風月堂 (已結業)

又到週本下午茶時間，這次相約朋友吃下午茶，因為很久沒吃風月堂，得知風月堂的下午茶多了新菜式，所以便決定今天前來好好品嚐。環境如以往一樣，坐的舒服，吃的味道也不錯，價錢又合理，2份下午茶再額外一份甜品，HKD235.4/2人，又真的抵食。**********************黑松茸海鮮忌廉意粉伴煙三文魚。風月堂的意粉一般都做得很好吃，意粉軟腍適中，忌廉味香濃，但吃不出黑松茸的味道，再配上海鮮和三文魚，材料也不錯，吃的滿足。 煙鴨胸辣肉腸蕃茄薄餅。沒想到這薄餅看似沒什麼材料，入口辣味惹味，芝士和蕃茄又絶配，薄餅又熱軟屬好吃，份量不會太大個，2個人也吃不完，真的是不錯。 鮮果多士盒。以士多啤梨配上厚多士盒，放滿了忌廉，多士盒外不算很脆，但內裏軟軟的，整體味道還算不錯。餐飲，凍檸茶，其實都幾愛飲風月堂的凍檸茶，因為茶味很淡，是西式的檸檬茶做法，茶味適中又不會很甜，不錯。

是晚同班姊妹約會想搵間野夠大夠舒服坐低食下野所以就揀左依間野D SOFA椅子夠闊，好舒服講返D野食先叫左煙三文魚忌廉汁意粉，煙三文魚好多片，蟹籽都算好多，幾好味！PIZZA，係肉腸，不太SPICY，芝士好多，你見張相就知～鐘意芝士既人唔好錯過，幾好味架！芝士焗蠔，芝士又係幾多～正，蠔都大粒，因為平時食放題係芝士多但蠔勁細粒不過就咸左少少～～～香芒煙三文魚紙米卷就最有驚喜，中間有D青瓜，食落去好有清新既感覺，依幾樣野出奇地好夾，仲有芒果汁比你點，所以真係大推！好好味～海鮮番茄意大利飯，海鮮都算多，味道就一般般啦～～如果係旺角諗唔到食咩，依間野夠就腳，野食又OK，不妨考慮下！

昔日的中學同學在加拿大大學畢業後，在加國找了一份工作，兩三年才回港一次。今晚趁她回來，約了中學時期的幾個好友，一起聚聚舊。早前朋友飯聚也到過這裡晚飯，對它的位置方便，食物的精美賣相和味道留下深刻印象，所以今晚又約定再訪這食店。甫坐下，侍應就奉上每人一杯水，水都是用印花杯子盛著，每個杯的圖案均不同，唯一相同就是都是花卉圖案。這裡是標榜日系西餐，所以餸菜賣相都頗為精緻。餐牌內食物款式繁多，沙律、小食、飯、麵、薄餅和甜品每樣都有多款選擇，而且因為餐牌內都有附上食物圖片，著實令人眼花撩亂。我們先來一個小食拼盤，裡面有四款不同的小食，包括燒鰻魚、甘筍牛肉卷、串燒雞軟骨和日式煎餃子。燒鰻魚：肉質肥美，整塊蘸滿醬油，非常好味。甘筍牛肉卷：牛肉肉質偏鞋，而且味道也很淡。串燒雞軟骨：調味剛剛好，雞軟骨很有嚼勁，不錯。日式煎餃子：入面以豚肉作餡料，餃皮不厚，唯煎得不夠脆口。鵝肝帶子野菌炒飯除了炒飯上大大塊的鵝肝，飯內還有粟米、翠肉瓜、冬菇粒和帶子。炒飯炒得夠乾身，鵝肝煎得外脆內軟，與炒飯拌著吃，令炒飯多了鵝肝的香味，味道不錯。三文魚墨汁意粉忌廉汁濃稠適中，充份與墨汁意粉和三文魚塊混和了，三文魚塊的份量也算

