香港仔一品魚蛋王

營業中

休息中

✨墨魚丸拼魚片頭魚麵🐟魚麵有驚喜！果然手打白魚蛋擠出嚟咁爽彈有魚味又唔腥,墨魚丸都係手打,真係食到爽脆墨魚肉粒,幾足料！✨崩沙腩河🐮崩沙腩肥瘦適中,軟腍入味完全唔韌,份量幾多,每塊都厚切,性價比算高！👍🏻👍🏻✨牛三寶撈🐮整體三寶都得好軟腍又入味,味道唔會太鹹👅牛肚大塊又爽口,牛腩就相對較瘦,不過唔算鞋.最正係舊牛筋,大大舊充滿晒骨膠原🥰✨淨韮菜餃 🥟餃子皮薄多餡都幾大粒,韭菜味較重🥬

收銀阿姐態度真係好差，去食碗麵好似欠咗佢的。 可能好忙，成日喺度嗌。勝在附近多辦公室，好多人去幫襯。食物正常，價錢又偏貴。湯偏淡，牛雜又唔入味。希望收銀阿姐的態度有改善。

8月12日揾食肥華要到大有街，買該街名物，靚媽最愛之一栥飯，給靚媽明天做早餐，順道約佢在萬迪廣場此店，食魚蛋粉及牛什米下午茶餐。此店招牌食品，魚蛋粉，個河粉底份量十足，而所用粉底又喺挟得唻食嗰種河粉，過味道偏淡冇乜河粉味，而個湯底又喺，冇乜味道，若非此店枱頭，有齊全嘅食粉麵醬料，可以提升此碗，魚蛋粉湯底和粉底嘅味道，而主角魚蛋又確喺唔錯，除有魚味外，亦有爽彈口感，俾同碗嘅炸魚蛋頭，更好味。至於牛什米，牛肚，牛肺，夠淋，但牛腸則較韌，米粉和湯底味道亦算可以，不過用下午茶時段價錢食到，呢兩碗連兩杯飲品嘅，魚蛋河及牛什米，都算OK嘅👍👍👍

收銀個個女人 長期都勁冇禮貌 勁火爆 好似全世界都得罪佢咁忙就應該請多個人/教多啲姐姐做嘢自己又要乜都理 又要燥底 就唔係幾好囉啲清湯同水冇乜分別 除咗平 我諗佢應該都冇乜邊度值得咁多人幫襯

快快手搵嘢食醫肚即刻叫咗碗牛筋牛腩麵本身冇咩期望但一嚟到牛筋同牛腩都好大份牛筋同牛腩都炆得好入味同埋夠腍一啲都唔會眼（個人喜好鍾意食腍啲）牛腩汁好香口嘢食嚟得夠快👍🏻

九點半，突然想吃牛雜河，附近只剩香港仔一品魚蛋王未收鋪，就黎買外賣啦～好彩～我見外賣都keep住有人，堂食又有人，但都係得一個阿姨一腳踢！堂食捧餐、收銀、包外賣都係佢，好彩佢都幾精靈，我話多蔥佢又真係記得。廚房個後生仔都好忙，最後大約等十分鐘先拎到碗麵。返到屋企，碗麵都係熱辣辣，感動了～我就唔識評牛雜整成點，又唔識分果啲部位，但我覺得係好味架～另外鍾意間鋪頭有得用八達通，比較方便衛生，但可惜我拍左三次先成功～夜晚食宵夜可以考慮哦～

最近黎左呢到食佢個下午茶😈下晝2:30-5:30都有得食叫左一個清湯牛腩米，另外叫左魚皮同Zero 加埋都係$57牛腩份量好多 而且質素都唔差😋估唔到下午茶都食到呢個質素～另外魚皮都好大包 十分香脆🔥🔥

喂呀樓上班友唔好講到呢間上神枱咁啦真心未去到差，但算不上普通🫠 10分我會比3分🫠啲人話呢間可以用來滿足平時嘅餃子癮，sorry真係不掂，我寧願買灣仔碼頭餃子算數🙏🏻如果佢係普通茶餐廳我對佢嘅期望都冇咁高，但係而家佢係主打餃子同埋自家製靚湯，我是會對佢有返少少期望🙏🏻點知。。。。☹️湯係味精湯☹️餃子用料非常孤寒，我叫咗西洋菜餃同埋白菜餃，食落完全冇分別🤓就係咁多，大家可以唔使試☹️☹️

