食客 - 韓食一番地 (已結業)

今日真係學識個嬲字點寫。入到去個內地侍應強逼我坐係中間既位置。係，我得一個人，但你成間野無人我想坐邊對你真係有影響嗎？假設你有你既理由，咁客氣啲都得掛？你達張meun落枱叫我坐係到？我係客，我俾錢入黎買啲咁worst既service.現場實：成班內地侍應勁大聲傾用普通話傾邊到按摩舒服。食物方面，我order左lunch 餐牌既冷面，我5明點解無餐飲跟住個lunch又迫人淨係睇lunch 餐牌？我唔可以lunch食燒烤？個冷面係好大的，不過若自己5加調味就會好似食過梗河既面咁...配菜幾片青瓜幾片白蘿蔔幾片牛展？Kimchi即好dry，未食過如此dry的kimchi...服務如此，食物又不是特別優質，不會再來了

入座時間約晚上8:45，柯打「泡菜湯飯」，「海鮮湯飯」，「韓式炒粉絲」。好後悔無先睇食評。食物方面我真係估唔到泡菜湯飯竟然會有午餐肉+腸仔，啲湯俾粉絲吸乾咁滯。服務方面唔好意思，我真係發覺唔倒有呢樣野存在。食食下野個炒粉絲，佢行埋嚟收咗支辣椒醬，兩個湯飯都未到，佢又行埋嚟收咗啲筷子匙羹，枉佢仲夠胆收人地10%服務費。總結如果你平時谷埋谷埋一肚氣想搵人出氣，呢度可能係一個好地方。

嗰日我兩點去到，個侍應比左個lunch menu我，咁我就ordered 石窩飯（＄48）。隔左一分鐘後，有對中年男女坐我隔黎，主動問侍應要tea menu，又ordered石窩飯（平啲） 我見到就即時問侍應可唔可以改左我張單做下午茶，佢望一望之後話唔得。我問佢個飯有無分別，佢同我講話我個午餐會大啲。對中年男女好好人，同我傾計，話比我聽其實無分別。結果，石窩飯黎左後，我哋比較過，係完全一樣。我politely再次問侍應，因為佢明顯欺騙／hea我囉。我問點解其他客人叫茶餐（遲我一分鐘），但係我2：00 佢地比午餐menu我。點知，佢態度勁差，話我下次想叫茶餐，唔該遲啲入黎，佢唔會改我張單（重覆再重覆，語氣差，面口差）。我就好calm話番比佢聽，下次客人2:00入黎，可以主動話比佢哋聽，可以叫tea set。我最後比$48，即使我覺得唔被尊重。呢間餐廳服務唔誠實，處理客戶查問態度差，我以後都唔會再反去。佢地因為＄5而無左個客，失去信譽，只可以話佢地有啲傻，唔識計數囉!~To conclude: The waitresses were dishonest to me. Their attit

傍晚時分，隨意地乘巴士來到第一城。近年第一城變化可真大，商場及街市相繼翻新，跟三年前、我們搬遷前相比，可謂改頭換面不少，現在的規模絕不遜於大型商場。令我驚喜的是還引入很多新餐廳食肆，「唉～點解要搬走咗先開咁多嘢食呢！？！？？！」遊走於萬綠叢中，最後仍屬意曾令二人愛翻、繼而失望的《食客 韓食一番地》…《食客 韓食一番地》又再次新裝，還拓展業務至三個相連的舖位（記得另外兩個舖位原是運動用品店及髮型屋啊），厲害厲害。跟昔日街坊式的裝潢相比，現在以白牆磚及深色木傢俱為主，的確多了幾分型格。被安排於四人桌就座（店子不設二人座啊！！），與陌生的搭檯食客可謂零距離，感覺有點怪怪的（就似身在《大家樂》般啦！）。純吃飯還可以，聊天則不太方便。每檯桌子上均設有韓式烤爐喔！！不過由於昨晚已來了一場BBQ，故放棄之。menu也是全新設計的…中、英、韓文對照，且每道菜式均附上圖片作參考。兩口子點了$225的石頭飯餐（供二至三人），套餐包括雜錦石頭飯、人參雞湯、韓式傳統炒年糕及韓式炒粉絲。先來的是附送的泡菜、菠菜及芽菜，前者不辣，後兩者的味道較淡。幸而蘿蔔胡椒蛋花湯清甜暖胃，喝後亦沒有口渴感。韓式炒粉絲，配料有胡

