首爾家韓國料理

營業中

休息中

聽到店員之間都係講韓文，就知係正宗韓餐🤣餐牌有好多鍋物同飯麵，超多韓式選擇💕🍜海鮮刀切麵 $98海鮮有魷魚鬚 蝦🦐 刀切麵係手工切出黎，每條粗幼不一，不過煮得太淋🙈. 🍚牛肋骨湯飯 $118牛肋骨好大舊😍煮到輕輕一刀就離骨👍仲有幾塊牛𦟌，都好軟腍💯呢個天氣飲好暖😋 🧇海鮮煎餅 $88邊位煎得好脆👏海鮮同韭菜都多，唔會太厚粉漿👍📍 首爾家韓國料理 (銅鑼灣)銅鑼灣邊寧頓街13-15號1樓

今天 lunch 叫了人參雞，像是料理包到出來的， 裏面兩根小小已經煮爛的人參，一顆蒜頭，重點雞肉都破碎，完全不是一整隻煮的樣子。雞肉一夾就爛，骨頭爛的。跟我在超市買的人參雞湯包只能說 100% 一模一樣，味道也是。 非常失望。

睇左食評以為不錯 lunch time黎試下。叫左個辣豆腐湯，勁淡無咩味，海鮮「碎」無味有沙，有啲似橡筋😤 前菜泡菜都係無味，只有顏色 好明顯無醃過求祈⋯完全唔正宗，我覺得好似係明洞啲韓國🇰🇷餐廳呃遊客咁。我覺得hungry korean都好食過佢，呢間仲要上樓，仲貴過hungry korean… 唯一最正宗有個韓國阿豬媽 正宗都無禮貌，性價比極低，咁就成100蚊落樓，我覺得50蚊比多佢。好難再黎食，一定唔會推薦😤

睇完食評後決定訂這家韓國餐廳lunch farewell同事。入座時二人俾四人座，已感覺良好，侍應服務友善週到。點了燉牛肋骨飯及人參雞湯飯兩個定食分享，不一會熱辣辣滾住的送上枱，份量適中，食物質素正宗好味，讚埋單發現仲冇加一，性價比再添分。值得再去！

午餐過來食飯，十分高質！😊👍環境舒服，服務態度很有善☺️餐前小菜款式很多，而且十分新鮮！叫了兩個餐，一個韓式拌飯，一個牛肋骨湯。韓式拌飯蔬菜非常新鮮，咬落卜卜脆！😋 配有韓式辣醬，微辣而且好香☺️牛肋骨湯味濃郁，鹽都唔使落🤣 上到嚟嘅時候仲新鮮滾熱辣😃😎非常滿足嘅一餐！佢哋仲用珍珠米，所以飯粒口感非常好👍店內仲有多款韓國特色飲品， 服務貼心☺️👍💯

之前堂食食過覺得okay 小菜款式多～ 但係冇諗過今次外賣自取換黎勁差既體驗。員工 老闆態度惡劣 請大家要三思！！！外送平台訂單編號8075 你哋出漏單 仲cut人線 未見過咁差既服務態度 我地17個order 黎左15個餐only 打去餐廳follow up 就話佢地出齊17樣野 冇錯 聲稱自己唔會有錯 仲話番我地轉頭話我地會唔會有人拎錯拎多 叫我地check清楚 仲話要check cctv ！無賴！唔會再幫襯！味道又唔係特別好！劣評！

夜晚行經銅鑼灣搵到呢間韓國野入到去都真係有韓國人係道食飯好似好正宗咁叫左野食就會送幾小碟前菜我地叫左炆牛肋骨煲個牛肋骨炆得超腍超入味入面仲會有白蘿蔔紅蘿蔔年糕係入面好多料 個汁其實有D濃味建議加多碗飯黎送飯海鮮煎餅煎得好夠乾身入面有八爪魚佢比左魚露我地 魚露唔係好咸沾少少魚露令到海鮮煎餅更加有鮮味牛肉紫菜包飯個紫菜唔係擺左好耐皺哂個D牛肉都有好多入面有蛋條同黃蘿蔔唔需要點任何野都已經好好味兩個人食三個菜已經非常之飽 今餐好滿足

舊同事聚舊日，舊同事飛返來港一段時間，趁呢個時候大家聚下，最近大家比較忙，最後夾到個星期一食飯，好少可星期一飯聚呢。就腳之下銅記食，揀左韓國料理，因為唔想等book定位最安全，用Openrice book有九折優惠。難得peak season之下的星期一唔洗OT，爽~!準時到達，平日的19:30，真係人少少。餐廳面積中等，木系設計暖色燈光感覺好warm。韓國啤酒(HITE)，$50。韓國燒酒(真露)，$70。聚舊就梗係啤啤佢，深水炸彈Happy Monday~乾杯!前菜，開胃爽口，泡菜不俗。紫菜牛肉包飯，$88，紫菜包飯都算大件，牛肉份量豐富，仲有蘋果薯仔蓉伴食都幾清新。辣炒年糕，$100，因為怕辣問左店員可唔可以小辣，可以即要了，都幾細碟，除左年糕仲有蛋及其他配料，年糕微熱口感煙韌，味道甜辣，幾好味呢。半半炸雞(原味及甜酸辣味)，$168，炸雞口感香脆，肉質軟嫩多汁又香口，美味!甜酸辣味，酸酸甜甜味幾少少辣醒胃，更加好味。海鮮豆腐辣湯，$100，材料十足又入味，辣辣地幾暖身，如果冬天飲更加正!有飯後果，感覺好窩心~!食物味道不俗，環境有氣氛，坐得幾舒服，服務態度幾好感到親切，價格合理

