食客 - 韓食一番地 (已結業)

同兩個朋友行過，見到呢間韓國餐廳就諗住入去試下，講真坐落期望不大，但是野食竟然唔錯？！芝士火山午餐肉飯嘅泡菜分量剛好，只係有少少辣，啱啱唔係好食得辣嘅我 芝士撈落啲飯度好靚，不過唔係好食得出芝士味個年糕煙煙韌韌，沾咗啲醬的清甜味，牛肉比想像多，肉質鬆軟，又無鬆肉粉的咪，加埋醬的清甜味，一個字，正！另外，侍應好韓妹，又好肯答問題，又會主動走過黎睇你有咩需要，服務好好！

星期日咁晏先訓醒, 飲茶閑閑地都要等成個鐘! 媽咪唔知哪裡的想法話想食韓國野, 於是黎左第一城唯一一間韓國餐廳試一試@@ 海鮮煎餅-望落煎得有少少燶, 食落一口粉-_-...完全無味, 只配鼓油俾我地點個餅, 唔明韓國餐廳點解無辣椒醬? 因為爸爸食個石頭飯都係無...至於海鮮, 好似得尢魚同蝦毛, 算了三四十蚊也不期待有什麼靚料俾你。牛肋骨湯-牛肋骨有兩大舊都算係咁! 湯入面有粉絲, 白蘿卜同洋蔥, 無其他野了。可能因為無乜其他配料, 個湯都好無味, 連帶牛肉亦都無乜味, 要點鼓油先得! 白蘿卜亦都唔甜, 好普通; 至於個飯就正正常常啦, 無乜值得食。

一行六人，叫了兩個三人餐，分別系青菜牛肉鍋同青菜豬肉鍋，侍應回覆，一張檯不能用兩個gas爐，問我分開上菜，先食牛肉，食完再上豬肉，我話：同行友人唔食牛肉，不能分開上菜，我提議換另一張大檯，侍應沒有任何回覆，便放上兩個爐，但當上了牛肉後，卻收走另外一個爐，我問侍應為何收走一個爐，他再次沒有回覆我，要再大聲叫佢，佢先說兩個爐一齊用有危險。我話一早已經講唔可以分開上菜，但又沒有任何回覆，另一位紫色頭髮的男侍應，話已經上曬菜，不能換大檯，我話豬肉鍋都未上，點樣叫上曬菜。講左好耐，終於肯換張大檯俾我地，但紫色頭髮的男侍應，竟然話我應該一早講要換檯，我話一早未上菜時已經叫換大檯，此時另一位女侍應，竟然對我友人說：「你嘈夠未？」。我即時鬧爆個女侍應啦。呢間餐廳，所有侍應服務態度差，廣東話又講不好，十問九唔應，以後都唔會幫襯。

其實呢間食過好多次，但一直都覺得好一般，雖然老細係韓國人，員工大多數都係韓國人，但口味個人覺得唔夠濃，可能本身係濃味怪…琴日去食Pre 生日飯，佢Menu終於有啲新菜式喇！可以多啲選擇！揀左個豆腐湯飯，味道唔錯，可以一試，不過都係可以再咸多DD 就更好喇！而啲蝦係海蝦，整體都OK! 可能始終係地道嘅韓國人，溝通上都係唔方便，只能用好基本嘅英文同普通話溝通，佢地又唔明！好似想叫野飲，佢menu 冇圖，要下下自己行出去指俾佢睇😑😑😑 不過好過早排搵啲大陸人黎做，嗰時啲服務態度真係差爆，宜家好左好多… 

今日同中學老師食午飯, 去左呢間餐廳到食韓國野, 入到去真係好有韓風Feel, 連個侍應都係oppa來的.我地叫左大豆芽同菠菜做前菜小食, 呢兩個佢地都落左麻油, 加上面果D芝麻, 食落十分香口.而主菜我地就叫左凍湯蕎冷麵同芝士拉麵.個蕎冷麵落可以自己加醋同芥辣, 食落去好開胃, 而且D 麵好細身好滑,推介!而個芝士拉麵個湯係有少少辣, 而D芝士就好濃味好香芝士味, 但食落唔會膩.

