食住上 (已結業)

黃大仙嘅黃店就嚟幾乎畀小編食盡喇，唔知大家有無留意呢？🤨今次小編又嚟到竹園街市食最後一間係街市入面嘅黃店，餐廳名就叫做「食住上」。雖然小編去到門口唔太留意到有餐牌🤔，但都見到一個個大型餐單都寫左唔少野食，一時之間有啲亂😵。不過餐廳就有一樣野比較特別，就係手抓餅🌮，特別就一定要試下啦🤤。✦✦✦✦✦✦✦✦✦✦✦✦✦✦🎈特色手抓餅D. $29呢一款手抓餅小編第一次食，見到個餅咁脆都好想即刻襯熱食🥵，唔係過一段時間味道同口感就會下降。拎到上手先知原來唔係好熱，本身入面嘅餡都可以凍食👄，用料豐富，一啖放入口啲醬汁噴哂出黎💦，食得小編好尷尬😧。而小編叫嘅呢款係有蟹柳，蟹籽，青瓜絲同雞粒，入口清涼又爽口，蟹籽加青瓜連埋脆餅，入口索索聲🤯。呢款台式手抓餅絕對要慢慢品嘗👍，CP價亦都好高，只係29蚊💰。✦✦✦✦✦✦✦✦✦✦✦✦✦✦🎈肥牛炒烏冬 $35用XO醬炒出黎嘅烏冬味道上一定有保證👍，辣辣地味道唔算太差👌，不過炒出嚟嘅麵身仲有少少濕淋淋嘅感覺🤔，食唔到有炒香而帶點乾身嘅烏冬🙁。肥牛不過不失，但都有一兩塊係咬唔開，變相就有啲失色🧐。賣相方面，應該落好多豉油調調味🧂，炒出嚟味道無咁濃，炒出嚟嘅顏色亦較淺

前排收工收11點，因為地鐵無車，多番轉折先可以返到屋企，但因為都成12點，有點肚餓，加上竹園夜市收成2點，夜一夜都有嘢食，所以就去買嘢食了。之前食過食住上的手抓餅，覺得好好食，而且佢的配搭會有幾款選擇，所以就想再試下食佢唔同配料的手抓餅，今次就叫左肉鬆、蛋、粟米、煙肉、菜。佢的外層包的餅皮煎得唔錯，都非常好香脆，入面加的材料都其實好豐富，所有材料其實我都好鍾意食，不過呢個A餐set我個人就覺得比較乾左少少，不算太多汁，同埋我比較傾向鍾意食芝士，我諗我下次會揀返搭芝士。以下評分以5⭐️為滿分推介⭐️⭐️⭐️

由於剛剛去完台灣，食了一個比較乾身的蔥抓餅，完全顛覆了我對蔥抓餅的喜愛(詳細可參閱我的台灣食評或YouTube channel)，所以返到嚟香港，未有機會去我平時將軍澳食開好好食的蔥抓餅，見街市夜市開的食住上，朋友們都有推薦過，所以今次便試試佢先。食住上的手抓餅餅底13蚊，之後可以按自己喜好加多不同種類的材料，然而食住上都有推出一些佢配搭好的特色手抓餅set，我今次揀左D set，材料有香草腸、芝士、肉鬆、粟米。由於食住上的蔥抓餅是即叫即做，要等一些時間，今次有台灣後再一次挑戰肉鬆這材料配蔥抓餅，都會擔心可以太乾，但是因為今次的蔥抓餅配以粟米和菜蔬，所以不會太乾身，而且食住上的蔥抓餅真係大大件，超好味，餅底脆卜卜，餡料又豐富，真的很不錯，難怪我的朋友們推薦。以下評分以5⭐️為滿分推介⭐️⭐️⭐️⭐️

平時多數喺黃大仙中心覓食，今晚心血來潮想行過去竹園街市掃下街！黎到發現熟食檔攤真係比想像中多，但望落就有D重覆或者普通得濟，最後揀左呢間，因為有較多小食選擇，又唔係平時食開果d！【XX咖哩牛肋條】唔記得全名喇但呢個咖哩令人有驚喜！老公超鐘意食，少辣得黎配薄餅幾惹味，好有東南亞風味，值得推介！【手抓餅】揀左芝士、雞蛋同香草腸...裡面仲搭埋生菜，所以入口都算幾清新同豐富，冇平時食開嘅咁油膩【檸檬薏米水】酸酸地開胃解渴，薏米亦煲得夠淋身，幾好口感不過對於嗜甜嘅人黎講可能會覺得太酸，因為應該唔係落左好多糖【越式春捲】呢樣係最後決定加單嘅，即叫即炸，等左兩個字香口野令人無法抗拒，外層炸得好鬆脆！呢間小店嘅水準都算係唔錯，下次會想再黎試下佢嘅銀針粉同埋咖哩飯不過如果出菜時間可以加快，咁就更好喇！

At Food Town there are quite a few stalls that serve Mock Shark Fin soup but I chose to try this one because it had fish maw and mock shark fins in the soup.The soup is clear and runny compared to the usual ones.According to the shop, they have deliberately not added any starch to it.It was crammed with so much Shitaake mushrooms, shredded chicken, Chinese ham, vegetarian shark fin and fish maw etc.I found it a bit too salty otherwise it would have been perfect.Finished with the lemon barley wat