颱風點心 (已結業)

朋友約黎颱風點心食晚飯，本來以為有點心食，原來而加改左5點後就無點心了。先開了一壺茶，茶幾香。椒鹽魷魚鬚，香脆有口感，條條幼身好易食。椒鹽豆腐同樣香脆，豆腐好滑，椒鹽好味。素翅鹹鹹地好鮮味，入面好多料㗎。翠玉瓜炒蝦球，用XO醬炒鹹香微辣夠惹味，蝦爽口彈牙好正喎。煎䱽魚好脆好香，肉質鮮味。點埋個甜豉油無得彈，連骨都食埋。牛筋骨好有牛味，肉嫩甜味，醬汁勁正。貴妃雞好吸引，超多薑蔥呀！雞件嫩滑無脂肪，點埋個蔥油超正，淨係啲薑蔥蓉都可以食幾碗飯。白飯就差少少了，無乜飯香。最後的甜品楊枝甘露，甜甜的有芒果香，柚子苦苦地好味。整體不錯啊，有驚喜呢。

This restaurant is really good . First the food is so special . All of the dishes has a really attractive outlook to attract u. And the taste is not bad too. Especially the shumai and the congee and the cake with barbecued pork. Really recommend u to take photos before eat

呢間餐廳個名叫做颱風，一聽就覺得好型。大部分既菜都非常之巧手精緻，真材實料。春卷入面都有原隻蝦，非常之有心機，可惜就咸咗少少。乳鴿非常之肥美大隻，不過膏就多咗啲啦。牛肉就差少少，應該係用鬆肉粉洗過的。

同屋企人去銅鑼灣行街行到累, 想搵間夠寛敞嘅中式餐廳食飯, 去位於利園一期嘅 🌟颱風點心 Tyfun Dim Sum 🌟 就最好不過喇!😉中菜主要以傳統結合自家創新風格為主! 我地5個人總共叫左3個點心同埋7個餸菜 ( "安安" 🐼 芝麻包, 雪山菠蘿 🍍叉燒包, 颱風流沙包, 豉油王炒麵 🍜, 雞絲粉皮, 颱風鮮蝦餃🦐，避風塘九肚魚 🐟, 酥炸蟹鉗 🦀, 芝麻蝦多士 🥧，同埋梅菜扣肉飯 🍚!食到津津有味!.特別推介小朋友最愛嘅 3款包 !·"安安"芝麻包 🐼可愛討喜的熊貓包來囉 一口咬下滿滿香濃芝麻內餡 甜而不膩，美味又健康!·雪山菠蘿叉燒包 🍍-菠蘿麵包中包裹著滿滿的蜜汁叉燒醬,表面酥脆，內餡軟滑!·颱風流沙包 🥚黄金流質内饀如流沙一样缓缓溢出，甜而不腻，蛋香味濃郁!·而我最愛就係芝麻蝦多士🥧同埋酥炸蟹鉗 🦀!蝦多士炸到黃金色, 一啖一件, 蝦味足, 好味! 酥炸蟹鉗上枱熱辣辣, 咬落又酥脆又香, 內裏蟹肉又鮮嫩!.而我daddy mammie 緊係最鍾意傳統嘅梅菜扣肉煲仔飯啦! 肉質軟爛，肥而不腻，梅菜濃郁芳香!!

Cwb有好多出色嘅餐廳，我最鐘意喺openrice睇下有咩好食！仔仔見到餐廳有panda 🐼包包就話要食，所以我地就嚟左颱風點心！Lee Garden One本身已經感覺高級又寧靜，喺入面嘅餐廳用餐應該都會比較輕鬆同無咁嘈吵☺️熊貓包包其實係芝麻包，入面係流心芝麻，芝麻味好香👍🏻颱風蝦餃上面有啲金粉裝飾，感覺高級又特別！蝦肉彈牙，真係皮薄餡靚😋燒賣係老公最愛！佢話同樣出色😁椒鹽豆腐同椒鹽魷魚都係我好鐘意食嘅野！本人最喜歡就係煎炸野😆炸得香口，而且炒得十分入味！粟米魚塊比較淋身，略嫌太多sauce！西蘭花炒帶子同樣出色！帶子份量都算多👍🏻我地仲叫左個瑤柱蟹肉蛋白炒飯，不過唔記得影相🙈 但我覺得全餐最好味就係個炒飯！蟹肉份量好多，絕無欺場！仔仔食左一大碗👍🏻👍🏻👍🏻地方坐得舒服，好適合鍾意安靜嘅朋友☺️

