香港房屋協會職員康樂會(中菜部)

營業中

休息中

食到好食同唔好食都鍾意出聲嘅我，兩年無吃房協，覺得佢依然大部分餸菜好味，服務又好，啲員工同你講笑，見你同小朋友猜包剪揼爭食薄脆又攞多啲嚟！炸蛇丸香脆好味，小朋友都爭住分多件吃🥰炒蛇肉太煙靭，我覺得我不喜歡蛇羹我不喜歡加菊花，對我來說不是我想要的味道炸子雞和蒸鱔都不過不失生菜好味羊肉煲最驚喜，一點也不羶，又燜得夠淋，個汁又好味，好好味😋豆苗太飽了，但ok嘅無想到，糯米飯都超級好味，令勁飽的我也吃了半碗奶奶話今天休息過後，身體沒有那麼不適，我們一行人打了幾舖麻雀，我舖牌勁靚，雖然食唔出，還是請叔仔留影了最後想說，我唔知餐飯幾錢，只能感謝叔仔、靚嫂請他姐姐生日飯，請埋我😘😘😘😘😘

嚟咗呢度食飯好多次，成日都唔記得post食評，雖然食飯日子和寫食評日子有點距離，還是想寫！我們鍾意嚟呢度食飯因為覺得環境實在太舒服，洗手間又乾淨又寬敞！以前不是疫情更可打麻雀、打乒乓波、又可以俾小朋友打機！雖然而家因疫情而無開遊戲室，但呢度侍應你嘅對你嘅招待，細心周到，係令人欣賞嘅！食飯當日有人生日，佢哋介紹我們買一支得獎酒還送多一支！雖然其中一味豆腐好像有少少變咗，但係都即刻煮過另一個餸比我們，全餐飯食得開心愉快又舒服！每個餸味道都不錯或在中上，中意食香口嘢嘅我梗係最鍾意係蝦多士！兩碟魚一碟味道較淡，但都OK！但如下次再來，會食番以前吃過較少吃到的華梅豬軟骨？🤔! Anyway 之前我們大大伙兒都喜歡這裡

香港房屋協會職員康樂會 (中菜部) 是會所餐廳，需持証登記結帳。作為會所的一部份，當然不只這個餐廳設施，同層還有一個小朋友玩樂室，更有乒乓球房，對於有小朋友同行的家長們而言，實屬十分吸引的設施。 是晚菜單早已訂定，前幾道菜以海鮮為主，湯品是吸引度十足的佛跳牆，尾段是傳統燒雞飯面菜式。 煎焗南非 5 至 6 頭鮑魚：鮑魚大隻吸引，以薑蔥煎焗，再加上熱鍋源源不絕的熱力，開蓋一刻香氣四溢。鮑魚口感軟中見彈性，少了芡汁更易突顯鮑魚的鮮香。 豉油皇煎大中蝦：大隻中蝦蝦香十足，肉質結實。 金菇銀絲蒸蟶子：以傳統的蒜蓉粉絲蒸煮蟶子皇，爽彈甜感理想。 原鼎鮑魚佛跳牆：以原只鮑魚、魚翅、花膠、螺頭、金華火腿、花菇、烏雞等等燉煮而成，湯料豐富，火喉十足。湯汁味道敦厚，膠質食感明顯，絕對值得推介。粟米斑塊：專為小朋友而設，製作未有特別驚喜。 西汁手肘骨：菜式以經典洋蔥西汁煮成，味道酸香開胃，配合入味腍身的質感及方便的食用方法，同樣適合小朋友。魚湯蕃薯浸豆苗：魚湯可口，但豆苗用料不算軟嫩。 脆皮子薑雞：皮脆香口不膩口，雞肉滑感不俗，子薑汁質感稍稍稠密了一點。 籠仔荷香臘腸糯米飯：雖然臘味

