香港情 (已結業)

知道是金雀餐廳前身已經非常期待, 果然不負的期望, 環境有格調, 播著張國榮陳百強的歌, 王家衛電影的音樂如回到80年代舊式扒房裝修好氣氛, 和女友吃得很愉快。餐包熱辣辣香噴噴, 配牛油一流, 牛扒好正, 又冧又香, 檸茶好飲, 紅白湯也好有水準, 特餐牛扒做呢個水準夫復何求!田螺也是很香很好吃, 甜點是芒果啫喱配花奶, 非常好食!完全不明白為何那麼多負評, 我和女友星期六當晚七點是唯一的客人!香港的舊式扒房真的買少見少, 大家真的要多多支持呀！！！

COVID-19全球大流行，疫情持續近１年，對經濟做成沉重打擊！很多店鋪結業！今天，本來想到駱克道某樓上cafe吃all day breakfast，發現該店已經結業！就沿着駱克道找個地方，吃午餐。Walk in 懷舊房式扒房：香港情是原金雀餐廳班底，在京都商業中心重新開業。工作日午市套餐，均一定價58元，免收10%服務費，化算！點了：#餐湯，紅湯/白湯２選１，點了忌廉湯，很稀而淡，不好喝！#牛油餐包，這個好！餐包軟綿綿的！#招牌焗豬扒飯，份量很足！吃得很飽，味道中規中矩，合格的！#熱奶茶，紅茶帶澀味，不喜歡！

由於，在除夕夜，我提早 4:00 放工，我跟知心好友走到銅鑼灣時代廣場睇下午 4:55 場 <星球大戰：天行者崛起>，睇完大約晚上 7:30！他想食火鍋，原先我打算帶他到跑馬地食火鍋，怎料想致電訂枱時，店方會提早 9:30 收舖，所以，我們放棄去跑馬地，留在銅鑼灣找火鍋店食火鍋！正值過時過節，沒有訂枱的確有點麻煩！為了晚餐走來走去，問過駱克道京都商業中心的火鍋店，要等一個鐘至 9:00，還要留電話後備；放題店更過份，要等到 11:30 才有枱傻的嗎？見到同一座商業大廈有間懷舊扒房 <香港情>，除了火鍋之外，他也喜歡食西餐鋸扒呢！ 我們在門口望入去，餐廳內有位呀！當然好開心，就好似發現綠洲一樣！ 他也為我荷包著想，問我會不會太貴呀？一年一次，地方看來不錯！最緊要大家坐得舒服又食得開心豐富！我們被安排入座到 4人桌子，深信由於價錢關係，這裡好冷清！聖誕晚餐 $498/ $538懷舊橙籃咯嗲頭盤的外型精緻有心思，未嚐已給我們驚喜呢！以鮮橙製成一個籃形，滿載雜果，完全是一個迷你水果籃呢！雜果都是罐頭貨色，糖水浸到好甜！黑松露忌廉湯湯底質感濃稠，加入黑松露提升口味

09/07/2020 當晚，我同我細佬9點，冇乜心水食乜，求其是旦簡一間，點知 「中伏」再講中伏 極之中伏～ 當晚我簡左個牛柳，「餐飲轉左個牛古力 Milkshake 」我細佬簡左個豬手餐湯同餐包到了，我地飲第一啖忌廉湯，已經好唔掂，稀到死，番煲再番煲～ 個餐包正常～ 個杯milk snake 呀～ 難飲到極點，唔凍，我真係唔知佢點打出黎～ 之後我個餐，嚟咗個粟米魚柳，魚柳喊到死，粟米汁唔掂～ 再黎個牛柳，開始火火地，我認為嚟咗件番梘，細到冇人有，又柴口，雪藏野，overcook 我細佬叫左個豬手，嘩～ 著火「火滾中」隻豬手，係雪藏野，唔夠時間解凍，白烚佢，再淋啲蒜蓉汁「仲要冇味」，我細佬叫左個waitress黎，問佢，個豬手唔係焗，你地白烚lol ，個waiter答我地，佢地做法係咁😤😤😤之後個經理行黎話，我幫你地換過，我地聽到廚房d人講：「邊個話冇味呀，佢唔岩食渣」經理再行番出黎，叫我地轉其他野食，我細佬轉左個肉眼「7成」，咁黎到係熟曬～ 總括黎講，成餐可以放到入口係「餐包」完

