飯丸屋 (灣仔道) (已結業)

適合拎返公司食，即叫即做，order 咗多人推介明太子干貝酥口味，干貝即係帶子，炸到外酥內軟仲有好Creamy嘅明太子醬，仲有蛋，芝士，餐肉，飯，成個飯團味道的層次豐富。我order set, 配炸雞粒，配醬好好味，拎返公司食仲熱。飲品係綠茶豆漿就淡味咗少少。

炙燒明太子飯糰啲飯係散嘅，一路食一路跌成舊飯糰除個醬外，係完全無味華御結好味好多蜂蜜芥末薯條店員比漏蜂蜜芥末醬🤷🏻‍♀️薯條正常發揮，叫做係熱嘅蜂蜜檸檬飲品超酸，隻味好古怪好假不過最有問題都係個杯嘅包裝封口竟然係穿咗窿，店員就咁用膠紙痴返好吾衛生。。。。。伏指數🌟🌟🌟

通常等要20分鐘，但係如果上佢個網叫定先唔使1分鐘已經拎到餐，啲飯仲係熱嘅，啱晒啲打工仔。價錢唔算貴啲嘢食都幾好味。有時仲可以芝士拉絲，上次嗌咗雙重芝士飯團，都幾好味，啲醬甜甜地，芝士鹹鹹地，好有新意比我想像之中好杯嘢飲埋都已經夠晒飽，不過嘢飲有少少失望，佢哋係用茶包嘅，我仲以為佢哋係自製不過成個set都算唔錯啦下次我會再嚟幫襯唔錯唔錯欣賞欣賞一啲趕住返工嘅打工仔或者趕住返學嘅同學仔，推介呢間嘢食

疫情下外賣變成大家既日常好食既堂食同好食既外賣又真係好唔同，勞蘇食就轉轉個外賣mode做個 ，疫市之中搵下生活快樂點子灣仔飯丸屋，台灣品牌，日系食店賣既就係沖繩飯糰，用不同餡料好似午餐肉、蛋、炸雞等，配以日式醬料，做出好豐富又特別既飯團日系文青風裝潢，精緻感覺，價錢唔貴，地點方便，外賣自取，包得靚靚整齊打開包裝，外賣拎到返屋企都keep到個型海苔醬卡拉雞，新口味，好豐富既賣相，即刻試下，口感超多層次，餐蛋同飯團當然夾，而配埋炸雞都好夾海苔醬完全提升左個風味驚喜在香酥雞排薄皮夠脆，而肉質非常嫩滑相當好味配埋白桃烏龍茶，無糖茶，烏龍睇落雖然係青茶但茶味好濃，食到漏清一清再食雙層起司飯團，芝味好香，沙律醬同雙層芝士係飯團之間爆發勁好味，好濃芝士味，而沙律醬同飯團配搭又好啱，另類burger，鍾意芝士既無得唔食明太子薯條，炸薯條超香，一路拎住都聞到落口水，粗薯條黎，好好味無醬都好正好惹味，加埋明太子沙律醬，即刻帶和風味道，好有特式整體黎講好豐富又特別既快餐，價錢合理，又飽又有特色，好好既快食之選會不斷出下唔同既口味更加唔驚食厭#快靚正之選點都好過食三文治#茶同小食都好有驚喜下次再試其他

灣仔外賣推薦之一，就係呢間只做外賣嘅日式飯糰！呢度嘅飯糰都係即叫即整，可以揀一個套餐有飯糰、小食同飲品，也都可以單點！我嗌咗日式炸雞飯糰+可樂餅，同埋日式抹茶豆漿，成個套餐$64。飯糰有午餐肉、煎蛋同埋3舊炸雞，炸雞食落唔厚粉，有肉汁同好香脆。咖哩可樂餅食落外脆內軟，咖哩味又唔會太重。抹茶豆漿飲落有淡淡嘅抹茶味，飲落好順滑，又唔會太甜～

我於上午11:35左右使用OpenRice 外賣自取，不用10分鐘已經可以取了。我訂了松露炒菇飯糰超值套餐（$60）❶松露炒菇飯糰🍙：松露味不突出，菇也不算好多，但有炒蛋及午餐肉，亦有沙律醬，本來打算可以拿著包裝紙吃，點知飯糰有點淋，還是用手拿來吃😅❷麻糬波波（地瓜紫薯）：地瓜波波及紫薯波波各有3粒，但地瓜和紫薯也不出，不過不失❸紅茶豆漿：稍甜，但挺解喝👌🏻總括來說，餐廳十分快速，味道ok，價錢相宜🥰

