餃子爺爺

營業中

休息中

8:50入座，個姐姐唔招呼落單，不停掃地拖地客人喺度食緊嘢，大力搬枱搬凳仲話老細唔俾時間清潔，間舖頭收10點都唔係八點幾開始清潔呀，掃地啲塵周圍飛人哋點食😒老闆應該留意吓囉

去咗呢間「爺爺餃子」，試咗佢哋嘅幾款餃子同埋小菜，整體感覺係味道有層次，有啲菜仲好有驚喜，值得推薦俾鍾意中式餃子嘅朋友仔！西洋菜鮮肉餃西洋菜餃子本身已經好少見，因為材料要求高，仲要難整。呢度嘅西洋菜鮮肉餃，每一啖都食到西洋菜嗰陣清香，餡料鮮嫩，餃皮柔軟有咬口，真係值得一試！雖然係少少清淡，但食落好健康，啱晒鍾意清香口味嘅人。鮮蝦韭黃鮮肉餃相比西洋菜餃，呢款鮮蝦韭黃鮮肉餃嘅味道會再淡啲，韭黃嗰陣香氣唔算太突出，但勝在餃子餡料新鮮，蝦肉彈牙，整體感覺係清爽冇負擔，啱怕重口味嘅朋友。京蔥牛肉餃（煎）呢款真係我嘅心水推介！牛肉餡料鮮嫩，而京蔥嗰陣香氣完全唔會被牛肉壓過，反而提升咗成個餃子嘅層次感。仲要提一提，佢嘅煎餃煎得剛剛好，底部香脆但唔會過乾，食落口感一流。酸辣湯酸辣湯係偏酸口多啲，辣味就好溫和，基本上怕辣嘅人都可以接受。入面啲料超豐富，包括木耳、肉絲等等，口感層次豐富，仲有少少暖胃嘅感覺。小菜：涼拌豬耳、麻辣手撕雞、涼拌海蜇三款小菜整體味道OK，但都偏向麻辣口味，尤其麻辣手撕雞，辣味夠勁，非常惹味；涼拌豬耳啲汁偏濃郁，豬耳夠爽口；涼拌海蜇就清爽啲，但都係偏辣，唔係好食得辣嘅人建議唔好一次

餃子爺爺是觀塘遠近馳名的一間餃子店，平時行過都必定大排長龍，除左賣煎餃蒸餃之外，仲有一啲麵食同特色小食。難得今日晏晝見無乜人排隊，於是買左個下午茶返屋企試下味。🔅京醬雞絲拌拉麵麵嘅份量好足，味到小辣，加上青瓜絲、甘筍絲、雞絲，對於鍾意拌麵嘅朋友係唔錯嘅選擇。🔅特色小食（秋葵、豬耳、海哲）不過不失，份量都正常，食落麻麻辣辣的確係幾開胃🔅白菜豬肉餃子餃子幾大隻，都多肉汁，不過唔係話好特別，正常水準。

#20241019 🤍📍 #餃子爺爺 @grand_dumplings 觀塘協和街131號仁富大廈地下E號舖 🍽️九龍灣牛頭角道77號淘大商場1期地下G4-7號舖➖➖➖➖➖➖➖➖➖➖➖➖➖➖➖➖➖#手工水餃 #大份 🥢 #季節限定餃子 $49💭 季節餃唔係時時有，好彩今期有，係鮮蝦豆苗餃好高級，一咬開已經好香豆苗味，入面仲有原隻蝦仁，雖然唔係好大隻，但口感爽彈，後悔無十隻都嗌呢個🌱. 🥢 #蕃茄蘑菇牛肉餃 💭 好少有雙拼餃唔使加錢，又好少有蕃茄做餡既餃，入面有蕃茄、蘑菇同牛肉之外，仲有啲洋蔥，一入口係好熟悉既味道，因為同肉醬意粉上面啲肉醬一樣味，但估唔到同餃子又幾夾，唔錯既嘗試🍅. 🥢 #豬骨瑤柱鮮魚湯 💭 叫餃子就會送個湯，如果係大份仲可以免費轉酸辣湯，比起住家湯尼講重口味左啲，飲到瑤柱同豬骨味，飲到底仲食到有啲魚蓉，不過魚味就唔係好出🐟.#花雕醉雞翼 #5隻 $32💭 有3隻同5隻揀，雪凍左好岩夏天食，不過啲肉咬落唔彈牙，感覺雪得有啲耐咁，味道方面甜甜地，但其實花雕味都幾重，酒量低既朋友食完都有啲面紅🐔. 🥢 #特濃豆漿 +$6💭 叫麵或者餃子都可以用半價優惠叫野飲，豆漿唔太甜，而