同老人家食飯當然要搵個坐得舒服而食物價錢又OK嘅地方啦 見呢間新派中餐廳好似唔錯就帶老人家去試吓 嗰晚佢哋食得好開心 係咁👍🏼話啲食物好味地方又坐得舒服⠀⠀⠀⠀⠀⠀⠀⠀⠀望一望菜單 有好多新菜式喎 嗰晚我哋食咗👇🏻▫️颱風鮮蝦餃(HKD58)晚市都有多款點心叫㗎 呢籠蝦餃同平時食開嘅唔同就係有啲金箔喺蝦餃皮上面⠀⠀⠀⠀⠀⠀⠀⠀⠀▫️颱風雞包仔 (HKD48)雞包仔造型好可愛呀 老人家話靚到唔捨得食😂⠀⠀⠀⠀⠀⠀⠀⠀⠀▫️上湯金魚餃 (HKD58)3隻金魚餃放喺啲湯裡面 營造到好似游緊水咁 好得意呀⠀⠀⠀⠀⠀⠀⠀⠀⠀▫️北菇滑雞煲仔飯 (HKD98)熱辣辣出爐嘅煲仔飯 雞肉好嫩滑 飯粒夠乾身 咁樣落豉油食嘅時候啲飯就唔會過腍喇 如果冬菇可以切大粒少少同埋多少少份量就好喇⠀⠀⠀⠀⠀⠀⠀⠀⠀▫️秘製牛肋骨 (HKD188)店員推介嘅招牌菜 未放入口就已經聞到陣陣嘅香味 份量十足 加上店內秘制嘅醬汁 特別惹味 老人家話啲醬汁用來撈飯好好味呀⠀⠀⠀⠀⠀⠀⠀⠀⠀▫️酥炸蟹鉗 (HKD68/ 兩隻起)圓碌碌嘅蟹鉗 咬落去真係食到蟹肉 喺其他酒樓食到嘅蟹鉗 只有少量蟹肉或者咬落去只有彈呀嘅感覺 好似食緊魚蛋咁⠀⠀

我今日去食颱風，有一啲嘢食有未，但係有啲嘢食好難食。我唔會推介呢個餐廳比任何人因為服務差同埋嘢食又差同埋我去嗰陣時冇人。食嘢嗰陣時剩係得我。呢個餐廳好差。千祈唔好去。

早幾日同隔離果個去開對面海行咗陣街見個店名幾得意就去試下試嗌幾個小菜睇睇點先呢碟雞又幾嫩，最欣賞係佢啲薑蓉，配埋雞一齊食更香口，而佢啲薑蓉量都好多，足夠薑蓉控配飯食😂雖然我唔太好魚，但炸完幾香口，外脆內軟，忍唔住食咗幾啖，隔離果個好欣賞，靠佢清晒😂呢碟牛肋骨有點膻，呢隻煮法令到味道有點怪怪的，不太喜歡。個楊支金露有柚皮同埋肉幾特別，食落又幾ok😂塊薄苛葉陣味都幾大陣整體嚟講都ok，環境都寬敞舒適

今日外賣自取楊州炒飯，炒飯好唔好食，最緊要睇下師傅炒出黎夠唔夠乾身，如果唔夠乾身，咁可以唔使食喇。而我點既楊州炒飯，師傅炒到粒粒分明，夠乾身，所以食得好開心好滋味

難食黎講呢間真係第一！ 開得係利園！ 但咁既質素真係世界級！我呢d對食都唔喺話好高要求既人食完可以話喺成肚火！對食物冇熱誠就咪開餐廳！首先，講個叉燒腸。份量好少！而且啲粉好黏，一pet 野咁！ 但味道都唔係話難食。 但個原隻龍蝦🦞炒麵真係食到想講粗口！ 198蚊， 個麵係鼓油皇炒麵。隻龍蝦你炸？仲要喺完全咬唔到，千辛萬苦剪開！但啲肉喺癡晒殼！ 仲要喺幾乎冇肉食到！ 即喺你個鼓油皇炒麵賣我198蚊！ 之後到個杏仁糊！ 竟然係冇味！ 水沖杏仁粉！ 糖漿另上！ 咁樣都盛惠380！ 真喺好嬲！仲要4點到5點喺員工食飯時間。一大班人坐喺你隔離同你一齊食！ 好心你就一係落閘！ 你咁樣開係利園？ 食物差！ 管理差！