大西北牛牛長征出港島逛書展，走時順道買外賣回家吃，選擇了巴士站附近的「飯丸屋」。「飯丸屋」是來自台灣的過江龍，主打沖繩飯團，門頂招牌的飯團圖片非常吸睛。手握飯糰即叫即包，紫菜舖底，夾上白飯、雞蛋、餐肉，再擠上蛋黃醬，好豐富。雞蛋厚身又夠蛋香味；餐肉經香煎，感覺有少少似在吃三文治。這個是基於沖繩經典款的變奏版，加入泡菜燒肉，添加了辛辣味，更加香口。同樣再配上餐肉和雞蛋，份量都大個，食完好飽肚。即叫即炸的薯條，拿上手還是燙熱的，份量又多。粗薯條入口脆卜卜，咬開薯香味滿滿。蘸上蜂蜜芥末醬後都幾夾幾好食。炸雞超香！起初夾上來時感覺質地有點硬身，吃進口又是另一回事。炸粉層做得薄，惹味又juicy，還附有蛋黃醬蘸點。吃完來一杯飲品解渴消膩。桂花烏龍幽香，蜂蜜檸檬酸甜，各有特色。

慕名咗呢間沖繩飯糰好耐😋今次終於岩時間買外賣食啦‼️外賣自取可以先到網上落單，咁去到就可以即刻攞💯💯小小店面都有落心思裝修，門面好有日式風格，尤其是木造玻璃窗🪟✪ 泡菜燒肉飯糰 ⌫ 💲45職員介紹咗期間限定嘅泡菜燒肉飯糰比我地😍日韓crossover當然要試下！燒肉香甜惹味。泡菜酸酸的，平衡油膩感。中間夾著一片玉子燒，仲有塊厚厚嘅午餐肉，一啖食落去口感好豐富！✪ 咖哩可樂餅飯糰 ⌫ 💲40即點即炸嘅咖哩可樂餅，外脆內軟嘅口感，薯蓉咖喱味道濃郁，好滑。加上玉子燒同午餐肉，都係恰到好處！✪ 下午茶 滋味小食拼盤 ⌫ 💲34拼盤有日式炸雞、麻糬波波、蜂蜜芥末薯條。炸雞好香脆，調味好足。麻糬波波有地瓜同紫薯兩個口味，口感好煙韌。【 飯丸屋 】📌 灣仔灣仔道121A號地舖

呢間人氣沖繩飯團又係想試好耐，終於決定買來試吓！相關食物：日式炸雞飯團，麻薯波波日式炸雞飯團 $42- 普通，食材正常發揮，同相片有明顯差距- 味道配搭亦無特別之處，都係雞+飯+蛋+午餐肉+芥末醬- 以為雞係一大塊炸雞扒，但原來係炸雞粒，呢樣好失望，而且令人一邊食一邊好容易跌雞粒出嚟，好難控制- CP 低，$42 一個咁普通嘅飯團唔算平，呢個價錢有其他更好嘅選擇麻薯波波 $18- 呢個okay，但其實正常去炸的話，本身都好難整到好難食整體而言，性價比低，可以試，但唔好期望太高

星期六去完銅鑼灣買新pan ，之後一直向灣仔方向行諗住喺灣仔搭車返屋企🏡中途見到有飯丸屋，就諗住買返去做晚餐😌因為第一次買樣樣都想食😅我地叫左三款飯糰再加配套餐+$20 包小食同飲品（$18以下，超過補差額）泡菜燒肉握飯糰$45新品💕這個係必勝配搭，燒肉既香甜加泡菜微辣，有蛋又有午餐肉，口感同味道都好豐富，好食！日式炸雞握飯糰$42個炸雞真係好好食喎！熱辣辣又夠脆，入面仲爆肉汁，一咬肉汁流哂去蛋到，再連午餐肉食😌雙層起司握飯糰$35因為前面二款已經選擇左有肉類的，第三個比較簡單一點，來個雙層芝士😂熔熔地既芝士大啖咬，正！小食有麻薯波波、明太子薯條同咖哩可樂餅，我最喜歡麻薯波波，煙煙韌韌😋咖哩可樂餅都不錯，唔算太濃。明太子薯條有成一杯份量，有明太子醬好快就食哂！飲品我會比較推薦黑糖豆漿，因為我喜歡🤣唔太甜但又有黑糖甜，不錯不錯！烏龍茶同四季春就清清地都係幾好既選擇😌* 我好欣賞飯糰🍙個包裝袋，我覺得好靚🥰而且都幾保温！

