影片
港鐵太子站 D 出口, 步行約2分鐘
繼續閱讀
電話號碼
55909032 (WhatsApp訂座)
開飯介紹
此居酒屋設有榻榻米座席、櫻花樹、燈籠牆等日式打卡佈置，讓你猶如置身於日本一樣，在此享用各種燒魚、鍋物等美食再配清酒，風味更加突出。
繼續閱讀
營業時間
今日營業
12:00 - 22:00
星期一至四
12:00 - 22:00
星期五至六
12:00 - 00:00
星期日
12:00 - 22:00
以上資料只供參考, 請與餐廳確認詳情
有關獎賞計劃
因為同朋友約見面，想搵間有氣氛既餐廳慢慢傾下計🍶。近近地係太子附近搵到呢間「餓居」。一入去就好有日本居酒屋feel，木質裝潢帶住淡淡木香，燈光暖黃得黎舒服又不刺眼，仲有榻榻米區可以放鬆腳坐低慢慢食。中間果棵巨大櫻花樹🌸真係超搶眼，粉紅色花瓣由天花板垂落，好似置身春天既日本街頭，影相一定靚爆。.日式炸雞定食我轉左日式湯烏冬 ($88)。炸雞外皮呈金黃色，入口脆到有聲，脆皮帶少少胡椒鹹香，咬開之後，雞肉肉汁即刻滲出黎，嫩滑得黎帶少少纖維咬感，吾會覺得油膩。湯烏冬湯底清澈而帶有淡淡既味噌香，烏冬麵身滑溜有彈性，加埋香蔥既清香、日式魚蛋既彈牙，蛋花絲將整碗湯既口感變得更柔滑。附餐既味噌湯暖笠笠，豆香味重，飲落好舒服。.日本蟹肉忌廉薯餅 ($28) , 上枱時外皮仲熱辣辣，香脆到用叉一壓就聽到「咔」一聲，咬落外脆內軟好分明。裡面既忌廉餡真係滿滿，每一啖都食到軟滑既奶香同蟹肉既鮮香，口感層次好豐富。.日式吉列鱈魚柳定食配日本御飯 ($78)，魚柳炸得外皮薄脆但完全吾吸油，輕咬一下就聽到脆聲。鱈魚柳肉雪白厚身，魚肉甘香細嫩，幾乎係用舌頭輕輕一壓就分開，毫無腥味。配埋既沙律醬味道清新，有少少酸甜感，解膩之餘仲令魚柳更突出鮮味。御飯軟熟略帶黏性，好岩同魚柳一齊食。而暖心既味噌湯就好似為整個餐畫上完美句號。.熊本一口牛串 ($38) 入口先感受到微焦表層既焦香，之後係牛肉既嫩滑同肉汁，肉味濃郁但吾韌，咬開仲有少少肉汁滲出，唇齒留香，好適合配埋啤酒。.章魚小丸子 ($32) 一份有四粒，外皮輕輕脆，入面係半融化既麵糊狀態，軟綿綿又帶煙韌感，章魚肉粒吾算細，可以食到實在既彈牙感。面層既木魚絲遇熱會擺動，燒汁同沙律醬味道交錯，甜中帶酸，味道好平衡。.雞翼串 ($58) 一份有兩串，燒到表層微焦帶光澤，入口皮脆肉嫩，雞肉細緻，醃料滲到骨邊，鹹香同雞油香夾雜，每一啖都幾滿足。.大大塊流心芝士麥樂雞 ($32) 真係「咬爆」既感覺！外層金黃香脆，厚身既麥樂雞肉質結實，中間係熱辣辣流出黎既芝士，香濃得黎有鹹香🧀。.串串迷你大阪燒 ($28) 一口一串，好方便入口，外層煎香帶少少焦香味，中間係軟糯既麵糊夾雜着椰菜絲既爽脆感。表面鋪滿燒汁、沙律醬，再加紫菜絲同木魚絲，香味四溢，滋味好立體。.大大杯檸檬可樂 ($48) 冰涼解渴；至於經典可樂 ($20) 就最岩配炸物，甜味同油香互相中和，一口炸雞一口凍可樂，真係好爽快🥤。
繼續閱讀
