影片
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
有關餐廳
相關文章
身為餃子控既我 務必要試哂所有香港餃子店🤩今次黎到幾乎區區都有分店既 🥟📍餃掂手工餃子雲吞專門店中環分店🥟🥟🥟必食 龍鳳松茸雙灼餃 👏🏻 餃子大大隻😍 皮薄到透肉 賣相滿分～一咬開 肉質好紮實 濃郁松茸鮮味😍 係幾驚喜🤩 好足料！ 另外配左個 狀元九鼎湯《粉葛 活鯪魚 活鯽魚 陳皮蜜棗 等配料》 湯頭比較清甜 同松茸餃子好夾👏🏻 突出左松茸既鮮香 + 增加肉汁 口感更上一層樓👏🏻煎韭菜豬肉餃🥟 兩邊餃子皮煎到金黃免😍 爆多餡料一咬落去個外皮係豬脆口 sharp sharp聲！ 驚喜❤️ 肉餡調味好適中😝☺️ 又夠juicy 🧡韭菜都好香，好新鮮 🤪🥟煎粟米豬肉餃粟米好香甜大大粒😛每啖都咬到粟米！ 肉質好紮實～ 完全係真材實料嘅手工餃子😍食煎餃我好鍾意配唔同醬料^_^ 一黎有多種味道層次 二黎刺激味蕾☺️四川辣椒醬 都算辣ga 但同餃子餡料好夾☺️ 菜譜豆豉醬 有好多大大粒嘅菜脯，每啖都夾雜着豆豉香 ☺️ 幾特別！ 四川涼皮～ 中辣食完熱辣辣既餃子 必須配返個正宗四川涼皮☺️涼皮好透薄滑身 食到shu shu聲😂 花生香氣同四川辣椒醬好夾 ☺️ 唔會油膩！ 好欣賞店家提供自家製醃蘿蔔 ☺️ 酸度剛剛好！ 爽口好開胃 食完一粒 感覺好似可以食多幾舊餃子😂😂😂😂 左 蜂蜜檸檬薏米水～ 甜酸甜酸好開胃 仲有粒粒薏米食☺️右 自家製山楂雪梨水 每啖都飲到山楂嘅酸同雪梨嘅甜 兩者好夾 唔會過甜 推薦☺️ 聽講佢個芝士系列都好出名 唯有留返下次試☺️好食！😋
繼續閱讀
今次嚟到中環呢一間本地餃子店，鋪仔細細，呢晚超級旺場。相信係因為佢嘅餃子餡料非常獨特。一場嚟到一定要試吓佢嘅龍鳳松茸雙餃 跟湯平日一般會有黑同埋白松茸，呢晚只有黑松茸。入口非常惹味，食得出松茸嗰種甘香豬肉嘅餡料比例均勻。個湯加入咗沙葛同埋鯪魚等其他海鮮一齊煮，清清地唔會太鹹壽喜燒牛肉餃食咗一個湯餃，當然要嚟一個煎餃，壽喜燒牛肉好有新鮮感。黃金原味皮蛋同一般皮蛋相比，呢個加入咗好多醋，食落偏酸口，估佢唔到。四川涼皮小辣呢個四川涼皮份量相當多，鍾意佢涼皮切得比較大塊，口感唔錯，川辣開胃。山楂雪梨水呢杯雪梨水非常足料，飲落清甜，相當解油膩。總結係一間幾新派嘅餃子店。
繼續閱讀
