飯後甜品 (已結業)

今日我諗住叫個愛綜合，全部都係我自己想食嘅嘢，點知一拎起之後發覺點解咁輕，一打開得半碗😞芋圓同珍珠都好林，，個要$37得半碗，好失望☹️真係冇諗過$37係咁細碗，下次唔會食😩

飯後甜品，食完暖烘烘! 芒果椰汁西米露朋友說芒果好甜、西米煙靭有口感、椰汁味都好濃!紅綠燈（熱）我就叫咗碗紅綠燈，原來係紅豆沙溝綠豆沙再加三色芋圓，口感層次豐富；我覺得佢隻甜好特別，應該唔係加片糖咁簡單。勁薑湯丸（熱）另叫咗碗勁薑湯丸糖水，真係非常之薑，呢個天氣食啱晒，驅寒之選，食完好暖！流連忘返將榴槤打成茸，啖啖肉，好香榴槤味，正！呢間糖水舖嘅甜味好特別，應該唔係單一種糖咁簡單！ 坐得舒適，食完都唔捨得走，飯後甜品，吹水好地方!

大埔甜品店選擇其實唔多，尤其舊街呢邊，所以飯後甜品不嬲系作為大埔友嘅我嘅第一選擇。之前都一直有幫襯開，最近轉左比較多用外賣速遞買。今晚食完飯，想同細佬出去食個糖水傾下計，就去左飯後甜品食。今晚未食生果，所以想試下有生果嘅甜品。自選配對系列：大菜糕+鮮雜果（椰汁底）$38第一眼見到好開心，因為冇預計有咁多生果粒系面。有西瓜、芒果、密瓜同火龍果，都系我鐘意食嘅。而大菜糕系已經切左粒粒，有咬口又方便食，一啖可以食到生果同大菜糕，正！細佬就揀返佢成日叫嘅雪糕芒果布甸，因為佢系芒果迷。雪糕芒果布甸 $40上面有大大球芒果雪糕，一啲都唔hea。花奶同芒果布甸不嬲好夾，布甸好滑，仲有大粒香甜芒果。我諗鐘意食芒果嘅朋友一定會鐘意。最後走之前都叫左個D24榴連西米露外賣俾媽媽，我媽媽超鐘意食。D24榴連西米露 （$42+$1外賣）雖然唔算好大碗，但裡面真系有一大舊榴連，又系唔系hea 客人，食完一定好滿足。我唔敢講飯後甜品系絕世味道，但一定系又誠意，同埋充滿懷念港式糖水味道。

大埔飯後甜品，店舖雖少，但客人還是 源源不絕的，有堂食也有外賣。甜品供應選擇多, 也會因應季節而推陳出新。芋圓系列 也有不同的配搭，無論是新或甜品或是傳統甜品也有得供應。是晚兒時癮發作，叫了人見人愛的香蕉船和芒果 班戟 。香蕉船精巧而且層次豐富，三大球雪糕就在眼前， 椰子味曲奇味和芒果味，也有彩色 朱古力碎在上方，香蕉甜甜的，超開心的。另一道甜點芒果班戟也是意外的好吃，班戟皮做得薄，芒果超厚肉而且酸中帶甜， 味道超濃郁。配搭 滑滑的忌廉，超幸福的感覺❤️

屋企附近有間飯後甜品，屋企人係好鍾意食甜品嘅，所以我哋嚟咗呢間度食榴槤班cake，可惜入面嘅榴槤餡非常少，基本上食唔到味榴槤味，只係食到cream，一係就叫忌廉班戟，唔期待佢有榴槤味咁就唔會失望

