香港大學校友會

營業中

休息中

試過這裏一些出名的菜式：蝦多士炸得香脆，最理想是沒有油膩的感覺，細細件頗討人歡喜。生炒排骨用上子薑，比起菠蘿更合心水。子薑爽甜，加上排骨炸得脆口鬆化，是相當有水準的小菜。杏汁豬肺湯我則並不欣賞，杏仁味實在太濃，除了果皮味之外，它掩蓋了所有其他材料的味道，失去了適當的平衡。生魚卷亦麻麻，不知當日廚房是否一時失手，味道偏咸。

舊同學激讚此處的豬肺湯,甚至提議作為慶祝我生日.於是六位中女昨晚到此晚膳.1.杏汁豬肺湯:杏仁味的確十分濃郁,就如之前有食家提過,似鹹的杏仁糊.豬肺乾淨,但份量不多.我還是較喜歡傳統白菜菜乾那種.2.蝦多士:新鮮香脆而沒有油膩感覺,超好味.3.炸子雞半隻:用自家炸蝦片伴碟,我們都笑說有兒時飲宴feel.皮脆有雞味,但不夠嫩.4.椒鹽鮮魷:香口.但有點過鹹.5.涼瓜炒蛋:不錯.涼瓜跟蛋味道都剛好.但有朋友覺得蛋過熟.6.生魚卷:生魚片包有金華火腿,菜芯作底.味道鮮嫩,不錯.7.生炒排骨:甜酸味剛好,肉嫩.不消一會已清碟.8.壽包一打:皮略為過厚,蓮蓉過甜而蓮子不夠濃.= 白飯x3裝修極簡單及傳統,最喜歡它那碟舊式芥醬,勁懷舊.侍應態度佳且親切. 只是洗手間衛生程度欠佳,是晚就有著得光鮮的女食客埋怨那兒的情況每況愈下.香港大學校友們可否反映一下?!總括來說一般.可以為蝦多士及生炒排骨再去.埋單大概$7xx.她們請客

同窗聚舊，定了一圍台。轉眼已畢業近四分一世紀，這一班同學在這二十多年，每隔半年左右，就會搞聚會，加埋從外國回來度假或探親的，每年都有三幾次飯局。歷年來，在香港大學校友會搞晚飯就有好幾次。三四年以前在這裏吃晚飯有道好，因這裏生意不好，每次能分配到的地方一定是很大的，茶水亦周到，雖然裝修日舊又老套，總也算是感情的連系，也不昂貴，就是食物沒特色，水準也是一般。人流稀少，最後還傳到要執笠。有說是陸羽的二厨在三年前左右帶埋能手名菜配方過檔了，消息傳開，校友會趁勢再將會所裝修過，一時間，很多校友非校友都慕名而來，旺場不少，不預定未必有位。是晚，經會員定了尾廳，特別安排一個大房，很是寬倘。頭盤是鳳尾蝦多士。蝦鮮多士脆，這裏做到香而不油。衆人都說好，最後要‘安哥’多碟。接著上的就是這裏推介的杏仁白肺湯。如果你是第一次品嘗的話，你會說這是杏仁糊落左鹽，因其杏仁味的濃鬱芬香，及乳白顔色，跟杏仁糊沒有分別。當然，湯還是湯，沒有糊那麽杰。加埋腐竹的豆香和猪肺的清潤，實是一個巧妙的配搭。乳鴿及青斑後，就是這裏做得很好的炸子鶏。淋得色澤均勻，够熟而肉質保持味鮮嫩滑，功夫到家。緊貼北菇扒鵝掌，就是一大碟堆得高高的焯

