頂好海鮮酒家

營業中

休息中

今早約八時許在尖沙咀東部逛逛，決定提早去喫茶可惜找不到心儀酒樓，以往常去的兩間酒樓都不繼暫停營業直至另行通告，特感唏噓！無奈！結果想起尖沙咀彌敦道頂好海鮮酒樓飲茶，但確保沒行冤枉路，在途中先撥電話確實營業時間才前往，結果令人開心。到達後開了壺龍井然後選了晶瑩鮮蝦皇～胡椒粉過多蓋過了其鮮味但蝦也爽口丶惹味金錢肚～很惹味的一籠點心既彈牙又有嚼勁丶蟹子蒸燒賣不過不失丶香煎韭菜餅頗香口有嚼感丶芫茜牛肉腸粉～香口的配搭滿滿的餡子很有咬感，肚子彷彿不太飽，再追加了一碟叉燒腸粉，味道挺不錯啊！又有嚼感，就以這一碟叉燒腸粉作完結。

今天一早七時因事外出，九時左右完成事務正為早餐頭痛，身在尖東但因疫情二，三月收緊限聚令，一間常光顧早茶的茶樓已暫停營業，幸好太座想起頂好海鮮酒家亦有早市🤔🤔果然仍在開門亦見多枱二人似熟客已入座，點了鮮蝦餃王蟹子蒸燒賣王香煎韭菜餅金錢肚牛肉腸叉燒腸蝦餃餡料味略鹹，胡椒粉味畧重燒賣王肉質應可提升，味道還可改進韭菜餅水準一般，口味平常金錢肚亦算爽口彈牙腸粉粉皮略嫌鬆散， 煙韌度不足，還好蒸得熱度夠，口感中和時下疫情，亦不能太苛求吧

經過尖沙咀，見過好多次呢間酒樓，今次終於都走進去一試。一入到去，是那種舊式茶樓，地方寬敞，環境衛生正常，就是那種不過不失，乾淨但舊的感覺。看看餐牌，都是正常的點心，我就點了個燒鵝四寶飯套餐，連例湯及菜，$88。 例湯係西洋菜豬骨，正常味道，湯料足。 而灼唐生菜幾好食，灼得幾爽口。重點係四寶飯，明明係燒鵝四寶飯，但上枱變咗油雞，我再望望燒蠟枱，無燒鵝，所以都不去問了，因為問完都唔會有燒鵝，而我又揀唔到其他心水。 四寶有油雞，叉燒，分蹄同咸蛋，每樣餸都好味，唔會係平價野既感覺。 舊式茶樓嘆茶，都係有一番風味。

疫情見緩和我開始多出外消費，我決定去一間已闊別多年的老牌酒樓。坐下侍應員開茶後便特別推薦乳豬燒腩仔扎肉三拼，果然好介紹乳豬和燒腩仔都肉厚而不肥，皮都很脆咬落有嚼感，味道不鹹但很有肉味，扎肉砌了一片片都很爽口。有興趣再嚐它的叉燒，於是點了燻蹄叉燒飯，燻蹄不過不失而叉燒味道焦香很軟滑，亦有口感，送白飯很好，飯亦算熱。越食越開胃再點一碟一雙一對傳統玉掌炆伊麵，濃濃的冬菇味拾配鴨掌真是一絕，可惜只得兩隻冬菇，如果多兩隻冬茹可以嚐真啲🤗🤗鴨掌軟硬適中又大隻，很好。這間老牌酒樓仍然能保持水準，令人驚喜，下次要嚐嚐它的點心。

很久未到過這粵式酒樓, 今日早上再探情況🤔🤔決定棄點心而當燒味飯麵😋😋乳豬燒腩仔札肉三拼上桌時乳豬及燒腩仔外皮仍脆卜卜有餘温, 肉質有咬感😋😋👍👍一雙一對傳統肉掌炆伊麵原來是北菇鴨掌炆伊麵, 冬菇菇味濃好口感, 芡汁好惹味麵條亦爽口, 鴨掌體積亦頗大👏👏😋😋意猶未盡再來一碗叉燒燻蹄飯材料十足燻蹄爽脆义燒味道中和配合很好👍👍😋😋早上八時營業至晚上,比附近一般同業早, 又是開飯的一處好地方🤔🤔

