餃餃餃子 (已結業)

話說今日出街食，又唔係好肚餓，咁岩路過呢間食餃子既日式餐廳就入黎試下！好好彩唔洗等位，一打開menu，嘩！有好多唔同既餃子選擇！即刻有選擇困難症，好多都想食！最後就叫左人氣NO.1既CHAO CHAO餃子、咖哩飯、章魚燒同巨蜂梳打。CHAO CHAO餃子皮簿，而且有幾隻醬汁比你揀黎點邊隻黎食餃子！一啖食一隻都好輕易而不失儀態咖哩飯都幾抵食，可以唔洗只係食餃子而可能好快肚餓。章魚燒表皮脆，入面又有粒粒的章魚。最後飲埋杯巨蜂梳打，即刻飽晒，很滿足！

星期六喺灣仔利東街附近揾食，就揀左呢間黎自日本嘅日式餸子店，餐廳都幾full。叫左個Chao Chao一口餃子，餸子皮簿，細細粒，真係一啖一粒。跟餐牌介紹，先試下原汁原味，再試下將餃子點埋餃子汁同埋味噌汁兩種醬汁，覺得更加好食。仲叫左個餃子之4種盛盒，有海老餃子、Mochi蘑菇餃子、日式京都九条葱餃子、椰菜豚肉餃子。海老餃子似蝦餃😂、其他三種都唔錯。另外叫左個雞肉芝士餃子，點沙律醬，覺得幾特別，芝士煎到可以拉絲，剛剛好。加左個日式咖喱烏冬，味道ok。總括黎講食物質素唔錯，但份量唔多，價錢略貴。

在傍晚6時多，我是第一位入座的。餐牌上的餃子琳瑯滿目，每一款都想試。餐廳的裝潢完全有日本的氣氛，像是東京小巷的地道餐廳。PHAO PHAO招牌餃子之一，形狀迷你，味道不是太驚人。另外，點了一個四款口味的盛合：Puri Puri 海老餃子、日本京都九條蔥餃子、雜菜豚肉米皮餃子及椰菜豚肉餃子。比較有特式為九條蔥餃子，餃皮做成綠色，味道突出。另外米皮餃子的口感更煙韌。大部分都肉汁滿滿，但貪心的我為了一次嘗到多款口味，反而開始混淆。炸雞肉芝士餃子非常好吃，芝士味道濃郁。雞軟骨有兩款口味可挑選，梅子味道帶酸令炸物油膩感減低。忌廉炸薯餅也是很不錯，吃到最尾容易出現飽濟感。整體來說，炸物做得非常出色，沒有任何一點多餘油份，品嚐到炸物應有的享受。個人建議，奉設冰水仿效日本，會令食客點更多的食品，以冰水去衝洗口腔的油份。本想試朱古力醬餃子作甜點作結，但店員說沒有是有點失望。另外，店員的應對可以再改善一下。對話如下：要一個古力醬餃子，可以後上？今日未有幾時會有？今日未有晏D有定…？今日冇完全是浪費時間，一塌糊塗。店員可以推搪已售罄、是日沒有準備，而且她沒有多作解釋，似是不耐煩。如果說多一句半句就令溝通更好

呢間餐廳基本上只係賣餃子，如果唔係想食餃子就應該唔好入嚟。今日寡人好想食餃子所以就入咗嚟。$45HKD 餃子の3種盛合: Puripuri海老餃子，Mochi mochi蘑菇餃子，日本京都九條蔥餃子 每種餃子有兩隻，總共有六隻餃子。覺得海老餃子最好食，食落好似煎蝦餃。仲有得點海鹽。蘑菇餃子就食唔到蘑菇。九條蔥餃子都食到好多蔥。$38 日式咖哩飯咖喱飯就不過不失，用普通咖喱磚開出黎嘅飯。有少少日式酸菜同一舊薯仔，非常夠飽。張枱有四種醬汁俾你揀，有餃子汁，辣油，miso醬，仲有一種唔記得左。其實得六隻餃真係唔係幾夠試哂佢d醬汁。整體來講都過咗個休閒嘅下午，餐廳都冇趕人走。美中不足係侍應無主動幫我地斟水，都幾口渴。另外有加一收費