港大校友做攪手,竟然選這裡(有感情?)杏汁豬肺湯-杏汁味好重,無乜豬肺,感覺似糖水多D(雖然係鹹食)炸魷魚鬚-幾脆,但味道一般蝦多士-幾脆,幾好蒸肉餅-本人覺得一般,但友人話好硬好難食咕嚕肉-個樣好似炸得(火農),但其實ok炸子雞-雞肉醃得不夠,好淡紅燒豆腐-略為油膩金銀蛋莧菜-也是油了一點西蘭花炒帶子-幾好合桃露-ok 份量方面,大部份菜都加大了,但其實與其他食肆差不多,本人就唔覺好抵食當晚有朋友遲放工,9點半才到但原來這裡收10點見到友人一邊食,侍應一邊收野,感覺不好不過侍應都係為友人叮熱D食物,所以感覺未算太差同場加映:遇到另一食家,李純恩,不過離得太遠,唔知佢點了什麼菜

其實我一直有個疑問，到底此食肆的名字是從何而來？若果說是為舊生服務，但我幫襯咁多次佢都無查過學生證。但我又無聽聞過港大有撥款俾佢，定還是那一班侍應大叔全部都係畢業生？不過佢件制服係真係有港大校徽的，而且用一張大部份港大畢業生都無東亞舊生信用卡係有折扣優惠，但最終我都搞唔清楚佢同港大關係。言歸正傳，週末開完局同班朋友上去開餐，貪佢價錢實惠而小菜又弄得出色，是夜點了客荔芋鴨，整法有別於一般食店，好似真係成隻鴨連皮連骨落油炸，味道有點特別，但也很惹味。朋友們叫了粟米魚肚、竹笙羅漢齋同椒鹽炒鮮魷，每味都清碟，份量和味道皆適中。臨尾叫個例牌合桃露，中規中矩但份量略為偏多，本來是想慳錢以免逐碗叫貴，但卻因此浪費食物就有點過意不去。環顧四周，鄰有一圍全都無人似年過二十，應該無人係舊生，另一邊的一老人家則每一個都已經係我一人的年齡總和，加上班服務態度古怪但還至於令人反感的侍應，這間所謂舊生會的食肆都真係可算是老少咸宜。

日期：2007 年2 月15 日(年廿八食團年飯)雖然說是畢業生就可以去，但還是帶著一個港大校友去才安心。味菜牛柳絲、咕嚕肉、紅燒豆腐，還有很多小菜，但忘記了。又另點了糖水，合桃露。食物好夠鑊氣，好好食。那個大叔語無倫次，但算，這種地方預了這樣。食物撘夠，lunch 總叫抵食。

圍內人總喜歡在新曆年後、農曆年前，這段時間出來飯聚。約了以前工作上的工作拍檔，試探行情。兩個男人，在附近飲得體溫上升，便walk-in 試試有冇位食晚飯。點了碧綠生魚卷、陳皮蒸牛肉餅、白飯兩個、蛋白杏仁露兩碗，埋單$240，經濟好味。來這裡吃飯，完全是因為地點方便and 生魚卷作得美味、蒸牛肉餅有老媽的水準。唯蛋白杏仁露比以前略少料左D。環境裝修陳設，有點舊。服務維持在八十年代後期那種。如無意外，仍然係downtown 食便飯的一個好選擇。

今晚又去中環, 跟同事到老牌百貨公司購物後, 到HKU校友會吃飯.好久沒到那裡吃飯, 還擔心星期五晚,沒有預訂可能需要等位. 到達時, 原來仍有數張檯:）次次都點白肺湯, 實在有點悶蛋, 問樓面大叔. 他提議我們試"鷓鴣粥". "吓? 粥? 我想飲湯喎..." 大叔指粥其實是羮, 而且很均真, 說我們不一定要點最貴的燕窩鷓鴣粥, 另外兩款沒有燕窩的同樣可口.吃過鷓鴣粥, 我們很滿意:）大叔果然是好介紹. 粥很清淡, 但很香. 賣90元一客, 三個人, 每人分得兩大碗.我們點了三道菜: 陳皮蒸牛肉餅, 粟米斑塊和蒜蓉豆苗. 我忘記了, 那道牛肉餅, 似茶樓點心牛, 拌入很多"粉". 70元一客, 其實不便宜. 我個人不是太喜歡, 但那種陳皮香, 倒是很不錯的. 我最欣賞粟米班塊, 上檯時還是脆脆的, 而那個粟米汁, 很濃郁, 並非"無heart" 的玻璃獻可比擬. 豆苗不太油膩, 也是不錯.同行一位朋友是第一次到那裡, 吃得很開懷, 認為可以帶朋友再試. 最後, 我們點了杏仁茶和合桃露各一客. 兩碗甜品只是一般, 沒有驚喜, 也不太令人失望.總整來說, 我認為這頓飯很不錯. 那個鷓鴣粥,