又係一年一度同你慶生嘅大日子，今次揀左呢間太子嘅居酒屋，係靚靚嘅櫻花🌸樹下同你浪漫D甘食個生日飯🎂餐廳以日式居酒屋風格為主題，環境充滿住和風氛圍，木質裝潢搭配溫暖燈光，最搶眼嘅居酒屋入邊嘅櫻花樹，仲日有日式燈籠，營造出輕鬆舒適嘅環境。同friend坐係傳統嘅餐桌用餐，真係好似瞬間去咗日本咁🤭今次我哋主要叫咗一啲小食🧆 章魚小丸子（蜜糖芥末醬）- 外酥內軟的章魚小丸子，搭配特調蜜糖芥末醬，甜中帶微辣，風味獨特。 🧆炸芝麻雞軟骨- 香脆雞軟骨撒上芝麻，口感爽脆，佐酒一流。 🧆大大塊流心芝士麥樂雞- 外層酥脆，內裡是濃郁流心芝士，咬下去爆漿感十足。 🍄燒原隻大啡菇- 原隻大啡菇燒至多汁，菇香濃郁，簡單調味已經好好味。 🍅蜜糖蕃茄- 新鮮蕃茄淋上蜜糖，酸甜清爽，開胃解膩。🥒燒翠玉瓜- 翠玉瓜燒得啱啱好，保留鮮甜水分，健康又美味。 🧆日本迷你黃金薯餅- 外皮金黃酥脆，內裡是綿密薯蓉，迷你尺寸啱曬一口一個。 🍜博多魂黑蒜豬骨拉麵- 濃郁黑蒜湯底搭配彈牙拉麵，豬骨香氣十足，是經典日式風味。 Happy Hour仲有優惠🥃🧊2️⃣杯優惠：任選兩杯特調飲品，享受超值價格！ Asahi Sour有氣果酒：我地可自選兩種口味，我就推薦「爆檸」清新酸甜或「櫻花」淡雅花香，搭配居酒屋嘅小食真係冇得彈。 呢間居酒屋結合左地道日式料理與輕鬆氛圍，又有好多靚靚嘅打卡點📸真係放工下同friend小聚或者weekend 放鬆下嘅好去處！😃
繼續閱讀
今日同老公黎到太子食呢間餓居，唔錯喎又好日本feel好舒服～店面雖不大，但充滿日式居酒屋的氛圍。服務員態度友善，上菜速度適中，適合下班後獨自小酌或與朋友聚會。座位舒適～仲有兩台好似可以坐榻榻米（就視乎個人喜歡）壽喜燒牛肉鍋 牛肉片嫩滑，湯底甜鹹適中，搭配的蔬菜和豆腐也吸飽了湯汁。分量對兩人分享剛好夠，配雲朵飯或烏冬都一流DIY 夢王雲朵飯（自己動手） 這道菜名很有趣，實為自選小食拼盤，價格合理$38。食材新鮮，搭配的醬料開胃，適合喜歡動手搭配的食客Happy Hour 2杯優惠（Asahi Sour + 有氣果酒） $98 Happy Hour（17:00-19:00）的飲品優惠很划算！酸甜清爽，有氣果酒選了「法國藍燈」和「檸檬蜜糖」兩種口味，果香濃郁且不會過甜，非常適合夏日消暑炸芝麻雞軟骨 外酥內脆，芝麻香氣十足，是下酒的好選擇。不過分量稍少，若多人分享可能需要多點一份日式朱古力蛋糕 蛋糕口感綿密，朱古力味濃而不膩，作為結尾的甜品非常滿足，好食又唔貴，大滿足本次消費總額為$502計埋加一價格在日式居酒屋來說一點也不貴，主要吃的東西也是有質素的，本人絕對會再來吃和介紹約朋友來吃以及要留意番既係佢地星期一全日休息
繼續閱讀
太子砵蘭街一帶食肆林立！今晚和友人相約在這條街上的「餓居」用餐。「餓居」每一角都充滿日系元素，其中更是擺放了很多動漫figure作裝飾。說到最特別之處，當然是店內有一棵櫻花樹，櫻海下嘆美食，相當有意境。喜歡玉子燒的朋友必須點這個，絕對會大滿足！玉子燒厚厚的一塊，尤如茶記西多士。入口柔嫩鬆軟，帶微微甜香，蛋味頗為濃郁。配上蟹籽、明太子醬、蛋黃醬同吃，甜、鹹、辣3種味道交織，非常特別。白鱔外皮燒至脆身，肉質厚身肥美，口感彈牙。簡單的以鹽燒香，更能帶出魚肉鮮味！最愛燒雞翼！雞皮燒至香脆，雞肉充滿鹹香，吃完2隻仍然未夠喉想encore。餃子皮用了雞皮來代替，油炸後變得口感酥脆。肉餡juicy，整體都幾惹味。其實就是鰻魚飯，但創意造型的確值得加分！以白飯做出貓貓，再把鰻魚變作貓貓被窩。鰻魚厚肉，肉質軟嫩Q彈；在蒲燒醬汁的烘托下，味道很香。和白飯十分搭配。蜂蜜檸檬茶微甜有果香，點了熱飲，入口順喉。友人點了紅石榴乳酸梳打，清爽感覺帶著紅石榴香味。