由一開舖試營業已經幫襯緊，間唔中都會掛住個魚湯同帶子韭黃餃，有時會堂食有時會外賣自取。以前大份餃子可以免費揀半煎半煮，早排就開始變左要加錢先可以。而一路食開嘅帶子餃，越來越唔好食，帶子品質差左，細粒左，仲要一隻餃得一粒咁大把，已經分唔到究竟韭黃鮮肉係主角定帶子係主角，仲間唔中有一粒好似唔係太新鮮有酸味。之前見到話九龍灣開分店都好開心，因為自己鍾意食嘅鋪頭受歡迎，但係都希望開分店嘅同時都可以keep返到質素啦。

上次在觀塘經過，想找東西吃，被門面和名字吸引過來。內裡環境裝修採用簡約木系，裝修不會太新，也不會太久。餃子選擇算多。大份10件，細份5件。還有其他麵食。叫了大份的芝士洋蔥鮮肉煎餃拼香菇馬蹄鮮肉煎餃。跟一款湯，有2款選擇。酸辣湯或者豬骨瑤柱鮮魚湯，今次我選了後者。湯品暖暖的，作為主菜前暖暖胃也不錯。味道微咸，剛剛好。煎餃的等待時間大約是5-6分鐘左右。煎餃擺盤如下，它是一面脆一面軟身。芝士洋蔥鮮肉餃：它的芝士不是拉絲的芝士，反而微微鹹香，不會搶掉了餃子的味道。香菇馬蹄鮮肉餃：馬蹄爽口，香菇和馬蹄解了肉的膩。也不錯。上網看其他的食評煎餃的樣子和我好像不同，看來他們的廚藝是海鮮波（不穩定）。或者要看當天是誰煮餃子吧？總括而言，這個價錢和是次的質素是可以接受，。

本身已經食左幾次覺得唔錯 最近經過附近好耐冇食就行左入去 嗌左香菇馬蹄鮮肉同埋京蔥羊肉餃雙拼 半煎半煮 首先黎左碗魚湯 相比起之前水準 淡味左又多左啲浮起既渣 之前啲湯係滾既 依家溫度係暖暖地講返餃子 煎既餃竟然仲可以淋過煮既餃 啲皮薄到一夾就爛 有兩隻仲要冇包實開哂口 同啲阿姐反映完佢竟然唔覺得有問題 仲話佢地煎既餃不嬲都係淋既 反問我係咪第一次黎食 我都費事同佢地拗 埋單走人以後唔再幫襯呢間 水準已經唔同哂 態度又差 意見又唔肯接受

其實與家人一直差不多每星期無論堂食或者外賣，都會食兩三次左右，但而家堂食啲餃子賣相同質數每況愈下之餘，雖然外賣都預咗冇咁好，但係今次煎到燶晒又穿又爛，跌晒啲餡出嚟，一打開口垃圾咁照比客，真係勁離譜。

