飲食男女

營業中

休息中

呢間飲食男女餐廳，熱飲都要加錢？茶走加一蚊，所有沖劑嘅熱飲都要加$2，一個普普通通嘅午餐落街埋單都要$70，服務人員仲要走來走去，好趕時間真係令到人食唔安坐唔落。

呢間餐廳真係令我嬲到要第一次係Openrice寫食評係進食期間...有個侍應大大聲不滿情緒地話另一張枱嘅食客「果張枱兩個人食一個餐！」我心諗：兩個人食一個餐有咩問題食量小是罪過嗎？！呢樣都唔算令我最火爆係我坐咗半小時左右有個侍應係我附近話「食完就走啦！係度撳(電話)！」(當時我已經食完, 隻碟都已經收咗但我仲有三分一杯野飲未飲完)咁樣嘅態度我真係接受唔到！我只係坐咗半小時(又唔係好長)就要趕客走！(而且當時已經唔算午市繁忙時段)呢間餐廳真係好有問題！而且食物質素都唔好得去邊我食午餐A 西冷牛扒配薯菜塊牛扒D筋位多得好過分我食完後真係咬到牙肉都酸痛總之就係好差！

今次是我第二次來光顧（午餐），首先想讚的是送餐速度快，第二食物都好味，今次食的牛排好味，第三，職員態度友善，我坐坐下話凍，佢哋立即幫我安排換位，讚！第四，亦係好重要的一點，佢哋唔會催促我們，可以慢慢食，值得支持的餐廳！

點了炸菜肉絲出前一丁。麵端出嚟食時麵還時半熟。要浸1-2分鐘才是正常口感。個人不太喜歡。不過以填飽肚正常食一個早餐的質素我覺得是可以的。話說自己食到尾聲不小心倒潟咖啡要麻煩店員拖地。深明白自己理虧也麻煩到店員。所以告訴店員時已經連番道歉，自己也覺得非常唔好意思。到另一位人（可能是老闆）來拖地，我再次說聲真唔好意意，麻煩咗你地。他是黑面望住我一句也沒有講😅我也快快手去櫃檯埋單，另一位店員再次說同我講倒瀉野真係好麻煩。我再次講唔好意思…. 感覺是比說話你聽坦白說感覺真係唔太好.. 雖然係自己既大意麻煩到店家，但係感覺自己連返道歉也完全不被接受..😅要態度很不好地被對待。

每次要荔枝角番工，我都會去呢到食早餐，餐廳比較大，座位都較多，每次都會叫金牌早餐，可以選2款（煎蛋/香腸/火腿/午餐肉/煙肉/豬柳漢堡），再有芝士火腿牛角包，再加一款麵 （五香肉丁/沙嗲牛肉/榨菜肉絲/火腿素鮑片）

環境比較擠逼，中間位部冷氣機滴水，野食正常。每日午餐都係一樣嘅扒餐，變化唔大。扒餐份量算幾好，薯條都ok。炒飯速度比較緩慢，趕時間嘅，建議唔好食。整體而言，味道係可以接受。不過店員態度勁差，野都未食完，問都未問，扔舊紙巾落去收走。同佢講 自己未食完，仲斷左片話我 扔落嚟去，道歉都冇個。前後食嘅時間 都未有半個鐘，而都係差少少就食完，仲要趕你走 俾兩個位佢！野又唔係平！簡直逼人唔好再嚟！句句實話！好自為之!

荔枝角同長沙灣，由工業區轉型做商廈寫字樓，午飯時間人流特別多，今日試咗呢一間餐廳（飲食男女）午餐價錢都算實惠，六十零蚊就有個餐，有餐湯、有主食及飲品。星期三午餐$65煙三文魚茄蓉意大利粉，煙三文魚份量都算好多，茄蓉汁調校得唔錯，但意大利粉煮多咗時間淋咗。星期三午餐$65馬來咖喱牛腩飯，咖喱汁大甜味，如果打個芡汁結少少，會更好，牛腩都炆得好淋，配白飯很好。是日餐湯，雜菜羅宋湯，好多雜菜味道少少酸，好好味。餐飲凍檸茶及熱檸水，正常茶餐的味道。

以一本雜誌命名的餐廳，午飯時間走過，見到入面超級多人，價錢又便宜，於是跟友人一起入內。午市主打不同的套餐，我們叫的是每日都有的A餐。餐湯是紅湯，內裡有不少蔬菜：蕃茄、紅蘿蔔、洋蔥、椰菜等等，一應俱全。味道酸酸的，幾醒胃，但小人卻嫌烯了些。主菜是西冷牛扒拼炸蝦配黑椒汁，意粉、飯及薯菜之間，小人選擇了後者。黑椒汁帶有幾香的黑椒味，炸蝦以及薯菜都是正常發揮。可惜的是牛扒的肉毫不鬆軟，很是堅強，極難嘴嚼，小人咬完又咬之後，都要吐了些少......反為凍檸茶居然表現不錯，茶味頗濃，沒有被碎冰冲淡，檸味亦出，以餐茶來說屬高呢級。或許下次嘗試其他主菜。

以前一直食開呢間，所有野都唔差，撞岩新裝修岩岩開返。就去幫親下。點知見到佢新推出78蚊原隻脆皮豬手就試一試佢。超好味，抵食甲大件，食過返唔到轉頭下次一定會再叫埋d朋友一齊黎試下