1. 傳統石頭鍋飯 $48 ~ 選了牛肉，一上枱有好大陣燒焦的味，但又無預期中的硬飯焦。牛肉都幾好味。2. 人蔘雞湯 $62 ~ 無咩蔘味，雞內的飯亦不多，雞及湯只佔鍋的一半，份量我一人飲也不夠。3. 海鮮蔥花餅 $40 ~ 都算足料，有八爪魚、蜆等。可能調味品落得少，塊餅好重粉糰味。4. 水餃子 $35 ~ 一口一啖，沾上醬汁好好味。

<要說再見的韓食一番地>今晚到了沙田置富第一城很出名的韓食一番地，幾年無來，已從蚊型的家庭小店變為大鋪，七點來到已要等位。點了部隊泡菜湯飯，$75﹐份量偏少，泡菜得幾條，孤寒得很，興幸湯頭尚算鮮辣，但自命泡菜鍋得一兩條泡菜真令人氣結。韓式炆牛肋骨，$115﹐牛骨得三件又係少得離譜，第一啖吃下是極濃甜，再㗳真尐唔多對路，甜到出奇，糖下得超重最慘係配料如紅蘿蔔白蘿蔔栗子等根本同牛肋骨分開煮，完全未腍，差爆！知佢開咗分店在淘大，午餐做得求祈又貴又難食，想不到重回老店也如此，小店擴充質素不再，只有與她說再見。

見佢唔多人。。門面幾好。。就入去試下。。 原來全部服務員都係韓國人。連d碗筷都跟韓國地道一樣。 叫左個尤魚牛肉燒肉定食 + 炒薯仔。。。炒薯仔幾ok。。。尤魚牛肉定食就好ok哦。。仲有個靚仔哥哥係我面前剪剪切切d牛肉。。又幾得意。。食落都好好味

There was no wait when we walked in. We told the waitress that my boyfriend is a vegetarian. We were wondering what dishes he would be able to eat here. We asked if the scallion pancake had meat in it and she said no. When we received it, it had seafood in it. I guess it was our fault for not making sure that it didn't have seafood in it. The taste of the pancake was very bland. It just tasted like flour batter with seafood in it. It was nothing special so we wouldn't order it again.The other di

上個禮拜去食, 坐低之後問其中一個waitress個石鍋飯有D咩材料,佢唔識答,話叫第2個waitress答。第2個waitress話唔得閒,轉個頭就冇就件事....D waitree 完全唔想理你咁!1) 湯飯--- 淡到完全無味!! D飯勁"淋"!!--- 得一塊牛仔骨(細過包煙!!),唔覺係份量少, 完全覺得依間野係偷工減料!!2) 海鮮薄餅--- 冇海鮮,得蔥同唔知咩料,又油又"淋"--- 酒樓D家鄉薄餅仲好食過佢多多聲3) 牛肉麵--- 漏單,冇黎到! 全間鋪得幾個客都可以漏單,見D野食差到咁都廢事再嗌!4) 石鍋飯--- D飯超硬, 好似未煮熟咁5) 泡菜餃子--- 終於有返樣正常既野!埋單LOOK卡俾錢, LOOK完卡連"多謝"都冇聲! 仲要求其擺低我張卡係一二邊,要問佢拎先俾返我!依間野請我去都唔會再去, 服務態度差!! 食物質素差!! 偷工減料!!

我用三點概括我呢次不愉快的用餐經歷：一、餐廳衛生標準好有問題。我叫咗一份雙拼辛辣麵（豬肉+牛肉），食到第五啖左右驚現碗邊有隻烏蠅仔,死咗。好噁心，叫個侍應埋嚟退咗佢，但係個韓國學生哥唔識聽中文，算。之後嚟咗第二個侍應，呢個侍應講住煲冬瓜夾帶唔咸唔淡嘅廣東話，話「其實，呢啲都係飛蟲啫!」，真係激到我...佛都有火...明明自己餐廳嘅錯，講到好似食客見到蟲都應該將就一下咁，已經冇提到之前叫咗幾多次侍應都冇人應......落街柯打碗公仔麵啫，使唔使搞成咁...二、餐廳內冇幾個侍應能夠真正同顧客溝通。新移民員工冇幾個識得聽 or 講。呢度係香港，香港係講廣東話架唔該。落單菜名都唔識聽...真係好唔高興...三、味道麻麻。海鮮年糕我最為欣賞，因為足料。蟲蟲麵換返嚟嘅泡菜豬肉石頭飯太燶，啖啖都係燶味囉

