食得棧清湯腩王

營業中

休息中

上星期第一次去幫襯,清湯腩名不虛傳,吃了碗清湯爽腩米($2X),連湯都喝光(因我對味精較敏感,從不喝湯底,今次覺得味精少而破例),因為太好味,仲買左個淨清湯腩($38)返屋企孝敬老竇。

星期日同老公到電影中心睇戲前, 想起附近這間店都有好多好評, 就同老公試下啦.他叫了出名的清湯腩河, 我就叫了雲吞魚皮餃米, +2杯凍檸茶. 他說ok啦, 因牛腩不夠入味, 都是大利好好多喎. 我的也好普通, 反而凍檸茶算好飲.埋單都要$58, 不平, 不過一試無妨啦.

琴日fd睇完戲..去廟街行一行..因為個fd話廟街有間好食既清湯脯..清湯脯同咖哩脯都食得多..天后既華姐同大利清湯脯都係叫做可以入得口..因為大利既脯就比較上係un左D..華姐就真係不值一提...去到果間係廟街既清湯脯..叫做..開頭見到個咩同普通既咩王..第一咩都冇咩分別.入到去個間野..真係唔大..不過真係好乾淨..感覺真係幾舒服..加上有個丫姐好好服務又有禮貌..我入到去大約係6點到都幾多人..見好多人都食咖哩牛脯..我個人又幾中意食辣野..不過又唔係幾餓就叫左個咖哩脯撈粗..我d fd有叫清湯脯.有叫通菜.又有雞翼.又叫野飲..我叫涷檸荼..佢\\\地有叫豆漿d野食都黎得好快..其實個樣都幾好..不過我眼見同普通咖哩真係冇咩特別..不過食洛又真係幾香又幾入味..d脯又係爽脯..叫得爽脯又真叫爽到@@ ...我本身都唔以為食唔曬..不過真係好味到唔餓都食鬼曬..個fd既清湯脯睇洛d湯都好清..我一食就知道冇咩洛味精..個通菜d腐乳真係好重味..一問之下係自家做既//我個涷檸荼都有特別先係最特別..個涷檸荼真係正..有d似九龍冰室果d飲完都想飲多杯..個價真係一d都唔貴..呢家野

今日我同朋友行廟街,之後見肚餓,入左哩間清湯腩王醫肚。我叫左個咖哩牛腩飯+凍檸茶,而我朋友就叫左個清湯腩河。($27 ,$20)先講凍檸茶─檸檬夠,有紅茶味,不錯!再講咖哩牛腩飯─咖哩夠辣,又香,色水夠靚,真正色香味俱全。我又試過我朋友d清湯腩,味道亦不錯!對,下次我一定會再黎再試。27蚊,掂呀..私人比多五分!

又去附近間戲院睇戲，所以來呢度食野。間野俾ｄ清湯腩banner遮住，爭ｄ唔知佢叫乜。我地叫左一個四寶，一個清湯腩米線。d腩都幾腍，唔太肥膩，味又好，d米線好似少d。個四寶有魚餃，魚扎，豬肉丸，但每樣料多番一舊仲好。佢有個蘿蔔糕餐，有粉又糕，但只限午市，有埋晚市仲好。

今早落油麻地買嘢,經過明記雞什粥,上次食過記起KC兄話呢間清湯腩唔錯就入去,叫碗招牌清湯腩麵,呷啖湯好清甜,正!!麵底就一般,平日唔食蘿白嘅我試一啖,原來成碗麵最好食係佢,真係何唔倒,連一罐可樂26蚊,可翻啅!!P.S. 食到一半有二個應該係菲律賓人入嚟食清湯腩麵!

光天化日的老廟,沒有晚間的繁華盛世.就像一個未訓醒的"廟街皇后",人見人走.不過,見到有間自稱為"清湯腩王"的食得棧,那麼自我澎漲吹虛自己,十居其九也"瀨野",記得上年小弟曾在樂富"天下第一腩",吃罷差點兒連內臟也衝口而出.還沒有午飯,一試無妨,就要個爽腩伊麵.爽腩賣相不錯,筋膜位很爽,瘦肉亦夠稔熟.伊麵沒有令人討厭的油溢味.質感亦柔韌有致,綠葉的蘿蔔,鮮甜無渣.可是湯底就比較咸,美中不足.吃過多間清湯腩店,真正湯腩合一的,只得九記同大埔群記.平心而論,這間"清湯腩王"水準也不差,不過珠玉在前,吃過好的,自然會有對比.