打去book位，佢話最早12:00開門，但係我哋12:00去到呢係好多人坐晒入去，我問櫃檯嗰啲答係八點四十五開門，所以都覺得好奇怪😅應該係Miss咗我個Booking啦所以我都等咗20分鐘。見佢哋找不到個booking .見到佢哋嚴重人手不足㗎！員工都做死。。但態度👌🏼的！可能要自己去bar水度加下水係茶壺了，吾係要等一輪，費事加重佢哋負擔。不過啲嘢食其實OK，比我想像中好食，1.炸雲吞係大只原只🦐，ok ，手包的視覺好有味道～不是平時大大片的炸雲吞～2.柚皮又幾好食，醬咸左少少，但唔差～3.頭盤皮蛋味道都唔錯，淋左少少。4.壽包蓮容包一般5.石煱飯普通la 總結不過不失～

椒鹽魷魚鬚不似預期。膨脹得厲害，没甚麽椒鹽味，魷魚也冇味。牛肉腸粉，普通，優點是有很多芫茜。我鍾意。`價錢，不算便宜，但也不特别贵。頂好，地處尖沙嘴熱鬧地段，又是老牌酒樓，貼滿明星照片。我 10:30 am 入到餐廳，有幾枱客人，很安静，連服務員都唔見。我問收銀處的阿姐，我應該坐哪裡，還是自由挑選？神回答: 你過來這裡，先掃安心出行碼。空調有點熱，服務員也少。不過，唔怪得佢，原来 1 1 am 才全面開鋪，靚靚的樓面小姐才出現。早上算半營業。没吃多少東西，很難評論優劣。屹立多年，應該可以吧？

疫情下好耐都冇外出用餐， 趁最近放寬限聚，馬上約家人週末去嘆茶。頂好是我地其中一間喜歡的點心酒樓， 因為他開得很早， 所以吃完可以有大把時間慢慢去逛街。這裡的點心很好吃， 雖然選擇唔算多， 但較為精緻。炸魷魚鬚、义燒酥都是我們必點的，因為香口嘛！另外蒸類的特別是包點和蝦米煎腸粉，都很認真。有時如果晚點來還會遇上有生炒糯米飯提供，那就務必點， 因為真的很好吃。其實他們晚餐菜式更出色，由其是蒸蟹， 不過可能要再過些日子才可以來吃了。

地點要就腳，又要坐得舒服，嘢梗係要好食，我諗頂好就係一個唔錯嘅選擇。訂間房有K唱真係冇得輸，仲有好傳統嘅人手寫菜單，叫咗原隻乳豬，唔駛等去飲先有得食，片脆肉嫩。又香又濃老火湯阿媽都冇咁足料，勁多雞腳食，最鍾意點鼓油食。話明頂好海鮮酒家，梗係唔少得食海鮮，有個大魚缸，都好多活海鮮揀，有超巨型蟹、好多品種嘅魚，都係揀咗龍蝦，因為最經典嘅龍蝦伊麵都係集體回憶嚟，由細食到大，果然係游水龍蝦，D肉鮮甜味美好彈牙，必食推介！唔好以為帶子炒荷蘭豆係普通嘢，有時簡簡單單反而難做得好食，夠獲氣先係重點，爽甜帶子同爽脆荷蘭豆prefect match。食乳鴿多數食紅燒，貪佢香口嘛，不過我覺得鼓油皇冇咁熱氣，而且更保留到啖啖厚肉嘅乳鴿肉嫩多汁。講到懷舊菜式，個臘味煲仔飯真係大堆頭，咩款式嘅臘肉都有，出面都好少有。有時諗到頭都大唔知食乜好，不如就食返啲熟悉嘅味道，又可以一齊懷緬一吓惜日嘅情懷，同好友歡聚就係咁簡單開心。

周不時來飲茶，但今次晚飯覺得完全完全完全唔值，唔寫唔得！$800幾蚊兩條友，我俾得起，但我唔知自己究竟食咗啲乜？蟹拑每隻$55，勁細隻，失望。翡翠帶子桂花蚌，盛惠$198，但勁細碟得嗰幾舊蚌，失望。蒜蓉蒸聖子「皇」喎，每隻近$60，但勁過火老過我老闆，我自己整好過佢，失望。炒豆苗收$128，大碟過碟前菜少少咋陰功，唔知有冇四両菜，失望。好彩點左煲$148嘅例湯有6碗，靠佢飽肚，真係唔該晒。我明白出街食預左唔抵，但唔好呃得咁「狼」吖，味道又唔係好過人。午市飲茶點心還可以，晚飯嘅話，奉勸你有大把閒錢又唔講究味道先好送上門俾人鋸啦⋯⋯

