香江花月 (荃灣廣場)

營業中

休息中

香江花月現在推出超抵優惠~~星期日至四可享 $1 琥珀玲瓏山海圈，仲有火鍋正價單點7折，早食早享受！我們去荃灣分店，門口已有一大張調酒吧檯，裝潢高級優雅，是聚會好地方。特色飲品買二送一流星夜，奉上飲品時在客人面前放上泡泡，又有分層漸變顏色，畫面極美。有紅肉火龍果、蘋果汁，味道似香甜提子汁，底層有粒粒蘆薈肉。酥炸廣島蠔外皮薄身，香脆而不膩，廣島蠔又肥美。冬瑤螺頭龍骨鍋湯底有螺頭好滋潤，冬瓜吸收火鍋精華好鮮甜。$1 琥珀玲瓏山海圈（原價$498）有多款牛肉、黑豚肉、虎蝦等，賣相一流。虎蝦好大隻，蝦肉實淨爽口，好新鮮。珊瑚蚌，質感脆口北海道帶子片帶子片肉厚，入口鮮味，滿足。美國安格斯肥牛（細）擺盤精美，鮮紅色的肥牛，半肥瘦比例剛好，入口溶化，濃郁牛肉香味。環境、特調飲品、湯底、火鍋料等方面都十分高質素，我好滿意，要趁著有優惠再去食~~

呢間bookmark左好耐了🔖就係位於荃灣廣場既【香江花月】🌸一進入餐廳，已經感受到懷舊既氣息，同時結合現代既元素！除左有懷舊衣車做裝飾，仲有一幅日曆打卡牆📆日曆可以撕落黎作點餐之用🤣另外仲有一間好特別既房，有五光十色既投影燈，充滿夢幻既感覺，打卡一流🫶🏻📸❥ 美顏花膠雞鍋 $298足半隻雞，好足料👍🏻湯底非常鮮甜，雞肉嫩滑，我同老公飲左兩碗都覺得唔夠喉🤣花膠份量充足，滋補又有營養🥰隻雞淥熟左之後，職員會幫手切件，方便食用😙❥ 美國安格斯肥牛 $198擺盤好精美🌸✨✨安格斯牛肥瘦相間，油脂比例岩岩好！牛味突出，肉質嫩滑，食落有入口即溶嘅感覺👍🏻❥ 伊比利亞黑豚肉 $138黑豚肉性價比好高！油脂豐富，食落爽口嫩滑🥰❥ 自家製水餃 $78水餃皮薄餡多🥟餡料好新鮮😋煮熟後口感順滑☺️❥ 即炸響鈴卷 $58新鮮炸起，大大條又脆口🤩食響鈴我鍾意放落湯一秒即刻拎返起🤭一方面吸到鮮甜湯底，又可以食到響鈴既香脆😋❥ 酸梅湯 （酌）$108好大壺，兩個人飲係非常足夠！清新解渴，酸甜適中🥰打邊爐飲酸梅湯係完美配搭💕

「火鍋除咗打邊爐仲可以打卡㗎⁉️」「香江花月」充滿50年代香港懷舊風情，荃灣分店以紡織業為主題，車衣機、線轆同霓虹燈房間滿滿打卡位，尤其日曆牆印上食物名稱，可撕落點菜，影相超有特色！環境寬敞舒適，設包廂同幻彩燈影房，啱晒同朋友或情侶食飯兼打卡，另外服務都非常貼心，用餐體驗幾好！💚蘋果綠茶：清甜潤喉，開餐前飲一啖好舒服，簡單開胃。🤍🐔美顏花膠雞鍋 ($298)：湯底鮮甜，成隻雞肉嫩滑，花膠厚實，食完似補充咗膠原蛋白，養生又好味。🐃美國安格斯肥牛 (細) ($198)：屬於質素好高嘅肥牛，每片牛肉油花均勻，肉質嫩滑，輕燙即食，入口香濃滿足，食多多都唔怕！🥬菜心苗 ($48)：新鮮爽脆，吸滿湯底精華，健康又美味。💛鹹蛋黃墨魚丸 ($88)：墨魚丸 Q 彈，鹹蛋黃香濃，入口真係有一粒粒蛋黃，口感豐富好好味！飲品🌸花之都 ($48)：抹茶基底，混入接骨木花香同青蘋果糖漿，配玫瑰花芒果冰，賣相吸睛，微酸果味同花香交織，抹茶餘韻濃郁，令人陶醉。❤️無糖可樂 ($29)：清爽解膩，火鍋好拍檔！✨食物賣相靚，湯底養生，CP 值高，仲有優惠（8點前75折，8點後6折）。環境懷舊又摩登，集美食同打卡於一身，適合