叫了爽腩河，送來只有幾塊爽腩（不俗），其他都是普通腩（有點ｕｎ），湯底不夠清有牛味，應沒有太多味精，河粉正路，薄薄的易索湯，豆漿冰凍。

琴晚本應諗住試吓橫剛，但知真係低B的多人，等咗45分鐘都仲未有耐到，又趕住去睇戲，之後就去咗間清湯腩王到試食，其實就好一般，但就勝在佢唔會好似其他粉麵檔咁加好多嘢去整林舊牛，牛腩口感都OK，我食咗個牛腩魚旦河，只係20蚊，另加碟油菜，真係咁嘅價錢有咁嘅質料，又真係抵到爛，下次去開油麻地，平平地快靚正，佢都係不錯之選！！不過唯一扣分的係，啲亞姐囉，佢地唔係禮貌唔夠，但佢地真係掛住自己係度傾，咁都唔緊要，因為上菜時間都唔算慢，但琴晚30度，仲要食熱嘢，佢都唔開風扇，冷氣亦只開一部．．．．真係食到我大汗淋漓～！

周圍去吃，最喜歡見到有食肆寫著「XX王」、「馳名XX」、「XX專家」的，亦必定一試。因為人家寫得在舖面，必定有相當的自信心。對食客而言，如下戰書，不去會一會怎行？是日肚子空空的行入廟街，喜見這裡大大隻字寫著「清湯腩王」，此味是港九新界的去吃，不吃這裡怎行，就坐下一試。這裡是半露天式，對出就是人來人往的行人道。問師傅「有無爽腩？」師傅隨手拿起「呢舊就係！」好，就來一碗爽腩米多青。爽腩是筋膜連著廋腩肉的部份，中間夾著薄薄的油脂，賣相對辦。吃落廋肉部份不韌，軟熟之餘有肉味，夾著肥油的甘香及筋膜部位的爽脆，都有水準，至少出面寫著「清湯腩王」的招牌，還在那裡；湯底普普通通，當然吃過牛腩，也要靚牛湯的，似乎要求太高；反而配料的一件蘿蔔是腍甜又沒有渣，有一點點蝦子的味道，但就跟牛爽腩同吃味道就顯得有點格格不入。阿姐招呼不錯，頻頻「多謝」「唔該」的，禮貌也佳。連熱飲一杯，埋單28蚊，相當經濟。周圍找清湯腩吃的，這裡也有一試之理。

2007年2月9日，21:20因人貓大戰，在蛇王善祇吃半碗蛇羹，當然不飽。上星期已留意到店外"清湯腩王"的搶眼海報。便即管一試清湯腩河。牛腩：比較碎，幸夠肥美；蘿蔔帶根和不甜(被車品品寵壞了)，味王湯底要扣分。河粉：不夠滑。個人覺得不可和九記、麗姐等相題並論。店地方少，祇有三張四人，幾迫。師傅是典型潮州怒漢，亞姐們有點江湖味，與廟街入型入格。題外話：店內有海報說道，清湯牛腩源自回民云云。可惜我在網海遍尋不穫。

某天路過油麻地,正到午膳時間,本想去明記吃雞什粥,忽然看到對面這間看來新開不久的小店,便進去試一下。店雖然小,但地方尚算企理。以「清湯腩」作招牌,自然要試試了,點了清湯腩河多青, 要肥腩。果然多了青, 腩的數量不少, 但不算很肥。還有數件蘿蔔。先呷一口青湯,有少許味精的感覺,但可以接受。河粉質素一般,蘿蔔夠甜也沒衣, 不錯。主角的牛腩還算不俗,入味得來入口也夠腍,雖比不上天后華姐,但比之灣仔和天后大利則不相上下。在油麻地區好像沒有類似的店,下次可以再試。