 <雙層芝士握飯糰> $54 （連小食&飲品） 一直都好想試即叫即製作嘅握飯團，今次有機會喺灣仔分店試佢地既野食❤️包括雙層芝士握飯團、日式炸雞（配蜂蜜辣芥末醬）同埋紅茶豆漿😆😆  首先雙層芝士握飯團非常足料，滿滿拉絲芝士，米飯粒粒分明，芝士配搭玉子同午餐肉估唔到咁夾，口感超級豐富，齋食一個都非常飽肚🤣👍🏻  炸雞外層酥脆，炸粉亦唔會太厚，我嗰日拎完離進食都隔左一段時間，但食入口仍然保留脆度，一口一粒size加上蜂蜜芥末醬，完美配搭✨第一次飲紅茶豆漿，味道唔錯，喺食完煎炸野中和返既好選擇🥳  總括而言，我覺得呢間係輕食之選，好少見香港有售買日式三文治飯團🤩而且店員都好有禮貌，抵讚🥰 

見到近排開多左分店，終於有一間近我即刻去試～試左最新口味 泡菜豬肉 即叫即整架！就咁睇賣相已經好吸引，好似飯團版三文治。趕時間又想飽肚又要方便，一定要買哩個。一咬落去就好似平時食嘅韓式便當，仲要一啖可以食到晒泡菜豬肉+飯。+$20配埋小食同飲品明太子薯條 薯條即叫即炸，熱到焫親手🙈薯條勁脆，個明太子醬一啲都唔孤寒俾勁多，而且超濃味，好高質！麻薯波波地瓜&紫薯，又係即炸所以勁熱。外脆內軟，咬落去非常煙韌😍豆漿胚芽 胚芽令豆漿飲落口感更好，冇冰，唔太甜剛剛好，份量亦剛好。店員好有禮貌，見我想打卡，借佢地塊木板比我一次過放晒啲嘢黎影👍🏻👍🏻👍🏻

放飯或者放工想食個飯糰，台灣過江龍飯丸屋係一個好選擇！呢到有好多款飯糰可以揀，想食飽啲仲有好多小食同埋嘢飲。飯糰加$20跟餐就有埋嘢飲同小食，不過揀$18以上嘅就要加返差價。同埋呢到整得好快，lunch break短都夠時間食。J. 泡菜燒肉飯糰 $45+$20日本玄米茶（細）蜂蜜芥未薯條x1呢款係新出嘅泡菜燒肉飯團，燒肉味道濃郁，酸酸地嘅泡菜好解膩，好夾。薯條好香脆，蜜糖芥末夠惹味。E. 炸蝦天婦羅飯糰 $40+$20白桃烏龍茶 （細）麻糬波波 呢個有好大條炸蝦，仲有明太子醬，好豐富。麻薯波波好煙韌，有兩隻味添！A. 沖繩經典飯糰 $30+$20日式抹茶豆漿 (+$2)（細）日式炸雞-蛋黄醬 (+$6)原味好抵食，有蛋同午餐肉都好大份！炸雞好脆好多汁，唔油膩，加埋蛋黃醬更加滋味。嘢飲我鍾意飲抹茶豆漿，幾特別。抹茶味香濃，又唔會太甜。另外兩款茶都好香。

日式沖繩飯團真係第一次食🍙揀咗個咖喱可樂餅飯團～真係好有日式嘅感覺🇯🇵可樂餅炸得好香脆 午餐肉都有煎香過💕舊玉子蛋好嫩滑 飯粒都好有咬口🥚🍚成個飯團口感十足 再加埋秘製醬汁 真係好惹味😋

灣仔飯丸屋夜晚趕住上堂，諗住是旦揾啲輕食填飽個肚就算。見到飯丸屋既飯團，就買左個。打開包裝，賣相麻麻地，好似是旦捏九飯包住d炸雞同午餐肉咁，但食落味道出奇地好食。飯團摸上手係熱既，我都係第一次食到熱辣辣既飯團。熱既飯團飯粒相對凍飯團更為軟熟， 裹腹感更佳。配上沙律醬，厚切午餐肉同埋炸雞粒，味道不錯。美中不足既係佢食起黎唔係咁方便。一咬落去飯粒同醬汁就擠哂出黎，食到我好狼狽。