首爾石鍋燒

營業中

休息中

一共叫了兩個餐。最啱食係前菜青瓜😂芝士泡菜豚肉辛辣麵：麵質地偏硬（幾好），湯底普通調味料湯包，個豚肉幾好食🆗總共有3-4塊。泡菜一般水平。香蔥炸蒜牛肉粒石頭鍋飯：首先，個石頭鍋飯無汁👎🏻，真係普通飯加蘿蔔絲牙菜。牛肉粒：有5粒⋯⋯實質上似牛腩（硬）⋯⋯👎🏻。飯：軟硬程度正常（無汁）但係，一個石頭鍋飯冇汁，真係好難食落口，實質上似蘿蔔絲加芽菜撈白飯食。本身牛肉粒已經好乾，最後頂唔住要撈埋前菜嘅泡菜汁嚟食。☹️☹️BTW，加咗$10葡萄汁，size係雀巢咖啡甘，配搭珍珠奶茶飲管，兩啖已飲完⋯⋯令我諗起食神個句「飲管有咁大整咁大啲凳有咁窄整咁窄，等佢快啲飲完叫過第二杯」😂（啲凳正常size嘅）

西洋菜南街有街行，行到攰要搵餐廳可以行通菜街😎。行過幾間餐廳見呢間韓國嘢餐牌都吸引，入面都幾多人食，就試吓先😊。入到去發現好港式既風格，唔係正宗韓國菜😟🤨，味道都係，前菜有粉絲泡菜青瓜，粉絲無乜味，泡菜唔夠酸😣。泡菜烤肉豆腐煲加烏冬 🐷$80 3/5望落去好似幾辣有啲料到🌶️🫕，泡菜都係夠辣味但唔係好酸，豆腐泡過辣湯底食落去幾舒服好暖和，秘制豬肉好淋又散無味，係咪落左咩鬆肉粉？😩😩個烏冬幾煙銀好食🤤。泡菜拼薯條 4/5小編好欣賞個薯條，唔係老麥個隻，佢厚身得黎又有脆口鹹香既感覺，食晒成碟都未夠喉🤭🤭🫣。地點:通菜街咁長中間馬路又比舖頭阻住晒係要啲時間搵，想快就豉油街轉入通菜街就最快，路係窄啲又多冷氣滴水😰。環境:茶餐廳坐法，枱之間好近好彩仲有膠板隔住好似有啲私隱😂，裝修算係有俾心機用韓國文化又有燈牌。價錢:一個石鍋80蚊，晚餐黎講算平，但無意欲再去第二次。服務:正正常常無特別。

係附近工作，之前間唔中都會幫襯，但今日服務態度超差。本身4人去食飯，有人要遲，中午食飯時間又有限，早少少去拎位好正常。12:30開始多人，係咁問我哋仲有兩位幾時嚟，點解咁耐未到。咁我哋已經幫未嚟的人落定餐，都仲要問，態度是非常差。我哋唔係無幫襯，一係你就set人齊先入座，咁我哋去其他餐廳食。But anyway，我永遠都唔會再幫襯。

韓式蔬菜素食石頭鍋飯素食石鍋飯都幾少有！新鮮嘅蔬菜菇類同飯焦結合得恰到好處，有鮮甜味同時有脆口嘅感覺。加咗辣醬就辣辣地，幾刺激味蕾。石頭鍋煮嘅飯有種獨特香味，更加增添食欲。唔論你係素食者定唔係，都值得試下！泡菜炒豬肉豆腐煲我自己就覺得偏港式家庭味，味道無乜驚喜。煲裡的湯汁其實幾好味，有辣有鮮，口感不俗。反而豆腐煲入面嘅秘製醬汁豬肉味道有啲奇怪，好似食緊豬柳強，都可以算一個驚喜😂 對於追求正宗韓式料理風味，可能會感到有些失望。泡菜薯條都喺貪得意叫吓，就喺茶記薯條加一堆泡菜喺側邊，完😂

🥣🇰🇷🥢旺角一般石鍋飯▫️午市套餐包餐湯&飲品☑️餐湯有別其他韓國餐廳，呢到嘅湯係蛋花粟米胡椒湯，蛋花同粟米粒好多，有一條蘿蔔😂加埋胡椒粉微辣，幾好飲，但就冇豆腐。🆗傳統石頭鍋飯（烤肉）- $54石鍋一送上咋咋聲，真係好熱，飯量好多，配料除左有烤肉，仲有粟米粒、紅蘿蔔絲、芽菜絲，同一隻蛋，但冇菇絲同菜絲。烤肉是豚肉，有調味但好散，一般。因為石鍋夠熱，所以有飯焦，中意飯焦嘅可以一試，拌飯辣醬有味噌味，質量一般未必有下次。☑️熱菜蜜熱飲唔使加錢，凍飲要加$3，菜蜜沖得夠味，吾錯。