今日晏晝試左係灣仔廈門街利一間日本餃子餐廳。見啲相影住啲餃子🥟煎得好靚，有焦底🙈好香口咁，所以就決定試下。🕐中午一點鐘時間，門口有好多人排隊等食飯，不過好彩我地等左十分鐘左右就有得入😍入到去我地就直接叫左個78蚊既lunch set，係咖啡吉列豬排飯🐷🐷🍛，再跟一客蟹子青瓜沙津🦀🥒同三隻煎餃🥟🥟🥟。🦀🥒個蟹子青瓜好爽脆，啲蟹子都係脆嫁，咬落粒粒卜卜聲。佢利個餐係可以轉烏冬🍜，但冬烏就唔係配咖哩，而係變成鰹魚湯底。烏冬係靚烏冬，滑嘟嘟，配兩塊鳴門卷🍥🍥同腐皮。我最中意佢個吉列豬排，岩岩炸出黎，好熱好脆，雖然個豬排唔係嫩滑個隻，但岩岩炸好熱辣辣，又香脆，真係好好味。🤪🤪🤪要慢慢食，唔捨得食晒佢。本身個餃子應該係前菜，但唔知係漏單唔記得左定仲煎緊，所以變左我食晒成個烏冬先食個餃子🥟，所以都無影到相。 雖然遲左，但變相個餃子就新鮮煎好，熱辣辣🔥🔥🔥。但個餃子就唔夠焦底，變相無咁香口焦脆。同埋個餃子唔知係咪個皮太薄，所以好易散。味道都好味，但又未到非常好味，正常發揮。🙈總捨而言，我會覺餃餃餃子係餃子方面未夠做招牌菜，但味道黎講，其實係唔錯。只係而加係灣仔隨便食餐飯都要成80蚊，對於窮l黎講真係貴

今日午餐跟同事們去了灣仔的餃餃餃子，一如既往都係要喺外面排隊，人齊先可入座，入去之前要點定食物。我們被安排到閣樓上的角落位，正好可好好聊聊！我們點了3個午餐，大家都不約而同叫了椰菜作前菜。拌著有少少蒜頭味的鹽菊食凍椰菜，真的很開胃，是一個不錯的選擇。主食方面，因為等一下要再食下午茶的關係，我選了輕食一點的烏冬，較其他選擇清淡。餃子就各人也點了8隻的chaochao餃子(主因是不用另人再加錢，哈哈)。一啖一口，下脆上軟，配上桌上的餃子汁，這個是一個不錯的Happy Friday Lunch !!!

晏就又要過灣仔做野，又要周圍搵下有咩食，上OpenRice就search到呢間🤭入到餐廳店員安排左我坐bar枱既位置，原來星期六日係無lunch set, 唯有叫返menu入面啲野😶佢都有唔同既醬汁比客人揀for食餃子👍🏿紙巾都鋪得靚靚仔仔☺️叫左我最愛既蟹子沙律$22，份量都幾細兜，不過都有足夠既蟹子同沙律醬👍🏿沙律醬無溝稀過👍🏿另外再叫左個鰻魚飯$68，鰻魚都唔算好大條，但都燒得好香，不過好薄身，同埋飯既量較多，但味道係ok既。最後埋單$99，或者下次有機會再試下佢啲lunch set, 應該會抵食啲。

同男朋友係海洋公園玩左成日, 出番嚟之後又未諗到食咩, 於是就上網睇下銅鑼灣, 灣仔有咩特別野好食🤔 咁岩見到有間日式餃子專門店, 我e個餃子控緊係要去試下啦🥟🥟😍😍😋😋 去到都幾多人, 餐廳唔算大, 好似日式嘅居酒屋咁, 店員安排左我地坐係吧枱嘅位置😊 打開個餐牌, 係餃子, 全部都係餃子呀😆😆 入面有太多種類, 而且好多特色餃子, 樣樣都想試🙈 最後我地叫左幾款餃子,一款小食, 一個飯同一個甜品😋👏🏻👏🏻SHAKE SHAKE餃子, 顧名思義就係將袋入面嘅即炸餃子加埋調味粉嚟SHAKE, 佢有3款調味粉比你揀: 梅子鰹魚味, 醬油牛油味同粟米濃湯味🌽我地就揀左梅子鏗魚味, 一打開包粉已經好重梅子味, Shake完之後打開個袋, 梅子味餃子登場🙈👏🏻👏🏻 梅子粉好均勻咁痴住餃子嘅表面, 咬落去好熱, 非常脆同香口, 梅子粉加埋入面嘅少少油同肉汁, 味道唔錯, 非常開胃😋😋牛肉薯餅🐂 薯餅香脆可口, 牛肉碎都ok多, 味道不過不失😊餃子4種盛合⬆️⬆️包括有Puri Puri海老餃子🦐, Mochi Mochi磨菇餃子🍄🥟, 日式京都九条葱餃子同椰菜豚肉餃子, 每款2隻😊 一次過可以試4

路過幾次這間小店前都排著隊，今日一心一意特地來試試！餐牌只有一張，簡單清淅。✨餃子配上烏冬已索價$75。前菜選了自家製香辣青瓜漬爽口青瓜，酸酸甜甜，不過辣味不夠✨主角CHAO CHAO餃子上場八件細細件的煎餃子 熱騰騰送上餃子惹味脆口 皮薄多餡幾好食不過沒有大驚喜店名為餃餃餃子，自然會令人對餃子的要求提高期望會和別家吃到的餃子有什麼不同之處 不過卻沒什麼太大分別✨ 配上湯烏冬烏冬彈牙 湯汁清淡份量不多 適合女孩子來吃食完感想普普通通不錯卻不會令人想特地再來排隊吃

我們在灣仔區的中心看到了這家小餐館，供應（Gyoza）小餐館，但是給了美味的菜餚..我和我的朋友決定嘗試“(Beef gyoza ），（Chicken and mozzarella gyoza） “，”（chicken bolognese mini pizza）和（puri puri shrimp gyoza ), (garlic gyoza) 和冷 asahi 啤酒，我們訂購的一切都絕對美味，太棒了！ 我們肯定會回來嘗試其他菜餚。工作人員很友好..We enjoyed our dinner and completely accommodating staff that didn’t rush us to finish our meal..