今次去到裝修豪華的〔香江花月〕，一直貴為網紅火鍋店，主打精緻打卡配料及多款特色鍋底，一進餐廳已經看到有不少懷舊衣車作裝飾，營造了不少香江懷舊氛圍，旁邊更有一幅很特別的日曆牆，日曆紙原來是可以撕下當作點菜單用，非常特別，看看餐牌店內有不少特式飲品，現在更有「3送1」優惠，而入坐時店家更贈送了一小杯清甜蘋果茶。【海陸雙饌套餐】(HK$638) + 【黑蒜豬骨窩】(HK$328)《海鮮拼盤》海鮮拼盤有5款不同的海鮮，很新鮮，上檯時蝦還在跳，蟹亦有蟹膏，龍躉斑片啖啖肉，脤卜卜的蜆，最喜歡有4隻鮑魚，很新鮮很爽彈。《特選黃牛呼拉圈》集合了9款不同黃牛的部位，放在特製圓環木盤呼拉圈上，圍著火鍋爐邊，擺盤已經非常搶眼，打卡一流，最喜歡薄片牛白肉，有很濃香的牛脂味道。《黑蒜豬骨窩》有很大舊豬骨及蒜在湯底內，乳白色的豬骨湯底越煲越入味，黑蒜味道香濃亦不油膩。【七彩餃子】(HK$108)擺放在古典風的展示架上，七彩繽粉顏色鮮艷的餃子，有七款不同顏色不同口味: 鹹蛋黃餃、牛香茜餃、姬松茸野菌餃、蟹肉黑松露餃、午餐肉粟米餃、皮蛋餃、韭菜餃。是厚皮的餃子但啖啖肉的餡料，味道很不錯。【三色鮮製生麵】(HK$68)

今次同屋企人去荃灣嘅香江花月打邊爐，真係食得開心又影得開心！叫咗個海鮮鍋配特選黃牛呼拉圈套餐（$638），冬瓜海鮮湯底清清地，完全唔會搶咗海鮮嘅鮮味。鍋入面嘅青蟹、游水蝦、鮑魚、蜆同埋魚片，啱晒我哋呢班海鮮迷！旁邊嘅黃牛呼拉圈都好出色，牛柏葉、牛舌同唔同部位嘅牛肉，媽咪直誇整得好。另外加咗西洋菜（$48）同三色麵（$68），三色麵由菠菜綠、蘿蔔橙、墨魚汁黑組成，睇落靚，食落又好味！講到呢度，不得不提下店舖超有特色嘅打卡位！一入門就見到個打卡日曆牆，日曆分為兩邊，一邊印住唔同嘅火鍋湯底，之前試過嘅港女打卡牛奶玫瑰鍋就係喺呢度發現嘅，第一次食就被驚喜到！而另一邊其實就係配菜嘅點菜紙，撕落嚟就可以畀職員上菜，創意十足！除咗日曆牆，每一間香江花月都有個細房仔，今次主題換成方格設計，好似走進東京嘅TeamLab，超級適合打卡影靚相！飲品方面，為配合海鮮嘅清香，叫咗花之都（$48）同千語錄（$48）。花之都係抹茶沖泡嘅芒果冰，入面有接骨木花香，搭配青蘋果汁嘅甜味，最吸睛嘅係黃色嘅冰塊玫瑰；千語錄則係青蘋果薄荷抹茶，綠色嘅玫瑰冰用羅納葉搭配薄荷整成，清爽舒服，屋企人飲完都大讚！餐廳環境以50年代懷舊