最初開嗰陣好好食可惜依家每方面都愈來愈差 十分失望食物質素-白菜鮮肉餃入面只有菜梗 硬 湯餃＝白熠 無味酸辣湯-唔酸 唔辣 稀溜溜環境衛生-好多蚊蟲 燈光昏暗 地面痴笠笠 服務態度-職員只顧鬧交 唔落單 唔上菜It was delicious when it first opened but everything is getting worse now. Food quality - cabbage and fresh meat dumplings have only vegetable stems and are hard Soup dumpling was boiled in water not soup, tasteless Environmental hygiene - lots of mosquitoes, dim lighting, dirty floors Service attitude - the staff are quarreling, not willing to place orders or serve food

啱啱去咗食個飽喺一間平民化嘅餃子店。行過門口，一陣煎餃嘅香味夾帶微微嘅煙霧噴出來，隨即引咗我入去。「咁多款餃子」，心諗，這裡一定有我嘅愛味。第一口嘅蒸番茄蘑菇牛肉餃 🥟，特別嗰份滋味，究竟係驚喜定驚訝？嚟吓新意思都幾正。煎芝士洋蔥豬肉餃個酥脆嘅外表下，獨特嘅芝味同肉汁混合，令人嘆為觀止！👏落去餃子，係到嘅小菜都幾有心思，牛展同麻辣手撕雞呢啲㗎啦，滋味相當唔錯，夠哂味又夾。雖然糖心蛋同醉蛋算係家常便飯，但係仲係幾啱食，賣相普通但味道過得去。至於魚湯，喝落去係順滑，但湯底味道可以再濃郁啲，好似有啲味道冇完全散發出嚟。總括嚟講，呢度嘅餃子賣相絕對吸引，煎得啱啱好，皮脆肉嫩。可能下次會專登試多啲煎嘅系列。食在這家店，真係感受到咗平民美食嘅真正味道！👍🍽️

平時好鍾意食餃子㗎，今日經過觀塘，見到咁多人排隊，一於試下先。鋪頭面積小小，座位唔多。姐姐服務態度好殷切，一坐低見我地諗咁耐，仲會提議我地點食，呢啲就係小店嘅特色啦。細份餃子5隻， 大份有10隻，好抵喎。西洋菜鮮肉餃餃子皮唔算薄，淥出黎都算滑。西洋菜餡多，脹卜卜的，唔錯。煎韮菜鮮肉餃韮菜好香，餡料有汁，外皮香脆，個人更喜歡煎餃。涼拌秋葵每條秋葵都切開了，無左平時滑孱孱嘅質感。調味好辣，對於唔係好食得辣嘅我黎講，食到咀都麻痺了。自製山楂茶店員強調每日新鮮煲煮，酸酸甜甜，的確好味。整體味道好， 價錢抵食，下次要再幫襯

呢間餃子店係我以前返學超愛嘅小店今日經過就故地重遊一下京醬雞絲伴米線 $33本人認為係伴麵中最好食嘅一款入邊有青瓜絲 紅蘿蔔絲 雞絲份量超級大 一份就已經好飽味道鹹甜鹹甜 少少辣 有好香嘅麻醬香鐘意食帶甜口嘅人一定要嚟試下煎芝士栗米鮮肉餃 細份 (6隻) $27 (套餐-$9)6隻大大隻 餡料好足鹹味嘅芝士配上甜甜嘅栗米粒美中不足就係可能正值放飯時段所以餃子唔係即整 所以唔係好夠熱蜂蜜山楂茶 $12 (套餐半價 $6)味道好甜但都比較淡好似飲山楂泡水 好一般建議豆漿會好飲啲整體份量好大 男士咁樣一個set應該都會好飽性價比超高但門店好細 座位都好逼位置都係位在居民樓 主做街坊生意 有經過值得一試