不想吃飯，就去食麵。🥣牛腩手打魚蛋紫菜麵🍜 $58⭐️⭐️⭐️湯底濃，偏鹹；牛腩夠腍又入味，不錯；本身四十幾元包1餸麵，牛腩要加$2，我加$8加了手打魚蛋，只得2粒；魚蛋是彈牙的，但味道較淡，欠缺魚的鮮味，麻麻哋！至於麵，質地正常。喜歡它多葱，現時很多麵店都不加葱的。整體而言，不過不失，吃過後隔一會有口乾。

佢嘅牛肚大概有七件，件件都好爽口，好有咬勁，河粉份量好夠😼我叫咗爽口啲，不過都冇乜分別。通常去面鋪食佢都係擺幾粒蔥靚啲，但我真係好鍾意食蔥，所以加左蔥，但係呢間本身都已經好多😹😹正😻湯底加咗辣油同醋，酸辣更加刺激食慾，好快就食晒🐵

趕時間最岩食魚蛋粉，落單後2,3分鐘已有得食今次叫咗牛筋丸雲吞幼麵呢間既牛筋丸彈牙又有汁，好味！另外估唔到雲吞有驚喜，蝦都好大粒，入面仲有少少胡椒令到個雲吞好香！唯一係麵分量有d少，見隔離枱叫河粉好似大碗d

依間💛粉麵店夜晚收9點 之前一直唔啱時間試唔到 今次終於可以試下去買完附近既💛八五折特價麵包之後就過黎食dinner#雙拼牛肚牛筋幼麵 $47牛肚係金錢肚位 牛肚清得乾淨冇怪味 亦都煮得幾入味 牛筋就略嫌太有咬口 我會鍾意軟冧啲既牛筋 幼麵都係偏硬身嘅質地 覺得唔差不過有進步嘅空間👍🏻#腩汁蘿蔔 $16蘿蔔夠入味 亦幾清甜 爽口啲比較好 不過唔知點解最後一舊超級鹹 最後要飲杯水🥲梗係要大力支持 覺得有進步空間 如果改善到嗰啲小問題嘅話一定會更加好食的👍🏻👍🏻👍🏻

香港仔一品魚蛋王係連鎖式粉麵店，去幫襯，最初係貪佢乾淨企理，方便快捷，幫襯完，先發覺原來性價比都幾高🤗。呢度嘅粉麵套餐包一餸麵同飲品，我叫咗鎮店之寶手打魚蛋，另外再加多份魚皮餃。魚蛋果然質素幾高，爽滑彈牙，有魚味又唔腥，好食👍；不過魚皮餃就麻麻，餃皮嚡口，餡料亦唔夠油脂，下次應該叫另一款名物手打墨魚丸。

一日之內去了新蒲崗 3 家黃店！新蒲崗真的很多食肆，而且很多黃店 。家裡毛孩寵物美容店在新蒲崗，幫襯十幾年！今天順便探朋友。帶著小狗不方便堂食，也只好外賣。點了很大路的粉麵，魚蛋河粉及墨魚丸粗麵，都是 $36一碗。哇！快得難以想像，等了 2 分鐘就拿出來 ！感覺不太舒服！魚蛋及墨魚丸做定無所謂，但煮 2 碗麵起碼都幾分鐘吧，難道河粉、麵都是煮定先 ？同樣以 9 秒 9 速度開車回家，可是河粉及麵都是浸得很淋，如果他們考慮湯另上會好一點 ！魚蛋不錯，但墨魚丸味道一般 ！

新蒲崗想快食, 呢間係精選牛雜泡飯@$46每次泥都好鐘意食牛雜泡飯, 牛雜好足料! 撈泡飯好食, 食到一半配埋杯飲品都開始覺飽新蒲崗lunch以呢個價錢計配埋杯野飲算抵食!