整體嚟講食物質素OK嘅，但係服務人員欠缺培訓。同埋係唔識講廣東話嘅又唔識聽廣東話嘅你知㗎啦欠缺培訓嘅員工好多時都會出意外。隻雞未熟㗎係滾咗一陣咋，個員工就即刻夾佢上嚟唔緊要，但係佢夾唔到成隻雞跌咗落個滾湯度。啲熱水彈到周圍都係。好彩，冇彈到我哋塊面，但係好驚嚇囉成餐飯都唔知講咩好囉成千幾蚊咁嘅服務真係唔好只有下次。好啦，講吓啲嘢食先花膠雞湯係好味嘅歌海鮮套餐都好食嘅，特別係啲花膠都算多個湯好味。但係個驚嚇程度真係唔會再幫襯第二次。

今日同朋友仔嚟咗荃灣食香江花月，8:30後入座全單六折，覺得都幾抵我哋入到去見到餐廳好靚，而且侍應態度都好好我哋揀咗個美顏花膠雞鍋，咁有一碟花膠同埋半隻雞，起初就飲咗雞湯先，好清甜，一日飲咗兩碗，隻雞都好好食。我哋叫咗個花月拼，有安格斯牛肉、黑豚肉、羊肉卷、三黃雞毛肚等，呢個拼盤好靚，而且份量好大，佢嘅牛肉好好食好新鮮，豬面肉亦都好好食😆最緊要打卡一流我哋仲叫咗兩杯特飲，一杯係熱情密碼，一杯係原野獵人，熱情密碼上面要吹一個大波波，影相勁靚，而且杯嘢飲好好飲。原野獵人係牛油果薄荷提子夾埋而成，成個口感好fresh，同火鍋好配我哋仲叫咗兩杯特飲，一杯係熱情密碼，一杯係原野獵人，熱情密碼上面要吹一個大波波，影相勁靚，而且杯嘢飲好好飲。原野獵人係牛油果薄荷提子夾埋而成，成個口感好fresh，同火鍋好配

訂咗6:30 早到可以入座 眼見都係得五 六枱客人 坐低唔夠幾分鐘 餐牌都未睇 有個女待係咁推介象拔蚌套餐 已經婉轉同佢講 我哋睇吓先 仲不停講 直至同佢再講我地睇吓餐牌先再決定 佢先行開 最後我哋叫咗海鮮黃牛呼拉圈鍋 湯底海鮮 一鍋熟 鮑魚都好爽口 蟹 魚 蜆 過熟 食唔切 要問待應先比隻碟放上 因為圍邊嘅全部都係牛 問待應係邊部份 竟然有二個都唔知 第三個亦都唔完全講解唔太清楚 裝修係靚 食物唔差 枱客唔多 待應唔忙 但都冇服務 🤔唯一我哋坐咗三小時冇被摧走

一直以為呢間餐廳環境咁靚價錢應該好貴，今日經過原來呢度嘅價錢好平。六百零蚊就可以食到一圈牛同埋連海鮮湯底啦。我以為呢度最抵嘅係牛肉，因為有好多款式，鍾意食唔同款嘅人都可以試吓。而且呢度嘅飲品都好特別，同埋佢嘅環境都好靚，啱晒適合打卡嘅女仔。我自己就最鍾意食呢個牛胸油，因為食落比較特別，而且口感好好，好有牛嘅味道。你間舖頭出面仲有間房俾你打卡㗎，入面有好多閃閃嘅裝飾，同TeamLab差唔多，非常推薦大家一班朋友嚟試吓呀