在旺角走到累了，發現了這間風月堂，看到環境不錯就進去了。相比起普通Cafe，食物質素明顯地高，三個人點了一個意式春雞石班帶子飯set dinner，鮮菇菠菜忌廉意粉再加一份小食雞中翼拼日式煎餃子。三個人食份量看起來似乎少了一點，不過set dinner 有一個沙律，湯，餐包，甜品，非常豐富的。食物味道不錯，比想象中好味  當初看到餐牌上的價錢還覺得有點貴，一個set dinner就$198，其他普通飯和意粉也需要過百元，但因為一分錢一分貨，食物份量素質相對價錢也是合理的。小總結為環境不錯，食物味道不錯，好適合朋友聚會，三五知己可以完成晚餐，又可以再食埋甜品，不用再四處尋找甜品店。是不錯的選擇。

本來一心係想去南記既，但係去到無位，而我又只得一個鐘時間食飯，所以友人就提議行上一層食風月堂。入到去睇個午餐menu，最平都要$98加一，過百蚊食個lunch，在我而言實在太奢侈，不過既然都坐低左就試下吧，心諗唔係伏就好了。最後叫左個欖油三文魚硯肉天使麵$98餐湯同沙律二選一，我揀左沙律，雖然價錢偏貴，但係個餐真係好豐富！首先黎左個牛油餐包，可惜唔係暖粒粒，只不過係普通面包無咩特別。沙律就有兩隻蝦同少少芒果肉，食落就唔似新鮮芒果，不過配埋芥末蜜糖，整體都算不錯。輪到主菜天使麵，有點意外既係份量頗多，三文魚一啲都唔腥，仲有好多蘑菇同蜆肉，而且唔算太油又好開胃😋友人叫左個燒春雞徳國腸配薯菜，薯角好香脆，唔會又油又林，雞肉唔粗糙又唔硬，配黑椒汁絕對好食！至於腸仔就同平時食的一樣，不過不失。食完個主菜其實已經好飽，但係個餐仲有個雪糕窩夫。雖然係跟餐既甜品，但絕對唔馬虎！雪糕我揀左豆腐味，豆味好香，食一淡已經愛上了。不得不讚個窩夫，外脆內軟，好香牛油味，配上雪糕簡直一流，飽都想食都幾個😆順帶一提，餐飲叫左杯雜果賓治個人覺得味道麻麻，但友人就覺得好好飲，但口味既野因人而異，不妨試試🙆🏻

由細到大都係BURGER迷, 其實好大程度係因為自己係食肉獸, 哈哈哈。最鐘意就係食包入面夾住o個塊牛肉啦, 芝士啦, bacon 啦, 酸瓜啦, 燒汁啦, bla bla bla la la.....星期三晚收工約左個好耐無見o既朋友去旺角食晚飯, 朋友提議去風月堂, 我都唔知原來風月堂搬左舖, 嘻嘻sorry 太耐無去mk 喇! 同舊舖一街之隔!上到舖頭一睇個裝修都唔錯o丫, 幾好感覺, 坐落都幾舒適。不過最令我驚喜o既係我點o既Dish比我想像中好食好多!塊漢堡食落不但只JUICY, 而且相當有肉味! 再加上有塊BACON 圍住黎煮, 塊肉有充足o既油香味!正呀! 問下Waiter姐姐原來佢地係自家製塊肉, 好有誠意, 唔係人地工廠製交貨黎的, VERY NICE!以我食漢堡甘多年的經驗, 風月堂整得係VERY GOOD, 可以令到我心思思想番轉頭再食, 果然有d 料子!幾時再約丫朋友!?