同朋友到銅鑼灣利園一期飲茶，初頭覺得奇怪，點解會有酒樓？去到才知道原來係精緻點心專門店！因為只得兩個人，叫六款食物應該夠吧！ 鹽水鴨只得少少鹽水味，鴨肉比較鞋身。 灌湯小籠包皮薄湯多夠水準。颱風鮮蝦餃塗上些小金漆，有些少金碧輝煌的感覺，味道ok。手切叉燒腸粉有很多叉燒粒，叉燒味很搶口，似係用新鮮燒起的叉燒製作，很好吃。臘味蘿蔔糕最遲先到，足足等了25分鐘，水準一般。 太極馬拉糕就很精彩了， 用傳統馬拉糕加似係竹炭馬拉糕製作而成， 仲要解返啲形狀出嚟，熱辣辣切返個圖案， 功夫錢，味道不錯！在銅鑼灣這個商場，咁嘅環境加咁嘅食物質素，收咁嘅價錢，真係好ok！

食過超過7、8次了，地方好好坐，環境比較靜同好多時除了午餐外，餐廳唔算好爆。值得一去再去的主因是食物水準好高，師傅用心製作，點心做得好好，腸粉彈牙的。亦有些懷舊野食，選擇亦多，有水煮牛肉又有煲仔飯。好值得大家去試下。

好久已知有此，亦想點解點心店叫颱風，有甚麼意思？好勁揪，勁過旋風，勁過龍捲風，勁過西北風，與點心食物有關係？或是無厘頭文化！而每次行利園都想唔起，又找不到入口，終於在寫字樓大堂升降機左手邊轉灣向上見到。自從怡東酒店關門大吉後，少咗happy hour 好地方，轉移皇冠假日，嘆翻杯後，再過來，有訂枱，但來到有大半位吉位。椒鹽豆腐，外皮香脆，與怡東軒比，皮略厚的的，内裏豆香，滑。雞絲粉皮，粉皮滑爽，雞都係雪，麻醬再香些更好，但已好過小南國。菜莆炒蛋，顏色金黄，邊少脆，少許厚身，有口感，蛋香，但少菜莆，及幼細，多些葱芫茜好些，比世貿中心茶木美味。豉油皇炒麵，麵質滑，味道不太咸，都合意，但欠鑊氣，不似大排檔。

呢間好似好高級嘅點心餐廳，以為會好似米之蓮中菜咁好貴，但係完全係另一回事🤫🌟颱風蔥油雞半隻（$148）好多薑蓉啊😍🤤！影出嚟唔係好多，但係其實真係好多😱我哋仲要打包埋返屋企🤭🤪半隻雞都好多，蔥油又唔會太鹹，味道啱啱好👍🏻🌟煎封倉魚（$108）好大條倉魚好抵食😍煎得好靚好脆😋唔會煎得太黑，又唔會太油膩。🌟豉油王炒麵（$88）好耐冇見過咁靚嘅豉油王炒麵😍炒得乾身唔太油膩，唔會太鹹。份量都多有兩大碗。梅菜扣肉煲仔飯（$98）扣肉比較薄，但係係好鮮明嘅五層肉😍有啲奇怪嘅係冇梅菜汁，只有梅菜同埋一碟豉油😕。但係撈埋一齊食都好味，同埋飯嘅份量都多。上湯金魚餃（$52）其實同蝦餃一樣😅但係加咗啲裝飾同埋金粉好靚🤩同埋浸住湯。蝦肉好新鮮，皮唔會太厚。雪山菠蘿叉燒包（$36）好大嚿實在太抵食😆直情似墨西哥包唔似菠蘿包，個皮可以焗得脆啲。蝦仁炒蛋（$78）啲蝦好大隻😮又多，好抵食，食落去唔會太油膩👍🏻。炒蛋幾滑同埋香。清炒菜心（$68）第一次炒嗰陣時係有D粟粉漿，同埋幾重嘅紹興酒味😕再炒個底二碟嗰陣時，真係好好多😅可能係一時失手。真係強烈推介呢度！嘅食物質素好，服務又好坐得舒服。我哋叫咗八碟餸夾埋只係食咗

平時我同屋企人就好鍾意飲茶食點心，今個星期六又同左屋企人去試新嘢，之前成日見到影d好靚的點心，已經好想去。今日黎左銅鑼灣利園後面的颱風點心，佢d點心都好靚，仲有模仿成吾同公仔的樣！我地就叫左有上湯金魚餃，甘筍鹹水角，仲有個炒麵。個金魚餃整得好別緻，而且個餃都好豐富，入面加咗蝦，帶子，甘筍碎等。鹹水角 勝在佢好大粒，但係食落會覺得有d油同埋偏鹹。而佢個炒麵都係比較偏鹹左小小。不過整體來講，環境係舒服的，而且點心係出色的，係igable 的😍😍