想食西餐，招牌寫懷舊鐵板餐。。試吓啦。點知有到去，一個人都無，侍應話剛剛走晒。。開始懷疑，8點咁早無人。是但啦！照入去，點咗特餐。。侍應話魚柳好味！牛柳又正。因我們點的都不是鐵板上，咁好啦，要7成熟牛柳吧。個 羅宋湯都可以。。見到魚柳個樣就唔想食，用蛋煎的，個汁有蛋粒，買想不太好！味道就。。。麻麻哋！ 心諗：侍應又話好好味，好多人食！牛柳到了！ 一見到就知中伏！ 7成變10成，慘過食樹皮。什豆無熟的，仲凍凍哋！完全唔得！終於明白點解無人啦！

未去過一間鐵板餐廳，可以差得咁出色！未講嘢食，刀叉有積！抹得甩嘅👍🏼食咗個特餐，開始就講個包，肯定隔夜！唔係邊有奀皮過我㗎！再嚟講個紅湯，得個咸！俾多二錢茄膏加塊樹葉唔係好大成本咋下話😅緊接講個排，碟上7成是常識吧！但係佢未切都流血喎！淋滿汁都嵌唔住🤦🏻‍♂️郁手仲得了😱人嚟呀📣📣📣快啲call白車！佢最貼心嘅係肯定知我食唔到落去，個份量係金鳳嘅一半（但係價錢貴過金鳳），我咁大個仔都係第一次一路食一路寫食評，凡事真係總有第一次😑證明有感嘅呢😌最後個甜品佢問我啫喱定雪糕，揀雪糕無死錯人喇掛，點知佢勁呀👍🏼連碗雪❄️出嚟硬過我條命！佩服🙇🏻‍♂️真心講過，無心做咪做啦，無謂害人❗️小弟由細到大都好積口德，仲有幾難食，最久講句「都好嘅！都好過無得食！」呢間我真心講句「唔食好過」

話說星期六系銅鑼灣吾知食乜好, 同男朋友經過見到呢間香港情就上左去男朋友叫左個西冷餐 我叫左鵝肝牛柳餐呢間野算貴男朋友個西冷$200尾 我叫個個$320貴都吾緊要杯冷檸水仲要送多隻曱甴咁即刻同個waitress 講 , 香港情個staff系同譚仔牙姐無分別同佢講杯野有曱甴 淨系話換過杯比我大佬牙 好彩我見到 見吾到飲左落去咁點算之後我吾肯比佢收走 佢問完老闆都只系話比個八折真系好無誠意 我同男朋友就同佢講我地吾會食之後直接走 因為其實d野真心難食奉勸各位尼呢間野要三思🤦🏻‍♀️

this is the worst food I experienced in HK. everything not fresh, salad was frozen, fruit salad was canned fruit. not deserved. will never go there again. service and environment are good, very few people.

今天阿仔話要鋸扒，路經銅鑼灣見到間｛香港情餐廳｝，即刻上網睇睇，見到食評麻麻地，但係，樓下阿姐話是以前的金雀餐廳，即管一試，叫咗一份鑊仔牛柳，一份黑椒牛柳，和公司三文治，真係牛肉冇牛肉味，公司三文治是前所未有食過嘅難食。😓😓😓

食物真的很一般。本著來嘗試的心態。但發現真的太差。服務態度還可以。但絕對不值加一服務費。環境清幽。可能因為沒人捧場緣故。寧願試下面的魚生飯。也不願意吃這個。點了一份黑椒牛柳。第一次吃牛柳。但原全沒有牛的香味。自己是不是在吃人造牛肉？食物真的很一般。本著來嘗試的心態。但發現真的太差。服務態度還可以。但絕對不值加一服務費。環境清幽。可能因為沒人捧場緣故。寧願試下面的魚生飯。也不願意吃這個。點了一份黑椒牛柳。第一次吃牛柳。但原全沒有牛的香味。自己是不是在吃人造牛肉？

這間餐廳，自從老舖結束營業，改名搬到這裏來以後，已經第四次幫襯。黑椒牛柳每次都有很高的水準。今天一家人一起來吃晚飯，沒有讓我們失望。牛柳有肉汁，口感很好，小朋友很喜歡。除此之外，羅宋湯亦非常足料，味道濃郁。至於跟餐的麵包，建議轉為多士更加美味。飲品就只能算是一般茶餐廳水準，沒有什麼特別之處。以前我亦試過其他食物，但我最喜歡的都是黑椒牛柳。老闆亦好好人，服務都不錯。今天的晚餐未吃完，小朋友而希望約定下次再來。

