影片
以上資料只供參考, 請與餐廳確認詳情
旺角咁多嘢食，有時真係唔知揀邊間好不過，而家我諗我搵到我嘅飯堂啦！食過呢間，真心推介！🍚黯然銷魂丼飯 - 雖然個名係gimmick咗啲，但佢絕對唔係只賣gimmick。呢個黯然銷魂丼飯溉手叉燒肉質夠滑又燒得啱啱好，醬汁又濃又入味，仲有隻溫泉蛋，可以同啲飯撈埋一齊食，啲飯吸咗所有精華，勁好味。呢個飯真係對得住個名有餘🤩🐮日式牛舌溫泉蛋丼 - 牛舌燒得啱啱好又夠嫩滑，咬落去仲有種肉汁四溢嘅感覺。呢碗飯都有搭配隻溫泉蛋，連埋流心嘅蛋黃，同碗飯撈埋一齊食，都好好食。如果想食牛多過叉燒，一定要揀呢個！🥟東坡冰花餃 - 餃子夠大隻，皮薄多餡，又夠IG-able，好啱叫黎打咭同一齊share 🍧紅豆爆珠冰荳花 - 必食甜品，豆腐花夠香，爆珠紅荳勁有咬口，加埋個靚靚嘅器皿，又係又好食又好睇嘅一個甜品🥤嘢飲叫咗旺角黑牛同白桃梳打，如果身體有朋友唔知咩係黑牛，真係要叫黎試下😆因為已經唔多餐廳有得叫呢個傳統茶餐廳嘅飲品得飲，有得叫的話，真係要試下😆最重要係除咗食物好食又新舊兼容，staff都好nice，態度又好，呢間真係要一黎再黎！
繼續閱讀
🐮 日式牛舌溫泉蛋丼 HK$82・味道：牛舌醃得好入味，重孜然粉＋燒汁＋甜豉油！飯粒分明加埋蛋汁一齊撈，勁邪惡，但好好食！・口感：牛舌肉軟腍香口唔羶，6大塊牛舌真係好佛心～🥟 火焰明太子芝士粟米餃 HK$48・味道：餃子皮炸得好脆面，雖然明太子醬睇落唔多，但係已經好夠濃郁～入邊嘅芝士同粟米餡都好厚實，邪惡好食！・口感：皮薄餡多～・・・・・・・・・・・・・・・・・・・・🤰性價比：高～🤰9衝度：9衝～🤰結論：牛舌必食！
繼續閱讀
見到黑白大廚菜式 比個名吸引咗煎到外皮好脆 真係估佢唔到上枱熱辣辣咬落仲有湯汁漏出嚟❤️勁好食不過得6隻少咗啲 有8隻揀就好小食皮蛋太勁「明煩」味唔建議嗌加埋小食可樂埋單$72男仔食真係唔係好夠飽
繼續閱讀
不嬲都好鍾意食呢一間嘅餃子，因為全部都係好真材實料，最開心嘅係佢哋而家仲加入咗好多其他元素，有丼飯，甜品等等，選擇好多呀😍今次我哋就試呢個翡翠墨魚餃，個顏色好靚，呢一個真係超級超級好食，好養生，個湯好清甜，個湯餃夠晒大粒，有咬口，我哋真係成碗湯都清晒㗎，因為個湯底真係好好飲☺️ 成個人暖曬，好滋補🥰 另外都好推介呢個牛舌丼飯，個牛舌真係好大件，而且好香牛味，好腍！出面一塊牛舌閑閑哋都講緊幾十蚊，呢度目測都有成五六塊，都係講緊$82咋，真心抵🥹甜品仲食埋呢一個每日限量供應嘅紅豆爆珠冰荳花，爆珠好靚，好似識得閃閃發光咁，紅豆味好香，個荳花又唔會太甜見到佢哋仲有好多串燒選擇，相信都係高質之選
繼續閱讀
✨間唔時同朋友黎開旺角，都會去通菜街搵野食，今日去間叫「餃撚串」，食完又幾有驚喜喎😋✨餐廳入面唔算大，但佈置以日式風格為主。點餐係用QR code落單，非常方便。✨皮蛋：切成細細件，用醋、蔥花同辣油做汁食落唔會好滯。✨生薑燒豚肉丼：無諗過豚肉咁多片，仲大大塊，放滿哂成碗丼飯，燒汁味濃，而且唔肥，有一定既水準👍🏼✨燒汁牛肉丼：一上枱已經聞到好香既牛肉味，牛肉稍為煎過，加埋燒汁真係一流，好香口😋牛肉都幾大塊，鋪滿成碗丼飯，個人認為味道好過出面好多日式餐廳整既。✨餐飲🍹：跟餐都係加$12或者$15。荔枝梳打甜甜地，食完丼飯飲返杯超爽；龍眼冬瓜茶夠哂潤，又消滯。✨餐廳仲有其他特色小食、串燒、餃子、甜品等等，有機會再黎試其他。
繼續閱讀