餃里 (蕪湖居)

營業中

休息中

經過見到呢間小店都幾多人排隊攞外賣，再睇一睇個餐牌湯底有幾得意，好似主打啲健康料理。平時成日懶得煮，但係又想食得健康，所以就買咗試吓。白菜鮮肉餃 蕃茄薯仔湯 蕃茄薯仔湯好足料而且湯底都幾健康，冇乜味精。餃子佢普遍都好大隻，而且裏面都唔會好鹹又係冇乜味精。 屋企小朋友老人家都啱食！香茜鮮餃 無花果栗子湯 呢一個係素湯，比較清，而且一打開都好香無花果味。佢嘅香西餃子好重嘅芫荽味。成個餃子嘅醃料唔會話太濃郁，芫荽味偏濃郁。芹菜鮮餃 椰子豬骨湯 超級香椰子味，一打開好似去食椰子雞咁！ 飲落去清甜，可能因為豬骨底，所以唔會太清。鹹鹹地又甜甜地，芹菜餃子都幾好食，個皮夠晒薄！ 泡菜鮮肉煎餃 推介❤️呢度啲餃子偏健康，唔會太多醃料。泡菜鮮肉餃呢就係唯一我覺得最濃郁嘅，因為泡菜本身辣辣地，所以佢嘅調味會比較濃郁，非常惹味。撈麵另外除咗湯麵之外，嗌咗撈麵。嗌咗小辣裏面加嗰啲唔知係咪菜脯或者辣醬，好香口好惹味，小辣都唔會太辣！整體嚟講湯餃子湯底同餃子都比較健康，食完都唔會口水乾。如果想食夜魅少少就揀泡菜餃啦！

呢間舖頭細細 繁忙時間都幾多人 等位期間見到都多人專登嚟買外賣餃返去煮餃子口味眾多🥟有六隻/ 九隻/ 雙拼/ 三拼總有一款啱自己口味同隻數既同朋友都鍾意食煎餃 所以全部嗌晒煎餃😂雙拼叫咗 （紫菜鮮肉煎餃/咖喱鮮肉煎餃） 賣相隻隻都好飽滿 底部煎得香脆 唔會太油膩紫菜味濃郁亦都帶出咗豬肉嘅鮮味 咖喱鮮肉煎餃呢個有驚喜 濃濃嘅咖喱味 但係唔會搶咗鮮肉嘅味道 亦都唔辣 😍😍😍雙拼餃子加咗撈麵 就咁睇撈麵好似平平無奇但係食落去面彈牙 小辣又幾惹味 泡菜鮮肉煎餃一咬落去咇咗啲泡菜汁出嚟 好juicy 韭菜鮮肉煎餃鍾意食韭菜嘅朋友一定要叫 濃濃韭菜味♥️所有煎餃都好出色 每一款都保留鮮肉嘅肉汁食得出係家常菜嘅味道 唔會帶濃郁嘅味精另外見到隔離兩台都嗌咗湯水飲即刻叫咗個蕃茄薯仔湯唔講以為係阿媽煲嘅 因為係一模一樣嘅味道家的味道😂😂😂

位於蕪湖居嫩雞煨麵餐廳，隔離開咗一間餃子店餃里，見到有好多人買外賣生餃於是入去試吓餐主打冇味精湯，配上自家製新鮮餃子，非常有心思餐廳係一間小店非常有人情味仲會一一介紹唔同餃子嘅分別。我同朋友今次就試咗咖喱鮮肉煎餃，芝士粟米煎餃，白菜鮮肉湯餃配蕃茄薯仔湯底及韭菜鮮肉碎餃配椰子豬骨湯。每隻餃子嘅餡都非常飽滿，非常有滿足感個人最喜歡佢哋嘅煎餃。芝士粟米煎餃入口濃郁芝士，咖喱鮮肉煎餃非常惹味咖喱香，估唔到咖喱配上水餃都非常夾。蕃茄薯仔湯底及椰子豬骨湯底非常有媽媽家庭煲湯嘅感覺食得出佢哋係真材實料。另外我哋仲加咗$9要咗個細撈麵，少少辣配上煙靭嘅面底，忍唔住一啖啜一啖，最後仲encore咗咖喱鮮肉餃子外賣返屋企。紅磡平時冇乜水餃店依間如果唔想食得太油非常推薦。

