食得喜小廚

營業中

休息中

荃灣特色大排檔風味小炒最啱一大班人聚會飲返杯🍻而且每碟小菜份量夠大仲有好多出面少食到嘅款式加分加分！🍺海蜇手撕雞🍺鹵水拼盤（大）🍺蜜汁薯仔牛柳粒🌟必食🍺椒鹽蚵仔今次order嘅都係送酒一流小炒特別係薯仔牛柳粒每次都係必點薯仔畀蜜糖包住脆脆外層,加埋炒香咗嘅牛肉粒，正！！！今次另一驚喜係海蜇手撕雞, 調味十分惹味，加埋青瓜海蜇令手撕雞更有層次，做前菜立即胃口大開。

上網見到呢一間個蠔餅好吸引所以就嚟咗試吓佢平日嘅夜晚都爆曬場 成個場好嘈樣樣嘢都好大碟 仲要唔使加一👍🏼酥炸蠔餅 ($98)好大碟 不過覺得有啲同想像中有出入因為平時嘅蠔餅係會用蛋炸但係佢只係將麵粉同埋蠔炸成一大個餅然後啲麵粉又吸晒啲油 好油膩蠔嘅份量正常 但係都食得唔係好滿足失望☹️滷水大拼盤 ($208)呢個又係超級大份 有好多唔同款豬手、鵝掌、腩肉、海蜇、金錢肚另外有啲內臟好似係肝、同埋腸另外有好多花生墊底令我最覺得唔好食嘅地方係佢個Pat蒜蓉有好重嘅酒味 可能有啲人會覺得呢種味好食但係對我嚟講就真係太重味啦😮‍💨所以成碟都係一般般最好食係個豬手同海蜇啫啫時菜煲 ($98)呢個就真係惹味啦 果然真係要食炒菜好大煲 揀咗芥蘭 有好多肉碎同埋有好多都幾大隻嘅蝦乾食落好香口 都真係幾惹味👍🏼去小菜館都係食炒小菜穩陣😂

今晚同朋友响荃灣區經過一間叫食得喜的小炒店，店子不大但見門口甘多人等位便想去試一下，大约等了差不多半小時卒之有2人枱。兩人吃了一個豬肺湯，味道清甜，不俗。大盆花菜，有臘腸同蝦乾，送飯一流，但份量比較多，我們兩人也吃剩了少許菜。最後上埋碟椒鹽九肚魚亦夠鑊氣，這間餐廳食物的水準幾好，唯一扣分是人多的關係嘈了一點。希望下次去開呢區再試其他小炒同鹵水野，因為見好多人也點了鹵水野。同埋原來小店亦也海鮮，下次試埋薑葱炒蟹先。👍👍

本身老公前一日book呢間同我食，聽同事介紹話吾錯，又扺食念住，念住試下...去到坐低左，吾夠一分鐘個服務員話後面有枱19人黎要坐我地呢枱話轉位俾我地，跟本就冇位，仲叫我地等下，又話冇我地個名，仲要話佢今日4點更新左個名單喎🙄我地同佢講，係琴晚book仲要係成功有位！仲要係咁同我地坳，佢話仲要人地到左，我都吾見，而家我地都到左啦，仲要坐低左tim，見我地係2個人就吾洗理我地咖啦，仲要行開左吾知去左邊，一肚氣，吾鬼食佢🤬🤬🤬如果2個人就吾好去食佢啦，會冇咁好招呼，隨時又叫你讓位俾人👺就算味道點都好，呢樣野已經破壞曬對呢間野既印象，建議吾好去食啦

已收到Open rice確認訂枱信息 。樓面態度超差居然仲話我冇訂枱 。 冇枱比到我 。又話冇訂枱要坐係走廊啦 。態度好似施捨張枱比我 。一唔搬枱一路話 你冇訂枱 係要坐呢到啦 。 🤬餸又落漏3個 。叫左5個飯 。 都要等20分鐘先到 。仲要三催四請先黎 。唔知呢間野想點

