飯聚兵團

營業中

休息中

星期日的火炭除左玻璃屋同港鐵站果邊，基本上大部份嘅食肆都唔開，而家仲要講駿洋邨果邊嘅山頂，與沙漠無異其實求其有間食肆，都會有人幫襯，但可能全日計都唔過30人而呢間小店，平日也有幫襯過，以方圓一公里嘅食肆黎就，佢都係一間唔錯同有特色嘅小店（工廠區附近大部份都係抵食夾大份嘅飯堂，不過呢間啲野都大份）而呢個綠州，價錢唔貴，質素唔差，坐位舒適，冷氣開放。疫情下，好多小店都做唔住，你地要加油呀，因為星期日真係好需要你地。我相信星期日嘅人流，你地真係蝕住黎做。希望附近工作嘅人都多多幫襯，等佢地可以撐落去啦

工廠區價錢唔可以太貴，佢地價錢算合理，台灣麵滷肉飯都好大份，滿足工友胃口，每日 ABCDE餐都有新意唔會來來去去嗰幾味，火炭黃竹洋街附近呢間我比較推薦。不過檸檬茶可唔可以俾多幾塊檸檬我，或者切厚啲丫～可以嗎？燈影檸檬好難受，哈哈

平時既我…都會帶老婆煮既 lunch box. 佢煮咩我就食咩～但總會有時候老婆無煮既時候…咁就學得今日咁 無 lunch box. 唯有岀去買外賣攞番公司食 lunch. 去到呢間餐廳…唔算太多人排隊…咁我唔想等得太耐…叫左個肉燥蛋豆腐飯加杯熱奶茶仲送埋例湯（鳳爪排骨白豆湯）…order 後…唔使 5分鐘…已經到手…咁我就回公司坐低…開餐…熱辣辣…食落去肉燥有 juice 味道唔錯，蛋就比較普通唔算太入味，豆腐都一般…整體一般。

果日係附近整車，見到招牌咁得意就走入去試下，估唔到有意外驚喜😋估唔到香港都食到台灣正宗肉燥既味道，重要價錢唔貴，以後經過火炭都一定再去重要老闆勁好人，介紹左杯<害羞少女>比我飲，好正😚😚