饞。台式食堂 (如心廣場二期)

營業中

休息中

又到午飯時段，吃了多天西餐，今天想吃台式食品。途經如心廣場二期（全·城滙商場），見到這家台式食店都幾吸引，門口放着一張海報，寫着‘俾老闆臉還大的’日月潭檸檬紅茶（免費送），午市時段供應，見店舖內仍未坐滿人即刻入內。🌸先炸再滷超香排骨滷肉飯 $69滷肉飯有很多配菜，包括半隻雞蛋、粟米粒、酸菜、豆腐塊等；滷肉飯配上醬汁及這麼多配菜，不用排骨亦足夠，酥炸排骨很酥脆香口，整體略嫌味道較濃，下了味精似的🙄🌸半筋半肉麵 $91牛肉濃湯底有藥材味，牛肉好腍好入味，份量都OK，配菜蘿蔔好鮮甜，正！🌸午市套餐包特大杯檸檬紅茶真係好大杯，飲極都飲唔完。決定下次會再來試鹽酥雞滷肉飯！

難得星期日晏晝12.幾唔駛排隊就試下算係如心廣場 一間價錢比較經濟實惠嘅餐廳炸滷排骨飯🍖首先佢個炸排骨都幾多 食落去有少少滷水味 唔係太鹹 炸漿方面都唔厚嘅 但食落唔係好脆而個飯就偏淋 亦都冇乜滷汁 滷蛋係全熟蛋 滷水味都係好淡🥚所以就一般般台式牛肉麵🍜牛肉麵湯底係比較清嘅牛味 唔係好濃 都冇藥材味而牛肉都腍都入味 但係比較老 反面牛肉麵嘅配菜 例如蘿蔔係好甜🥕啲酸菜好爽口開胃麵都偏淋 唔係太陽面咁彈牙即使冇咩人 但上菜就比較慢 要啲時間

經過門口都見有幾多人食嘅,排隊嘅人唔算多應該係10至15分鐘之後會有位,咁ok啦一個人輕食一餐啦😜車車見我一個人好快就安排到一個位畀我啦👍呢度亦都係用qr code落單完全不需人手😁食物方面係食台式食品,有台式嘅小食呀,麵呀,飯呀同埋台式飲品😉咁我就點咗一碗台式香腸滷肉飯,加一杯青檸蜜加椰果😚飲品佢係上先啦調味就我覺得比較甜咗少少,可能係因為我叫咗少冰. 跟住碗飯好快亦都嚟到啦☺️碗飯係有生菜,鹹酸菜,生嘅蒜頭,粟米粒,台式香腸一嚿鹵水豆腐仲有滷肉啦. 飯身好煙韌亦都唔會過濕過淋👍食物都唔會過鹹. 整體上係幾好食中上水準😉埋單只係需要82蚊☺️ 有機會下次再點其他食物😚

平日有三款午餐都會送「比老闆臉還大的檸檬紅茶」，分別係排骨滷肉$69、鹽酥雞$59及台灣牛肉麵。⭕️排骨滷肉飯 $69排骨炸咗先，🐖然後再去滷，所以酥脆得來又唔會好乾身涸口，亦滷得幾好食。另外仲有雪菜、🌽粟米等配菜，口感唔錯，汁料嘅份量都好足夠，而且碗飯好大碗。⭕️日月潭檸檬紅茶（跟餐免費）紅茶非常非常大杯，只係🍋檸檬切得比較薄，茶味唔算濃郁，不過都係嗰句，呢個份量，呢個價錢，已經滿足。可能因為價錢吸引，地點方便，份量十足，味道不俗，所以都坐無虛設，間唔時仲有人喺排隊等候。😀

行過路過入去試下，有點失望😑 叫了台灣炸鹵豬扒飯，d飯口感好奇怪軟又未係軟到一pat咁，但又未到粒粒分明😞 豬扒表面炸得唔脆，鹵雞蛋唔夠入味🙁 送了杯比老闆臉還大的日月潭檸檬紅茶，真係好大杯飲唔晒添。台灣牛肉麵牛肉件夠淋夠入味，紅白蘿蔔夠入味夠淋，湯底唔太夠熱減咗分， 涷珍珠奶茶少甜很淡似飲緊奶水😑茶味不夠香濃😞