屯門名物-餃里-開新分店！餃里喺屯門超出名🤩最近喺紅磡開咗分店，紅磡/黃埔/何文田行過去都好方便！今次同朋友嚟潮聖，就緊係要食盡唔同味道嘅餃子，仲有上海麵😝湯餃子餡分別有 椰菜、韮菜、白菜、芫荽、芹菜、紫菜.煎餃就雙拼咗芝士、泡菜. 餃子嘅餡好足料，有足夠嘅菜之餘，又唔會比肉同調味料搶咗味，最特別係芹菜，真係一咬開就有芹菜味衝出嚟。另外，鐘意食芫荽嘅朋友，一定要食，因為！啲芫荽味！極濃！（好正😝）芝士煎餃一咬開就有勁熱出晒煙嘅芝士，啲味湧出嚟好香，啲芝士溶晒，配埋粟米食，勁正。泡菜就係香，同埋我覺得都算係偏辣，食得幾過癮.餃子都唔洗掂醋/醬都好夠味～配上海麵好好食，麵質唔會太厚，煮出嚟唔會太淋，都唔會食到麵漿，加上蕃茄湯好香，酸酸甜甜好好味好開胃。豬骨湯都好香嘅豬骨味，唔會太濃烈，唔會蓋晒餃子味。

間中聽過朋友推介終於黎到呢間餃子店食✨食完覺得佢係好健康住家嘅餃子好好味😋每款餃子菜肉比例都十分恰當肥瘦均勻個人鐘意配埋店內提供嘅柚子醋/辣菜脯更加好食😍😍😍白菜豬肉湯餃 9隻 $54有三款湯可以揀！椰子豬骨湯/蕃茄薯仔湯/無花果栗子素湯揀左椰子豬骨湯🥣好多湯渣好足料住家老火湯好好飲！餃子每隻都好飽滿包得好好唔會一夾就散煎餃啱曬鍾意食煎又怕熱氣食到脆嘅口感之餘仲食到蒸餃嘅軟韌口感👍🏻椰菜鮮肉煎餃 6隻 $40椰菜新鮮食落好爽！而且調味相對韭菜淡少少但都夠味！韭菜鮮肉煎餃 6隻 $40韭菜好多😍😍一樣新鮮食落又唔會太鹹！調味啱啱好😋*辣菜脯原來係自家炒，一啲都唔油又爽！買返屋企送飯都好正🤤

今日凍凍地，我地決定嗌餃子外賣返去食，經過紅磡，見到呢度有多種吾同既餃子，而且湯更加係有誠意嘅老火湯✅✅✅紫菜鮮肉湯餃紫菜鮮肉湯餃湯底鮮美，餃子皮薄餡多，內餡的肉質鮮嫩，搭配紫菜的獨特香氣，讓整體味道格外清新。呢個湯底揀咗養顏無花果栗子腰果素湯，無花果的甜味和栗子的香氣交融，讓人感到健康又美味芹菜鮮肉湯餃同樣出色，湯底清甜，餃子的內餡加入了新鮮的芹菜，增添了清新的口感與香氣。呢個湯底揀咗老火椰子豬骨雞湯，椰子的甜香與豬骨的鮮味相得益彰，喝上一口令人感到暖心🥰🥰🥰咖喱鮮肉煎餃外皮金黃酥脆，內餡的肉質搭配咖喱的香料味，濃郁而不膩，十分開胃。泡菜鮮肉煎餃煎餃帶有微辣的泡菜風味，餃子的外皮香脆，內餡的肉香與泡菜的酸辣相互融合，讓整道菜品充滿了驚喜，十分過癮。

餃里 (蕪湖居) 地址: 紅磡蕪湖街111號蕪湖居地下C2號舖電話: =====================老火湯手工包餃，超有人情味媽媽感覺架手工餃店我本身鐘意湯餃，小油健康嘛，同埋鐘意有口湯飲下潤下$48 9隻 紫新菜豬肉餃同椰菜鮮肉餃，個湯有3款，都是自家煲好正，蕃茄薯仔粉同老火椰子豬骨湯！兩款都多料，超多薯仔食到勁飽呀！餡滿皮薄，加入蔬菜另外試了 咖哩鮮肉煎餃,$46 6隻 煎到表面金金黃黃,脆脆的很香口哦飲品跟餐有平，要了豆漿同烏龍茶

餃里係屯門區幾出名宜家多左幾間分店眼見都幾多外賣生意總共11款湯餃/ 煎餃選擇當中仲有素餃素湯 適合素食人士某幾款只有煎餃湯餃跟3揀1既住家湯水可以揀6隻或者9隻/ 雙拼或者3拼 自由組合 食多幾款口味我地叫左湯餃同煎餃各9隻3拼一共18隻餃子 6款口味9隻三拼自由選湯餃 $58白菜 x3香荽 x3紫菜 x3比較之下 紫菜餃比較特別 想再encore跟左椰子豬骨湯不過唔太飲得出椰子味下次試埋蕃茄薯仔湯同素湯9隻三拼自由選煎餃 $58泡菜 x3咖喱 x3芝士粟米 x3呢3款餃子 只有煎餃肉眼好容易認到3款都煎得岩岩好唔會過份油膩好惹味 3款都好推薦撈麵 $9可以自行揀辣度餃里自家制撈麵 加左柚子醋 幾特別跟餃子餐加左2樽裝野飲低糖豆漿 $8原味豆漿 $8