在只有茶記的區域上班, 要找別的就得 "出城".難得今天出城, 同事挑了我喜愛的韓食! 太感動!以為Lunch Time會好滿人, 但還是有空枱~ 這裡的價錢都比較貴, 話說尖沙咀的還比這裡便宜! 泡菜這最多可以說是鹹菜罷了..只有鹹和酸, 沒有蒜味也不夠辣...差!  辣醬伴麵 ~約$65味道不錯, 甜中帶辣, 不算太濃, 可以舒服的就這樣吃麵的質地也很好, 不會稔~ 水冷麵  ~約$65麵非常煙韌, 很正宗喔~但水冷麵應該湯中帶冰碎的感覺才對呀.. 現在只有兩大塊冰又沒有湯.. 有點失望..不過味道還是不錯啦.. 海鮮鍋  $52沒有看清楚圖片, 原來海鮮鍋是清湯.. 一上枱 ... 唉... 真失策... 喝了一口湯... 唉x2...淡而無味...雖然內裡算是多海鮮啦, 但還不是雪藏的.. 不是新鮮的海鮮不配上濃味的湯, 這個叫我怎麼吃... 還要用淡淡的湯水餸一大碗白飯.. 下次點菜真的要提醒十二分精神!在 "城" 中, 唯一的韓食選擇也就只有這家, 希望他們不要因為獨市就退而求其次吧~

如果有得比負星，我真係想比呢間負五粒星! 無論服務，食物水準都差到無朋友! 啲侍應招呼九流，收人加一服務費茶都唔添，唔話你知要搭枱，張枱已經細到幾乎連杯茶都放唔落，然後無端端質啲三唔識七嘅人坐埋嚟，仲要凶你一句: 唔係淨係比你坐㗎! 跟住啲野食仲大件事: "石頭鍋飯"啲飯真係好似石頭咁硬，"泡菜餃子"啲餃子皮未熟就上碟比客食，"豆腐餅"上面啲泡菜醬唔見晒變左廣東菜嘅煎豆腐(同幅相個賣相相差程度簡直有如整容前後一樣，完全認唔出，變晒樣)，而"泡菜"無論係柯打叫同佢"送"比你(其實已喺加一計埋)嘅都唔新鮮乾過菜乾，咁樣嘅食物水準，每樣食物幾乎都係用前菜碟裝，份量只僅夠兩個節食嘅女仔裹腹，埋單要成250蚊，再附送一肚氣! 我奉勸各位鍾意食韓國野嘅朋友，千萬要考慮清楚係咪要選擇呢一間，免得後悔莫及! 坦白講，如果個侍應一早話我知有機會會搭枱嘅話，以佢嘅食物收費同舖頭裝修，我真係唔會入去! 當初都係去到第一城見到周圍人山人海等緊位，而呢間無咩人仲有位淨，即管試下! 點知。。。😠 氹左啲客入去坐低晒之後又質啲人坐埋嚟，問佢仲要比說話個客聽？ 今時今日，咁嘅服務態度真係......!

今日約左家人吃Lunch, 度度都要等位, 見呢度吾洗排隊, 就入左去.一共點左3樣野, 蟹籽牛肉石鍋飯, 辛拉麵, 同海鮮餅. 等左10分鐘d野開始來, 首先來左個辛拉麵, 己急不及持先試個湯, 點知個湯明顯冇辣味, 一試就知係味精, 早知我去買包辛辣麵自己煮仲好食過佢 ........吾香吾辣得個鹹字點食丫....冇幾耐個海鮮餅就來, 一睇個餅完全發現吾到有海鮮, 只見到有好多蔥. 於是叫個持應來問, 佢就話冇錯, 個海鮮餅係咁. ok照食, 咬開個餅只見到有幾粒, 係好細粒蝦, 咁都叫海鮮好失望......最後, 食埋來埋個石鍋飯, 抱住求其食住先的心態ko埋佢算. 個飯又吾香又冇咩飯焦, 冇種韓國風味, 同幾年仲係小店時的水準差好遠..........越食越失望, 價錢又貴, 吾會再幫襯.....

那些年的一間街坊小店, 搖身一變今日的型格韓燒店, 店舖擴充了, 環境進步了, 可惜味道卻退步了!今天點的三道菜, 只有炸醬麵是保持水準之作, 醬料味道濃淡適中伴有甜味, 麵質OK, 味道依然, 份量多.本來小饅頭對泡菜豆腐湯抱有期望, 可惜換來失望. 整個湯只有辣味及鹹味, 主角之一的泡菜味欠奉. 相信只要多放一點泡菜, 湯的味道必定可以大大改善.雞蛋卷的敗筆主要是蛋皮太薄了, 使口感鬆散. 其實, 只要將蛋皮加厚一點點, 效果就會變得不一樣!