香檳吧

營業中

休息中

其實真係冇諗過佢啲cocktail同埋mocktail都咁唔好飲，真係非常之失望朋友叫咗一杯it's complicated嘅雞尾酒,飲落去我覺得有少少似藥水味,唔係一杯飲完一啖會想飲曬成杯嘅味道另外我叫嘅mocktail叫做dirty apple， 叫得dirty預咗佢係有少少喊，但係我估唔到好似飲咁咸橄欖水咁。。。我覺得飲曬成杯係即刻會有腎病嘅狀況，而且一啲蘋果味都冇，我真係完全接受唔到，所以同侍應講呢一杯mocktail完全係同商品說明有出入，佢請我揀過飲另一樣嘢，咁我就諗住試下佢嘅sparkling tea，其實根本唔係sparkling,佢係打咗泡沫而唔係打咗氣入去個茶度,佢畀我試咗,跟住我同佢講我都係飲水得喇另外叫咗兩個小食,松露炸薯條同埋焗camembert,由於兩款小食都唔需要太高技術去整，所以味道係可以接受嘅

人均$200君悅酒店大堂champagne bar🥂 @grandhyatthongkong見到champagne bar重開有買一送一優惠（💰至今個月29號！）即刻約埋朋友黎吹吹水😍🥥smoked coconut$140 啱曬打卡嘅一款！roasted coconut flakes sous-vide in sake，味道濃郁，加上champagne嘅氣泡🫧女仔都會十分enjoy🧀wine&chessse$150 自家製無花果糖漿淡淡嘅甜味，職員介紹話係無咁易肥😍杯沿自家製芝士片融合blue cheese&mozzarella鹹香好食🤩🧀香檳吧 (灣仔)灣仔港灣道1號君悅酒店大堂

訂左枱係Grand Hyatt食飯，見未夠鐘就去左酒店嘅酒吧飲杯野。入去嘅時候尚算早，所以只有2 3枱客人，侍應就俾我地坐係梳化。中間嘅圓型吧枱有一大束鮮花裝飾，十分華麗✨坐底就上左小食盤，有果仁，蔬菜片同pretzels 🥨。本來諗住有pretzels好正，點知已經’淋’左..😔但蔬菜片就仲脆嘅，唔錯👌🏻我麻麻地酒類，所以叫左杯西柚汁梳打，飲落酸酸地幾醒胃，但就無乜西柚味，都幾好飲嘅。

舅父收到美國運通白金信用卡送贈之君悅酒店餐膳優惠卡，週六行完書展就帶咗小肥同靚靚媽咪去高級酒店間「香檳吧」度共聚歡樂時光！翻閱優惠卡背頁列出之細則，先知原來除咗有限定使用日期之外，優惠卡每次最多只可用一千元，而且必需要加一前消費滿相等於優惠卡面值兩倍或以上先可以用得到，咁即係話優惠頂多為半價，如要用一千元面值o既優惠卡，張單最少要二千二百元先可以用得。此外，當用上優惠卡後有餘數的話，客人必需要以美國運通白金信用卡簽賬，明顯係唔容許顧客轉讓優惠卡，依招都幾絕！酒吧用上透明玻璃門作門面，講真眼力唔好真係有機會好似XO仔咁搵唔到。店名雖只用上「香檳」起名，但就如門外o既陳列酒品中所見，除咗香檳之外，貴客亦可點上其他佳釀。嘻嘻，不過細佬一向專一，只對香檳情有獨鍾！「香檳吧」準五點開門，室內燈光極之暗淡，拍照絕非易事，從接待處步入樓底高高o既大廳內必先經過中央又大又圓o既酒吧區，酒保全於酒吧中心內工作，透明度極高。而其他散座均配上厚墊梳化椅，於紅地毯上面向著表演舞台，感覺舒適，且華麗得好有情調。由於諗住只會喺度逗留片刻，所以就喺續杯點嗰頁酒牌揀。唔知係咪炎炎夏日特別口乾所至，半個鐘未到已飲咗兩款

昨晚有人生日所以出黎飲野,幾個人叫了1支香檳,一支紅酒,香檳約$2000,不過唔係咁好飲,反而支紅酒約$1000,相比之下好好多.個女歌手唱得幾好,不過唔知係咪星期五的關係,所以好多人,好嘈...

我平時落bar都鍾意一個人, 因為個種relax嘅感覺令人覺得非常舒服.五星級酒店的bar一向有相當水準, 但要係當中再分出好壞亦唔係難事.champagne bar絕對係我去過最出色的bar之一.店內裝修非常有格調. 有懷舊而典雅的bar枱, 入口右邊有梳化.live band的演出唔錯, 女歌手好比心機唱.個晚黎左兩round: cosmopolitan 同dry martinicosmopolitan好難講有咩特別, 畢竟大部份traditional cocktail都係差唔多水準.如果一定要形容, 只能講係"好飲"dry martini同其他bar就有少少唔同, 酒性依然強烈, 但入口感覺流暢, 完全無"夾"口感覺.埋單時有點幾奇怪, 我係BOC platinum card的discount list入面明明見到話有85折, 岩岩坐底問個waitress佢都話有, 但埋單時個waiter就話無.雖然唔係差好多錢, 但呢點我到而家都仲有少少介意

食完飯返酒店，點知仲o黎依度second round。同raspberry souffle所講o既環境一樣，真係幾舒服。雖然隊live band識o既歌有限，但位女歌手真係唱得唔錯，仲好俾心機唱。bf想點佢爹地最鍾意o既Ladies Red, 就算琴師唔識彈，位女歌手都盡力唱o左半首，令uncle好開心，誠意可加。不過manager o既口面我就唔多鍾意，就算唔耐煩都唔應該o係客人面前show出o黎，更加唔應該覺得show出o黎無問題。(後話: 終於知道大部份出國工幹o既人都會搞搞震..... 唉~~~)

20040910 11pm食完飯的士過o黎飲o野.兩個round, 我要o左兩個cosmopolitan.另加自家帶Romeo & Juliet cigar. (limited edition 耶~)同類形比, 環境我覺得比文華舒服. 同埋呢度隊live band 正過果邊, 唔錯唔錯.

酒吧裝潢處處滲著一種華麗的懷舊氣息，像舊上海又像是老巴黎，甫進門口便是一個圍成圓形的吧檯，右面是梳化椅，約十檯八檯，盡頭便是一個小舞台，和一座三角鋼琴。地方小小的，平日晚上人客不太多，有足夠的寧靜。我最喜歡晚上有女歌手獻唱的時段，香港地這種氣氛的酒吧實在難尋。喜歡香檳的人有福了！這裡的香檳和以香檳為基調的雞尾酒種類都比一般的酒吧多，另外也有cigar menu，whisky及congnac，當然紅酒是少不了的。是一個比較成熟的地方，價錢也是成熟人士走勢XD 但質素也絕對能成正比哩！另外，Champagne Bar和Grand Cafe兩者的英文名字似乎對調了哩！希望網主注意一下

Dinner Buffet款式多,Sashimi好新鮮,dessert cake good taste,食物質素十分高,good service and view.....and expensive