今日同朋友去黃埔食餃子，雖然鋪位細細，但係好受歡迎，食飯時間見到好多人排隊! 餃子款式有好多，基本既白菜鮮肉，韭菜鮮肉，芹菜鮮肉，香茜鮮肉餃等等。特別D既可以簡煎餃，有芝士粟米餃! 簡湯餃的話，湯底仲有3款簡!今日叫左白菜鮮肉，韭菜鮮肉，芹菜鮮肉湯餃，原來叫9隻可以叫3拼架! 平時出去食最多得雙拼，3拼就可以試多D款! 湯底簡左無花果栗子素湯。每隻餃子都大大粒，好足料，咬落去都見到入面好多料，調味都係岩岩好。餃子皮又唔會浸到太淋~ 無花果栗子素湯好好飲，完全冇味精既感覺，同時都唔會好咸，整體感覺係健康得黎又好食! 煎餃叫左泡菜同埋咖哩鮮肉，2款都好好食! 咖哩鮮肉直情一咬就爆汁! 煎既火侯岩岩好，所以唔會好焦，好怕食到D煎餃個底焦曬，呢到就唔會，所以好有住家感覺，另外都加左個撈面，有辣有唔辣，係刀削面條，幾好食，我諗呢個叫小辣會更惹味。

有朋友介紹我哋去紅磡蕪湖居嘅餃里食好特色嘅湯餃同煎餃，隻隻餃子都大大隻，仲有好味好飲嘅湯水，佢仲介紹這間餃子店有秘製手工辣菜脯，係全人手炒製，不含防腐劑，仲可買返去屋企食，價錢唔貴，味道唔錯。入到餃里，見到環境不錯，簡潔舒適光猛，枱凳都整齊，亦令人坐得舒服，見到餃子店生意都唔錯，有唔少顧客來光顧及外賣， 亦不斷有外賣員工來接食品， 相信真係一間好食嘅餃子店。餐牌上都有湯餃同煎餃，餃子嘅款式都不少，湯餃子有七款，有椰菜鮮肉、韭菜鮮肉、白菜鮮肉、芹菜鮮肉、香荽鮮肉、紫菜鮮肉、清新素菜，湯餃配住家湯水，有三種靚家湯，椰子豬骨湯、蕃茄薯仔湯、無花果栗子素湯，而煎餃就有十一款，除咗有湯餃子嘅款式，還有泡菜鮮肉、咖喱鮮肉、和風咖喱、芝士粟米，仲有拼餃選擇，六隻雙拼、九隻三拼、田園四拼，另加$9可以配上海湯麵或撈麵，撈麵有辣、小辣、唔辣，而各式飲品跟餐只係$8，真係有好多唔錯嘅餃子款式，價錢又唔貴又抵食。所有餃子即叫即煮，製作需時，煎餃約10分鐘，湯餃約8分鐘。我選咗紫菜鮮肉湯餃，椰子豬骨湯，上海湯麵，芝士粟米煎餃，大和原味豆漿，而朋友叫咗白菜鮮肉湯餃，蕃茄薯仔湯，芹菜鮮肉煎餃，小辣撈麵，Sund

店面位置不大 是一間有實力的小店放工去食 得返一兩個位感覺應該唔錯 最吸引係可以 雙拼或者三拼咁就可以食多幾隻味而且餃子款式都比較較多除咗有傳統嘅 韭菜 白菜 芫荽仲有泡菜鮮肉餃 和 芝士粟米餃-所以我哋揀咗三個唔同味道唔使諗咁多大大粒即叫即煎好好食呀個人喜好方面，最鍾意芝士粟米煎得好香脆最緊要 食得出食材好新鮮 粟米夠飽滿 好食 （張相係用筷子切開嘅）另一款湯餃，揀咗蕃茄茄薯仔真係好似屋企人煲嗰種 好好飲味道唔會太濃 仲有少少薯仔碎下次都會再嚟食韭菜餃都好好食 😋朋友仔比較大食 佢話撈麵唔錯 上海麵質地幾好