點完菜，先入座，一上來已放好飲品，之後就上菜，一見到以為唔夠飽啦，點知食晒之後，又好飽喎，夠食。味道好好，烏冬都好好味，但竟然無七味粉，日本嘢無七味粉，好奇怪囉。不過整體係好味的。

特長海老餃子: 中左伏, 以為4x蚊係2條, 點知係1條價錢, 拎到來, 邊度有18cm呀, 頂盡12cm 倒, 不過入面有蟹棒同鮮蝦, 食得出佢ge價錢係sell 材料,多過份量, 不過真係太短, 又幼, 性價比低。4色餃拚盤:原味餃子2隻, 正常椰菜豬肉, 另一款入面有d 菇。第3款係蔥餃,除左個皮係綠色,我完全食5出有咩蔥..... last 係海老餃, 入面都係用鮮蝦ge。 不過叫拚盤d 餃子`係細隻d ge, 我見人地逐款叫,係大隻d, 搵笨=.=curry udon:3x 疥, 都預左份量5多, 女仔細食都夠ge, 入面有d 野菜, curry 汁都係typical japanese curry, 正常質素btw, 埋單已經160, 我點計都係計到140蚊倒ja=.= 仲要個份量完全5飽=.=

來左灣仔諗住食個快餐，見到呢間餐廳都幾多人就入去食。首先叫左個鰻魚飯（$68）- 饅魚本身好大件，肥美多汁，加上鰻魚汁撈飯超正，不過個飯本身就唔係好大。再叫左個Chao Chao 餃子（$24/8粒）-個menu 寫住chao chao餃子使用嚴選的食材/人手每天包製/脆薄多餡，上菜後個餃子真係皮薄餡靚，配上佢店里介紹的醬汁，幾有風味。最後仲叫左個排第2位的Puri Puri 海老餃子（$45/5粒）- 個餃子好似食緊蝦餃咁，粒粒鮮蝦分明，好爽口，好足料，配上本身附送的鹽，口感更有層次，本人鍾意海老餃子多過Chao Chao餃子。走個時都幾多人係門口排隊。

早已在紅磡見過《餃餃餃子》，巧合地當天在利東街觀賞那個gaia「地球」，就到旁邊的廈門街，食頓午餐。餐廳風格滿是日式設計最著色的ChaoChao餃子，必叫之選。8件的Chao Chao餃子細細件，皮脆多肉，一口咬下小心爆出肉汁看著餐牌上的推介，一定無死。煎雞肉芝士餃子不算多油，滿滿都是滑滑的雞肉，又有芝士拉絲。愛芝士的朋友必食蟹肉海老特長豪華餃子棒真心無介紹錯！整條餃子棒都是長長的蟹棒，足料炮製加上大量蝦仁在內，口感十足。最後又吃了黑豚餃子，同是煎得脆卜卜的，一口咬下肉汁又應聲爆出，一流該店貴為日式餃子王，當之無愧

今日同男朋友行完婚展，就睇下附近有咩食，行到囍帖街附近見到呢間幾特別既日本餐廳，甘就坐底試下啦。可能我地差吾多9點先到，餐廳都吾多客人啦。。餐廳以餃子🥟為主，有好多吾同口味既餃子🥟，可以揀煎或炸咖。最後我地點左👇🏻👇🏻👇🏻雞肉芝士煎餃子🥟將雞肉芝士作為餡料，食落我地都覺得好清無乜味，係有小小芝士拉絲但吾多。店家會跟沙律醬，或者自己落餃子醬汁。但沾左醬成個餃子就係醬既味道，餡料都無味啦。。炸豬扒:豬扒吾會太厚，薄薄一片。醃料吾夠味，好彩肉質算鬆化吾痴牙。但粉漿有點厚，炸到好脆。。咖哩飯:無任何材料，只係蘿蔔薯仔。但個飯真係好香！粒粒分明，食落軟綿！不過咖哩好普通，好似平時超市買到一盒盒既果款，所以無驚喜。。牛筋豆腐：牛肉有幾粒，仲有豆腐既。。食落好香牛味！送飯一流！只係個汁好油，好明顯一層油怕怕，但味道係好食既。呢度有最低消費每人50元，環境座位都好窄，有bar枱可以望住師傅煮野食。。但整體感覺一般。。