首爾石鍋燒

營業中

休息中

今晚約咗朋友去女人街食飯, 見女人街咁多食肆都唔知揀邊間好。。我本身想食西餐或食川菜， 但係朋友話要經過首爾話想入去試吓勁多人等枱，我攞飛之後大概都等咗成30分鐘。。見餐牌啲嘢食價錢適中， 除咗基本嘅石頭鍋飯，韓國豆腐鍋等等，也有韓式小食及其他定食。叫咗一個泡菜烤肉豆腐鍋烏冬（微辣）首爾沙律，海鮮蔥餅以及韓風雞翼系出邊聽到排隊啲人話呢度啲烏冬好好食，點都叫黎要試一試。我唔係好食得辣，所以叫咗一個勁小辣。上枱時溫度好高，還是滾緊的鍋入邊有泡菜，豆腐，韓式魚蛋，雞蛋，有d肉，以及其他配料，幾豐富。。我較為欣賞湯底，味道濃，好食揀了幾個小食。。海鮮葱餅： 我試過放汁同冇放汁，味道截然不同！服務員細心提醒我哋蔥餅係跟個汁，有落汁個䓤餅真系好食好多！雞翼剛炸起，差啲六親個嘴🤭🤭夠鬆脆juicy,唔會好似出邊啲雞翼咁咸， 點個醬汁甜甜地增Tim味道

天氣凍，經過呢間食石頭鍋好似唔錯。。六點幾見裏面已經好多人。。咁就入去試吓先！，我本身鍾意食少少酸辣，見佢地豆腐鍋類好似幾吸引，就叫咗一個蕃茄泡菜豆腐鍋配飯一上枱個豆腐鍋滾辣辣仲係滾緊，幾正喎。材料有蕃茄，泡菜，豆腐，烤肉。。裏面仲有啲粉絲同埋半生熟嘅雞蛋🥚首先試吓湯嘅味道先！好濃郁好野味豆腐滑脫Lui Lui 的, 好似豆腐花咁滑。。，烤肉味道特別, 我以為啲烤肉係牛肉，不過原來問咗侍應佢哋話係豬肉來的隻生蛋半生熟，我最鍾意呢種口感。。豆腐鍋足料，食完呢個豆腐鍋基本上都幾飽，我竟然飲晒啲湯下次可以帶朋友過嚟試吓泡菜令到湯底超濃郁，酸酸辣辣，醒胃。🥳🥳聽到隔離枱加錢加粉絲，原來可以加錢加粉絲,唔食飯，都好喎，可以減肥

好普通既韓國料理餐廳，雖然價錢親民，多學生食既，但係食物質素真係一般，比較推介既係鐵板燒既🐷腩片，味道香口，佢哋既醬汁都系甜甜地，要講既係小編雞翼🍗當飯食，但係呢間既雞翼真心好差，又乾又冇味，黎到仲要凍既🤦‍♀️

同朋友出開旺角 夜晚諗唔到食咩 就係幾條食街度行下搵下野食 咁岩經過間韓國野 又唔洗等位 就揀左佢黎試下 餐牌選擇有好多 有餐有單點 有石頭鍋飯 秘製豆腐鍋 鐵板燒飯 湯麵湯飯湯烏冬 仲有好多小食我地兩個人叫左個石頭鍋飯 香葱炸蒜牛肉粒石頭鍋飯 熱辣辣好香口 好香蒜味 牛肉粒好淋小食叫左個海鮮葱餅 個人覺得食韓國野係必食 有四大塊 煎得好香脆 食落脆卜卜 仲好足料仲叫左個煎粉絲餃子 有五小舊 長條形 好中意食個餃子皮 食落煙煙韌韌 入面有粉絲同豬肉整體黎講都唔錯 味道正常 價錢合理

