養心殿台式養生鍋 (已搬遷) 新店位置

養心殿有不同分店🏘，今天和朋友🤝到旺角的分店打邊爐🔥來慶祝朋友的生日🎂，這裏的格局特別⚠️，坐的地方分佈唔同的區域🔸️，每一個區域大概有四張枱🚩，私人之中見開放🔵，從走廊行會看到每一個區域也很熱閙🎊。朋友先點選湯底🥣，揀鴛鴦湯底的價錢以高者為準👈，我們選的是養生鍋💃及麻辣底🕺，養生鍋有藥材、人蔘💌、火腿🐽、老雞🐔肴制，麻辣👅是小辣程度卻佈滿了辣椒🌶，鴛鴦湯底一柔🤚一剛👊，啱我這些貪心的人。鍋端來時，見麻辣的紅色🔴很搶眼👁，剌激味蕾，當滾起時♨️，先呷一口🥄養生鍋湯，甘甘地有蔘味😋，不錯，然後正式開始打邊爐。整體食材☘新鮮精緻，雖然價錢💲不怎便宜，不過，所謂一分錢一分貨，食物質素是具備的，而且每個區域只4張枱卻常有服務員站立，反應快。▶️當然點選的比放題食的少很多，但若食材不鮮不好， 再多吃也無用🙌。今晚暢飲大吃慶祝確實難忘❤。😋❤😋❤😋❤😋❤😋❤

養心殿開分店開得好快又成日fully booked ，咁啱朋友話想食火鍋，就提議黎呢度食本來諗住要個美人鍋，但原來揀兩種湯底做鴛鴦鍋唔洗加錢，咁就一邊美人鍋、一邊麻辣湯好彩揀鴛鴦湯底，個麻辣湯原來好正，用黎淥野食好入味，完全唔洗再沾醬油，而個美人鍋就好養生，入面有好多桃膠可以筆黎食自助混醬區，佢無蒜茸粒，反而有個蒜茸醬，個味好古怪的，一啲都唔好食，好彩個麻辣湯底夠味，唔洗沾醬油食都得至於其他火鍋配料，可以話一般啦，唔算係上級食材，尤其係啲肥牛，差不多二百蚊一碟，竟然得咁少。。。響鈴、各種丸都可以，比較特別既有鴨血，食落幾似豬紅；仲可以叫鹽酥雞當小食而座位有好多廂座，幾個人自成一國都唔錯，唔算逼夾總括：因為個湯底好食，所以雖然啲火鍋配料唔突出，都覺得幾正，難怪多人去食

約左朋友久聚，知道今日會好凍問定想邊間打邊爐朋友即刻話一定要試美人鍋，就卜左７點啦朋友先到，直入唔洗等坐低當然要跟朋友要求叫美人鍋啦，再加左幾樣火鍋料出面有醬料區，選擇唔多，不過都有哂我要開既蔥，蒜泥，欣賞佢辣椒好夠辣今晚主角—美人鍋—侍應擺低話滾左可以飲湯先，不過岩岩滾起其實無咩味隻雞滾左好耐先熟不過同時Ｄ湯就夠味了足足１隻雞，我地３個人都一人一大舊食唔哂成隻好似話好出名既肥牛—我覺得一般，無牛味）水簾餃—第一次食呢隻菜，煮好耐都仲好爽丸叫左拼盤同單份黑松露蝦丸—牛丸有驚喜，鵝干太一般，黑松露蝦太勁正（朋友係黑松露控覺得勁）仲有雜菜拼籃，不過唔記得影食完有糖水送，今晚係綠豆沙，都ＯＫ唔太甜

同好朋友食飯， 凍冰冰嘅情況下我嘅選擇當然係打邊爐啦， 行街經過見到呢間養心殿， 八點半前埋單有七折， 之前食過埋單都幾貴， 見到七折即刻衝入去我同朋友叫咗個美人鍋， 話明係美人， 選用嘅材料當然係養顏啦有好多嘅桃膠， 紅棗，杞子，南棗，淮山.. 等等藥材料煲咗好耐, 滋補養顏鍋底選用咗烏雞，烏雞營養豐富，補肝腎，益氣血，而且含鐵元素比普通雞高好多，營養價值極高的滋補品而醬料方面, 亦都有好多選擇， 最特別嘅係有蒜蓉汁, 比一般蒜蓉更惹味蔬菜拼盤有生菜，冬菇，金菇，秋葵，粟米， 粟米好甜，生菜好新鮮翠綠另外嗌咗鵝肝墨魚丸，黑松露蝦丸半份， 兩者味道好夾， 丸類因為係人手打嘅關係，好彈牙。 仲有叫左自家製鮮蝦雲吞同埋水蓮餃， 皮薄餡靚， 水蓮菜系台灣獨有嘅蔬菜， 食落脆口， 而且餡料都好彈牙， 值得一試紫薯淮山麵， 一睇個名就知道有幾健康， 食落有淡淡紫薯香味最後叫咗千層凍豆腐, 因豆腐中間好多蜂巢位， 特別容易吸湯,必試