午市時間經過，每次都座無虛席，當然要入去試下🤣🔸台灣牛肉麵 $78湯底可選原味🍜或+$2轉成四川麻辣口味🌶️點了原味湯底，味道不錯，完全不油膩。有3件腍而嫩滑的牛肉🐮還帶有少許筋位。麵條是傳統的陽春麵，細緻而有嚼勁。配料方面有生菜🥬紅白蘿蔔🥕鹹菜等，並撒上蔥花，蔬菜的份量亦非常豐富。🔸滷水豆腐 $30豆腐質地細嫩，口感柔軟滑嫩🤤它吸收了滷汁的滋味，味道濃郁。 🔸蒟蒻百香綠茶 (+$18)甜度適中，茶味較輕🍵蒟蒻爽口彈牙，份量也相當大。

放工去荃灣海濱踩咗陣單車，肚餓就入去商場行下，除咗Mos Burger 同越北之外，商場$60-$80範圍內就有個正餐嘅餐廳好似得呢間。見佢裝潢係木製傢俬為主，全落地玻璃，感覺窗明几淨，又多人食，應該唔會伏啩~兩個人叫咗三樣嘢，人均$85左右，抵! 👍🏻值得一試：炸滷豬排飯($59) 炸好的豬排會放入五香滷汁煮一陣，令到佢比平時茶記食的炸豬排鬆軟又有獨特的的香料味，有層次得嚟超下飯🤨正常發揮：牛肉麵($78) 同肉燥青菜($30)牛肉+紅白蘿蔔煮得軟腍，又唔會散哂咁，好入味，不過飲完個湯底完有啲口渴，我估有加到味精淋上滷汁的青菜清爽，配埋半肥瘦肉燥食OK~PS 無加一，另外可自助任斟橣檬水===========================饞。台式食堂(如心廣場二期) #香港台灣菜

我們行行吓去到呢間台灣餐廳，見到餐牌價錢都幾抵食，就入去試吓。餐廳不算大，枱同枱之間距離近。我們點了藥燉排骨麵和鹽酥雞滷肉飯。藥燉排骨麵份量夠足，排骨肉身都夠淋，但湯底偏甜，而且有啲淡。相反，鹽酥雞滷肉飯性價比高，大大碗，鹽酥雞夠脆又入味。除了鹽酥雞和滷肉，配菜還有粟米，酸菜，滷水蛋，蔬菜和滷水豆腐，令整個飯的口感更豐富。要在如心廣場要食到抵食又好味嘅台灣嘢，可以試呢度嘅鹽酥雞飯，但就唔太建議麵類。

我今日去左荃灣辦事，順道約同好友去位於荃灣大河道98號如心廣場2期1樓122號舖的饞。台式食堂（荃灣店）食下午茶。環境舒適開揚，坐得舒服。我點左個饞三寶-台灣炸滷豬排飯$79，配三寶奶茶（凍）；好友點左饞三寶-台灣牛肉麵（原味）$98，配桂圓紅棗茶（熱）；另加小食是炸物拼盤$71。炸物拼盤有椒鹽花枝丸、椒鹽甜不辣、府城蝦卷及雙色地瓜QQ球，所有食材都炸得香口，外脆內腍，好味又好食。豬排煎得香脆，牛肉炆得軟腍入味，十分惹味。三寶奶茶有珍珠、仙草及椰果，好清爽！桂圓紅棗茶好好飲。

有一間荃灣區如心廣場嘅台灣菜想推薦俾大家，又大份又好食！我哋一共點咗 2份套餐 🍽️😋▫️ 牛肉麵 🍜 $78 + 芒果風味紅茶 🍹$18牛肉湯底香濃並且帶甜味，牛肉炆得又軟又淋，入口即溶，麵質嫩滑，蘿蔔完全吸收湯汁。芒果紅茶內配有蒟蒻，茶底香濃🥰▫️ 鹽酥雞滷肉飯 $76 + 荔枝風味紅茶🍹$18鹽酥雞皮脆肉香，滷肉飯則滷汁微甜開胃，荔枝紅茶內配有椰果，微甜調制唔會死甜❤️▫️ 蒜片台灣香腸 $34生蒜片配台灣腸非常好味，蒜片除解膩外，還能帶出香腸嘅鮮味😋💬 整體好味性價比高，還原台灣口味，推薦！