好耐無去幫襯哩間韓國野出奇地唔需要等位但明明有其他 都要同人搭D位又迫喎 真係坐得麻麻地～今次叫左個SET石頭鍋飯+人蔘雞湯配炒粉絲+海鮮薄餅石頭鍋飯 有雞肉+魷魚但有d雞肉勁大塊 好明顯無切到.人蔘雞湯 幾香的好大隻雞 雞入面有d糯米飯不過味道可以稍為濃返少少紫菜牛肉卷 牛肉有少少硬之前食開傳統個隻都係傳統個隻好味d.炒粉絲 好好味啊好鍾意食 炒得幾好海鮮薄餅 有四大塊我真係好鍾意食的不過認為太多蔥喇 哈哈哩兩樽野飲真係不得了真係好飲的 但價錢真係可以平返少少一樽要$20 兩樽就$28即係焗你要兩樽～最後 落order位阿姐真係唔係好掂我問：個set話有配菜 咁姐係咩配菜啊? 係咪有得選擇?她說：得架喇～我地會跟架喇。到所有食物都齊 食到一半的時候我問：我order左個set 但配菜未黎啊她說：係喎～唔記得左tim態度麻麻地 工作時又唔跟足d亞姐做野真係唔多OK～ 

睇完食評都諗住以身犯險 , 果然符合預期中伏.張枱大小同快餐店差不多 , 勉強可以同時放兩個盤 ,  如果真係食韓燒 , 開埋個入枱式爐就....  , 大家可能要食快d , 否則放唔到食物.先試人參雞湯 , 黎到變左人參鑼米粥 , 雞鞋粥咸 , 真係食到... .HK$65 碗冇味少餸的冷麵 , 又係未食過如此... 

一早去威尔斯探病, 知道醫院無啖好食, 走去第一城搏一搏, 見到有間韓式茶餐廳, 晚上會如其他韓國菜館有燒烤, 但居然有早餐提供, 實屬罕見, 款式有6-10款, 由港式到韓式都有, 平時早餐食慣港式茶餐, 我於是點了一個韓式早餐紫菜飯捲Kimbap, 包一個即做炒蛋, 有個本地姐姐係大堂即煮, 侍應是位很潮的韓國哥哥仔, 識講廣東話, 或者是太子爷吧?筷子是韓國傳統的綱筷子, 這是很多本地充韓店沒有的啊. 紫菜飯捲長長的, 內有芝麻, 蛋絲及配菜, 味道不錯, 且很健康營養, 只是本身不是熱食, 有些人會不喜歡吧?餐茶選押更豐富, 除了港式coffee, 奶茶, 檸茶檸水, 還有韓國的柚子茶, 紅棗茶, 五味子茶等等, 我要了紅棗茶, 女性有時要補一補呢, 臉色紅潤得人喜愛!

本來打算食La Kaffa, 但初四什麼都無開，見這間開了就大可一試…哪知第一次食評就這樣orz叫了芝士拉麵和炸醬麵，等勁耐都未到。叫侍應跟下，點知話無落單唯有食下泡菜等，但泡菜太酸，味道balance唔到…等左好耐個芝士拉麵終於出現，結論係自己煮個"辛拉麵"的芝士公仔麵仲好味，而且平好好好好多！到炸醬麵，個汁麻麻，唔會話好好味又唔會話好難食，但就膩左啲。但咁樣一個麵半點兒肉都無，又唔係好好味，真係唔值。另外，餐廳桌面的setting 有待改善，明白要兼顧韓燒個爐，但桌面連一碗麵也不能放置於面前，未免也太不舒適了。

今日喺嚴冬中覓食，眼見周圍食肆都無乜新鮮感，就諗住試下新裝修完嘅韓食一番地 (天)。我哋一行二人喺餐廳出面睇到D野食相都幾吸引，價錢偏貴但仍算合理，於是咪諗住入去。見到門口無服務員，我哋就行入去問個阿姐:「唔該，有無兩位?」點知個阿姐一聽到就面有不悅，一手推咗我哋兩個出去，用無禮同唔耐煩嘅語氣，話:「要入嚟就出番去攞飛先啦! 好唔好───?!!!」嘩，我心諗:「呢間嘢乜做到咁高檔，連客都一手推出去，仲要咁有氣焰...」唔理點都好，無理由因為依D唔高興嘅事影響自己心情架，於是等咗無耐就入咗去。入到去，叫咗兩個set，都係石鍋嚟嘅。點知個鍋黎到，裡面D飯雖然聞到d韓國味，但係食落呢，就大失所望。D飯一來食落又無聞到嘅咁好味，而且問侍應攞野又唔睬人，睬個陣又粗聲粗氣，好似鬼唔望個客食完唔好再番黎咁。於是都唔知食咗D乜，最飽係一肚氣，埋單個陣真係唔想俾錢。其實，價錢又豈會係一個問題，食物質素仲係其次，最重要嘅都係服務。即使味道有錯，或能改之; 服務差劣，而不求進步，有錯不改而不能善莫大焉，實在是有違飲食界的生存之道。今時今日嘅服務態度，唉... 哀哉。