平日都幫襯唔少，諗住呢間野雖然唔係好食，只係近住屋企方便屋企人，今次做節專登同大廚直接落單買料同屋企人做節食餐好少少，都係啲蒸既海鮮，冇咩技術啫，點知係非常失望，蒸大元貝，豉油皇炒大蝦，豉椒炒聖子，蒸盤龍鱔，呢4樣係特別order, 點知除左大蝦味道係正常少少，其餘3樣係用水烚完再蒸，冇曬鮮味，連鱔又唔爽又冇味，浪費食物，總之就係冇下次啦，唔知點解仲咁多人幫襯！埋單4xxx都唔知食咗啲乜（12人）。

昨日中午，跟朋友到荃灣近地鐵站的一間餐廳食飯。怎料到菜式好唔錯，材料新鮮，菜式設計有特色。我們12個人，點了8個菜。都好好吃。特別推介係炸子雞、大拼盤。價錢唔貴，平過大排檔。值得再去。

滷水大併盆（$218）超大堆頭兼且份量不少，鵝肝、海蜇、粉腸、金錢肚、豬脷、豬耳、鵝掌、豬腩片，款款味道都不錯，附上大量花生墊底。梅菜扣肉（$108）三層肉肥瘦分明，醬汁濃厚，但梅菜冇咩味。魚香茄子煲（$98）夠哂鑊氣，茄子走油煮得啱啱好，唔會太淋身，咸魚肉碎味濃。啫啫通菜煲（$108）又係超夠鑊氣，上枱超香，通菜份量多，肉碎咸香，味道濃郁。揚州炒飯（$68）有鑊氣，亦夠香味，但飯粒稍稍唔夠乾身。海味什菜煲（$98）大量不同蔬菜，加埋蝦乾、冬瓜、木耳、魷魚，份量多。鍋貼小棠菜（$118）比較失色的一道菜，炸粉雖然脆但甩頭甩髻，裡面糊口，墨魚膠唔彈牙。酥炸桶蠔（$218）前排係三聖食台山蠔唔過癮，酥炸都係食番美國桶蠔好食。隻隻都勁大隻，咬開蠔肉仲好juicy，外脆內軟，好味道。砵仔焗魚腸（$108）最後一度上嘅菜，焗得超靚，夠乾身，面層脆身，裡面冇出水。魚腸完全冇甘苦味，蛋味香。正。藍妹大啤（$36）汽水（$12）。飲飽食醉，吹水吹到十點幾，大滿足。PS：只收現金。

同老婆及朋友去荃灣食飯，原來荃昌中心有咁大間嘅餐廳，地方寬敞，可以訂位，冇限時。首先叫咗滷水拼盤，非常入味，香甜可口，多款不同的食材配搭，各有所愛！醉鵝肝口感細緻，清香而濃郁。而醉乳鴿更是最晚最愛，必然之選！有點驚喜係凍檸茶及凍奶茶，唔知點解，覺得好好飲。餐廳服務也很殷勤。門口又可以泊車，好正！下次再來。

無知嘅我因這一次社飯重新認識到荃灣區原來有又平又正嘅小館.充滿大排檔風味嘅椒鹽鮮魷、色香味俱全既薯仔牛柳粒、鹹甜得宜嘅豉油雞,無不在我口腔中徘徊.那炸粉下的熱度,魷魚上的椒鹽,合成一道金黃色的佳餚.充滿風味的薯仔襯托着黑色的狂野,有一種暴力美學嘅美感.入口即爆的雞油搭上無處不在的豉油,幸福的油滿感令人欲罷不能.小弟強烈推薦大家一試, 吃到忘我(如我)也只需留下百餘元,便能全身而退.但用餐環境過於熱鬧,建議同朋結伴,融入氣氛

