食好啲 (已結業)

🌻自選麻辣燙🐱天氣凍，有時食麻辣真係會暖啲，但係最慘係天氣凍嘅時候又唔想出街去好遠嘅地方，好彩屋企樓下有個foodcourt，入面有得食自選嘅麻辣燙！想食啲咩嘢，食得幾豐富，都可以自己揀！每次食麻辣燙，我一定會叫豆腐串，吸晒啲麻辣味，食落去暖笠笠又好味，我仲加咗芝士腸、金菇同埋豬肚！成碗嘢熱辣辣食完暖笠笠！如果仲肚餓，呢間舖頭仲有煲仔飯同埋石磨腸粉，都幾多元化！都係嗰句，唔算係好好味，但勝在夠方便快捷！📍 食好啲 (將軍澳)將軍澳坑口常寧路2號TKO Gateway東翼地下EF20號舖⚡️為食貓：😻😻😻⚡️氣氛貓：😹😹⚡️翻食貓：😸😸😸😸

呢間舖頭嘅豬肉腸，我已經食咗第二次。相比起門口嗰間拉布拉腸，肉比較多，豉油比較啱味。而拉布拉腸嗰間個皮就煙靭，唔似平時食嘅腸粉。但其他嘢食我就冇乜點試過，印象中佢既酸辣粉係唔好食。

平時晏晝都會去呢間度買麻辣燙湯價格親民，湯底自選清湯或麻辣，有好多種辣度都可以俾你揀，如果你想食少少辣佢都可以幫你調教，但係今日食酸辣粉食到金針菇有異物⋯⋯似係鋼絲刷鐵線🤢

開咗咁耐第一次試食呢間石磨腸粉，嗌咗最鍾意嘅豬膶皺皮腸，等緊嘅時候再睇Menu，先知原來可以加菜或者加蛋，或者兩個都㗎 ！下次試吓（不過有機會冇下次）幫我send啲相俾朋友睇我食緊啲咩嗰時，佢都話啲豬膶好老喎！事實的確如此！而且得好少🤏 一條好似大概只有一舊！再加啲碎濕濕嘅手指甲咁大熱愛滋潤嘅我當然感到失望！而腸粉嘅皮質素就唔錯！佢應該撈咗少少麻油香，但係食落又唔會好油膩，有啲青蔥夾住 令口感豐富d ！不過青蔥嘅咪又唔係太出腸粉好有彈性！唔錯嘅！不過成件事收$30真係唔值

琴日過咗去坑口厚德商場，喺商場地下有好多細間嘅店舖，全部都係賣嘢食，我哋兜咗一個圈，見到有一間舖頭有串燒賣， 就去買返一串牛肉串燒來試吓，因為諗住同小朋友一齊試，所以我要求一定要唔辣，職員都重複咗一次俾我聽係要唔辣，拎到串燒望落去好吸引，但當食入口竟然發現有咖喱粉和辣粉，肉質好乾，最重要係都幾辣和鹹咗少少，小朋友食完一口飲咗成半支水都唔敢再食，原本想同個職員講，但見佢好忙就算了，我食完之後都覺得好口乾，即刻要去買支水嚟飲，對呢串牛肉串燒有啲失望😞

外賣個炒飯等左15分鐘都仲未有而且遲過我買既都已經炒好全部炒粉飯都係即炒張飛63號睇住佢嗌67號68號就問收銀個姐姐63號有未以為自己Miss左聽唔到佢答我未炒之後再嗌69號70號我再問佢唔係即炒咩我要等到幾時佢再答我炒粉飯個員工鍾意炒咩先就炒咩我當下呆左再問炒粉飯員工要等到幾時佢話已經炒左仲話老細最錫收銀果位員工所以佢鍾意點就點🤷🏻‍♀️真心唔知收銀個員工點做野其實唔想打工就唔好返工啦買個飯都咁受氣唔會再幫襯

位於將軍澳「坑口」「領展」商場「TKO Gateway」樓下，街市旁邊的美食廣場裡面，有一間名稱叫做「食好啲」的外賣中式餸菜食品，包括有「一餸」、「兩餸」至到「三餸」的外賣飯。雖然我勉強從「食好啲」的廚房開放式廚櫃裡面，看到有不同款式的餸菜，唯獨是找不到有「雞肉」的蹤影出現。「食好啲」價目表裡面顯示有「牛腩」，偏偏看不到「雞肉」，感覺有點奇怪。於是我只付出港幣二十八元，購買一客「單餸」「牛腩飯」就算數。「食好啲」廚房製造的「牛腩」，「牛腩」被切成薄片，再加上其他配料和調味料，然後再煮熟，我明白「一分錢一分貨」，對「牛腩」實際味道期望不大。結果被「食好啲」切薄，再加上薑、蒜頭、蔥，還有醬油炆出來的「牛腩」，「牛腩」的實際份量因為有大量「薑蔥」左右而打折扣。我在食「牛腩」期間，足足食了不下三塊的「辣薑」。「辣薑」令「食好啲」「牛腩」實際製成品的味道變得很辣，偏偏「食好啲」「單餸飯」裡面就是沒有來自「牛腩」的甜味醬汁，就算有醬汁都已經完全滲透進入白飯裡面了。被「食好啲」廚房預先切薄，再拿去炆煮的「牛腩」，「牛腩」的實際製成品肉質就算有多硬，「牛腩」實際的口感韌極應該也會很有限。或許「食好啲」