中環都有好多餃子店， 我就比較鍾意食這一間因為湯底真係好好飲， 今日就帶多個朋友嚟食超多人要等位食餃子最好兩個人食，可以食一份煎餃又可以食一份湯餃，唔使咁掙扎朋友話要試新嘢就揀咗香菇雞肉煎餃大份有十隻 煎得好脆]見到個餐牌寫住 「日本厚菇不惜工本」又好似真係唔差喎冬菇真係幾厚， 餡料份量都好多食落都仲係好juicy我就係掛住碗狀元九鼎湯所以我就揀咗個至尊松茸湯餃湯底係飲得出老火冇加味精，味道唔會好鹹松茸菇味好濃鬱配埋呢個湯，食落就好健康朋友見我咁鍾意呢個湯，又獨立咗叫多個湯覺得價錢好抵，淨要一碗湯22蚊另外就加多一個上湯松茸時蔬 ， 菜面仲有啲杞子大家都想飲檸檬薏米水朋友話想知道一樽同一支嘅分別覺得都好抵飲餐廳牆身有好多呢個餃子 signature嘅裝飾覺得都幾靚
繼續閱讀
🥟至尊松茸餃(中碗），豬肉同埋松茸嘅配搭亦都做得好好，味道好好，再加埋餐廳本身自家嘅湯底，絕對不含味精同埋防腐劑，冬天飲簡直係暖笠笠，個胃即刻暖晒，亦都有好多唔同嘅調味，加少少辣椒油亦都更加好味！🥟香煎軟心芝士餃(7只），另一個就揀咗煎餃子，佢一個組合係芝士加豬肉，其實原來佢嘅都幾夾，而且味道都非常香濃，鍾意食芝士嘅朋友絕對不能夠錯過，咬落去芝士留心，非常好食，而且煎得好香，餐廳嘅煎餃子亦都質素有保證.🍳龍鳳蛋/只，餐廳入咗日本嘅雞蛋，所以味道好香，雞蛋味十足，加咗少少黑松露同埋白松露嘅醬汁令雞蛋味道更加突出，價錢亦都實惠！🥟蜜餞雞翼，味道非常入味，係甜甜地嘅味道，所以我覺得佢呢一個雞翼嘅味道亦都唔差，而且雞翼大大隻，呢個價錢嚟講亦都非常抵食！我同朋友都非常鍾意食佢嘅一個雞翼！🥟手拍青瓜，酸酸辣辣嘅味道，令到成件事更加開胃作為頭盤嚟講，簡直係唔錯！青瓜非常爽口，而且咬落去都非常脆！加埋辣嘅味道配搭唔錯！🥟山楂雪梨水，喺餐廳自家製嘅飲品絕對不含防腐劑，價錢只係$20，所以我都覺得非常抵飲，山楂雪梨水具有清心潤肺同埋降火生津！非常有養生嘅功效！亦都可以止咳化痰！鍾意飲嘅朋友不能夠錯過
繼續閱讀
個人好中意食餃子🥟Bookmark左餃掂一排，終於黎試下啦😋 佢地d餃子有d特別嘅口味，例如係個壽喜燒餃子🥟不過今次我都係想試左d傳統嘅湯餃韭菜豬肉餃🥟先😆果然皮薄，大大粒又多餡😍😍 煎餃方面，我地就試左香煎軟心芝士餃 🧀🥟，芝士味好濃郁，同樣皮薄，芝士就真係要趁熱食😍😍另外，食煎餃覺得熱氣嘅話可以配佢地自家製山楂雪梨水🍐好清甜潤喉😝1️⃣韭菜豬肉餃🥟 𝘿𝙪𝙢𝙥𝙡𝙞𝙣𝙜 𝙬𝙞𝙩𝙝 𝘾𝙝𝙞𝙫𝙚𝙨 & 𝙋𝙤𝙧𝙠 2️⃣香煎軟心芝士餃 🧀🥟 𝙋𝙖𝙣 𝙁𝙧𝙞𝙚𝙙 𝘾𝙝𝙚𝙚𝙨𝙚 𝘿𝙪𝙢𝙥𝙡𝙞𝙣𝙜3️⃣自家製山楂雪梨水🍐 𝙃𝙤𝙢𝙚𝙢𝙖𝙙𝙚 𝙋𝙚𝙖𝙧 𝙒𝙖𝙩𝙚𝙧
繼續閱讀