久仰養心殿這家台式火鍋店的大名，今天終於可以一試。打邊爐要好吃，首要條件就是要有一個靚湯底，不好吃的湯底絕對會糟蹋了往後的食物，這裡的湯底真心正。我們最後選了美人鍋 $188湯底很足料，原隻烏雞，杞子，南棗，有大量桃膠，高蛋白質又高纖，鮮甜好味，女仔必選。鹵牛肚 $88牛肚很入味，爽口彈牙，正。手切牛肉 $238並不是坊間的以機器薄切，口感軟腍，有濃郁的牛味，就算滾得耐了，亦不會有嚡口和韌的感覺，正。手工丸類拼盤 $108有六款丸，每款兩粒，粒粒彈牙，最欣賞的是芝心牛丸和黑松露蝦丸，前者芝士流心，後者黑松露味濃。台灣A菜 $78打邊爐又點少得蔬菜呢，我們選了台灣A菜，很新鮮，翠綠，清甜爽脆。寬粉條 $38薄薄的寬條面，煮熟了呈透明，很滑，咬落煙煙韌韌，吸收了湯底的精華，不用醮豉油已經很好味最後，還送上一碗芋圓綠豆沙，芋圓有咬口，咬下去不會有粉的感覺，不太甜又下火，雖然已很飽，但甜品還是有另一個胃的，整碗吃掉，讚。是日消費大概 $860

《養心殿》呢個名相信身邊既朋友一定試過，個個都對於佢既養生鍋讚不絕口，於是今次決定帶身邊一位未黎過既朋友來試試來到養心殿，不得不試的當然是馳名的美人鍋（$188），滋陰養顏，而朋友就對藥材成份有點抗拒，於是我地決定點個鴛鴦鍋，一邊美人鍋，一邊酸菜白肉鍋，一次試晒兩款等到湯底滾後，店員就提醒我地先試試最原味湯底。嚐一口後，完全感受到湯底用料豐富，十分鮮甜，除了原隻烏雞外，還加入了金華火腿及藥材(如杞子，淮山，南棗等)，令我聯想起媽媽親手煲既靚湯，很有家的味道！而酸菜白肉鍋就加入蕃茄，豬王花腩，同秘製大白菜，味道酸酸地，非常開胃！食物未到前，我地已經飲左大半鍋既湯，證明d湯非常入味可口！由於我地兩個不算大食，所以叫既食物唔算多，分別點了極上雪花肥牛($188)，炸午餐肉($58)，即炸脆響鈴($68)，半份黑松露蝦丸($48)，半份芝士牛肉丸($48)，半份魚皮餃($36)。價錢不算太貴，而且感覺到樣樣材料非常新鮮，特別係肥牛，脂肪比例適中，食落唔會韌，好岩大眾口味！食飽後，店員為每人送上一碗是日糖水-紅豆沙，非常貼心❤️

今日難得同好朋友一齊放假，係朗豪坊睇完戲，就一齊去食午餐。之前有黎過養心殿打養生邊爐，知道原來中午有台式套餐，有包埋三款前菜一湯同一款飲品，好似都唔錯，今日就專登過黎食。其實幾鐘意餐廳既裝潢，有種寧靜既感覺，上次我地打邊爐係坐呢啲枱，有個爐set左係中間，啲位都幾闊。今次唔係打邊爐，就坐左另一種枱，係冇爐既，就更加闊落。我地兩個都有選擇困難，都諗左陣，最後我揀左鹽酥雞肉燥撈麵(個人向來喜好麵多過飯)，朋友揀左九層塔三杯雞飯。鹽酥雞肉燥撈麵：鹽酥雞香酥脆，鹹度適中，份量仲好多，好味！至於肉燥麵，麵質係唔錯既，不過單食佢會比較淡味，要配埋啲鹽酥雞一齊食先得。九層塔三杯雞：朋友話食落比較似醬油雞，味道係好好既，但佢就覺得要再擺多啲九層塔。跟餐三前菜：通常前菜總會有啲係我唔鐘意食既，但呢度出奇地三款都好好食，最鐘意中間果款，酸酸辣辣，口感爽脆，雖然唔知道係咩黎台式燉湯：呢個係人蔘烏雞湯，真係驚喜，竟然有咁大舊烏雞！ 啲雞好入味飲品：朋友揀左烏梅汁，我就揀左潤喉既杞子菊花蜜，兩杯飲品都略為甜左啲，但係味道唔錯，凍飲都ok既。總體黎講係滿意，環境舒適，同朋友邊食邊傾返頭先齣戲，好寫意。

