食得喜

營業中

休息中

今時今日仲有$20早餐真係要試下早餐有A、B、C～最平嘅A餐有：火腿絲通粉、蛋、半份厚多士、熱飲～火腿絲通粉雞湯底唔會好味精～蛋有4種選擇～烚蛋、滑蛋、煎蛋、炒蛋～我揀咗滑蛋即係半生熟蛋～感覺好少唔似係一隻蛋～半份厚多士可以揀花生醬、煉奶、牛油～我揀咗奶醬多～即叫即烘暖嘅幾香口～火腿絲都有10幾條唔會好少～通粉份量都多食完飽嘅～飲品揀咗熱奶茶～茶味濃不過唔係好滑咁嘅價錢試吓都幾好～不過如果想食個豐富早餐可以選擇其他

一早要去紅磡見客，所以一早過左去土瓜灣先食早餐再準備工作，去左一打楝舊式住宅大廈隆基大樓【食得喜】食早餐，我叫左個煎荷包蛋豬膶丁麵同一杯熱奶茶少奶，張單只係$28蚊，所似算常當平靚正，尤其係煎蛋煮得好滑，蛋黃仲係水汪汪，豬膶爽口好味，唔好會一陣血腥味，不過公仔麵稍嫌煮耐左令到麵有啲林及唔算特別彈牙。不過，奶茶就真係好香濃，好勁茶味，本身叫左少奶最後應該冇少到，不過入口都覺得好舒服同好滑，呢個價絕對可以encore

係朋友同我講呢間都幾抵食，因為佢有廿蚊早餐。 我呢啲窮人梗係食平民早餐啦我去到 見到好多人喺入面食緊嘢， 要等一陣先有位。 鋪頭就細細間，座位唔算闊落，可以話係有啲迫 但係依然無阻啲街坊嚟食早餐。 廿蚊嘅早餐同出面三十幾蚊嘅早餐係一樣嘅，都係有面、有炒蛋、有多士、有嘢飲！真係好難想像呢個時勢仲有廿蚊早餐！ 我就畀多幾蚊食第二款早餐， 今日食咗煎蛋、鮮牛、出前一丁，加杯凍啡走甜。 出前一丁煮得啱啱好，唔會太淋或者太硬仲送埋麻油。 鮮牛有牛味唔鞋， 我最鍾意佢嘅湯有啲薑絲，丁麵加薑絲一齊食好好食最後埋單31蚊。 係環境逼夾咗少少，其他都冇問題，職員都好勤快。