一行六個大學生（當中得我一個係港大... ~_~），慕名試返一餐﹗訂檯時留左六件蝦多士同一隻鹽焗雞，去到再order 杏汁豬肺湯、咕嚕肉、菜遠生魚卷、土魷蒸肉餅、例牌糯米飯，最後唔少得杏仁露﹗先上蝦多士同個湯，先講多士，蝦新鮮，麵包唔會炸到油"淋淋"，而且非常脆口，差d 想叫多件^.^豬肺湯亦都非常鮮甜，我地一行六人當中有人唔食內臟，不過唔講佢知係豬肺，佢又okay 冇咩抗拒喎~咕嚕肉，唔知係d 汁深色定係炸過龍，冇expect 的橙橙紅紅咁靚。不過用的肉都唔錯，食入口啖啖肉冇渣~菜遠生魚卷，冇咩comment，普通貨色啦。土魷蒸肉餅，本來以為佢會用魷魚乾，不過用鮮魷喎~ 加上應該落左d 肥肉，所以入口口感唔錯﹗加埋d 豉油，男仔應該可以撈兩碗飯~糯米飯，炒得香，而且見到都幾足料（好似有潤腸之類），我就食左兩碗，嘿﹗杏仁露，同菜遠生魚卷一樣，冇咩comment，普通貨色啦。如果想食甜品，可能搵間糖水舖食會開心d~服務方面，加茶都okay 密，而且我地帶左支白酒上去，有冰桶凍住，而且都主動幫我地加酒，都算係咁~ overall 都唔錯... 最少冇咩失望位啦﹗

嚟過呢度食兩三次，竟然開始有D厭..一家人加埋女友大擦一頓，自已發辦叫餸，發覺叫嚟叫去都係嗰D嘢 --- 雲腿鴿片、杏汁豬肺湯、南乳齋、咕嚕肉...平均水準仍然過得去，雲腿落咗糖醃漬，幾特別，鴿片大大片，尚嫩；豬肺湯內嘅豬肺冇異味，湯仍然香濃，夠杏味；齋嘅南乳味不夠，媽咪煮嘅好食十倍；最有驚喜係蝦多士，夠香口，蝦又甜又鮮亦夠大隻，麵包炸得脆而不膩，水準之作；咕嚕肉個汁漿太甜，水準以下...應該再要隔好耐先會再嚟嘞...

上個星期有事晚上到中環辦，完事後差不多九時了，跟另一朋友四處找地方吃晚飯，走過德忌笠街看見香港大學校友會的招牌，我想起在開飯啦看過這裹的食評，朋友又有興趣想試吓，就走上去試吓。從外穿過玻璃門向內堂望，看見鋪了地毡和西式布置的房間，但進門後伙計招呼到左轉的飯廳，裝修實在太殘舊了，跟伙計的傳统服裝一拼，像是回到了六、七十年代老香港的酒家；因為空間不大只有十多張枱，大枱只有三數強，而且樓底又矮所以比較嘈吵一點。一看菜牌價錢不比香港老飯店或鳳城酒家便宜，是低索價七十元一客，很多味普通的湯也要百多元，冬瓜盅更要三百多元一個，甜品要三十元或以上一客，價錢跟包裝絕不匹配。看過菜牌後叫了一碟碧綠生魚卷和中式牛柳，生魚卷好像不夠新鮮而且上枱時熱度不夠，但中式牛柳就很出色，一碟有幾大件煑得剛剛好的牛柳，不會煑到太硬身難以咀嚼，連洋葱都很好味，是一味值得推介的小菜。服務方面都算殷勤，伙計經常主動冲水，一入大門就有人出來招呼，雖然間外寫着只招呼會員，但入門後根本没有查會員証，但我見客人很多都操地道口音英語，看來像外國來香港工作的人仕，而且客人年紀都有番咁上下，看來是老香港大學校友居多！以這樣的價錢水位相信在中