繼續閱讀
食物質素高, 壽喜燒同串燒出色！價錢合理, 係深宵食堂首選! 環境有格調得嚟唔拘束💕 餐廳走昭和風裝修, 牆身掛滿復舊海報… 仲有一棵超搶眼嘅櫻花樹裝飾🌸 燈光偏暗但夠晒有情調, 座位有榻榻米區 🪄High-quality food, sukiyaki and skewers! Reasonable prices, the perfect choice for a late-night eatery. Stylish yet relaxed ambiance with walls covered in retro posters... With a super eye-catching sakura tree decoration!————————————————食物 Food:❆ 日式冷豆腐 $38Japanese Chilled Tofu冰涼滑溜嘅冷豆腐, 面頭舖滿木魚花😙 一入口豆香爆晒出嚟🤍 醬油汁調得啱啱好, 清淡中帶鮮味!❆ 壽喜燒牛肉鍋 — 並盛 $243Sukiyaki Beef Hot Pot - Regular Size關東風壽喜燒湯底甜度溫和🐮 牛肉片薄切, 輕輕一灼就吸滿湯汁🥘 配料堆到滿一滿!❆ 大蔥牛豚肉卷串 $58Beef & Pork Belly Scallion Roll Skewer瘦相間嘅牛豚肉卷住爽甜大蔥🥩 肉汁同蔥香係口腔入面爆發😍❆ 香蔥金槍魚蓉丼 $89Tuna & Scallion Rice Bowl吞拿魚蓉混埋香蔥🎣 魚油香滑, 醋飯酸度中和魚生嘅膩❆ 蒲燒鰻魚串 $32Grilled Eel Skewer❆ 紅豆鯛魚燒 $39Red Bean Taiyaki即叫即焗, 外皮脆到似格仔餅! ❤️ 入面紅豆餡多到黐線，仲有粒粒紅豆口感!👅❆ 熱蘋果山楂紅棗枸杞茶 $58Hot Apple Hawthorn Red Date Goji Berry Tea養生之選🍎 蘋果天然甜味主導, 山楂微酸好開胃! 💌❆ 熱金桔檸檬水果茶 $58Hot Kumquat Lemon Fruit Tea金桔嘅甘香撞檸檬嘅清爽🍋 飲完油膩感全消🍊————————————————整體 Overall:✦ 價格 Price: 4.1/5✦ 味道 Taste: 4.1/5✦ 服務 Service: 4.3/5✦ 環境 Ambience: 4.3/5✦ 再訪指數 Visit again: 4.1/5餓居 (太子)@hungryizakaya📍地址 Address: 太子砵蘭街440號地舖⏰營業時間 Opening hours: Tue - Thur, Sun 12:00-22:00Fri - Sat 12:00-00:00
繼續閱讀