飢餓馬騮速遞 (非門市)

營業中

休息中

上個禮拜屋企人生日話想食火鍋，適值疫情關係，又唔想落街市同人迫,所以上網搵吓火鍋速遞。搵搵下睇到呢間標榜每日船家出海捕獲嘅海鮮,所以早一日訂咗個套餐試試佢。訂好之後第二日下晝就好準時送到屋企,送貨哥哥仲好有禮貌。放低咗之後一打開,睇見成個保鮮袋都係嘢食,仲送咗好多嘢比我哋,全部食物盒都係用紙盒,響應環保抵贊!食物質素方面,海鮮真係好新鮮又多,嗰日個套餐有海蝦,鮑魚仔,象拔蚌仔,蜆,仲有鹿兒島和牛,美國肥牛同蔬菜。其中最令我哋滿意都係海鮮,擺到上枱仲識郁之餘味道十分鮮甜,而且已經處理過,唔使點搞就已經可以放落個鍋入面。食落去一d沙都冇之餘,仲非常非常鮮甜,完全唔係街市買到嘅貨色。鹿兒島和牛同美國肥牛用真空包裝,雖然份量唔算好多,但質素好好,唔洗淥太耐就可以食,入口有和牛特有果種溶化嘅口感,一d都唔難咬!老人家d小朋友都好鐘意,攪到我都淨係食咗2塊鐘意食肉嘅朋友下次可以加單買多幾包!唯一可以更加好嘅係蔬菜種類唔算豐富,如果有更多選擇例如菇類嘅話就perfect啦!總括嚟講樣樣嘢都好好食好新鮮,價錢好合理之餘食物質素係預期之上,我哋一家人都好滿意!過咗幾日之後睇新聞發覺到原來呢間嘢係足球員歐

之前都未食過海野咁見到呢間寫住係買本地嘅海野海鮮同最高質素嘅來自真係阿拉斯加長腳蟹咁就見我老豆就黎生日就試左個長腳蟹六人餐咁一送到黎都見到份量都幾多，但都見個送貨哥哥都幾好禮貌，出車前又會講聲俾我知，咁都俾我預到佢幾時到，服務吾錯到屋企人返晒黎就食啦，佢地都幾細心，吾識問佢地都會教點整個長腳蟹，咁食左又真係好好味wo,勁鮮，完全吾駛點汁，同我之前食果d咁吾同既，吾怪得之佢係比普通出邊既價錢賣得貴d,之後再打邊爐食埋佢地d海鮮，都真係好鮮好重海水味，叫埋佢地個白蘿蔔湯底都真係一流，又有埋三份肉同三份菜，食到我地成家都飽到上心口，但最後都聽埋佢地極力推介個蟹粥，一開頭要囉走晒d湯既殘餘，加d米，再加蟹肉，蟹汁同膏落去煲十分鐘到，最後加多二隻雞蛋同蔥花，估吾到咁正，飽到咁都食到二碗，所以我地成家都覺得下次一定要再食呢間😎👍