I went there with a group of 6persons and we ordered the dishes which are recommend from the previous comments! Food are nice, but again, nothing outstanding, all dishes are good standard though.The prize is exceptionally high! It's double the prize from outside restaurant... honestly, that's the downside. the environment is disaster too! just an old restaurant upstairs!^-^ a bit disappointed

我上星期五同朋友去，D 野係幾好味，不過又貴又細碟.我地個日三個人叫左:咕嚕肉- ok 但係未至於一試難忘個隻lor.豆豉爆雞球- 好好味, 但係得7片!! 冇錯,係片!碧綠生魚卷- 好味, 金華火腿冇蓋過魚既味道.蛋白杏仁露- 痳痳地,太'杰'身,味道好一般!服務唔錯,真係不停加茶,D食客比較中產feel但係地方又細又焗束...個洗手間真係...!!其實為起一百蚊一個人, 好多地方都有lee個水準而且地方會企理好多lor.好彩去個日打風,得幾檯客,否則會你聽唔到人講野個隻.試一次就夠.

上個月已經約好一班大學同學於七月七日晚上七點(即昨晚)一齊吃飯，其間email來往穿梭，好難得終於九個人都可以一同赴約。更開心係Miranda提議到此，所以大家唔需要傷腦筋，一致通過齊齊到此擦一餐。前幾天已經做了資料捜集，所以我已預先訂了鹽焗雞和荷葉飯。雖然約七點，由於大家工作關係，最後七點只有我與另外兩位同學先到達，其餘各人相繼於30分鐘後到達，只餘兩人未到。相量片刻，大家決定先落order，侍應提醒我們要人齊才上菜。最後要等到7:50pm先齊人，不過，7:45pm已通知可以起菜。不料........8:15pm一個侍應突走來問起菜未，!!! 即係仲未起菜，大家都好鄂然，點解通知都唔起菜。由於大家已經開始肚餓，唯有催促儘快先上荷葉飯。昨晚所選菜式如下:-1) 鹽焗雞--------> 大家都話好味，我唔好雞，無意見2) 荷葉飯--------> 份量頗大，也頗足料及鮮味3) 杏汁白肺湯----> 好有「杏」味4) 菜遠炒爐魚----> Good，略嫌菜少了一點5) 薑炒牛肉----> 惹味6) 菠蘿咕嚕肉----> 正呀7) 椒鹽焗鮮魷

兩個人日日出街食飯，有時真係幾煩，叫得多又食唔完，叫得少又沒有那間好；這間今晚食完，第二晚又唔想再去；某些食店的份量又太大，叫兩個菜就已經好滿足了。而這裡的份量唔會太多，味道又好，價錢都唔算貴，所以我們都好喜歡，因此早幾晚便來了。我們叫了椒鹽焗鮮魷、菠蘿咕嚕肉和鹹魚雞粒炒飯。椒鹽焗鮮魷- 外皮炸得好脆，粉又唔會過多，鮮魷味道香濃，真係下酒的恩物。菠蘿咕嚕肉- 酸甜汁味道剛好，炸得好香脆，這裡的咕嚕肉可說是我其中一樣最愛的食物。鹹魚雞粒炒飯- 份量都唔少，初時真係怕食唔完，味道就比較偏鹹，但都不算太過，飯炒到一粒粒，真係唔算；可能因為食物太好味了，唔覺唔覺下便食個清光了。