今晚去左食《飯後甜品》！我覺得飯前飯後都岩食😂加上佢地出左新menu，更加可以食多幾次😛佢地新menu有好多D24榴連👃🏻❤️即刻試左佢地主打嘅<D24榴連忘返>一上枱就俾佢外表吸引左😍好靚！<D24流連忘返>呢個係一定要食！佢有幾個層次嘅口感！👉🏻奶凍好滑嘟嘟😋係超滑！👉🏻豆腐雪糕好香，同埋係自家制，同出面其他好唔同！我第一次愛上豆腐雪糕🍦👉🏻D24榴連肉先係重點！大大件勁香榴連味！好足料👍🏻如果想加D24雪糕球要$25<D24榴連西米露>大粒西米好彈牙🤞🏻🤞🏻同埋每一匙都有榴連肉！1d都唔吝嗇！齒頰榴香莫過於此👅下次想試埋榴連班戟😚

同男朋友喺屋企食飽飯就落街行下搵下甜品食。行到大埔墟見到依間〈飯後甜品〉，發現都好一陣子冇食過港式甜品糖水，一於試試佢～小店環境好溫馨，周圍放咗好多公仔，仲有一面貼滿客人大合照同家庭照嘅牆，好有屋企嘅感覺。menu入面港式特色甜品、傳統中式糖水、芒果、奶凍系列，諗到嘅都有。店員見我揀唔到就推介我食新出嘅雜果芋圓仙草撈，menu上仲未有架！雜果有哈密瓜、火龍果、西瓜、罐頭黃桃，同三色芋圓仲有滑嫩嘅鮮草撈埋一齊好豐富。面頭加咗啲柚子肉，酸酸甜甜好好味最後汁都飲埋。問過店員芋圓都係自家製嘅，睇顏色分別有芋頭、紫薯同黃心蕃薯，食落好煙韌冇渣，果然推介得係唔錯呢！另外仲嗌咗碗薑汁花生湯圓－薑汁飲落辣辣地，好啱我口味；花生餡好香，湯圓比平時食開嘅細粒啲，依個份量就啱啱好。食過用心製作嘅飯後甜品真係好滿足呢～

因緣際會之下，十點幾十一點出現於大埔。口痕想搵啲野食下，但周遭只有一啲小菜店。最後揀左哩間飯後甜品，坐係街邊位，方便睇車。可能生意太好，呀姐講完之後一直都冇黎抹過檯，但整體環境尚算可以。甜品啲名都好有創意，我嗌左一個小幸運，老豆就嗌左一個超級車。整體甜品本身足料，有其他甜品店少見啲既大菜糕粒，令到整體甜品既口感相當豐富。佢都有其他甜品鋪少啲有既荔枝味雪糕，啱曬我口味。配圖就係小幸運，有兩球雪糕，大菜糕粒，寒天粒，Q果爆珠等各式配料。

💛良心甜品店 超足料飯後甜品放假係大埔踩完單車 最啱食個甜品先走啦呢間良心街坊小店嘅甜品都非常有水準㗎!老闆好親切介紹甜品 仲同我哋傾計添💕(新品)黑糖水晶仙草芋圓撈(大) $60呢款甜品超足料阿😋有黑糖水晶、芒果味乳酸味爆珠、蘆薈、提子芒果星星啫喱、芋圓，仲有楊枝甘露喺面 撈埋仙草絕對係消暑良品🥭芒果雜果芋圓 椰汁底 $42芋圓喺老闆每日新鮮做嘅 夠味又煙韌！有好多芒果🥭仲有西瓜🍉超甜哈密瓜🍈火龍果，配埋椰汁食好fresh阿！水果又超多😋🍮朱古力奶凍$22奶凍非常動L QQ的 老闆娘話用咗hershey's 朱古力🍫所以朱古力味超濃郁阿😍📍飯後甜品 (大埔)大埔運頭街93號C1地舖

今晚約左好友去大埔晚餐，食完時間尚早，一於搵糖水食。行到運頭街見到呢間飯後甜品，都有唔少人幫襯，一於試下。店舖環境乾淨企理，坐得舒服，糖水款式甚多，有傳統中式糖水，又有芋圓、雪糕、奶凍、小食等選擇。最近天氣咁熱，一於叫返個雪糕甜品食~雪糕愛大米大大球曲奇妙趣雪糕，口感軟滑配以鮮雜果，味道香甜好清新。仲有大量綿花糖、可可米、栗米片同OREO，口感層次豐富，食完好滿足!小幸運兩球雲呢拿雪糕，香濃甜味夠經典。水蜜桃粒汁多味甜，大菜粒晶瑩光滑口感爽脆，仲有大量魔豆、星星Q果、寒天條、水晶珠等。真係超足料，勁豐富!