今日我同朋友去咗紅磡一間餃子小店，聽講佢哋嘅餃子好出名，於是決定嚟試下。餐廳嘅餐牌簡單易明，有湯餃、煎餃、湯麵、撈麵等選擇，仲可以選擇雙拼或三拼！我哋兩個人決定叫九隻煎餃，選咗三款口味，分別係咖喱、泡菜同芝士粟米。煎餃上嚟時，金黃香脆，香味撲鼻而來。第一口咬下去，餃子皮薄而脆，裡面嘅餡料好豐富。咖喱味道濃郁，帶有一絲微辣，特別適合喜歡咖喱嘅朋友。泡菜餃則有一種酸辣嘅味道，真係好開胃。而芝士粟米餃就非常滑，芝士嘅濃郁味道同粟米嘅甜味完美結合！湯餃方面，我哋叫咗椰菜、白菜同紫菜。特別係紫菜餃，出邊好少有，但食落去真係好好味！紫菜餃唔單止餡料新鮮，湯底亦非常清淡而鮮味，飲落去好舒服。椰菜同白菜都係經典款，餃子皮包住新鮮嘅蔬菜，咬落去非常爽口，唔油腻。撈麵方面，選擇有辣同唔辣，我哋選咗辣，果然係好惹味！麵條煮得剛好，搭配住醬油，味道濃郁！最正嘅係，店內提供無限添嘅辣菜脯，呢個辣菜脯真係食過最正，辣味適中，帶一點咸香，完全停唔落手，真係好想再添多次！飲品方面，我哋試咗一罐入口嘅吉仔水，同埋黑豆漿。吉仔水飲下去清涼解渴，而黑豆漿則香濃十足，味道非常好！今次喺紅磡呢間餃子小店食物質量高，味道出色，價

今日帶阿仔踢完波，落車經過見到呢間全人手包既餃子店~餃里，就決定買外賣返屋企開餐。小店採用開放式廚房，可以見到每張單下面都有一個計時器，計算製作時間，煎餃須時10分鐘，湯餃就8分鐘，認真態度令我哋願意耐心等候。餃子有十幾款口味，湯餃或煎餃任君選擇，仲可以雙拼或叁拼，更有清新素菜系列，配合不同客人須要。我哋叫左叁拼湯餃，包括味道傳統既椰菜鮮肉，味道香濃既香荽鮮肉，及味道特別既紫菜鮮肉；另外每款湯餃都配上住家湯水，我揀既老火椰子豬骨雞湯，不添加味精，湯頭鮮甜不油膩，外賣仲可以分湯，唔會浸淋餃子，好細心。煎餃就叫左韭菜鮮肉和芝士粟米鮮肉，每一隻餃子既外皮都煎得金黃脆口，咬落去餡料鮮嫩多汁，韭菜煎得勁香；芝士味道濃郁，粟米粒爽口，更有少許拉絲效果。餃里撈麵唔辣，配上小店自家製醬汁和辣菜脯，令平凡既麵條生色不少。總結，餃子超多口味，用料新鮮，份量十足，餃子控不要錯過。

最近餃里係香港各區都不斷插旗開新店🎯開小店就適合佢地主打外賣生餃生意，係紅磡呢間鋪就算鄰近必嘉街重建區域，算係較舊既位置，不過餃子店附近都少就有得做🥊全店有10個堂食位置，主力做外賣生意主要有湯餃配湯麵同埋煎餃配撈麵既食法🥟今次帶埋朋友黎食就食得勁豐富，三拼湯餃配上海麵同埋三拼煎餃配小辣撈麵，小食就揀咗田園四拼湯餃湯餃有韭菜、椰菜、芫荽同素食選擇🥬湯底有椰子豬骨雞湯、蕃茄薯仔湯同素食既無花果栗子腰果湯🥥配搭都好多，餃子飽滿多餡，湯底夠濃香無味精😋煎餃仲有11款選擇，底部煎得好香爆，咬開就爆餡咁，今次揀咗紫菜、泡菜同芝士餃，芝士最正，拉絲幾惹味，撈麵有蒜油香極易上頭😆最好加埋自家製辣菜甫原來後面有間小房仔，兩個師傅係入面即場包餃子，唔係工場出品幾有誠意，值得更多支持🫡

今天黃昏，我前往位於紅磡蕪湖街，這是一間我一直想試的餃子店名叫餃里。店內的氣氛非常舒適，讓人感到放鬆。我特意選擇了外賣，想和家人一起享用美味。我點了幾種不同的餃子，期待著這頓晚餐的到來。首先，我選擇了樽裝辣菜脯，這是吃餃子的絕佳配菜，能增添不少風味。接著，我挑了韭菜鮮肉湯餃，湯汁豐富，鮮香四溢，肯定能讓人食指大動。除了湯餃，我還點了椰菜鮮肉煎餃和咖喱鮮肉煎餃，這兩款煎餃的外皮酥脆，內餡則是鮮嫩多汁，真是令人期待。最後，我還加了一份芝士粟米鮮肉煎餃，想要嘗試那種濃郁的芝士風味。帶著滿滿的好心情，我回到家中，準備和家人一起分享這頓豐盛的晚餐。看著一盤盤熱氣騰騰的餃子，心中不禁感到滿足，期待著這次美味的享受。