影片
營業時間
今日營業
11:00 - 09:00
星期一
11:00 - 09:00
星期二至日
11:00 - 21:00
公眾假期
11:00 - 21:00
公眾假期前夕
11:00 - 21:00
以上資料只供參考, 請與餐廳確認詳情
相關文章
經過見到呢間小店都幾多人排隊攞外賣，再睇一睇個餐牌湯底有幾得意，好似主打啲健康料理。平時成日懶得煮，但係又想食得健康，所以就買咗試吓。白菜鮮肉餃 蕃茄薯仔湯 蕃茄薯仔湯好足料而且湯底都幾健康，冇乜味精。餃子佢普遍都好大隻，而且裏面都唔會好鹹又係冇乜味精。 屋企小朋友老人家都啱食！香茜鮮餃 無花果栗子湯 呢一個係素湯，比較清，而且一打開都好香無花果味。佢嘅香西餃子好重嘅芫荽味。成個餃子嘅醃料唔會話太濃郁，芫荽味偏濃郁。芹菜鮮餃 椰子豬骨湯 超級香椰子味，一打開好似去食椰子雞咁！ 飲落去清甜，可能因為豬骨底，所以唔會太清。鹹鹹地又甜甜地，芹菜餃子都幾好食，個皮夠晒薄！ 泡菜鮮肉煎餃 推介❤️呢度啲餃子偏健康，唔會太多醃料。泡菜鮮肉餃呢就係唯一我覺得最濃郁嘅，因為泡菜本身辣辣地，所以佢嘅調味會比較濃郁，非常惹味。撈麵另外除咗湯麵之外，嗌咗撈麵。嗌咗小辣裏面加嗰啲唔知係咪菜脯或者辣醬，好香口好惹味，小辣都唔會太辣！整體嚟講湯餃子湯底同餃子都比較健康，食完都唔會口水乾。如果想食夜魅少少就揀泡菜餃啦！
繼續閱讀
餃里 (蕪湖居) 地址: 紅磡蕪湖街111號蕪湖居地下C2號舖電話: =====================老火湯手工包餃，超有人情味媽媽感覺架手工餃店我本身鐘意湯餃，小油健康嘛，同埋鐘意有口湯飲下潤下$48 9隻 紫新菜豬肉餃同椰菜鮮肉餃，個湯有3款，都是自家煲好正，蕃茄薯仔粉同老火椰子豬骨湯！兩款都多料，超多薯仔食到勁飽呀！餡滿皮薄，加入蔬菜另外試了 咖哩鮮肉煎餃,$46 6隻 煎到表面金金黃黃,脆脆的很香口哦飲品跟餐有平，要了豆漿同烏龍茶
繼續閱讀
餃里係屯門區幾出名宜家多左幾間分店眼見都幾多外賣生意總共11款湯餃/ 煎餃選擇當中仲有素餃素湯 適合素食人士某幾款只有煎餃湯餃跟3揀1既住家湯水可以揀6隻或者9隻/ 雙拼或者3拼 自由組合 食多幾款口味我地叫左湯餃同煎餃各9隻3拼一共18隻餃子 6款口味9隻三拼自由選湯餃 $58白菜 x3香荽 x3紫菜 x3比較之下 紫菜餃比較特別 想再encore跟左椰子豬骨湯不過唔太飲得出椰子味下次試埋蕃茄薯仔湯同素湯9隻三拼自由選煎餃 $58泡菜 x3咖喱 x3芝士粟米 x3呢3款餃子 只有煎餃肉眼好容易認到3款都煎得岩岩好唔會過份油膩好惹味 3款都好推薦撈麵 $9可以自行揀辣度餃里自家制撈麵 加左柚子醋 幾特別跟餃子餐加左2樽裝野飲低糖豆漿 $8原味豆漿 $8
繼續閱讀