天氣凍第一時間諗起去首爾食飯當然叫我最鍾意食嘅金菇肥牛烤肉豆腐鍋上枱時滾辣辣， 視覺效果唔錯 。試下個湯底先，都幾好味， 適合香港人，中辣唔會覺得辣， 易入口。 裏面的配料有 肥牛 ，烤豬肉， 豆腐，生雞蛋（ 佢會變熟蛋）， 粉絲，金菇 。。 足料，跟埋個白飯 食完都幾飽 ，抵食朋友叫咗泡菜豬腩片辛辣麵原來辛辣麵都可以咁好食! 豬腩片肥美 ，泡菜同辛辣麵個味好夾，正正韓式燒牛肋骨呢個趁熱食，燒得香， 肥瘦均勻，好有牛味，.尤其係啲骨位最好食好味道 ，抵食! 呢個冬天可以去多幾次

有時候，真係好疑問開一間鋪頭雖然啲乜。食完呢間野之後，我答到喇！就係厚面皮！一個石鍋買7x唔係問題，但一個讚歧烏冬都唔比個下，就真係，嘩呢間野真係好勁，點可以食水食得咁深。米又係唔知邊到米，食到超唔好心情。所以我決定都要將呢個心情share出去啊！！啊係啊，佢仲要收加一㗎！

半年前食豬肉豆腐湯飯。好好食又多料今日食。好似唔識煮野食既人求其溝埋滾左陣就食得。湯淡左好多。料少左一半換左廚師咁。味道差好遠半年前食豬肉豆腐湯飯。好好食又多料今日食。好似唔識煮野食既人求其溝埋滾左陣就食得。湯淡左好多。料少左一半換左廚師咁。味道差好遠

行開旺角本身想食日本嘢，諗諗下又想食韓國嘢就求其搵間入去食，行咗幾間都撞正落場時間，見依間有開就試下睇餐牌見佢地主打秘製烤肉，叫咗2個午市套餐，泡菜烤肉豆腐鍋配白飯同鮮蝦泡菜烤肉炒飯，食韓國菜一定有嘅前菜依到午市套餐無，改為有湯個湯係粟米羹，有胡椒味都幾好飲題外話：未試過食韓國菜係飲粟米羹，似食緊中菜泡菜烤肉豆腐鍋 $49泡菜烤肉豆腐鍋就尷尬la，韓式泡菜湯底係帶酸辣，但係依鍋泡菜湯底係唔酸唔辣，似中式湯底，味道方面係幾好。但係計翻韓式湯底又唔係果回事，秘製烤肉好惹味，所以撇除用食韓式料理角度依個鍋係好味道，但就完全唔似泡菜鍋？！鮮蝦泡菜烤肉炒飯 $55鮮蝦泡菜烤肉炒飯真係要大讚！炒飯好有鑊氣，少辣加上醬汁好開胃，隻隻蝦都大大隻爽口彈牙，性價比超高，非常推介！

此餐廳在公司附近，所以經常會去光顧。午市非常抵食，普遍50蚊左右，已包湯、主食和飲料。最推薦它的泡菜烤肉餃子煱，非常足料，有三大隻餃子、烤肉、蛋、菜、粉絲及飯，而且熱辣辣，味道不會太辣，不太食辣的人都適合。

首爾石鍋燒，今日同朋友去左旺角食呢間韓式石頭鍋飯，叫左份首爾石鍋燒，都算抵食，午市50蚊左右，熱辣辣，食到最後都仲出緊煙！而且有飯焦，香噴噴，份量方面都尚算充足，但餃子、肉類等就冇咩特別，不過不失啦！

食過好多間韓國嘢， 無論燒烤， 炸雞 ，高級韓國餐廳。。等等。。 試勻咁多間我都係鍾意食 首爾嘅豆腐鍋。呢間餐廳最大特色我覺得係佢比較平民化嘅餐牌 ，價錢唔貴 ，而且亦都啱口味。。 適合我呢啲要睇budget 食飯嘅人！食過呢度嘅鐵板飯，石鍋伴飯，豆腐鍋 ，我覺得最好食嘅都係豆腐鍋類點咗呢個泡菜烤肉豆腐鍋 湯底唔會太辣， 如果鍾意食辣嘅可能要叫佢加辣! 湯底裏面有 粉絲，滑豆腐，韓式烤肉，粟米， 半生熟蛋。。等等。。 啲粉絲好好食可能因為 索咗好多湯 。。飯跟啲湯食真係好開胃 我平時都唔多食白飯，但都忍唔住食曬啲飯 公司咁啱喺附近，所以收工成日都同同事一齊食， 通常 一人叫一個飯之後會加杯柚子蜜或者柑桔蜜因為有半價， 食完熱嘢跟杯凍飲 舒服曬

