饗和民 (康怡廣場) (已結業)

太古人都唔會唔知和民喺邊，佢裝修完之後就輕輕改左個名叫饗和民，唔知點解，唔係好識讀，亦都冇深究。不過今次要講嘅係佢嘅早餐，真係平絕太古，仲要坐得舒服，4星級質素，2星級價錢！首先，選擇好多，當然我揀d平野，叉燒流心蛋面，$26早餐！凍飲$3！！ 可以轉出前一丁，都係加$3！！ Total 都係 $32！坐卡位，有裝修，有空間！係咪好抵先！大記都唔止呢個價錢！不過呢度就要俾左錢先入坐，佢地就會拎份餐嚟俾你嘆！

個燒鯖魚好好好腥呀，雖然係好大條，但我好勉強先食到，同埋仲有魚骨未起清呀！可以處理下先燒嗎？真係食過最難食架燒魚。。。。。個lunch set 包白飯一碗，仲有蒸蛋，即是日式茶碗蒸，但過了頭見到表面起摺有點老了，食入口蛋就唔夠滑啦。附加個小甜品，係好甜架紅豆泥同無味架白玉糯米丸子，比較求奇。柴魚湯幾香，唔會似麵豉得個鹹字，仲有豆腐皮添，成碗飲曬都無問題唔怕口渴。個煮物是芋頭加魔芋無我想像中好，相好睇但唔好食

“小小姑娘清早起床，提左賣餸菜車上市場……”停！肚餓呀！帶長老媽媽去食早餐先,賣甩長老阿爸，終於可以不用飲茶，試新野，帶了長老媽媽去食日本早餐樓下剛好有間裝修重開的饗和民門外擺滿了大型餐牌，清晰易明不過就無講要先收錢後送餐 , 所以傻傻的我，直接坐了入去，到叫侍應生點餐時，才知道要出返去點座位舒適，佈置和風味濃，餐具自助形式取我哋點左和風叉燒玉子麵 $26（前)、 照燒雞煙火腿通粉❨後)$28, 燒鮭魚(左) $18及蘋果汁 ($5)同檸檬茶($3)各一杯。和風叉燒玉子麵：玉子流心狀, 麵煮得軟硬適中，可惜塊和風叉燒真的細塊同薄度可以被光通過照燒雞煙火腿通粉： 份量多，雞照燒味重,通粉份量足燒鮭魚： 無左餐單上的白蘿蔔漬或習慣俾檸檬，所以感覺鹹到暈蘋果汁同檸檬茶：味道一般

行完山. 呢頭原來都幾難搵食. 出返市區雖然好多食店同foodcourt, 可惜全都人山人海. 就只有呢間大把位. 唔理啦. 有位就入去. 無謂浪費時等候因為都接近兩點. 首先差d比佢個名呃左以為係和民.. 原來前面多左個字. 入到去一樣有壽司, 魚生, 鍋物等. 但價錢唔算平.睇完一輪我叫左個雞肉鍋$58, 追加烏冬加$28. 再要加一. 朋友分別叫左牛肉飯同冷麵, 但無影相. 只知個牛肉飯價錢過百. 但都幾細碗, 同伴話d牛重都幾生下.至於我個鍋, 佢地覺得最抵, 因為個鍋絕對唔係得幾片雞. 重有好多菜同一隻蛋, 重會比埋壺湯我. 唔駛搵人到時到候加水咁煩. 睇起上黎最豐富係我. 雞肉佢話係來自日本的博多, 但係我都係咁烚.. 食時覺得有點un. 難道要快烚? 整體食品都唔錯可惜係店員反應慢. 叫左幾次斟水都應左你但又唔知走去邊, 客人已經唔係多, 但都咁的態度, 再旺d唔知點算. 

今日友人放假，一早約在太古食早餐，然後開始行山之旅，行山前食得飽飽，行山的時候更有活力，我們沿路找下一間餐廳嘆下早餐，發現嚮和民有早餐，早餐總類很多，有烏冬，有飯，有麫，有通粉，有麫包，有港式，有西式，我就揀了燒雞煙火腿通粉配熱奶茶，燒雞好滑又大件，火腿好新鮮，通粉又好多份量，配埋海苔，真的吃得津津樂道。一份早餐$34，都很合理。嚮和民裝修得很日式，環境清靜舒適，在這環境裡享受早餐，真的好了。燒雞煙火腿通粉配熱奶茶

一早起來同媽媽買鎹，怕她會肚餓，不過經常飲茶，今天搞搞新意思， 帶她去食日式早餐， 有間新日本餐廳就係樓下開左， 咁當然帶她去試啦！我傻爆的， 以為入左座位再點菜， 點知是要先購票後入坐， 所以傻傻的出返去俾錢款式多， 價錢合理 我們選了和風叉燒玉子麵（$26）， 照燒雞煙火通粉腿（ $28）， 再加5蚊加配蘋果汁 ， 加3蚊配檸檬茶及額外用118蚊燒鮭魚 燒麵， 份量少， 叉燒只得薄薄一片， 玉子感覺硬硬的， 不過食落都有流心蛋感覺反而通粉份量較多， 雞扒都大， 可惜照燒味唔重燒鮭魚極鹹， 有沒蘿蔔蓉/檸檬飲品一般

