香馥樓

營業中

休息中

今晚同朋友去銅鑼灣廣場香馥樓食晚飯，朋友推介這裡食晚飯，因地方闊落，有傳統中式口味，店員服務殷勤細心，最緊要有質素高嘅食物！今晚就由朋友發板，先來一個紫砂功夫燉湯，上枱以一個紫砂壺配隻功夫茶杯一齊上，燉湯超熱，打開見到內裡充滿湯料，有黑蒜、彈牙爽口螺頭肉，還有瘦肉同雞肉，入口有陣陣藥味清香，作為今晚開始又係一個唔錯嘅選擇！而這裡必食嘅就係蜜汁厚切西班牙黑毛豬，外面燒得十分香口，加上厚切西班牙黑毛豬個種軟熟嫩滑口感，十分有層次，喜歡食叉燒嘅朋友又多一樣必食推介！而個芝麻鹽焗雞，亦係個人私心之選擇，皮脆肉嫩，上面還撒滿了香口芝麻，入口啖啖肉，大大份！還有椒麻安格斯牛粒，本身肉質鮮嫩富口感，油脂分佈平均，牛味濃郁嘅牛肉粒，內有大量京蔥，還有香濃嘅麻椒襯托，入口帶點刺激亦不會搶走本身牛味，而京蔥味道亦帶甜味，十分配合！欖仁鮮蟹肉粉絲煲，上枱熱燙燙，上面師傅用鮮蟹肉煎成肉餅，放在粉絲上面，而粉絲內都放滿了香脆欖仁，攪勻入口啖啖蟹肉混埋粉絲入口，十分彈牙爽口，鑊氣十足！最後還有滋潤足料，口感豐富，配有新鮮果肉嘅楊枝金露同埋有清甜可口杞子桂花糕，作為今晚就嘅結尾，真係十分完整美滿

好少搵到銅鑼灣有茶樓，今日👦🏻早放就一齊飲下茶享受下時光 脆皮燒腩仔湯瀨粉燒腩仔外皮超級脆，咬下去的時候即頭chok chok聲，裡面的肉又嫩又多汁，搭配上滑滑的湯瀨粉，湯頭鮮美，完全滿足。鮑魚雞肉燒賣鮑魚的鮮甜和雞肉的嫩滑完美融合，皮薄餡靚，點心食豪少少都唔過份😆鮮竹牛肉球大大粒既牛肉球，配爽口既馬蹄，正即拉叉燒腸粉皮薄得幾乎透明，裡面的叉燒肉够味道，甜中帶咸 脆皮紅燒乳鴿外皮金黃酥脆，裡面的肉則柔嫩多汁，唔點醬汁已經好有味道❤️

銅鑼灣新開張粵菜裝潢時尚高貴，以紫色+銀色為主調感覺超優雅舒適，啱哂同屋企人一齊食飯！咕嚕鳳梨黑毛豬肉上桌擺設好精緻，仲有仙氣！咕嚕肉採用高級黑毛豬肉，肉質軟腍仲有新鮮菠蘿，配埋醬汁酸酸甜甜芝麻鹽焗雞半隻份量啱啱好，兩個人食都好夠！雞皮滿怖芝麻，脆卜卜！脆皮燒鵝皇（例） 燒鵝外皮超脆！肉質食落好淋份量超多，兩個人食絕對夠哂！大滿足一口七味豆腐豆腐炸得外脆內嫩！絕對要試！📍 香馥樓地址: 銅鑼灣駱克道463-483號銅鑼灣廣場二期6樓電話: 23669228

香馥樓2024年8月正式開業😍酒樓揉合傳統新派中菜，製作出色香味俱全的菜式👍🏻 香馥樓佔地5500呎，設有四間vip房，環境寬敞亮麗💡舒適整潔🛋️既有中式雅緻的格局，亦有點西式的明亮開放🖼️😉⋄香馥樓設有小舞台🎀提供小型婚宴場地🎊🎉價錢經濟實惠😜除此之外，酒樓不時安排著名歌手明星現場演唱🎤舞台上星光熠熠，為食客帶來更多歡樂🎈🎊⋄主廚謝志昌經驗豐富，自18歲入廚學藝，至今已有20多年，積極投身中菜，小至車仔麵檔，大至中菜酒樓，精緻的分子料理，甚至出席參加國際性比賽，屢獲殊榮🏅酒樓不斷研發新菜式，菜式變化萬千，絕對為香馥樓客人帶來不一樣的味蕾體驗👅⋄⋄====—====—====—====—✦ 明爐燒味 ✦🦢脆皮紅燒乳鴿（$98/隻）脆皮紅燒乳鴿外皮金黃酥脆，肉質鮮嫩多汁😝 搭配特製醬汁精心醃製，每一口都能感受到香氣四溢的滋味👍🏻👍🏻⋄✦ 特色小菜 ✦🍍拔絲咕嚕鳳梨黑毛豬肉（$198）融合了酸甜的鳳梨和鮮嫩的黑毛豬肉，別具一格👏🏻肉質滑嫩，外層裏上香脆的糖衣，帶來口感的層次感，配上冰凍鮮甜的菠蘿，每一口都令人垂涎欲滴🤤 ⋄✦ 小食 ✦🫓一口七味豆腐（$88）七味豆腐口感綿滑，外脆內嫩，加入多種