今晚同老公出去食飯，我哋揀左香江花月荃灣分店。店舖係一間以懷舊港風為主題的火鍋餐廳，位於荃灣廣場六樓，裝潢充滿50年代香港風情，極具打卡魅力。這裡主打高質食材與創意擺盤，特別適合聚餐與拍照分享。🍲 時令海鮮鍋湯底選用冬瓜，清甜不搶味！海鮮包括：青蟹、游水蝦、鮑魚、蜆、斑片等，超新鮮呀！海鮮新鮮足料，湯底鮮甜，適合海鮮迷👍🏻🐂 黃牛呼拉圈精選牛肉拼盤，包含牛舌、牛柏葉、牛展等部位，呈圈狀擺盤，視覺效果佳，適合打卡。牛肉質素高，口感層次豐富！另外，再加點「鮮淮生件」與「芋絲」可能是以淮山或芋絲製成的健康食材，配合養生湯底更添風味。餐廳設有「日曆牆」打卡位，每張日曆紙可撕下作點菜用途，創意十足！裝潢融合懷舊與現代，水晶吊燈、墨綠絲絨座椅、老香港相片等細節營造穿越感！

食過好多次香江花月，多年前已經係佐敦本店支持者。第一次嚟荃灣分店。同朋友慶祝生日，黎個中午邊爐，荃灣店嘅裝修都係保留華麗X新派懷舊感。火鍋有afternoon tea裝置，放滿靚靚食材，滿滿儀式感，打卡一流。𖠅好多養生特色湯底選擇，試左冬瓜響螺湯底，一開始每人都飲咗幾碗，冇味精味好足料𖠅配料都係非常打卡able，仲有好fusion餃子，相機食先𖠅特式飲品「3送1」 ☆͟͞ 海鮮拼盤 ✣特選黃牛呼拉圈𖡘海鮮拼盤出奇地新鮮，有5款海鮮，蝦好爽甜、蟹有蟹膏、龍躉斑片鮮嫩，蜆肥美，鮑魚幾大隻彈牙ᝰ.ᐟ𖡘呼拉圈上台已經嘩嘩聲，有齊黃牛9個部位，正常發揮未至於好驚艶～𖡘七彩餃子好似afternoon tea 木架，七色餃子有不同口味：鹹蛋黃餃、牛香茜餃、姬松茸野菌餃、蟹肉黑松露餃、午餐肉粟米餃、皮蛋餃、韭菜餃。個皮好厚皮，建議烚耐啲，但餡料味道係幾特別。特色飲品點咗啖氣Bubble，點知得個樣，杯嘢好甜糖漿味。反而另一杯玫瑰花冰，清香茶味。週末晏晝好多街坊嚟飲茶，點心亦非常精緻，下次可以再試，建議預先book位。

「香江花月」係一間充滿50年代香港情懷的火鍋店，不同分店的裝潢有着不同特色，荃灣分店以製衣紡織為主題，店內放滿多部古董衣車、線轆等製衣工具的擺設，另外無論餐具、枱椅、調味架、燈飾都非常講究，另外寫上食物名稱嘅日曆牆尤其搶眼，可以撕落嚟點菜，真係極具心思及玩味。首先店員奉上每人一小杯凍凍地嘅蘋果綠茶，酸酸甜甜，好開胃。🌸湯底：日本牛乳玫瑰🌹鍋($168)呢個日本牛乳玫瑰鍋係女士嘅養顏之選，賣相好優雅，當滾起嘅時間，好似充滿白色泡沫的牛奶浴般，好治癒，仲散發出陣陣牛乳香，而木瓜亦很甜，好滋潤,係愛養生的美女們不能錯過的選擇。🌸海陸雙饌以優惠價$638（原價$1088）就食到啦😍好抵✅海鮮拼盤：海鮮非常生猛，大蝦仲喺度郁吓郁吓，蜆同蟹肉令到個湯底更加鮮甜，鮑魚亦非常爽口彈牙，魚片厚切，啖啖肉👍✅特選黃牛呼拉圈有黃牛的薄切牛舌、牛白肉、牛小腿、牛心椗及牛柏葉等，圍成一圈，好壯觀😍，我發現我愛上咗牛白肉，看似好肥膩，但其實只需淥五秒，入口一點油膩感都冇，仲非常爽口，好食👍🥗皇帝菜（$48）每次打邊爐必選菜類。🫖龍井茶（$48）龍井茶香撲鼻，喝下每一口都很舒服，而且解渴解膩。晚市優惠：惠顧火鍋主餐