無諗過響 和民可以食到早餐，平時都係食晚餐多嘅， 知佢地推出早餐已經好想試試， 終於早前可以一嘗喇！ 係門口睇睇餐牌， 都算幾多選擇喎， 日式， 西式都有， 係無中式啫 (講笑) . 價錢都算大眾化， 由$26-$48, 飲品就另加$3-$5. 好想試吓日式早餐， 但咁早食飯又真係唔習慣嘅， 所以我選擇咗和風湯烏東配明太子飯團， 再加個熱奶茶。 湯底係昆布湯， 清甜好味， 烏東彈牙但飯團嘅紫菜就只係普通3片包裝嗰款就失色 d, 根本包唔哂嗰飯團。 西式嘅係脆魚柳炒蛋朝食 (配3,6 牛乳炒蛋), 跟凍咖啡， 再加多個迷你和風通粉 $8大大件魚柳脆卜卜， 份量都算足， 可以食得飽㗎2個人食得飽飽都係 total $80咋

放工又貪方便去太古搵食, 康怡廣場LEE間本來係和民黎, 翻新後, 叫左做, 行更高級檔次似的. 食物應該會更有水準.翻新後, 地方好似大左, 座位多左. 所以唔駛等好耐就有位喇.MENU有精美圖片, 好吸睛, 真係睇見樣樣都想叫. 雖然無左我之前去和民必叫既牛油帶子, 不過都有好多唔同種類選擇，大路既日本菜都樣樣有D, 而且D食物有細同大SIZE分, 咁食客就可以叫多幾款食啦. 我地叫左壽喜燒鍋, 沙律, 一個飯同燒餅.最好食係壽喜燒鍋, 份量不少, 再追加烏冬, 鍋有牛肉, 粉絲, 新鮮蔬菜, 大蔥, 豆腐等等, 同附送2隻蛋.壽喜燒濃湯甜甜的, 食材充分吸收湯底精華, 再加埋蛋花, 超好食 海鮮沙律, 雖然只叫左細份量, 不過都好多, 蔬菜好清新翠綠，粒粒魚生又新鮮，沙律醬汁酸酸地勁開胃. 做頭盤一流滑蛋豬飯, 不過不失, 豬扒脆唔乾燒餅因為底係炒麵, 所以十分飽肚.今次叫得太多飯麵類, 太飽肚, 下次會叫下D小食或串燒試下.

今日同班同事去康怡搵食，有同事提議去食饗和民，反正我未試過，又好。我地八個人要两張4人台坐。Lunch set選擇都算多，我揀左牛肉湯烏冬配一碟仔沙律菜個湯烏冬湯底好少，湯底味道濃郁既但偏咸，牛肉都比較硬身及吾嫩滑🙈 系個烏冬質地幾好，夠彈牙吾會淋👍🏻

康怡呢間升級版和民開張左唔係好耐, 上次我地午市黎食烏冬同事們都讚不絕口, 今日我地一行八人決定lunch再去食彈牙烏冬。😋可能係暑假嘅關係, 今次黎等位人數比上次多左好多, 我地8個人分2張枱都等左20分鐘先入到座。我地4個人坐半卡位, 空間都幾寬敞舒適。上次烏冬非常出色, 所以今日我地全部都係點烏冬。飲品首先送到, 凍咖啡濃度適中, 奶同糖水可按自己喜愛份量加。麵餐加可配壽司, 同上次黎食差唔多, 都係飯比較乾同硬左少少, 味道唔差。今日我地點嘅兩款烏冬都差過上次好多, 湯比較咸而且少, 肉煮得過熟, 蛋更加係已經全熟。😌麵質就唔差都爽口彈牙, 不過湯底咸影響之下烏冬都偏咸。今次水準明顯差過上次好多, 希望下次黎情況會有所改善啦, 因為我地成班同事都樂鍾意食烏冬。😣蛋過熟。

康怡廣場呢間由和民變身嘅饗和民, 裝修靚過以前, 不過我地一直都未去試過。今日有同事提議Lunch去食烏冬, 所以我地一行5人一到午飯時間就去搶位。今日康怡廣場同平時一樣咁多人, 不過饗和民呢度唔算好多人等, 大約10分鐘我地就安排到入座。我地5個人坐6人卡位, 好寬敞舒服。午市定食選擇都多, 麵餐仲可以加配壽司或小丼。午市定食已包一杯飲料。我點左牛肉鍋燒烏冬配什錦壽司, 壽司都幾新鮮不過壽司飯比較散同硬左少少。牛肉鍋燒烏冬嘅牛肉普普通通, 不過個湯底好好味, 烏冬又夠彈牙, 同事食辛辣海鮮烏冬都話好味。😋其他同事點嘅餐賣相都好吸引。跟餐點嘅梳打唔甜, 薑味濃。已份量同味道黎講, 價錢合理。