本身係一個漢堡/牛肉迷, 平價的貴價的都超鐘意食, 試過有一個星期日日LUNCH都食MCDONALD雙層芝士漢堡餐 然後有幾天晚上都食OUTBACK呀RUBY TUESDAY呀, 肉肉肉肉肉風月堂呢個漢堡真係不得了!!!一食落去味道超有肉香, 個口感唔硬鬆化, 加埋邪惡o既BACON圍住塊肉, 非常香口, 好正!!!!!!!!!!!! 好明顯食得出係廚師自家製的, 並不是來貨無味硬掘掘o個隻, 估唔到的有誠意! 雖然件漢堡不是美式餐廳o既o個隻份量大堆頭, 但我呢d小姐們寧願貴精不貴多, 試過呢個dish o既味道你會覺得係值o既 

Farewell同事我哋揀咗風月堂，雖然呢度要行2層樓梯，但平日lunch 都好多人排隊，book咗位都要等10-15分鐘，一行12人座咗張大長枱，呢度樓底或好高，又有大吊燈，加埋我哋座呢張大長枱，好有feel呀！ 有5-6個set lunch 可以揀($88-$128)，有paste，魚，日式定食，肉眼扒，雞扒等等可供選擇，樣樣都想食，唔知點揀好呀！個餐有好多野食包括餐包，餐湯，主菜，餐飲及甜品，又一餐好豐富及滿足既午餐！ 牛油餐飽熱辣辣軟棉棉 雜菜湯一般 我點了黑椒汁雞扒配薯菜，雞扒煎得香香的，仲有脆薯角及脆肉 呢度咖啡好出色，餐杯好精緻 不得不提的就係呢個甜品，窩夫雪糕(雪糕有菠蘿味，朱古力，士多啤梨，豆腐，雲呢拿等等)

話說之前成日經過旺中都望到風月堂個menu,佢D甜品好鬼吸引，想try try 好耐。今日同屋企人食飯，爸媽就強烈推介佢地幾次兩人世界食過嘅風月堂。環境好舒服，一上到去就見到佢有個大書架，坐喺長枱嘅一個女仔好悠閒咁攞左本書睇得好入神，好有日本cafe嘅感覺。Staff安排左我地坐喺角落嘅半圓safe枱，五個人坐有D擠擁，我地有D袋都要放係safe seat上面，有D不舒服，扣左D分.....叫左個4個餐，4個都跟餐包，呢度餐包不是普通西餐廳個種，待應上菜時微熱，食落香香軟軟，唔洗搽牛油都得，但等得左一陣唔食佢就好快硬哂。 酥皮周打蜆湯&酥皮龍蝦湯爸爸大人講好耐無飲酥皮湯，所以就叫左個酥皮周打蜆湯&酥皮龍蝦湯。酥皮又香又脆，一上菜3秒唔洗影完相，就比我地急不及待吉爛哂個酥皮定佢沈入個濃湯到。啖啖濃烈牛油香嘅酥皮加埋蜆湯同龍蝦湯嘅海鮮味，絕配 但龍蝦湯夠濃龍蝦味但廚師今日好似有D重手，比較咸，麻麻地，但個蜆湯好creamy,又有多多蜆肉，重重忌廉味加蜆鮮味。 芒果三文魚青瓜卷賣相一流，特別吸引我地young girl食。三文魚夾埋青瓜好fresh,加埋個三文魚卷內有少少芒果汁，少

同朋友睇戲前食個lunch，選擇左呢間..入到去環境都唔錯！幾乾淨企里既👍我朋友已經即刻話冇介紹錯喎，話裝修都幾靚！野食方面就揀左3樣野，同朋友一齊share既😊😊叫左兩份下午茶同埋一份意粉（冇影到相）！覺得價錢一d都唔貴既！下午茶仲送野飲，加埋最後埋單二百幾蚊，印象中每人只係比60幾蚊👍👍對於呢個質素真係抵既！下次一定再去😋😋😋

嗰日我倆公婆去囉150蚊紙幣，攪到成夜晚九点先食飯，諗住返旺角會方便啲，又未試過呢間嘢，点知第一次去就食到一肚氣！當晚都成九点幾啦，又係閒日，間餐廳得4-5成坐咗人，我倆公婆去到，係要帶我哋去啲鬼咁細嘅二人枱！我問啲卡位可以嗎？(當時起碼有兩張冇人)嗰個女服務員竟然話四人枱嚟，跟住就愛理不理！我明白，如果在晚飯時段，人多等位，都唔會要求咁多。但係閒日，晚上九点幾，無乜人又有枱，重要加埋啲咁嘅態度，我諗我以後都幾難再去！食物普通，服務惡劣！這種餐廳……