在荃灣西比較親民價錢的台式食物，原味牛肉麵$78牛肉麵可以選原味或四川麻辣，原味是紅燒牛肉麵，湯頭濃郁～有三大塊牛肉，牛肉好腍不會乾柴。麵的份量很多很彈牙（讚）另外還有醃得入味的白蘿蔔、紅蘿蔔、生菜和酸菜。最喜歡旁邊的伴菜酸菜，酸菜是偏甜的好開胃！最佳拍檔－－下午茶　$47.6下午茶時間有小食加配優惠，必點小食！最佳拍檔：蒜片台灣香腸和鹽酥雞很推薦，有台灣的味道！（食完想去台灣玩了）最愛蒜片台灣香腸：香腸好香！外皮好脆，裡面好軟～跟蒜片是絕配！鹽酥雞：好香脆～雞皮炸粉不會太厚，也不錯。人參蛹蟲草花膠烏雞湯跟餐優惠 $38主打：低熱量、高飽足、零負擔自熱小盅燉湯，感覺好養生，好足料，一撈上來貨真價實滿滿的材料！好飲！輕盈養生～天氣涼時飲熱湯特別舒服！

喺呢個商場想簡簡單單食碗麵，行兩行，見到呢間，咁就決定入去開餐🤣$20「三寶熱奶茶」：三寶係「珍珠、仙草、椰果」，首先奶茶夠滑，叫咗走甜，感覺健康啲🤣；仙草滑脫脫、椰果 同 珍珠 啲啲Q彈 煙靭🤩$78「牛肉麵 Beef Noodle Soup」：揀咗「原味」（仲有四川麻辣味可以揀）🤩；牛腩炆煮得好腍好軟熟🤩，仲有紅蘿蔔、白蘿蔔、白菜、酸菜👍；麵條有啲啲彈牙😊$71「炸物拼盤」：拼盤 包括 椒鹽花枝丸、椒鹽甜不辣、雙色地瓜QQ球、府城蝦卷，有鹹有甜，全部都炸得幾香口🤣

饞食堂之前已經去過k11 musea店，對佢出品有信心。今次去荃灣辦年貨，見到佢有推廣，就入黎試下。牛肉麵一直都係我的 至愛，湯頭鮮甜有牛香，牛肉軟稔大大舊，加埋酸菜，沒有令人失望。小食的最佳拍擋 鹽酥雞和台灣香腸，鹽酥雞新鮮即炸，用上道地的蕃薯粉，外皮香脆有次。內裡的雞肉夠juicy。香腸就是久違的台灣味，一口蒜，一口腸，滋味無窮。比老闆臉還大的日月潭檸檬紅茶，超大杯，茶味又夠，飲得超滿足，仲要免費送，誠意大足。餐廳水準依舊，定價合理，仲跟餐仲有有咁大杯檸檬茶，真係超值。

🇭🇰Hong Kong - Tsuen Wan East📍 饞。台式食堂台灣炸滷排骨飯酒香花雕麻油雞麵牛肉麵蒜片台灣香腸仙草奶茶椰果蜂蜜甘桔檸檬_____________________________難得去荃灣做野，經過如心廣場就試下呢間台灣菜。分別叫左一個小食，三個主菜，兩杯飲品。每次食台灣菜一定會叫台灣腸食，好多餐廳都唔會跟蒜，但呢到竟然有跟蒜片。真係好地道，食台灣腸真係一定要配埋蒜食先好食。條腸好Juicy咬落仲會爆汁。另外，叫左三個主菜分別係台灣炸滷排骨飯、酒香花雕麻油雞麵、牛肉麵。花雕麻油雞麵好好味，酒味好出配上麻油雞，食完覺得暖笠笠。而麵質類似陽春麵麵質。而牛肉麵牛肉好好味，好淋唔會食落好多渣。湯底好濃郁。最中意舊蘿蔔，入晒味好好食又甜。而排骨飯大大塊排骨配上滷蛋同酸菜好有食台式便當嘅風味。兩杯飲品就不過不失，個人偏愛椰果蜂蜜甘桔檸檬。酸酸甜甜好味道。📍荃灣大河道98號如心廣場二期1樓122號舖

今日兩個人中午行到饞。台式食堂 (如心廣場二期一樓）。叫咗一碗四川麻辣牛肉麵及一碗四川麻辣半筋牛肉麵，炸物拼盤，蜂蜜金桔檸檬加椰果及百香綠茶加蒟蒻球。四川麻辣牛肉麵很大碗，牛肉軟淋香口好味，麵條新鮮配上麻辣湯汁好食好味好過癮，牛筋有𡁻口好食，牛肉湯牛骨湯味好濃，炸物拼盤新鮮剛炸起香口好味、有四樣炸物、份量足夠兩至叄人食。蜂蜜金桔檸檬加椰果開胃好飲、精神哂。百香綠茶加蒟蒻球香口好飲、蒟蒻球也好食。餐廳地方光猛乾淨，服務員有禮貌，價錢適中，值得再去。