今晚在大埔區內，吃完火鍋放題之後，有點意猶未盡，便上網搜尋，看到這裏的食評，覺得不錯，便來到了。店內的地方不是很多，座位有十數個。黑白配$38，內有豆腐雪糕、紅豆和涼粉，雪糕的豆腐味道濃郁，紅豆已經煮成蓉，味道偏甜，涼粉爽口彈牙。三者的味道配合得不錯。雪糕口爽爽$30，包括：曲奇雪糕、咖啡味威化餅、椰果和很多不同類型的爆珠，其中以黑糖味的爆珠，味道甘糖最為突出，個人非常喜歡這個甜品，因為爆珠口感爽口彈牙。

-芒果雙皮奶🥭小店稱是必食推介，雖然名為雙皮奶，但其實更似奶凍，而上層則是芒果啫喱。-芒果五重奏🥭最底是芒果布甸、然後是芒果甜醬、醬中有芒果果肉，最後以白色忌廉同爆漿芒果味粒粒做topping。-芒果班戟🥭賣相也算吸引，班戟皮亦都夠薄。面頭的糖漿加埋滿滿的忌廉好邪惡呀😈如果有更多芒果肉就更好啦！...飯後甜品位於大埔墟，墟內入面都有不少食肆，附近食完晚飯過黎甜一甜都算是平價之選💛 支持下黃色小店吧

因為疫情好少出街食飯，所以連甜品都無食好耐，今晚終於出去享受享受，嘆下先😄呢間小店地方不大，可幸不用輪候太久就到我們✌️打開menu，眼花繚亂，選擇困難症又發作🤣經過三思之後終於有決定👌椰汁西米露三色芋圓⋯⋯三色芋圓是店主自家每日新鮮製作，口感煙煙韌韌😋細細粒西米晶瑩剔透，唔會黐埋一舊👍配上冰凍香甜椰汁，幫熱辣辣的夜晚降溫。榴槤班戟⋯⋯香滑忌廉夾住榴槤，被薄薄的班戟皮包住，食落每啖順滑綿密香甜，口感豐富，它的要訣就係用上D24，怪不得咁好味。

是日係大埔食完飯，想吃個飯後甜品，為今日畫上完美句號。見到有間小店，而且是黃店！一定要支持下，二話不說就入去坐低。中式還是西式的甜品都有不過因為大肚關係，有雪糕的都盡量不吃了，少了很多選擇😭生完一定要試一下芒果系列，太吸引了！*三色芋圓芝麻糊（$35）芝麻糊很香濃幼滑，吃起來沙沙的；🤩而且不會太甜，亦是孕婦清胎毒之選！🤤老闆娘說芋圓是他們自家用木薯粉製的；👍🏻口感煙un，且有淡淡的芋頭味。😄

大埔正餐的餐廳好多，但係甜品鋪就好似唔係太多，究竟係糖水鋪難做定係仲有好多隱世糖水鋪筆者唔知架呢🤔！鋪頭名稱叫「飯後甜品」，但係入面menu唔止得甜品，仲有常餐和手抓餅等，食埋正餐/下午茶都得啊😜三色芋圓配荔枝雪糕：芋圓有咬口，材料好夠，涼粉做底，椰汁唔會太多，仲有d爽爽地的蘆薈添啊，一淡芋圓一淡雪糕，正啊！抹茶啫喱配豆腐雪糕：滿滿的紅豆加上綠茶啫喱，層次分明，食得出厚厚的綠茶味，再加埋呢頭質素什高的豆腐雪糕，綠茶控不得不試