一個人中午12點黎到風月堂, 只有1-2枱客, 環境都几清幽, 內有大量書藉可供客人閱讀. 我被安排坐在對正廚房通道, 感覺有點不自在, 但都心諗佢地正準備開午巿, 我又得一個人, 可能咁樣比較方便佢地坐位安排.我選了一個紅酒燴牛舌的午巿套餐, 餐包和周打蜆湯也很快就送到, 但侍應竟將食物放在我對面的座位上, 要我自己拎番過黎, 我頓時覺得 "這是什麼服務態度呢????" 味道是不錯的, 周打蜆湯都几多材料, 餐包也是微熱送上的. 之後到主菜, 同樣侍應又放在我對面的座位上就匆匆離開, 又是要我自己拎番過黎, 心裡已感十分不滿了... 牛舌共有4大片, 味道濃郁, 但紅酒汁的味道未見突出, 唔講都唔知係紅酒汁, 但味道是可以的. 不過4片牛舌的份量, 食食下都几漏, 我最後食左3片都冇再食喇! 配菜薯角新鮮炸起, 香脆可口, 而脆肉瓜清新解膩. 甜品是雪糕窩夫, 我一共催了3次, 等了半小時!!!!!!! 然後甜品還是放在我對面的座位上, 令我非常不高興!!!!最後來的熱咖啡, 香濃順滑, 但我礙於時間關係, 飲左一半已經夠鐘要走喇!

唔值得再黎兩個人叫四樣野好飽 $390冬菇釀田螺薯蓉係最好味 , 味道岩岩好 冬菇差啲 , 食落好淡無咩味 加返少許鹽調味更佳田螺無咬口 , 咬落去啲肉霉的。煙三文魚意粉意粉硬得制 ，應該要煮多陣煙三文魚過份咸，係超咸呀最不滿就係... 碟野剛黎到完全係凍咖野菌帶子意大利飯味道唔錯 ，略為味道淡左啲帶子咬落幾爽，都算大粒個飯太乾了，creamy些會更好食！從相中都看到有幾乾, 少少汁都無.千色雪糕 (細)甜品賣相好吸引不過就唔到角度影晒成碟 , 影出黎無實物咁靚窩夫軟硬度適中，好多"pat"忌廉點黎食正雪糕四種（士多啤梨，菠蘿，芒果，綠茶）坦白講，得士多啤梨味係正常，其他三種口味雪糕都好難食。真心建議轉下雪糕牌子

風月堂係筆者其中一間很愛的餐廳最鍾意佢環境好食物款式多凱撒沙律灑上了芝士粉令沙律更惹味而當中的沙律菜亦很新鮮爽口沙律都幾大碟 抵食!煙三文魚芒果蟹柳米卷好好食, 推介各位一試!外層是薄薄的米卷包住煙三文魚餡料有酸酸甜甜的芒果新鮮香軟的蟹柳 同埋爽脆的條條青瓜咬落口好fresh好好味成個感覺好新鮮!鮮果雪糕窩夫窩夫唔會過厚熱熱地脆卜卜 伴上點點散落的糖粉甜甜脆脆的非常好食加上咬落香濃的蛋醬味真材實料實在唔話得新鮮生果份量不會少 士多啤梨香蕉芒果藍莓全部都好鮮甜再食多啖朱古力雪糕真係人間極品

難得出旺角, 當然要去覓食啦! 逛得有點累, 在西洋菜街找到這間樓上座。餐牌上應有盡有, 而我最愛吃的甜品竟然也種類不少。千選萬選, 最終點了芒果雪糕窩夫。嘩! 賣相美得不得了, 芒果旁邊有很多新鮮水果, 面上有朱古力醬。窩夫裡的面包磚, 全部都是西多士, 每塊都很香軟, 牛油蜜糖很香甜。最後都吃不完, 不過很滿足。下次要再試其他甜品。