在只有十檯客人的情況下，侍應愛理不理，耐心等候約10分鐘後，終於有侍應奉上茶，之後等了約15分鐘才有侍應過來接過點餐紙。製作/蒸點心須時，等候無可厚非，可惜過了多於30分鐘，赫然發現隔壁桌漏單。想侍應詢問後，侍應表示欲自己無關一無所知，跟其他侍應互相推搪後，其中一名表示並本桌並沒有落單。侍應沒有歉意，也無意跟進。直到查詢會否跟進落單，侍應才施施然把一張新的點餐紙丟在桌上，問從新點餐後要等多久才有點心，侍應稱30分鐘，欲離開，侍應立刻表示須付茶介費（包括四片皮蛋），然而當時根本未下單，既然沒有落單，又何來茶介費，由於侍應態度惡劣，作風荒謬，本人堅拒付數十元茶介費，但侍應表示本人及友人已在多於30分鐘空等之際耗用了皮蛋。浪費了客人接近1小時的時間，可以沒有一句致歉，沒有意欲跟進，以往可能仗著內地客加持，可以態度惡劣，為所欲為，但如今受疫情影響，生意大不如前，侍應對客人連基本尊重、招待也欠缺，相信結業之期不久矣。

請老朋友午餐，地點老友選擇，很久以前已經去過，很久無去了，枱與枱之間比較近，睇見都不太舒服，一坐低部長介紹燒鵝～好食：皮脆肉滑得黎肉質有口感🆗，馬上再介紹蒸魚？太進取了我哋黎飲茶！大家一同開聲不用了，只叫了8個點心：燒賣正，不只是豬肉，蝦肉亦不少，咬落去彈牙及鬆化，豬肉同蝦配得很平均，帶有少少汁蝦餃咬落去直頭有蝦汁其他點心就真係一般🆗都合格，停車就真係不方便價錢算中上

之前成日經過這店，見有好多明星相，好似名人飯堂咁，咁啱今日家人搵我食飯，老人家鍾意食中餐，又咁啱在尖沙咀果頭，就諗起這店，行落地庫，一入門，也覺得好懷舊，上網查原來已開了半百年，坐低無耐，個職員就問我洗唔洗落咗個湯先，咁啱佢講的湯就係我想叫的杏汁菜膽潤肺湯，當然要叫佢先落order，另外叫了秘製化口蝦子柚皮、粉絲雜菜煲、蠔皇鮑螺片扒碧緑，叫了三個餸，個職員細心地話三餸一湯夠食了，在等候期間食佢啲前菜小食，係皮蛋酸薑片，幾特別，因為平時通常係花生🥜果D，先來個湯，個湯好多料，好多豬肺，但飲落覺得個湯有D渣咁，好似D杏仁磨得唔夠，但家人話可能係D金華火腿碎🤔，anyway總之唔夠滑，個雜菜煲得D粉絲同菜同少少菇，一粒蝦米、魷魚仔也無，唔抵食，個柚皮真係幾＂化口＂，但食得多有D漏，同仲有D苦，整體而言，真係好一般，可能期望過高，但期間服務都ok，走時也會同我們講拜拜．

有日 行尖沙咀忽然見到呢間歷史悠久嘅 頂好海鮮酒家， 記憶中呢間酒家大大話話都開咗三十年以上， 好奇心之下入去飲下茶， 由於在地庫 所以感覺有少少焗促， 所有佈置畀我嘅感覺都好懷舊， 真係好似去返細細個飲茶嘅模式， 叫咗蝦餃 ，羗汁雞包仔， 叉燒燒肉飯， 蝦餃啲蝦大隻爽口但冇咩蝦味， 薑汁雞包仔 冇薑味有啲失望， 叉燒燒肉飯 叉燒 都叫做半肥瘦 但係燒肉啲皮就唔脆， 感覺都幾一般， 收費亦都唔算便宜， 但如果純粹想去懷舊下 就唔錯嘅。

中午同同事一起過來飲茶🍵竟然日日經過頂好，第一次過來吃飯。隱藏在鬧市中的美食！茶點，真心不錯👍聽說這間茶樓開在這裡好多年。最喜歡的是流沙奶黃包，一口下去真心會流蛋黃出來的喔！涼拌木耳也不錯，酸酸甜甜好味道！