🥟🥟🥟不過不失觀塘餃子店▫️以下為外賣送餐價▫️餃子可選5隻/10隻▫️附送豆瓣醬包同埋醋包🆗香菜鮮肉湯餃5隻 -$33餃子都算大隻，餃皮滑但不算薄。香菜即係芫荽，芫荽量都多同香但黎到已經吾翠綠，豬肉冇咩口感，整體感覺一般。個湯都ok，但飲完有啲口渴。☑️黑松露野菌鮮肉煎餃5隻 -$41煎餃都大隻，主要煎咗個底部。菇粒幾彈牙，有口感，黑松露都算多，食到淡淡松露味，呢款幾好食。🆗香菇馬蹄鮮肉湯餃5隻 -$34菇粒彈牙，馬蹄爽口，都係個肉調味口感一般，令到餃子失色。🆗韭菜鮮肉煎餃5隻-$30韭菜量都多，味濃，同樣豬肉問題，影響口感。

呢間餃子舖我都經常去食，變咗我其中一間常去嘅飯堂🤣 除咗餃子仲會有麵餐，但我每次去係食餃子為主😋 每份餃子都會附送一碗魚湯/酸辣湯！💪🏻 西洋菜鮮肉餃 ($44 -10隻)本人極鐘意食西洋菜餃😍 但坦白講唔係間間餃子舖都有，呢間餃子店嘅西洋菜餃好足料，每一粒都塞滿西洋菜，而且好juicy，好有肉汁😋！西洋菜都新鮮唔苦澀，而且都切得好碎，食落唔會有渣！餃子皮都煮得好煙韌，唔會煮到爛晒。💪🏻 鮮蝦韮黃鮮肉餃 ($48 -10隻)鮮蝦餃每一粒都有一隻蝦，好足料！而且餃子嘅肉汁同樣充足，好juicy💦 韮黃都切得好碎，韮黃香味突出，令餃子味道更多層次！💪🏻 芝士玉米鮮肉餃 ($46 -10隻)通常食芝士餃我都會揀煎餃，因為芝士會香口好多😋 呢間粟米芝士餃嘅芝士味都濃，主要用車打芝士去整，肉眼都會望得出有芝士餡😍 而且粟米都甜，同芝士好夾🥰 不過就唔算煎得脆，係偏淋身嘅煎餃。味道：8.5/10性價比：8/10 食住瘦指數：💪🏻💪🏻💪🏻/5

史努比最近好似成日食餃子咁🤣今次喺觀塘搵到間平民價嘅小店四十幾蚊就有10隻餃子仲要有靚湯送🤪雙拼又唔使加錢 可以試好多款😆而且湯餃煎餃同價真系好抵食-👍🏿豬骨榣柱鮮魚湯湯系送嘅 只要嗌任何餃子或麵食就有個湯好清 一啲都唔油膩入口非常清甜飲到好rich嘅雞泡魚乾味絕對唔系啲咩味精湯😆飲完唔會話好口乾不過榣柱味就唔多覺史努比覺得佢普通得嚟幾好飲🤭味道: 7.5/10性價比: 10/10.我哋嗌咗兩份大嘅湯餃 可以試4款口味🤩佢個湯餃原來意思系解湯煮 但唔跟湯嘅因為上面個湯系要叫先有架🙌🏿略嫌餃皮有啲厚 但唔會好硬 唔算一個大問題😙而且每隻嘅餡料都好足 絕對唔系求其hea你.👍🏿香菇馬蹄鮮肉餃 $46咁多款入面最鐘意呢款冬菇同豬肉不嬲都好夾雖然啲肉唔算好靚好鮮甜 但唔差😆配合馬蹄多一種爽脆口感食落有種屋企包餃子嘅感覺🤭味道較為清淡 但唔會唔夠味😚味道: 7/10性價比: 9/10.👌🏿京蔥牛肉餃 $46食到有少少牛味但唔算好重京蔥唔系太明顯如果多少少京蔥史努比會鐘意多啲 唔使淨系食肉😂但好彩佢哋用嘅豬肉唔會好肥食落都唔覺油膩👍🏿呢款餃子嘅調味系最濃嘅一款鐘意惹味啲嘅朋友可以一試😚味道: 6/