期一至星期日，每日的靚湯都唔同，今日為沙參玉竹螺頭煲雞腳豬𦟌湯。湯料有雞腳、豬𦟌、沙參、玉竹和螺頭，份量很足，湯料足足可以做多一碟餸，點一點豉油，加碗白飯就可以喇！湯很熱，質地唔會太濃稠，清爽香甜。🌱燒味雙拼我哋揀咗叉燒拼燒腩仔，叉燒的邊位焦香有蜜味，肉有咬口帶筋；燒腩仔的皮微脆帶韌，有少許肥膏，肉軟熟，冇豬羶味。清湯蘿蔔牛坑腩牛腩味濃軟腍，清湯甜美，蘿蔔腍滑。最後侍應仲送海帶綠豆沙、馬拉糕和芒果糯米卷做飯後甜品，圓滿中秋，十分滿足。

餐廳已經有五十多年歷史，門口有好多明星名人都光顧過，位置鄰近尖沙咀B1出口，經地牢落去，位置空曠舒適，富有懷舊嘅味道。杏汁豬肺湯店員聲稱係人手磨製，杏汁口感細滑，杏味濃郁香醇，湯料有瘦肉、豬肺同埋有白菜仔，份量都幾大碗，一行四人每人都飲到兩三碗左右。叉燒拼燒鵝叉燒半肥瘦，油脂比例幾靚下，有燶邊，特別焦香可口，入口滿滿既油香味。燒鵝同樣出色，師傅刀功唔錯，冇咩碎骨，鵝皮口感香脆，鵝香味濃郁。梅菜蒸菜心菜心翠綠鮮嫩，口感爽口有咬口，梅菜既精華滲入其內，酸酸甜甜幾開胃。生茶醬牛肋排一大塊牛肋排鋪滿生茶醬，店員會細心幫手切開一塊塊，方便食用，牛肋肉肉質嫩滑，可輕易從肋骨撕下，生茶醬味道濃郁，十分惹味。蒜蓉粉絲蒸蟶子蟶子係選用蟶子皇，尺寸有手掌咁長，食落鮮味，鋪滿左炸蒜和香蔥，粉絲蒸得軟熟，經典組合。綠豆沙楊枝甘露

😱 早前 “洪爺” 江湖飯局不歡而散, 老友 “意大利長介” 決定喺 “頂好海鮮酒家” 擺番餐和頭酒.🥢 餐廳入口係彌敦道, 直接落地牢一層, 傳統中式酒樓格局, 裝修少少殘舊, 但光猛闊落, 大堂一眼睇唔唒, 至少二十張枱吧. 今晚安排廂房, 除咗用餐嘅圓枱, 另設一張六人長方枱, 用嚟放下袋呀雜物等等, 又設大電視唱卡啦Ok.🥰 “電視台美女” 多番推介 “頂好”, 今次麻煩佢搵老闆寫菜.滷水生腸太白醉鮑魚砵酒薑蔥瀨尿蝦炒球荔蓉帶子盒滋味小炒王鴻運乳豬, 半隻, 伴海蜇清湯蘿蔔蝴蝶腩菠蘿咕嚕第一刀蟹肉扒豆苗XO醬火鴨絲新竹米粉生煎包美點, 糖水🐚 滷水生腸. 老友 “長介” 點名嘅前菜. 生腸大大碌, 以形補形, 爽口, 略嫌唔夠滷水味. 🐚 太白醉鮑魚. 夠大隻喎, 有嚼口, 唔靭, 用刀叉切, 酒味適中, 過關啦.🦞 砵酒薑蔥瀨尿蝦炒球. 薑蔥非常惹味, 蝦身起肉, 加炸粉炒球, 好食! 可惜, 浪費咗瀨尿蝦滑捋捋嘅口感, 蝦頭蝦尾原汁原味同樣精彩, 哈.🤗 荔蓉帶子盒. 我唔鍾意食芋頭, 但鍾意食芋角. “荔蓉帶子盒” 異曲同工, 表皮酥脆, 以原隻帶子作餡料, 真係啱啱熟,

難得大家同學仔一年聚會一次緊係要食餐好，今次唔例外都係來頂好，因為可以book房，可以坐幾個鐘大家慢慢傾偈，又講返細路仔時候嘅嘢😂係尖沙咀又方便大家咁就繼續揀呢間。今次已經寫好菜單，一嚟就有得食。先來一個頂好五小碟俾大家開開胃，然後天麻白术燉石頭魚湯，個湯好鮮甜好醒神，煲過湯嘅石頭魚肉及魚皮仍然好味好滑，超驚喜好啱飲；避風塘鮑魚，夠林又入味；薑蔥生蠔好多薑蔥，煎到脆卜卜唔錯；油泡大明蝦球，紅紅綠綠蝦又爽脆；蟹肉扒豆苗，好多蟹肉封住啲菜；薑蔥陳皮蒸虎彬斑，好滑好有魚味；脆皮燒雞真係燒到脆卜卜香噴噴。仲有飯麵甜品，超級滿足的一晚😀