晚上家裡沒飯吃, 到樓下商場找吃.見到韓食一番地裝修過, 由一個鋪位增至兩個鋪位, 想必定是人氣急升, 賺錢了.其實他剛開張時試過一次, 有感不知所謂, 又貴又不好吃, 我們家早已blacklist他了.這次給他機會是看著鋪面改善, 以及人流增多而給的.點了個石鍋飯($52)加雞肉($5) 及牛肋骨湯飯 ($65).先說石鍋飯.石鍋飯的石鍋是不熱的, 所以內裡的東西的溫度也....以前石鍋飯有店員為客人加醬拌勻, 現在, 自己做吧.醬料都放在桌上, 只有魚露和甜辣醬, 並沒有醬油. 加在飯裡沒什麼顏色.味道方面, 沒味道!!再說牛肋骨湯飯更令人氣憤!溫度方面, 熱是熱啦.味道方面, 同樣是沒味道, 那個湯像滾水!!!舉手向店員查詢, 得到的答案是..."你自己放鹽吧!"這是什麼一回事? 調味的工作不是廚師的工作嗎? 不夠味不要緊, 但沒味道是不能接受的!!店員說, 廚師每天都是這樣熬湯, 味道就是這樣.....!?!另外, 牛肋骨都是骨, 只有很少肉.真是非常後悔給他機會!

店舖裝修前有去過，食物都ok，服務ok，店舖小小竟然有專人會禮貌問要不要幫食客將石頭鍋飯醬油拌勻。裝修後舖面已經無上述服務，服務態度惡劣，例如：落單後會有order紙放在枱上，發現order同我落單有出入，伙記仲要超級無禮貌回答，完全感覺受氣，非常失望。食物方面比以前差很遠，石頭鍋飯只係暖唔夠熱，完全失敗！配菜唔自己問係無比你，完全不可接受。我係唔會再去！

聽講話最近轉左手，冇計，啲商場係咁加租係要裝修下架喇，但係我好似見到都係同一個老細，所以我相信係冇轉手的。不過新裝修後變得可以韓燒咁，賺多瓣!!今晚兩個食，由於口碑越來越差，當然係唔駛等位。坐位安排得唔好，明明有位都要你迫埋同其他人一齊搭枱，話要調位就問你係咪食燒烤。落單分左三次，次次落到一半就走左去理其他人，已經有啲谷氣啦。總共叫左四樣嘢，有韓式炒年糕，韓式素麵，豆腐餅同埋韓式紫菜卷。啲嘢食水平一般啦，不過不失，就係覺得廢到只要你有嗰支辣醬就可以响屋企整，完全冇特色。不過價錢對比尖咀天文台道幾間地道韓式餐廳有過之以無不及。要補充一句服務態度真係好有問題，我多次聽到佢吔响度細聲嘲笑其他枱啲食客，放碗碟又啪啪聲，紙巾都冇張，我叫加水時拎住個水壺埋嚟又走去理左其他人，服務態度好鬼輕佻，我諗佢吔真係諗住第一城佢獨巿，唔憂做。以後會少去!!!!

第一次試，一共叫左三樣野:1）燜雞翼：menu 上英文寫 sweet and spicy chicken wings. 出黎既係李錦記豉油雞汁！成日自己整，一定冇搞錯！而且陣味似番熱左唔止一次，肉質亦已變梅。2）韓式海鮮炒粉絲：主菜價錢，前菜 size. 同 menu 唔 match 就梗，仲要係微波爐叮既 (因為外熱內涼)！怪唔知兩分鐘上菜！3）石頭飯：飯係爛既！餸底冇任何汁，問佢拎辣醬，佢指下檯面。一試... 腸粉辣醬？最終俾左一百七十幾蚊，然後要去美好食多個餸平衡一下。

諗唔到食咩好，行過韓食一番地唔係好多人等位喎，自從新裝修後都無黎過，一於試下有咩變先。等左十分鐘倒就有位了，唔使諗梗系食石頭窩飯，其他啲麵食之前食過唔多得。一坐落，侍應就放低茶同泡菜，賣相認真麻麻，泡菜好乾，睇黎應該一早放左出黎。味道ok，不太酸同辣，比百佳賣的好吃。蛋花湯，有少許蛋絲同蔥粒，好鹹，而且好凍，不喝也罷。主角牛肉石鍋飯到了，個鍋使唔使咁爛，好心老闆就換左佢啦，影響食欲。入面有肥牛片，菠菜，紅蘿蔔絲，紫菜，生蛋等，自己加辣醬同蔴油撈黎食。基本上成個飯都係無味，全靠枱面上嘅辣椒醬同蔴油去調味，真係食唔出有幾正宗……味道唔差嘅，但係食咁多油好不安囉。四十七蚊個餐，話貴唔算，但唔多值囉，零service，想要斟下茶都無。

差到冇朋友！辛麵明顯用農心辛辣麵煮，算！最失敗係完全沒配料，得爛菜幾條，煮得難吃過屋企自己煮！石頭飯用很爛既白米飯做底，配料份量少的可憐，爛！味道更爛！爛爛爛爛爛爛爛爛爛(不要浪費我的時間！)