講起豉油西餐的歷史，大概就是早年部份思想較為洋化的華人，接觸西方文化之像，同時開始嚮往西餐；但當年的正宗西餐始終並不普及，於是衍生了中西廚藝滙粹而成的豉油西餐，可以說是第一代的 fusion 菜式。之後，豉油西餐傳入香港，講名牌及歷史悠久，有「太平館」及「皇后餐廳」；講親民，有「金雀」，名氣同樣唔低。只不過走相對親民路線的「金雀」，始終敵不過時代變遷、也有可能是第二代不願接手，去年年底終於結業；實在有點唏噓，莫非再不能回味《花樣年華》的懷舊香港氣息？今日在銅鑼灣搵地方食晏，漫無目的、無心插柳之下撞入了「香港情」，感覺有點既陌生又似曾相識。餐廳明顯模仿上世紀50、60年代的懷舊風，是真真正正刻意地模仿，並非那些新派懷舊餐廳所採用的型格路線：只是在意念及細節上模仿，實際上仍然充滿着潮流氣息。無論枱櫈佈置、顏色、以致裝修風格，處處流露着香港老式豉油西餐廳感覺；只是餐廳始終開張不久，裝修還是非常簇新，就是欠缺了那種殘殘舊舊的歷史味道。留意到牆上幾張電影海報，雖然有點突兀，但總覺得餐廳老闆似乎想傳遞什麼訊息⋯⋯ 隱然覺得與「金雀」有某程度上的聯繫。厚身黑色軟膠面餐牌、粗糙但又刻意想擺設得整齊（不

回想十多年前很喜歡金雀餐廳焗豬扒飯很出色，看到他們在京都重新開業一於去支持一下，六時左右到達還沒有客人，坐位窄窄的，感覺不太好，本來都知他們是豉油西餐，發水牛扒久不不一次也冇所謂，但一看價錢跟一些高級西餐價錢差不多，但食物質素當然差很多，看見一個招牌豬手⋯⋯白烚豬手等半小時內裡只是微暖的及雪味很重，真的不知道招牌菜是什麼定義，鐵板西冷牛扒一般發水牛扒一點牛味也沒有肉質很淋好像吃豬扒般，焗豬扒飯也不及當年但像樓價般升值幾倍，總結是高級餐廳價錢比花園餐廳更差質素一個字 伏

如果我無睇錯，呢種老式扒房的確是舊香港情懷。令我聯想到第尾牛扒，金鳳，哥登堡，美而廉等等。相片中質素也看似差不多。但價格卻是outbreak，名寶石等餐廳的價錢。如果係我，心可能好想一試，但諗吓搭轉的士過海食第尾就算了。反正，仲平！午餐，如早一點不用等位都可以諗吓。利申：堅無食過，只係睇相後有感！

同先生1月4號見想食扒餐，但隨便找了這一個餐廳食。一上到去，侍應姐姐叫我地坐卡位，之後見他隨後同我們同升降機的食客social, 叫了她幾次都聽不到，最後等了一會才叫了她給我們menu。之後我先生叫了什扒餐，而我叫了它們menu聲稱的“招牌咸豬手”。之後一來了餐湯白湯和，紅湯和餐飽。湯不太熱，普通茶記味道。我先生叫了的什扒餐先到，先計份量肉的份量不厚，雖然鐵板上，但肉不太熱，而且豬肉很 “鞋口"。之後我先生已差不多完成他的什扒餐，但我的 “招牌咸豬手”餐還未到， 之後侍應跟我說要等一下製作，我心想: “應該會好好食啦!”。等了差不多半小時多，到了 “招牌咸豬手”，眼見一看 是 “白烚豬手”加配幾條凍薯條和一小個西蘭花。因為我是孕婦，我先生便幫我切開是否熟透，是面有一點點不太熟，我只是食了表面的肉，完全是白烚豬手的味道，不知道那咸而且我可能跟我預期的 “ “咸豬手”太有分別，而且跟的汁醬又是凍的.....之後快快的食少少飲一杯一口可以飲完的餐茶便離開。因為是平常晚餐便沒有拍照，如果有時間等又想浪費錢和食得清淡點可以自己親身去試下它們的 “招牌咸豬手”。