一直都想嚟呢間網紅打卡火鍋食嘢好耐㗎啦！餐廳以懷舊港式裝修，餐廳環境非常寬敞，座位坐得舒適，仲有獨立房間可以預約！啱晒同屋企人或者朋友嚟聚餐！呢度啲裝修真係好靚㗎，仲有好多打卡地方！七彩光影打卡房間、打卡日曆📆牆（每個日曆都有唔同嘅餸名，客人撕下日曆以作點餐之用）客人可到自助調味吧，選取自己喜歡的火鍋醬料Wellcome Drink : 🍎蘋果茶 （味道酸酸甜甜好開胃）🔹海陸雙饌🔹🔸海鮮鍋🔸火鍋係冬瓜湯底加多款海鮮，包括鮑魚、花蟹🦀、大蝦🦐、大蜆、斑片🐟，非常豐富，湯底鮮甜，冬瓜肉煲到軟綿綿，索湯嚟食超正👍🏻，並附上黑椒可供客人調味之用🔸配黃牛呼拉圈🐮🔸呢款食物勁打卡啊📸！9️⃣款唔同嘅牛肉部位放在一個圓型木托盤圍住火鍋已經夠晒打卡啦！每款有5️⃣-8️⃣塊份量都幾多，牛肉都幾高質，肉味非常濃郁！🔸三色麵🔸火鍋湯咁好味，梗係要叫返啲麵滾嚟食啦，三色麵包括甘筍麵、墨魚麵、菠菜麵，好有特色！🔸油麥菜🔸蔬菜新鮮，翠綠，食落好爽脆

今次同朋友去咗荃灣廣場嘅「香江花月」打邊爐，一入門口就俾佢哋嘅懷舊裝修吸引住！復古衣車、霓虹燈飾，最正係果幅可以撕落嚟點菜嘅日曆牆📅，打卡一流仲好玩，仲有免費蘋果茶送🍎，即刻加分～ ✨必試海陸雙饌套餐▪️ 海鮮鍋 超鮮甜！大連鮑魚彈牙、肉蟹仔爆膏🦀，龍斑片嫩滑無骨，仲有蜆同蝦🦐，海鮮控大滿足～ ▪️ 黃牛呼拉圈🐮 牛肉片排成圈圈，肉質軟嫩，蘸自家混醬枱嘅特調醬汁，滋味爆燈💡 ▪️ 追加咗皇帝菜🥬，吸晒湯底精華好正！ 🍹飲品推薦竹蔗茅根水，用復古器皿上枱，清甜解膩🌿，而家仲有「3送1」優惠，抵飲！ 環境真係冇得輸，仲有間七彩燈光房💈，同朋友瘋狂影相📸。服務員態度好好，會耐心介紹菜式，CP值超高！下次一定再encore～

這次到訪位於荃灣廣場的超人氣打卡火鍋店「香江花月」💗餐廳新增打卡日曆牆 及 特式飲品3送1，日曆可撕下作點菜之用～🔎百香果火鍋套餐 ($688)💝夏日熱情鳳梨鍋鍋底以百香果、鳳梨和蕃茄為主，酸甜開胃～💝 美國安格斯肥牛安格斯肥牛牛味香濃，口感非常嫩滑～💝 農場走地雞（半隻）雞肉肉質鮮美，口感結實～💝 伊比利亞黑豚肉豬肉油脂分布均勻，口感柔軟～💝 七色丸七色丸是以墨魚丸為基礎，配搭七種特色口味，包括：蟹子、鹹蛋黃、椰芋、黑松露、南乳、紅咖喱同青咖喱～墨魚丸非常Q彈，七種口味各有特色～💝 花花碌碌花花碌碌包括：車厘茄、娃娃菜、西洋菜和生菜🥬等。份量十足，非常豐富～💝 即炸響鈴卷響鈴卷外皮酥脆，非常香口👅💝 傳統糖水這次的糖水是芝麻糊，芝麻糊口感順滑細膩，香氣濃郁～🔱另收加一服務費和醬料費（$25/位）