昨日原先約了朋友係荃灣食燒烤，去到竟然超多人排隊，立即call 朋友求救，佢叫我去食得喜小廚，重話一定啱我食，既然咁講就試下啦。去到等了半小時終於有位，立即問店員有咩好介紹， 佢推介醉乳鴿，蜜椒土豆牛柳粒，見佢咁熱誠而且態度好好，就信佢，我再選擇椒鹽雞軟骨，卤水牛舌，薑汁炒芥蘭。醉乳鴿，酒香皮脆夠肉汁有口感👍🏻土豆牛柳粒好特別，薯仔表面香脆，甜甜地有黑椒味😋小朋友食到停唔到口😁雞軟骨又香又脆，正👍🏻令我最驚喜係薑汁炒芥蘭，超級脆口，薑酒味道配答啱啱好😋👍🏻👍🏻果然啱食，一定會再嚟👍🏻😂

星期日同班朋友(14大1小)一齊去慶祝生日飯,訂了一間房,當晚叫左好多美食:+++醉乳鴿(強列推介,皮脆肉滑,酒香味濃)滷水拼盤(鵝肝有酒香味,正)薯仔牛柳粒(牛油蜜糖味好夾)美極雞軟骨(第一次食,好香,好味)美極煎大蝦(加工,第一次食,好香,好味)豉汁蟶子(加工,OK)椒鹽雞軟骨(OK)辣酒煮花螺(加工,好辣,本身唔食辣)小炒王(OK)豉油王鮮魷(一般)薑汁芥蘭(第一次食,另一番風味)清蒸斑(加工,剛剛好,高水準,可惜蔥太少,係切粒,不是一般切絲的)香炸墨魚餅(OK)煎馬友(唔鍾意食咸魚,冇意見)炸乳鴿(OK)生炒牛肉飯(唔錯)總結:地方好大坐得好舒服,冷氣充足,職員服務幾好,上菜好快,食物有驚喜,個人比較鍾意醉乳鴿同醉鵝肝,超濃酒味,特別醉乳鴿,一定要叫.

夜啲好似會打風，朋友話是但喺附近快啲食完返屋企啦，路過呢間街坊小店，大家話想試吓（我就唔係幾想，睇落好似麻麻地)，估唔到有驚喜。豉椒炒蟶子王非常好食，蟶子王好肥美，火候剛剛好，調味適中唔會好咸，大家一致覺得最好食係呢一樣。美極煎大蝦係亞軍，蝦好新鮮啲肉好彈牙，好香美極味。另外推介椒鹽雞軟骨，不過太好食啦，一上枱大家就搶著食，所以冇影相。雖然環境真係麻麻哋，不過整體食物質素係有驚喜嘅，好大碟，性價比高，值得再幫襯。

朋友介紹來這間小店慶祝生日，一行十幾人可以book房，又冇限時，又比我哋佈置，攪咗個驚喜生日比朋友，開心又盡興。在荃灣街市買咗魚、墨魚仔、蟶子來加工，價錢合理。我哋叫咗-醉乳鴿，真係好好味，陣陣酒香-美極食軟骨，好食到臨尾要叫多份椒鹽雞軟骨-炸蠔仔好啱送酒-鹹鮮馬友，鹹咗少少，但都鮮甜😍-薯仔牛柳粒，薯仔好入味，個個都話薯仔好味過牛柳粒😆-滷水拼盤，我少食內臟所以冇食，但好大碟，抵食-鵝肝片，又係唔食內臟冇試，但其他人話好好食，清晒-小炒王，炒得麻麻地，比較濕及唔香口-薑汁芥蘭，好食，又係有encore -平時好少飲凍嘢，但係佢哋嘅冬0茶又幾好飲，我哋每人最少叫咗2杯😂-香炸墨魚餅，唔食墨魚冇食😅門口可以泊車，夠方便，下次再來

朋友生日聚會一行10多人慶祝生日，估唔到一間唔起眼的小館有驚喜，我們訂位俾左一間VIP房我們，食得好暢快。 薯仔牛柳粒，薯仔外脆內軟，帶蜜糖嘅甜，真好味😋醉乳鴿又是另一推介，微酒香皮又脆，真係唔多地方可以食到，另見好多枱客人都點咗滷水鵝肝拼盤，我們又想試吓，果然無失望，鵝肝入口溶化加酒香，值得試👍🏻另我們點左送酒小食美極雞軟骨、台式柯仔，都食到我們一班朋友已經話要約定下次再來荃灣食得喜暢飲暢食