收工同同事食飯，諗唔到食咩？我就帶咗佢嚟首爾家。之前已經食過過幾次，店內韓國人多過香港人，證明味道十分正宗，我鍾意食呢度嘅人蔘雞湯，但朋友想食炒年糕同泡菜炒飯，我哋得兩個人，驚食唔晒，所以淨係叫咗兩樣。食得韓國菜，就梗係有好多小菜啦，每一樣都好食！上菜時，唔知係咪老闆娘，話俾多咗我哋，叫我哋食多啲，炒年糕同泡菜炒飯味道都唔錯，我就比較鍾意炒年糕，同喺韓國食嘅一樣！今次之後有嘢做，就冇飲酒啦，下次嚟一定要暢飲！

七彩顏色嘅蔬菜配料 仲有一隻煎雞蛋 再加適當嘅辣醬撈勻 口感豐富 而且有營養價值 石鍋夠熱令底下嘅飯焦食落脆卜卜 因為冇肉類嘅關係 成個飯偏淡味 而且雞蛋煎得太熟 另外欠缺左麻油嘅香味 而且辣醬唔係正宗韓式辣醬 所以唔夠辣 有啲普通-前菜方面 我諗只有泡菜好食 有基本嘅辛辣味而菠菜 大豆芽 同埋粉絲 味道偏淡 魚仔乾唔夠入味 另外點解伴菜會有四季豆 而唔係蘿蔔

一行5人約咗7:00到餐廳食飯 叫咗4人餐再加咗兩份食物 一人一杯野飲 自問唔算叫得少.其他侍應都幾好. 唯獨是一位50-60歲男侍應由我地坐低就開始催點菜. 8:30未食完就不斷收碟 （明明寫11:00閂門 而且無講過有限時） 喺仲有碟雞未食完既時候 唔知係睇唔到定點 就熄咗個爐 9點就逐張枱埋單.而且全程黑面 點菜未點完就走咗去. 當日去到食食下覺得好熱 問侍應開大啲冷氣 被告知冷氣壞咗 再睇下 發現有3把風扇喺餐廳開緊 相信已經壞冷氣一段時間 如果你唔介意呢種服務態度 可以來試

一間韓國傳統家庭式料理，幾個朋友約食生日飯，真係無揀錯地方，環境，服務，食物質素都好好👍🏻，店員好親切有禮，雖然店內冷氣進行維修，但備有很多冷風機，所以都冇受影響！下次一定會再幫襯吃烤肉同有好多菜式都想試！當日點了薯仔排骨鍋，泡菜煎餅，炸雞，冷湯麵！全部都好好味，個薯仔排骨鍋吃到後段加了辛辣麵餅及白飯，無得頂，超級好味🤤今次俾我地重拾返去韓國旅行嘅時光，渡過咗一個好愉快嘅晚上！呢度將會係我之後經常出入嘅餐廳！

好掂嘅韓國菜🥰！餐廳侍應係識講廣東話嘅韓國人💁🏻‍♀️！阿豬媽幾可愛，推介嘅都係好好味嘅招牌！店內好有韓國feel，而且食物正宗！前菜6個都好正，特別係似曱甴嘅黑豆👀同魚糕，而食完飯店員仲會送西瓜🫶🏻-1️⃣「原味香脆雞🐔($168)」炸雞外脆內嫩 好juicy，仲要配薯仔蘋果沙律！🤤Fried chicken👍🏻-2️⃣「辣炆牛肋骨煲🥩🥘($160)」牛肉超級淋同入味，仲要有彈牙膠質！好好食ahhh! 配料有冬菇、蘿蔔、年糕～Spicy beef short ribs stew 👍🏻-3️⃣「醃牛肋骨🥩($160)」可以叫廚師幫手燒埋！鐵板上熱辣辣🫶🏻，牛肉重牛香、超入味，香嫩多汁～Marinated bone beef ribs👍🏻-另外叫左飽肚吧：4️⃣「辣炒年糕🌶️($100)」Stirfried sliced ricecake with & vegetables

餐廳地方雖然不大，但位處渣匈坊街尾，鄰近利園第二期停車場。大廈共有兩個入口，7字便利店旁。韓國老板娘主理坐陣，有多年經營韓國餐廳經驗，食物款式多及新鮮，本人當日約朋友眾會，嘗試了韓式生蟹👏生牛肉😋韓式柴魚湯👏牛肉湯鍋😃辣泡菜豆腐⋯^_^。配襯韓國燒酒，一流享受。雖然看到每碟菜的顏色都是橙紅色，以為好辣，實情不是，所以可以放心。老板娘有時因應時節，有啲餐牌以外嘅特別推介，記得問一問。另外因為地方有限，記緊要訂位呀👏😊

傳統韓國餐廳果然係食牛肋骨啦成煲野都好好食,差少烿想連湯都飲埋肉又夠曬入味又夠臨,配埋飯食真心正仲有佢個部隊鍋，裏面啲料勁足咩都有，加埋啲芝士公仔麵好食到爆兩個人嚟食夠食到爆曬一定味道又夠正宗又好食，最遺憾就係係叫唔曬其他野食仲有仲有記得叫埋米酒個感覺真係好似係韓國咁下次一定要試埋佢個五花肉同埋炸雞先得