今日同朋友去黃埔食餃子，雖然鋪位細細，但係好受歡迎，食飯時間見到好多人排隊! 餃子款式有好多，基本既白菜鮮肉，韭菜鮮肉，芹菜鮮肉，香茜鮮肉餃等等。特別D既可以簡煎餃，有芝士粟米餃! 簡湯餃的話，湯底仲有3款簡!今日叫左白菜鮮肉，韭菜鮮肉，芹菜鮮肉湯餃，原來叫9隻可以叫3拼架! 平時出去食最多得雙拼，3拼就可以試多D款! 湯底簡左無花果栗子素湯。每隻餃子都大大粒，好足料，咬落去都見到入面好多料，調味都係岩岩好。餃子皮又唔會浸到太淋~ 無花果栗子素湯好好飲，完全冇味精既感覺，同時都唔會好咸，整體感覺係健康得黎又好食! 煎餃叫左泡菜同埋咖哩鮮肉，2款都好好食! 咖哩鮮肉直情一咬就爆汁! 煎既火侯岩岩好，所以唔會好焦，好怕食到D煎餃個底焦曬，呢到就唔會，所以好有住家感覺，另外都加左個撈面，有辣有唔辣，係刀削面條，幾好食，我諗呢個叫小辣會更惹味。
繼續閱讀
有朋友介紹我哋去紅磡蕪湖居嘅餃里食好特色嘅湯餃同煎餃，隻隻餃子都大大隻，仲有好味好飲嘅湯水，佢仲介紹這間餃子店有秘製手工辣菜脯，係全人手炒製，不含防腐劑，仲可買返去屋企食，價錢唔貴，味道唔錯。入到餃里，見到環境不錯，簡潔舒適光猛，枱凳都整齊，亦令人坐得舒服，見到餃子店生意都唔錯，有唔少顧客來光顧及外賣， 亦不斷有外賣員工來接食品， 相信真係一間好食嘅餃子店。餐牌上都有湯餃同煎餃，餃子嘅款式都不少，湯餃子有七款，有椰菜鮮肉、韭菜鮮肉、白菜鮮肉、芹菜鮮肉、香荽鮮肉、紫菜鮮肉、清新素菜，湯餃配住家湯水，有三種靚家湯，椰子豬骨湯、蕃茄薯仔湯、無花果栗子素湯，而煎餃就有十一款，除咗有湯餃子嘅款式，還有泡菜鮮肉、咖喱鮮肉、和風咖喱、芝士粟米，仲有拼餃選擇，六隻雙拼、九隻三拼、田園四拼，另加$9可以配上海湯麵或撈麵，撈麵有辣、小辣、唔辣，而各式飲品跟餐只係$8，真係有好多唔錯嘅餃子款式，價錢又唔貴又抵食。所有餃子即叫即煮，製作需時，煎餃約10分鐘，湯餃約8分鐘。我選咗紫菜鮮肉湯餃，椰子豬骨湯，上海湯麵，芝士粟米煎餃，大和原味豆漿，而朋友叫咗白菜鮮肉湯餃，蕃茄薯仔湯，芹菜鮮肉煎餃，小辣撈麵，Sundrop石榴汁。湯餃真係首先來，椰子豬骨湯嘅椰子味道香濃，豬骨鮮甜不油膩，味道適中，唔鹹唔淡，而蕃茄薯仔湯好有蕃茄嘅酸味薯仔嘅甜味，真係好飲，我哋未食完餃子，已經將啲湯飲晒，湯餃的皮薄餡多大大隻，紫菜鮮肉湯餃嘅紫菜鮮香濃郁，配合肥瘦均勻鮮豬肉，白菜鮮肉湯餃嘅白菜香氣同新鮮嘅豬肉，令口感清脆，湯同餃子都好配合，令人食指大動。煎餃子嘅外皮煎得金黃香脆，咬落鮮嫩多汁，裡面嘅餡料好豐富， 芝士粟米煎餃，芝士味道濃郁，粟米粒爽口，而芹菜鮮肉煎餃，芹菜口感清脆，鮮肉鮮美，令人食極都不停。上海湯麵係粗麵，麵質煙煙韌韌，食落好有口感，撈麵方面，有得選擇辣同唔辣，選咗小辣，果然令撈麵好惹味，搭配埋柚子醋和辣菜脯，令味道更濃郁。而飲品Sundrop石榴汁和原味豆漿，都好配合來食餃子，尤其是原味豆漿是有香甜味並不甜嘅正飲品。這間餃子店好值得推薦俾大家，好食抵食，價錢又唔貴，有冇加一，店員服務態度又好，我哋下次都會再來食。
繼續閱讀