拌面叫左少辣但其實無咩辣味桌面都有支韓國辣醬比客人自由加豬肉有少少鞋口同乾但份量都幾大有醃青瓜都加分係正正常常嘅韓國菜餐廳播住韓國音樂同冷氣都夠環境ok💛💛

食物好吃，價格實惠，分量大！！！大力推薦◎牛肋骨 石鍋飯～招牌必點。大家都是為了這碗傳統石鍋飯，而來，不得不說這是很少有飯焦，而且超熱！夠爽◎豆腐鍋～看名字沒有什麼特別、結果沒有想到溫泉蛋～而且是即點即整。◎雞翼～好吃，夠脆！

咁多人好評，但原來係一個伏。。。。。。話說本身攞位時已經覺得侍應態度好差，佢係寫住人齊入坐咁我未齊人，我都好乖喺門口等，突然有個侍應叫我入咗去先，咁我咪入去坐。過左五分鐘，入到去佢有另一組客人攞位，佢想趕返我出去，我想講再差嘅餐廳都唔會衰到想趕返個客出去。好彩朋友及時嚟到。但啲侍應喺間鋪入面勁大聲冷嘲暗諷，成餐飯食得極唔舒服。又唔係我自己主動要求要入嚟坐住等食物水準都十分茶餐廳，叫左個海鮮豬肉豆腐鍋，佢寫預設係中辣，但真心淡過水。雖然唔係貴，但真心食左都一肚氣，無下次

旺角有好多平價美食，其中一間就係「首爾石鍋燒」。店鋪位於通菜街，驟眼望落去可能唔算起眼，但食過覺得自己搵到寶豆腐泡菜湯飯 $69入面有豆腐有魚腐等等，同出面嘅豆腐鍋分到唔大，但勝在價錢吸引味道: 3.5/5韓國炒粉絲 $58加咗蛋炒韓國粉絲，食落更加香而且粉絲炒得幾乾身，食落一啲都唔油膩。$58係晚市時段，食到大碟而且味道唔錯嘅粉絲，真心覺得抵味道: 4/5而且店員態度好好，有禮貌之餘亦好親切係到食飯嘅舒服

話說呢2日要去旺角上堂，作為孤獨的美食家就當然搵下附近有咩好野食啦，平時都好少出城食野，中午放飯又唔想食茶仔咁普通，食特別野又貴，就俾我搵到呢間首爾石鍋燒，睇過下價錢一個午餐都係$5x-6x，算幾經濟，黎到門口有部電視播住kpop既mv，如果要排隊都有d野睇下無咁悶。呢間都係小店一間，店內坐位都排得幾密，中午1點左右黎到都已經爆晒場我一人要搭枱，店內都播住d kpop歌唔會好大聲，但就無mv睇啦。蘿白粟米蛋白豆腐湯午市跟餐送既餐湯，口感比較厚身，味道我個人不太喜歡，怪怪地，又蘿蔔又蛋白咁，飲左2啖無飲了，泡菜烤肉豆腐鍋轉烏冬食韓國餐最基本就當然係泡菜湯啦，泡菜湯鍋非常滾熱，泡菜豆腐豬肉片做配菜，仲有隻已打落去既生蛋冚埋左撈一撈先見到，材料算幾足，另外今日唔多想食飯就轉左烏冬加5蚊，烏冬就唔算係煙韌果隻，但都ok，韓國湯鍋黎講呢份叫合格啦，餐仲有包飲品，凍飲加3蚊要凍檸茶，無影到相，無乜特別就唔多介紹啦。以今日既體驗黎講環境食物同價錢都ok既，如果再黎旺角都可以返食，服務方面就女店員既態度會比較好少少，同場有1-2位男店員唔知係咪比較忙就粗聲粗氣少少，呢方面要留意下啦。

好多時平價既韓國野都會好劣食或者或者份量好少食唔飽；呢間係女人街既韓國野我間唔中都會去，佢呢度既豆腐鍋係次次去到都必叫，lunch仲幾抵食！🐷泡菜餃子烤肉豆腐鍋 $60 (配飯)一上檯熱辣辣標晒煙，入邊有豆腐，烤肉，魚片，泡菜，蛋，粉絲同埋餃子，泡菜令到湯底有少少辣，好開胃；餃子三隻大大隻，餃子涵料係豬肉,泡菜同粉絲，脹卜卜料都好多；豆腐好滑，粉絲好索湯撈埋飯好好食；食到最尾都仲係熱辣辣。👍🏻🐷極上牛肋骨鍋 $79 (配韓國烏冬 +$5)呢個鍋同餃子鍋既配料大致相同，餃子換做牛肋骨，另外因為揀烏冬既關係就配菜唔會有粉絲；牛肋骨有三舊係分開上，甜甜地而且好嫩滑；韓國烏冬係煙韌彈牙，唔會話浸住湯就淋晒。👍🏻呢個價錢lunch係會包埋餐湯同餐飲，性價比之選！