尋日本身同一班人 打算去首爾食飯，點知撞正打風 。。今日唯有自己一個去食飯啦!六點半去到已經好多人 ，好彩都仲有一個位 ，等多兩分鐘就入得去。。平時我都係會叫泡菜烤肉豆腐鍋，不過今日想轉轉口味， 所以就叫咗個鐵板豬腩片。 主食送兩款前菜 ，都ok好食， 有泡菜，青瓜，粉絲同牙菜 。。叫咗嘢食大概十分鐘，食物就到喇!!上枱嘅時候個鐵板好熱， 哎呀啲汁仲彈到我隻手添 。。個鐵板飯燒到好香， 咁我就咋咋臨馬上趁熱食 個豬腩片夠肥美又香口 ，鐵板汁撈飯好味， 好快就食曬。。想叫多個小食，又想食雞翼，又想食蔥餅最後揀咗海鮮煎餅!有幾香口喎， 個薄餅煎得幾鬆脆，加埋個汁 味道啱啱好!一個人食咗咁多嘢好飽呀 ，下次叫埋朋友一齊嚟

地方不算大但乾淨企理，點左個鮮蝦泡菜烤肉炒飯。飯炒得夠乾身，沾上蛋漿好有蛋香，裡面拌有切碎的韓式烤肉和名門卷，粟米等，口感豐富。同泡菜一起放進口，激發味蕾，超正！還有鮮蝦，都幾大隻，爽口。炒飯唔易做，飯炒得好證明這裡的廚師功架不錯。我地還點左個韓式鐵板牛肉飯，上台時“咋咋聲”，好有鐵板牛扒的感覺。上面淋左一D醬汁，唔識得講係咩汁，係甜甜地，有少少酒香，濃稠度適中，都好好味，還有一隻太陽蛋係上面，少量配菜，個汁餸飯一流。牛肉係好似牛柳粒咁，好唸好入味，肉味濃，不錯！總的來講好滿意，價錢又合理，會推薦朋友黎。

今日放工同朋友食飯 ， 朋友話去首爾食豆腐鍋，而我就最鍾意食呢度嘅泡菜鐵板燒 ！叫咗個泡菜鐵板燒豬腩片， 上菜嘅時候勁香，豬腩片跟泡菜送飯一流 ，差啲想添飯。 之前試過佢嘅泡菜鐵板牛肋骨， 都係好正 ！最後就加咗份粉絲餃子， 香脆脆點埋個汁好食食完先記得冇影相飲品有半價我就叫咗個柚子蜜， 中規中矩不錯！ 朋友叫咗個蕃茄泡菜豆腐鍋配飯,佢話個湯底好好飲！ 泡菜酸酸辣辣， 湯裏面有粉絲， 吸咗啲湯嘅精華， 加埋滑豆腐，韓式烤肉 ， 粟米，仲有隻半生熟蛋 ,估唔到係勁飽 。 飲品就揀咗韓國紅棗蜜滋補一下！ 又係滿足的一餐

💖泡菜餃子好好味💖好耐冇食過呢間餐廳了！我呢個餃子控突然懷念這裡的泡菜餃子！既然出開旺角就去呢度食個飯先！餃子無論放湯定係煎餃子我兩樣都鍾意，既然係咁我就兩樣都叫！我首先叫左個泡菜餃子烤肉豆腐鍋，少辣。呢個係湯餃子來的。湯底我叫左小辣因為個餃子本身係有點辣的。個湯底有d海鮮味，配餃子一齊食剛剛好！餃子好大件，裡面主要係泡菜同豬肉同粉絲，味道超來夾，帶點辣，好唔錯！個湯鍋裏面仲有滑滑豆腐，粉絲，烤肉，雞蛋，好好味！我另外叫左香煎泡菜餃子。個餃子其實同湯鍋的餃子一樣，不過今次係煎嘅！呢個都好正呀！煎得剛好！個皮好脆！我自己一個人都可以KO曬成碟！今次食完咁多餃子真係大滿足！下次想起食泡菜餃子會再過黎！