成日都聽朋友講養心殿好好味，今次就趁朋友生日去試下先。養心殿真係好爆場，好彩一早book左位，如果唔係7點黎到要等到9點30先有得食今次叫左鴛鴦鍋，美人鍋同酸菜白肉鍋($188)。鍋到嘅時候店員會提醒我地飲左啲湯先，我地緊係即刻整碗試下。美人鍋係有原隻烏雞係入面嫁，加埋桃膠，杞子，金華金腿，肴出黎嘅湯真係非常鮮甜。另外，酸菜白肉鍋嘅酸味較重，非常開胃，入面仲有腩肉同埋QQ闊條麵，兩個鍋都非常足料另外，我地仲點左響鈴($68)，極上雪花肥牛($188)，炸午餐肉($58)，唐生菜($58)同埋金菇($48)。響鈴必點，即炸嘅響鈴吸晒湯嘅精華真係好正肥牛嘅雪花分佈好平均，菜好新鮮最後仲有糖水送，係芋圓紅豆沙，非常滿足。留意返，醬料區係係出面，要自己去拎，我地臨走先發現到。雖然無點任何醬汁，但啲野食都非常入味，唔使點已經好好味。

天氣轉涼，最適合就是打邊爐，而我們就選擇了這間人氣極盛的台式養生鍋。湯底方面，我們選擇了這𥚃的的招牌：麻辣鍋配養生鍋。麻辣鍋內已經包含了我最為喜歡的鴨血，吃罷還可以免費追加一份👍🏻👍🏻而呈奶白色的養生鍋，湯底用不同的葯材配以烏雞餚製而成，非常濃郁且有暖身的功效。打邊鑪一定要食肥牛，我們就點了一個小份的「手切牛肉」。肉的肥瘦適中，雪花分佈均勻，而且好有嚼口，牛味濃郁，配合麻辣的湯底真是絕配，好像水煮牛一樣！另外，這火鍋店還有一些特色丸類，令平凡的材料變得不平凡：鵝肝墨魚丸。兩種都是我的最愛，配合起上來味道非常搭，但鵝肝醬可再流心一點；而丸類加上粒粒蟹籽使到口感更為彈牙！鮮蝦雲吞亦非常足料，大大粒，做到真正的皮薄餡靚👍🏻因為點了養生鍋的關係，必須點一些吸湯味重的材料：分別是冬瓜及寛粉條。冬瓜把濃郁的湯底完全吸收，每咬一口都有著養生湯的味道；而像紅薯粉般的寬粉條亦有相類似的效果🤤值得一提的是，這裡的員工服務很好，會主動為你加湯及倒飲料，而且笑容可鞠，令食客非常滿意。

因為有事慶祝，所以就同朋友卜左尼間養心殿試下。去到之後朋友們都已經開始食緊，仲叫左鴛鴦鍋，一邊係有烏雞既，另一邊係有人参紅棗，2個湯底都非常足料，但味道算清淡，真係當湯就咁飲都5過份當中幾樣都真係要點名讚揚尼個牛肉都真係不得了，手切牛肉就咁睇都已經夠令，而且厚薄好好，真係滾2滾就已經食得，油香而且肉質好好仲有一口牛都一樣好味，不過就肥膏比率較高跟住要講尼個鵝肝墨魚丸，食完直頭有好神奇既感覺真係超好食，丸中間有一粒鵝肝，平時就咁食就會覺得好油，但打邊爐就真係食到原味，一d都無油既感覺叫完再叫！！！！第3樣不得2了就係真係食左咁多響鈴最好味既一次，我本身就鐘意落湯2秒就拎起，咁響鈴就留有脆但又索到湯汁既享受，尼到既響鈴好似係自家製，所以都比一般既長，而且真係薄脆，夾大力d都會碎，食落5油而且香口都係叫完再叫食食食。台灣A菜係朋友推薦既，不過就5知點解叫A菜尼食落5算驚喜，似油麥菜。仲有鴨血同黑松露蝦丸都正正子傾左好耐都應該差5多要打烊侍應自動送上芋圓糖水，但係凍既，就真係麻麻地，芋圓5係好煙韌，我食左2粒就放棄左。食左咁多野都已經好滿足，而且真係好值得推薦

