餃舍

營業中

休息中

估唔到呢個好舊嘅小社區，都有咁好食嘅新派小店。佢哋嘅手工餃子係必食，每一隻都好大隻，要分幾啖先食完一隻。而且皮薄同埋超多餡。我同屋企人試咗湯餃（粟米豬肉）同煎餃（芫荽豬肉），兩樣都好好食。但個人覺得湯餃比較出色少少，可能因為啲餃子滲入咗啲豬骨湯味。餃子餐仲包埋飲品（可選豆漿或汽水），幾抵食！另外都嗌咗牛柳粒拉麵，個湯底都幾香同唔太油。店面企理，不過唔係好多位，最好避開食飯時間先去。又或者住附近嘅可以嗌外賣，而且仲可以平少少。

之前有試過佢啲餃子，真係好大粒，味道仲唔錯，淨食餃子都可以食飽！餃子差唔多有拳頭咁大，要分幾啖食今次就試下其他食物，點知都幾唔錯～他的拉麵都有甜腐皮跟紫菜，真係好加分！叉燒拉麵正正常常，沒甚麼特別，湯底感覺似超市買到嗰隻味，但豬扒拉麵真係好推薦，塊豬扒外脆內軟，好好吃，可以encore！美中不足既係沒醬料，希望有沙律醬點。番茄海鮮泡飯味道挺濃，帶子上會有特製脆蒜，青口蟹柳正常，挺不錯～總而言之，除左被大家推薦最多既餃子之外，其他野食都唔差，屋邨值得一試既飯堂～

探屋企經過彩虹，想係附錄搵間餐廳一齊坐低食個下午茶仔😊見到呢間餃子店雖然細細間但幾吸引，就膽粗粗入左去坐低🤩［手工湯餃-韭菜豬肉］6隻湯餃都大大隻，我一個人食左2舊已經飽飽地！入面仲要勁多豬肉，好足料☺️☺️啱曬同一家人分享🙈［袐製蕃茄海鮮湯飯］呢個湯飯個蕃茄湯底好入味，又有3-4隻大青口,仲有埋帆立貝！係屋邨商場食到禁既質素既海鮮湯飯相當驚喜！👍🏻👍🏻👍🏻仲要當時有10蚊半碟娃娃菜，職員同我地講驚我地唔夠食，不過我地照叫左半碟先🙈🙈結果啲娃娃菜裝滿左成隻碟😹😹差啲食唔曬呢間餃子店非常推薦大家去，抵食又好味🤤

應該係我食過最大粒嘅餃子！第一次嚟彩虹呢個商場發現都冇嘢食嘅得呢一間餃子店，但佢好似都幾多嘢食同多人坐低，所以就坐低咗。超級多餡好似將三隻餃子包埋咗一齊咁！但係佢個皮又好薄好煙韌，我見到佢有蒸籠，所以應該係蒸先至會內餡熟，皮又夠薄舊煙靭。煎韭菜餃都好食！平時唔鍾意食煎餃，但覺得好食，啲韭菜好香，個皮又唔厚，唔會粉。個面都唔腍，全間舖坐滿人，得哥仔一個非常之忙，但佢服務態度都好，欣賞佢。下次嚟彩虹會想再嚟食！

豬扒好香賣相都ok睇落去就好有食欲🤤我幾鍾意佢個汁嘅味道，酸酸地甜甜地豬扒啱啱炸出嚟好脆好好食啲蛋都幾香個cp值都ok五十幾蚊有一餐埋單嗰陣時發現原來有學生有9折👍

大件夾抵食 餡既比例同調味適中 優質餃子好食過坊間既餃子店 用料新鮮 見到係佢哋自己人手包 韭菜餃子咬落去香味濃郁 連我呢啲唔食韭菜既人都覺得好好食 粟米餃子粟米好甜 配黑醋一流

個餃子好大粒好好食個粟米豬肉餡啲肉好實，加埋粟米好juicy而且都煎得好脆好好食仲有豆漿送本身覺得一份先得六粒好貴但係實際上食落去好飽好滿足仲打包咗一份生餃返屋企煮（一打先60蚊）我老公同囡囡都好鍾意食粟米餃下次再試下非菜餃真係大大大推薦🤤🤤

平時都有食開，啲餃子幾好食不過冇試過其他日式料理（本身唔係好啱食）琴日坐低咗見到有人叫咗碗蒜香牛肉飯見到好似都幾香於是就是叫咗份蒜香一口牛飯，啲牛有加啲汁，有啲小驚喜既係估唔到仲有啲薯仔，薯仔都幾脆同啲牛都幾夾，下次再試下其他嘢

偶然經過呢間小店，見到有拉麵食於是叫咗個叉燒拉麵叉燒有燒過湯底幾濃幾香個面都ok腐皮都幾好食cp值幾高先52蚊之後見到有啲支裝汽水於是又嗌咗支芬達成間舖嘅裝修都幾靚而且都有見到餃子原來都係自己包嘅下次嚟一定試下食餃子🤓🤓🤓

路過見到小店第一次黎，見到張圖好似幾好食，先試咗紅油抄手，發現啲抄手幾大粒幾好食，之後問咗經理姐姐，發現原來係自己包嘅，啲抄手汁加埋啲炸蒜真係好香好好食，之後又嗌咗三碟，下次一定會試下其他嘢！！

咁岩經過諗住食個炒滑蛋炸雞飯做lunch。張menu就講明係炒滑蛋 仲要有圖為證 但外賣就無啦啦變咗蒸水蛋咁款 夾起想黎仲要係一嚿嚿咁款 睇落根本就唔係炒滑蛋 真係好失望

響彩虹近MTR食店好少5隻手指都數得晒今日上去匯8坊睇醫生 無意發現左呢間小店又發現竟然有我最愛莞茜第一時間買左份莞茜生餃 同一份早餐沙嗲牛米外賣拎走 雖然外賣拎走，但係返到屋企個沙嗲牛米都好好食 啲湯底唔會好鹹 平時出街食嘢都會食得好口乾 佢唔會👍🏻俾個讚佢佢有個格隔開啲湯同埋嘢食睇得出店主對食物有要求至於莞茜餃 無令我失望 滿滿莞茜唔晒啱鍾意小肉多菜的我皮皮質地都正 唔會爛真心讚🤭👍🏻下次再試埋佢其他嘢😜👍🏻👍🏻👍🏻👍🏻👍🏻

朋友係到買左個外賣比我,我先知原來呢個舖位轉左係賣餃子,我食嘅係粟米豬肉餃,又估唔到幾好食喎,同埋D餃子超大隻!外賣係分湯,所以唔會令到D面淋曬~都幾抵食啦!價錢都合理

今日係附近做野搵食，不嬲都中意食餃子，仲要見到有爆茜餃，作為茜人冇可能吾試啦嘛，本身以為一碗麵4隻好少，原來係大大隻個款，仲要名乎其實真係超多茜😍😍讚👍🏻👍🏻很滿足的一個午餐

試左個爆茜豬肉湯餃配拉麵！有驚喜！餃子超大隻又爆餡！好食😋個湯奶白色，真材實料唔係味精湯👍🏻連啲湯都飲哂🙈拉麵就正正常常😌大大碗都只係$45🥲會再幫襯👏🏻