今晚係康怡廣場揀餐廳食晚飯～呢間前身係和民居食屋，依家轉左都未試過，就俾次機會佢啦～入座已經8pm，客人不算多，兩人都可以坐四人沙發座，很舒服。餐牌食品都算多，沙律、刺身、壽司、串燒、鍋物等等。而我就挑選了鐵板牛舌、軟殻蟹卷（全份）、極上鰻魚飯、三文魚腩刺身、金菇肥牛卷及明太子烤雞翼～店員會問你想自己燒定佢地幫你燒埋，我揀左自己燒。好爽口，有黑胡椒調味，好食。卷上層係厚厚既牛油果，中間係軟殼蟹。個人覺得一般，冇乜特別～鰻魚飯有兩款： 普通 / 極上因為我同朋友都喜歡食鰻魚，所以揀了後者！鰻魚肉嫩，醬汁甜甜地，不錯😊三文魚腩刺身唔算肥美☺️我地一路傾計一路食，食到差不多10點，店員都冇趕～係傾計好地方！不過食物就冇乜特別☺️

朋友仔話想去睇太古城中心的Logo展覽, 睇住展覽, 行完街, 例牌要搵嘢食, 間間餐廳都好多人, 一於走去康怡廣場碰碰運氣, 見到原本和民的位置變身成 - 饗和民, 食物跟和民有點不同, 但價錢仍然親民。京都.抹茶蜜語 - $58朋友飲的抹茶特飲, 有兩粒白玉㗎!芒果梳打伴特製芒果雪條 - $68味道超正, 一啲都唔假, 完全係拎住個芒果嚟咬的效果, 一邊飲雪條一邊慢慢溶化, 好似幫杯芒果特飲Re-fill的效果。饗.和民沙律(半份) - $43平日到和民都係食和民沙律, 自不然去到饗和民都會食饗和民沙律, 呢個係半份的份量 - 也不少吧! 蔬菜種類繁多 (有我最鍾意的冰菜), 食完之後自我感覺良好, 覺得健康咗! 燒野菜盛合 - $58再嚟健康系列, 燒野菜係好難令人抗拒㗎! 不過份量少咗啲自家製青海苔溫豆腐 - $48唔知點解日本豆腐特別滑身, 好似豆腐花咁, 呢個自家製溫豆腐的豆味夠濃郁😋宮崎產甜蕃薯條(配宇治抹茶鹽) - $38細個花名叫大蕃薯, 到大個都好鍾意食蕃薯, 特別係日本蕃薯, 曾經幻想要買一箱返香港食, 宮崎蕃薯其實點整都好食, 蕃薯條呢個造型令我諗起沖繩Cal

今日同朋友收工約食飯，大家不嬲都中意食日本野，而且呢間仲要係高級版既和民，成個商場都貼曬廣告，點可以唔試下呢？餐廳地理位置好好，附近交通方便，係正太古地鐵站岀口，一岀去就見到個商場，係附近收工過去都唔算難搵，等左一陣就入得去，唔洗等好耐，d staff都好有禮貌，朋友都話估唔到咁快就入得lol一入去坐低睇menu，價錢都幾親民，就快快手決定好食乜，坐定定等食，前菜叫左宮崎產甜蕃薯條同沙律，兩樣都好開胃，蕃薯條炸到金黃色，入口脆卜卜，加埋宇治抹茶鹽，好有surprise!! 同蕃薯條好夾！個沙律都好fresh，又新鮮，最特別係入面竟然有冰菜，好爽!仲叫左個自家製溫豆腐伴海苔濃汁，一開始上枱以為佢係燉奶，白白滑滑既豆腐好重豆味，d海苔濃汁係上面好d紫菜咁，少少咸，又唔會遮左豆腐味，令碗野生色不少！一場黎到點可以唔試下壽司呢，朋友唔食生野，咁卷物就滿足曬我地要求啦，呢個軟殼蟹牛油果壽司卷，不嬲都係牛油果粉絲，所以一黎到已經知一定好正，上面既蟹籽同車厘茄簡直係點綴加分，軟殻蟹脆卜卜，食得岀岩岩新鮮炸好就包入去，又飽肚又滿足！無理由全部都食曬小食架麻，決定叫一個火鍋試下，火鍋有兩款，火口鍋有北海

星期日午飯時間想吃日本菜, 在康怡廣場看到這間饗和民好像不錯, 等了5分鐘就有位子了。是日午飯時間沒有套餐, 就隨便點了: 北海道豚肉西京燒 ($88)、 牛肉烏冬鍋 ($68)及照燒雞沙律 ($68)。照燒雞沙律 ($68)看錯餐單以為是凱撒沙律! 這個沙律是沒有麵包粒的, 沙律灑上了芝士碎及配上沙律醬。雖然菜的份量很大, 但雞肉則相對很少。味道算是中規中距。北海道豚肉西京燒 ($88) 3道菜中這個等最久, 也最值得等的! 豚肉上碟時已看得出有些肥, 但正正因為這樣, 吃下去豬肉的質感很嫰也很能嚐到其油脂味, 好吃! 牛肉烏冬鍋 ($68)跟一般的牛肉鍋沒有太大分別, 沒有特別的意見。