Great hot pot option in Mong Kok! We ordered two soup bases- a black chicken one and a medicine broth. The black chicken had great flavour and the chicken itself was super tender and smooth. We ordered a large variety of dishes including the fried luncheon meat which i would recommend plus chicken testicles- tasted pretty much like tofu! Between 4 of us we ordered a large array of meat vegetables, seafood and drinks and the bill came to around 600$ each which was pretty decent!

朋友推介說養生殿嘅養生湯 好好味. 於是打電話去訂了位地點在新興大廈1樓, 搭扶手電梯上， 訂了七點 ， 去到已經 很多枱都有人了， 心想幸虧我們有訂位地方很大， 用木間左一格格， 感覺空間比較闊落，一看餐紙， 已經看中咗 美人鍋， 用桃膠烏雞杞子金華火腿做湯底， 女士養顏， 桃膠呢排大熱我經常也燉來吃， 據聞比美燕窩。另外點了手切肥牛和黑松露蝦丸 鵝肝墨魚丸 我至愛的 千層凍豆腐友人叫了一客 鹽酥雞嚟送啤酒火鍋上了用銅的器皿 盛載， 茶壺也用銅， 感覺 優雅湯滾了 立即喝一口， 真的很鮮甜， 藥材配搭得剛剛好， 不太濃， 連喝了兩大碗手切肥牛也不錯， 上台看到雪花肥紋，正!特別值得推介的是 黑松露蝦丸 ， 一咬落去 清香的黑松露充斥在口腔， 加埋彈牙的蝦丸 簡直係絕配鵝肝墨魚丸也非常特別， 中間釀咗鵝肝， 從未試過。 那些千層凍豆腐， 吸收 敖了一個多小時的湯底 ， 吃起來非常鮮甜， 所以有少少貼士， 最好最後先食送酒的鹽酥雞也非常香脆可口。 一陣已比我們兩人ko了烏雞肉也非常甜美， 可能吸收了湯底嘅精華吃完這餐火鍋 感覺自己 美了，哈哈， 因為平時在家從不煲湯埋單時 原來 八點半前

我們一班親朋戚友一起來聚餐，人多的話最好就是吃火鍋，所以我們選擇在鬧市旺角的養心殿聚一聚。我們叫了一個鴛鴦鍋，可以方便各人的喜好。這裏的湯底材料很充足，美人鍋內更有一隻原隻烏雞，令人垂涎三尺。這是我第一家會喝湯的餐廳，因為真的很足夠火候。肥牛當然是吃火鍋必備的材料之一，所以我們叫了大份的，顏色十分鮮紅，味道甘香軟熟。這是鹽酥雞，炸得十分香脆鬆化。這是手打烏龍麵，質地比較滑溜，吸收了湯的味道更加好吃呢！最後還有糖水送給我們，是台灣風味的香芋圓，味道不太甜，恰到好處。

依家普通邊爐已經滿足唔到我嘅胃口，不過食左養心殿真係返唔到轉頭。個美人鍋湯底有成隻竹絲雞，煮得又冧，又入藥材味，真係好正呀，我地幾個成煲湯底都飲晒，要即刻加水。碟雪花肥牛真係值呢個價，好似食緊和牛咁，好有咬口又肥肉均稱。呢個蟶子好大隻，又新鮮，上枱個時識郁架！最鐘意呢個響鈴，真係識響咁架咬落去，脆到呢。我都係去養心殿先知有冰菜，啃落有水點咁好特別呀。佢仲要打卡就有野飲送！服務員態度好好，我都唔介意分享下！

每逢節日、很多食店也有限時、今年平安夜選了這店、沒限時呢！可以慢慢傾慢慢食冷冷的平安夜可以與朋友圍埋一起食火煱、好温暖呢！今次選了秘制薑母鴨鍋湯底足料推介：響聆大大份好香脆至愛另外、手打丸同自家制雲吞、夠彈牙總括來說、材料夠新鮮、值得一試同encore