每一間的中菜餐廳都有一兩道必叫的餸菜。但這是唯一間餐廳，可以從頭到尾都唔會令你失望。每一道菜都滿懷驚喜。他們不只是給你最好的材料，他們還落足心机。其中燉鹿跟豬骨火腿烏雞湯，你可以看到他放了很多的材料。湯味很濃厚，不會太過黏口。另外，椒鹽陳皮六頭蝦真的很出色。聽到六頭蝦就知道非常大隻，大隻到要用力义吃。出色是在，蝦身沒有煮過太熟。當蝦有返咁上下大隻，真的很難調教火候的，真的要有一定的技術才可以煮到的。最令我難忘的，就是紫薑炸子雞。炸子雞當然它的皮，炸得非常香脆。但許了它，雞下手收藏好好味的薑汁和紫薑。每一粒紫薑都通透，那就知道是下了一番功夫。非常香和辣。還有很多好味的餸菜，真的寫也寫不完⋯

今晚令我留下最深刻印象既一味菜就係……「佛跳牆！」，平時聽就聽得多，今次第一次食，有大大隻鮑魚，花膠和魚翅（煲湯燉了6小時）好入味。不過要預早講定人數，預食物。另一味值得介紹既餸係蟹肉蟹糕拼豆腐，豆腐夾著蟹肉，更加帶出蟹肉既鮮味

突然有一日，朋友問出來聚聚，當團年，其實我之前拒約了多次，但今次聽聞是職員先可入去食的私房菜，就去見識下，十道菜，十全十美咁話……計埋生果，由於菜單字太難看，我簡單說明先來油條，入面有似有蝦肉，脆加彈牙，甜甜酸酸，開胃椒鹽陳皮蝦，有成隻手大，多肉，不覺有陳皮味，但好野味鮮魷同蚌，都唔錯，鮮同爽口扇貝，好大食，中間元貝好好肉，好鮮味上湯菜苗，湯好甜，加埋菜苗，幾好配搭杏汁豬肺湯，杏仁味好重，好先，幾好喝脆皮子薑雞，好脆，香口，雞底有子薑，好酸酸地，多開胃潮州炒飯，有芋頭，蔥花，少少蛋，肉碎，咸咸地，一般，聽聞話本來糯米，朋友話怕我腳痛，唔食得，改成米，唔知係唔係……腰果露加湯圓，夠甜，好滑，但湯丸不夠大粒總括來說，水準唔錯，服務好好，經常換碟

一班同學仔去一日遊旅行，大班人玩完要食晚飯都幾頭痛！（12大8小）同學仔媽咪提議呢間食堂，我們大家都無所謂，最緊要好坐同唔會介意我們多小朋友！佢話一定無問題！呢間食堂有規定，首先要有房署職員訂位，要事先寫定菜！唔係即興上去食！菜式名稱都幾特別！好多都未試過！食堂仲好好話可以比我哋坐埋一枱！（好高難度）一日遊之後去到門口！大樓下係好普通嘅房署辦事處，只有一個牌寫住康樂會，要在樓下按鐘！上面先按掣開門！食堂在三樓，電梯只能上到二樓，所以要行上一層（行動不便就去唔到）上到去就見到個格局係中菜館大廳！（我唔知有無房）好金壁輝煌，店員指示大廳中間一張大枱比我哋（為了坐埋一齊，要坐圓櫈）最令人開心係食堂出口就有一間遊戲室！班馬騮即刻衝入去玩（有電視遊戲、積木、煮飯仔）佢仲比埋隔離張中枱我們放手袋雜物！好窩心！（外套手袋真係放滿成張枱）因為已經一早寫定餸！就即刻叫起！椒鹽陳皮中蝦：炸得鬆脆，椒鹽味惹味，唔覺陳皮味，但已經好味到「選」手指，中蝦大隻，蝦肉爽口彈牙！好好味油炸鬼咕嚕肉：咕嚕肉汁酸甜，玻璃色透明，油炸鬼中間夾蝦膠，再有醬汁包住，真係比個樣呃到，以為係咕嚕肉，咬落蝦膠彈牙，油炸鬼索汁！而中間