喵喵喵 又到中午熱辣辣嘅日子啦 😿因為喵喵我呢排啲客人都係LCK 度 ，所以就黎到LCK 黎下有咩好食啦喵喵！ 😼 係我喵喵煩腦咁點先可以食到間好食嘅餐廳嘅時候 ！竟然俾我嘅喵喵鼻仔 聞到方圓幾里 有啲陣陣香味 散發緊出黎 ！😻如是者 我跟住啲香味行 ，行下行下 發現 原來啲香味係呢間叫飲食男女嘅餐廳傳出黎嘅！即刻入去呢間飲食男女 ！係門口已經感受度呢度多客 ，可能因為呢位大部份都係寫字樓嘅關係 ～等咗大約 3分鍾就已經有位俾我入去 唐員都好有禮貌咁 安排我去住卡位度 再黎打開個MENU 睇睇有咩食 ！即刻叫到有個叫 西冷牛扒拼炸蝦配黑椒汁 ！我喵喵星人 最鍾意就係食牛扒啦 喵喵 ！😽如是者 我再叫埋多杯凍奶茶 做配角！好快 飲食男女就已經上咗菜俾我呢隻肚仔餓都爆嘅喵喵 ！唔得啦 我忍唔住啦 即刻咬啖個牛扒先！😻嘩嘩喵喵喵！ 好好食啊喵 ！佢啲牛扒每一個部分都好肉嫩 ！唔會好似出面啲牛扒 咬唔到 ！而要配埋佢餐廳特製嘅黑椒汁 ！即刻令到我呢隻喵喵 食慾大增啊！係呢唔洗 10 分鐘嘅時間 我已經食曬食個牛扒餐啦而我同行嘅喵喵2 號 就選擇咗 香煎雞扒拼珍寶腸配蒜茸汁唔錯唔錯 佢啲雞扒汁同

又黎到好唔鍾意嘅星期二啦  點解 ？因為要等多三日先星期六放假 ！如是者 我同班同事一如既往去樓下睇下有咩好食啦 點知行行下先發現原來一直有間餐廳叫飲食男女係樓下 ！見到人流都幾多 我哋就入去試下 ！見到個Menu  佢係行每日嘅餐牌都唔同 ，見今日星期二 竟然有得切牛扒食 ！最鍾意食牛嘅我緊係唔放過呢個食牛嘅機會啦 ！所以今日有幸 食到呢個西冷牛扒拼炸蝦配黑椒汁 （$68） Order 完之後 餐廳都好快就出到餐俾我哋 ！一上到枱 ，因為個賣相都幾靚 ，同埋個碟幾OK !即刻攞部手機出嚟打個靚卡先啦 ！拿 ～ 手機就食完 ， 即刻到我食啦 ！一切啲牛 ～ 唔 ～ 唔錯 ～ 切落去 Feel 到啲牛肉質地都幾嫩～再放落口度咬 ～ 5～～～ 牛肉肉嫩 配合埋餐廳嘅黑椒汁 ！口感LEVEL UP！ 一食即刻成個人開胃曬 ！搞到我將大部份嘅汁都轉曬落啲飯度 一齊送飯食！而佢仲有條炸蝦🍤做伴 咬落去都仲Keep 到小脆，不過味道就一般算係咁啦 唔緊要 因為佢都唔係主角 ，主角係牛啊嘛 係咪！而因為呢排天氣都幾熱 我就無飲到佢啲湯 另外叫咗杯 凍檸茶小冰Try Try ，唔錯 ，凍檸茶 裡面啲茶

食左肥牛喇沙金邊粉，不過不失，普普通通。原隻炸蝦多士加沙律，居然食到蝦多士，不是間間茶餐廳都有，而且用芝士焗，很好味😋侍應十分友善，而且見到我們有需要幫手，即刻主動上前，感覺舒服

燒豬手性價比高，原隻連骨上，燒得好香口，午餐六十幾蚊就食到，仲連埋餐飲，真係大件抵食👍🏻其他野就不過不失啦😶常餐嘅多士有d涼涼地。分量大，男仔都夠食☺️服務就唔好期望好高，人手略嫌不足，等好耐都無人黎落單😢

午餐價錢偏貴。食物質素可以／一般般。紅湯太酸（最難飲嘅紅湯-我覺得）。豬手個皮都脆，但肉太硬。喇沙湯都濃味，麵嘅分量多。服務態度極差（男），又面黑，問多句就吾耐煩！環境一般，因為個冷氣機水（倒汗水），係感滴落尼！維一值得讚，係杯凍奶茶，茶味都幾出！但係荔枝角有太多選擇，價錢比佢平，食物都吾差，所以我吾會在去幫襯，60幾蚊一個午餐，係荔枝角太貴啦。但堂食時留意到，佢嘅外賣生意十分好，好多外賣送，或者……其他食物係好嘅！

#breakfastforlunch, #cheapeat, #laichikwok, #cheungsawan, #茶餐廳passed by a couple times, expecting something very decent a bit higher end in the area. looking at the price, definitely on the high side so waited a few more trip before walking in.totally surprised by serve it yourself vibe... then the servers would just taking orders from a far and never need to give you any receipts.. just walk to the counters they know who you are...