成日經過呢一間外賣自取餐廳，見到都有人買，鑊氣又好似好足，諗住都應該OK，點知原來中咗伏。好耐冇食過石磨腸粉，諗住帶一個石磨粟米腸粉$18 ，加$3蛋，加$5肉碎，即係$26。點知收銀阿姐話叫我食一個石磨肉碎腸粉$26加$5粟米加$3蛋，即係$34，材料會好啲，叫我信佢。點知食落去米漿唔幼滑，粟米冇粟米嘅甜味，豬肉係肥肉，鼓油冇味。同鳳鳴腸粉差好遠。唔好食都算，我竟然信啊姐$34同$26質素會唔同....下次唔會再幫襯。希望店主睇到食評，我寫差評只係想大家會進步

之前買過呢間野炒飯 唔要蔥一定要講十次 落單戈個人先聽得入耳 落單既人從來唔會同你有眼神接觸但人多既時候態度西到冇辦法形容 我都明 呢個價位唔好要求咁多 今日唔知驚 又走去買左兩份腸粉 菇腸+叉腸強調左幾次只需要走蔥 比完錢張單收多左$6 2份蛋錢即刻同佢講 但就比戈個粉紅色帽呀姐_番轉頭話整緊第一份 只可以退$3我反問佢 點解我冇要到既野要收我錢佢就發哂悔氣話我冇早講 最後死死地氣退番$6 仲話「咁重新整過份囉 」退番黎既錢係扔落台面唉 呢間野摺左去算啦 一句唔好意思都冇

今晚9點左右叫左4個餸除左米粉同飯仲食得炆鴨 臭左 雞翼凍到有層保護 酸左（米粉同飯仲食得 子僵炆鴨 打開就有種糗味試了一下果斷丟得 雞翼尖 凍既仲接受到但味似足存放左好耐 變左味（糗總體來講4餸 得2餸食得 係味因為app點的外賣 隨便裝入就比人食

分左兩日去試呢間小店第一次試左牛肉炒飯同埋豬頸肉炒飯，一打開已經好香好有鑊氣，味道👍🏻一個字 「正」價錢合理$36-38第二朝充滿着期待去左試佢個石磨腸粉點知....期望太大，好一般有啲失望，不過無打擊到我，畢竟將軍澳真係唔算好多好嘢食，所以之後都會再試其他嘢因為見餐牌都幾多選擇有煲仔飯、酸辣粉、湯飯外賣來講都算吾錯真系

街市平民外賣食店，期望已不會太高，有即炒即蒸飯麵原本是不錯的選擇。但開了一段時間之後，客人多了比較繁忙，等候時間久了也是預料之中。只是近幾次要買食物時，站在收銀處前好久都沒人理會，叫了兩聲唔該都冇理，員工只望了一眼即扮聾扮盲繼續唔理，排隊的人唯有陸續離去，員工看見客人走了即露出鬆一口氣的樣子，好像慶幸客人走了便不會手忙腳亂。其實如果你們做唔切可以告知客人要多等一點時間，客人可選擇等唔等，而不是扮睇你唔到希望客人自己知難而退。最近我女兒竟然遇到相同對待，令佢好唔開心。新近開張可能生意會不錯，但即使是小店都應該注意待客之道，不理顧客的態度，長遠一定影響客源，至少我們再也沒有光顧了。

Foodlane 最近開左間新店舖，主打即炒飯麵，今晚懶得煮就試下先😝選擇都幾多，common既炒飯麵都會有，而且價錢真係平民價😋因為係即叫即炒，而且家庭式生意，得一個廚師，所以雖然我前面只有兩三張單，但都要等成15分鐘😕鹹魚雞粒炒飯鹹魚味好出，整個飯都好香口，而且唔會油淋淋😛馬崗狗仔鵝肉炒米粉講到尾其實就係鵝肉炒米粉，始終一分錢一分貨，唔好expect 會點樣入味法，但肉既份量多，米粉調味都唔錯既👍🏿