是晚的任務, 其實是在一個聯誼活動中幫手。怎麼說也是會所, 地方雖然不大, 但是裝修雅致, 坐得幾舒服的。咱們工作人員的晚餐菜單都是主辦單位安排的, 吃完又得回去打點, 今次恕無食物照提供了。粟米魚肚羹最先來, 平素相當怕吃芡汁重的湯羹, 但對於這種很「小朋友風」(當然是富有的小朋友啦, 有魚肚的喎) 的羹卻是例外, 是粟米夠多之故。蠔油生菜的主角是蠔油而不是生菜, 因為蠔油是多到把生菜都幾乎淹沒了, 因此是相當的鹹, 而且偏向油膩, 不太受歡迎。燒味倂盤則較有可觀性, 有齊叉燒、燒腩、海蜇、金錢月展等物, 還非常健康地以大量蔬菜伴邊, 味道不錯, 但記憶中我是吃菜多過吃肉啦。在座年輕人較多, 菜色的口味也因而作了配合, 如蝦仁炒蛋, 蝦仁大隻爽口, 蛋也炒得滑, 是下飯良品, 果然是大人細路都鍾意。最具瞄頭的菜色, 要數豬寸骨, 十數隻排在盤子上, 賣相壯觀非常; 骨的部份已用錫紙包著, 方便食用。豬寸骨本身比較厚肉, 真的除了那條直骨之外就是啖啖肉, 但肉質卻比較結實, 不過加了洋蔥甜酸汁後又的確相當惹味的。於是後來的一尾蒸魚來到的時候, 大家已經差不多被 KO, 即使那條魚蒸的都

十二月下旬‧晴這裡的中菜做得出色，新正頭，大廚粱師傅也做了不少中式糕點來賣。是另一個飯局，要找華哥寫個菜單，他人很客氣，硬要送幾底糕我來試試。卻之不恭，就趁新年時與家人分享了。分別是年糕、蘿蔔糕及馬荳糕。年糕一半拿去煎，一半拿去蒸，要試年糕好吃與否，吃蒸的錯不了。香甜，軟糯，有水準；蘿蔔糕也不錯，足料，而也有很香的蘿蔔味道，真材實料的。我自己也做蘿蔔糕，很少會很滿意外邊的出品，這裡的也算不錯的了；三款糕之中，如果要自己做的話，馬荳糕算是最易做的一款。這裡的做得軟滑香甜，是不錯的飯後甜品。如沒記錯的話，是六十至七十元一底，不貴的價錢，不過就要等明年至再有得買來吃了。

十一月下旬•有雨 吃，是我的興趣。每天到處吃，雖然都是遇到「行貨店子」居多，偶然碰到有水準的地方，仍然是很高興的。上年發現了兩處有水準的樓上會所菜，一是順德聯誼會，另一就是皇仁舊生會。2010年伊始，發現了這裡。 這裡香港房屋協會職員康樂會的中菜廳，是實行嚴格會員制的地方，訂位及埋單也要由會員代行。是在一個偶然的情下來這裡吃飯的，吃飯的地方就在房協三樓，乘電梯上二樓，還要行一層樓梯才到達。這邊的地方很新淨，有大廳及房間，四周也有大LCD電視，環境非常的對辦。 跟大廚梁師傅打招呼，原來他就是皇仁舊生會那邊的梁師傅的弟弟，據悉也是同一主理人經營，難怪這邊的伙記有一、兩位是熟口熟面，而有一些菜色，也是兩邊共通的。先來的湯品是杏汁白肺湯，清潤順喉；蜜餞桶蠔是皇仁梁師傅的拿手菜，換了來這邊，仍然是值得一吃的菜色；蝦膠釀油條是另一味皇仁舊生會的名菜，依然出色；不大喜歡豬寸骨，但這裡的炸過又加上甜酸汁，效果是出乎意料的不錯；蝦籽柚皮扣鵝掌是很傳統的粵菜，吃起來豐腴美味，是受大部人食客歡迎的菜色；炸子雞也是考功夫的項目，皮脆肉嫩，絕對不要錯過；單尾要了干燒伊麵及臘味糯米飯，加上押尾的馬豆糕及桂花糕，還