影片
附加資料
Lunch don't 10% Service charge
Dinner have 10% Service charge
營業時間
今日營業
12:00 - 22:00
星期一至五
12:00 - 22:00
星期六至日
13:00 - 22:00
公眾假期
18:00 - 22:00
以上資料只供參考, 請與餐廳確認詳情
終於體驗到咩叫好評多但難食嘅餐廳。平時中午會同人食Lunch，今朝未食早餐，Lunch又遲左食飯，諗住食返餐好少少補數，估唔到中伏。行到加賀街附近，本來平時都食開果d餐廳，但食得多都會厭架，行過呢間野見到有我好鐘意既韓燒牛仔骨飯，諗住轉下口味食下韓國野，點知入到去一個人都冇，想掉頭老闆已經放低左杯水，唔好意思走就照係度食，估唔到真係中伏，牛仔骨份量少已不是問題，飯煮到爛晒，湯係凍嘅，未食過咁難食既韓國野，之前d好評肯定全部刷返來，大家小心。
繼續閱讀
坐低成粒鐘見我哋一枱客都知中伏我叫咗個$108嘅牛骨拉麵嚟到得兩件煲湯骨再加個農心拉麵份量少！貴！味道又普通！食完勁嬲同枱其他朋友叫咗個牛湯飯得一細粒牛肉 個湯仲要勁鹹
繼續閱讀
菜價好貴，但份量好少。我地嗌咗一個炒飯（$98），一個牛仔骨湯飯（$108）。湘菜之前送咗幾點好細好細嘅前菜，一啖就食晒。個炒飯好鹹，牛仔骨湯飯裏面得兩細舊牛仔骨，再加幾條金菇同埋粉絲，碗飯勁細，但係我哋一啲都食唔飽。我哋嗌咗杯凍飲，買單嗰陣時佢先至同佢哋講凍飲加$10（啲冰喺雪櫃個冰格整出嚟）。結果杯嘢變成$30。呢間嘢仲要收加一服務費。我哋入去全場冇人，食到走都係冇人。真係中咗大伏，千祈唔好去。
繼續閱讀
超伏，湯勁鹹。份量細到一個女仔都唔夠食....90蚊一碗撈麵，得幾粒肉碎。人參雞又好難食........啖湯得個鹹字。order左6個lunch set...6個人都O曬嘴。
繼續閱讀
要喺香港食有質素嘅韓國菜多數都唔平，但估唔到今次咁啱亂入咗間由韓國人主理嘅小店，裝飾亦有韓國feel🤩 好食之餘價錢亦相對合理😼我哋4個人各叫咗一款主食，另外再加多3個小食：🍲主食我揀咗我好鍾意食嘅石鍋拌飯，肉就揀咗牛肉，配料份量適中，撈埋辣椒醬食係正嘅🤤 但如果有多啲飯焦就更好😛🥘🍛其他朋友亦分別揀咗牛肉大醬湯、唔辣嘅海鮮豆腐湯、豬肉香菇炒飯，3樣都唔辣嘅😹 其實我好似都係第一次見到豆腐湯係唔辣，我諗唔食辣又想食韓國嘢嘅朋友，嚟呢度都可以有嘢好食☺️🍗朋友想食炸雞，咁我就揀咗比較貼近韓國風味嘅「甜辣炸雞」。醬汁係類似炒年糕嘅味，裡面亦配埋炸過嘅年糕，係幾好味嘅😋🫓我好鍾意食韓式煎餅，尤其係泡菜餅😀 呢度嘅泡菜餅煎得幾香，不過如果落多啲泡菜會更好😉🍙由於男士們好似唔夠飽，我哋都叫咗條五花肉紫菜飯卷。入面嘅五花肉其實唔多，但連埋其他配料同醬又幾夾幾好食😻對於鍾意食韓國嘢嘅我嚟講，我覺得呢度嘅味道好啱我口味，又唔會太鹹，份量就….視乎食量啦🤭 總之，下次應該會再嚟試其他嘢😺！
繼續閱讀