係旺角女人街開咗好多年既韓國餐廳每一次都係食泡菜鍋湯飯冬天食係特別一流食過咁多間泡菜烤肉豆腐鍋湯配白飯$73最鍾意都係呢間湯底比較濃味 配白飯特別正口果比較正宗 入面啲料都好足入面有粉絲所以我揀左配白飯好多泡菜，有粉絲，有豆腐，有一粒雞蛋，有豬肉每次去旺角必定會諗起既飯堂 尤其係冬天假日去通常都要等一陣位 不過都好快呢個價錢對得住入面d料 暫時係我最愛既泡菜湯飯😋CP值;5👩🏻回頭指數;5📸打卡比分;3

係女人街入面有間韓國餐廳，見唔係好多人等位，今晚一於食韓餐吧menu好多選擇，最後我們order了二人套餐A | $179前菜有豆芽同埋泡菜，不過泡菜有點難食牛肉韓式拌飯面頭有青瓜片、粟米、青瓜絲、肉鬆、木魚和牛肉，配有一碗拌飯汁，拌飯汁有少少辣，牛肉淋和入味，整體味道可以韓式雞肉鐵板燒飯韓式鐵板燒飯夠熱和多汁，雞肉份量多，仲有流心太陽蛋，放係飯上面，可以撈埋一齊食，有鐵板一直熱住食，唔錯韓風一口雞細細件，一口一件，味道正常，雞肉唔會太乾

冬天凍冰冰就梗係要啲熱辣辣嘅嘢，咁石鍋燒就係一個唔錯嘅選擇，但係平時出去食韓式餐廳，價錢都唔平，而依間石鍋燒就唔係，不單止便宜，份量仲好足夠，好適合附近返工返學嘅人士除咗成日見嘅石頭鍋，豆腐鍋，仲有其他韓國嘢食，選擇都唔少因為叫咗一個午市套餐，好快就會上咗一個湯，係蘿蔔粟米蛋豆腐湯，味道偏淡，蛋和粟米就比較多少少，唔太覺得有蘿蔔味，感覺適合之後食主食時想清一清味蕾時食，所以最後依一碗湯，我都清左泡菜烤肉豆腐鍋 $56（轉韓國手打烏冬 +$5）湯上完枱一陣，豆腐鍋都已經煮好可以上枱，上枱嘅時候聞到好香嘅泡菜味，雖然看似唔係好熱，但係都要小心唔好點到鍋身雖然看似好辣咁樣，但係食落唔會覺得好辣，大概三哥十少辣嘅辣度，泡菜嘅份量比得好多，唔單止淨係得表面泡菜，底下仲有不少；不過不會因為泡菜多，烤肉豆腐就少咗，一樣都係好多，而且泡菜唔會切到碎晒，而係一嚿嚿好有咬口；豆腐就係板豆腐，可以用筷子都夾得起，豆味都幾香，烤肉就冇特別，只不過份量幾多另外轉左要烏冬，食嘅時候有啲麻煩，因為怕碰到鍋身；但感覺比食飯更加飽套餐會有一杯野飲，味道就正常，感覺係平時放飯時間嘅一個好選擇以上均是我個人觀感，每個人嘅口

經過見到女人街好多餐廳都唔同咗，呢間好似最歷史悠久！好耐好耐以前食過一次、又係冬天嚟的。因為記得呢度啲豆腐鍋食完暖笠笠，所以今日經過都係再試吓先。呢度嘅招牌菜應該就係豆腐鍋，我見好多人都係食呢個，有啲人食石頭鍋飯。不過都係食豆腐鍋最好。。我點咗蕃茄泡菜烤肉豆腐鍋。都幾快10幾分鐘就上枱。鍋係熱辣辣上的，啱晒咁凍嘅天氣。聞到已經覺得好香。。講返個豆腐鍋啲材料先，有泡菜，蕃茄，豆腐，烤肉，最特別就係裏面有粉絲。我覺得呢個湯底跟粉絲送飯真係好正，尤其是啱咁凍嘅天氣同埋啲豆腐真係滑，成個餐好開胃！個辣度一般啦，其實都唔係太辣，所以好適合唔係太食得辣嘅人。另外，嗌咗個海鮮蔥餅裏面有蝦同䓤，感覺簡單，但係又幾好食喎，好食在於個餅底脆脆地，幾香。跟埋嗰啲汁好夾。朋友嚟呢度食多過我，佢話呢間餐廳開咗10幾年，食物味道冇變過，唔怪之得咁多人。