記得之前朋友同我介紹過呢間係銅鑼灣新開高質素嘅粵菜餐廳，去開銅鑼灣一於過嚟試吓。餐廳地方寬敞，環境係現代感裝潢，白色配上淺紫色銀閃閃嘅枱布，閃閃發光，感覺好高雅。餐具圖案精緻，茶壺下有蠟燭，可以保持溫度。值得一讚，店員服務好好，會用鉗將餐具放入熱水，係我哋面前洗淨。今次叫咗鮑魚雞肉燒賣，有鮑魚係到嘅燒賣真係唔同啲，新鮮彈牙，好美味。綠茶雪山叉燒包 有別於平時食嘅叉燒包，多咗綠茶嘅味道更清新。䈑筍鮮蝦餃 ，蝦餃好大粒，入口爽彈又新鮮，加埋䈑筍係入面，層次好豐富。呢度設有四間vip房，環境寬敞亮麗、舒適整潔，既有中式雅緻的格局，亦有西式明亮開放。埋單時會送上蝶豆花柚子茶，清爽又可以解油膩感～

上星期重陽假期的時候，我媽媽說想食中菜， 臨時訂左銅鑼灣一間酒家， 之前因同朋友都品嚐過呢間高質酒家：香馥樓！我覺得鬧市周圍多人的情況下去呢間最有私人空間， 舒適環境裝飾別緻華麗，店員都有禮親切！咕嚕鳳梨黑毛豬肉酸甜味適中，高質黑毛豬肉，肉質鮮嫩，配上新鮮菠蘿🍍清甜好開胃菜位便$20 一位， 我們點了菊花便加多$5 一位， 媽咪品茶🍵寫意表示滿意呢！香馥樓地址：銅鑼灣駱克道463-483號銅鑼灣廣場二期6樓

今次再黎食Lunch飮嘆茶食好野🤗仲要帶埋兩個朋友黎聚下。呢到坐得舒服，野又好食，帶朋友黎唔失禮😎家鄉鹹薄撐🫓微焦足料又夠薄身 好食黑金流沙包🌰夠熱 流沙爆滿萵苣鮮蝦餃🥟必點必食 大大粒 皮薄餡靚焦香鳳爪排骨煲仔飯🍚米香軟度剛好 鳳爪排骨 肉香嫩滑蒜蓉蒸排骨🍖鮮蒜香排骨嫩滑突然俾我發現晚市有無限追加大閘蟹放題🦀🦀正呀‼️仲有北京片皮鴨，鵝掌扣鮑魚，一份主食，甜品，每位$538。講真，呢到環境，食材，服務態度，呢個價真心扺，我感覺好快又會黎第三次😅😅

食嚟食去都係中菜最吸引，但係要搵到一間比較傳統嘅粵式菜式就比較難，經過小編嘅實試之後呢一間值得推薦。入到去俾人感覺好grand ，連啲枱布都係閃令令，加上佢嘅餐具有別緻嘅圖案，茶壺亦都有蠟燭一直溫熱住，感覺已經非常之好！當日食咗一個燉湯，除咗燉湯亦都用上紫砂煲，入口特別暖。蜜汁叉燒肥瘦，肉質都幾彈嫩，醬汁亦唔會太濃味，送飯一流！又或者可以好似我咁叫多一個粉絲煲，蟹肉鮮甜，粉絲夠乾身，惹味。最後一定要清一清喉嚨，叫返個楊枝甘露甜品，好多料而且甜度剛剛好。特別要讚吓餐廳嘅服務，會主動幫忙用熱水清洗餐具，大時大節仲可以book VIP房添。

同閨蜜喺銅鑼灣shopping🛍️後，買咗好多秋裝😆，大家都一袋二袋，佢即刻上網揀個舒適嘅地方食飯試吓呢間先。餐廳以白色配上淺紫色為主裝修，坐位舒適。我哋點咗個套餐，因為有我鍾意食嘅大閘蟹🦀，大閘蟹都幾多膏，最主要係可以無限追加🦀🦀😋。🥢鵝掌扣鮑魚，炆得非常嫩滑入味。🦢片皮鴨都唔錯，入口富油香，肥瘦均勻。🥬菜心新鮮，以上湯、蝦乾烹煮，簡單好味。我哋一路傾一路點嘢食，兩個都食得好飽飽🤰🤭。店員親切有禮，仲有不停幫我哋加茶，結帳嗰陣仲介紹有四間VIP房，等我下次帶埋屋企人同埋啲小朋友一齊嚟食大閘蟹～～🦀🦀🦀

🦀 銅鑼灣新開高質粵菜餐廳，大閘蟹放題任食！一年一度兩小時大閘蟹放題又黎啦！銅鑼灣新開高質粵菜餐廳，地方寬敞舒服，新穎時尚裝潢，用上白色配上淺紫色的色彩，銀閃閃既枱布，bingbing發光，感覺好高雅。而餐具圖案十分精緻，茶壺下還會擺蠟燭一直哄住，可以保持溫度。而餐廳服務都好好㗎職員會用鉗把餐具放入熱水中喺客人面前洗乾淨，免除自己弄到一手都是水。如果三五知己想獨自一角的話，餐廳還有四間VIP房同樣環境都寬敞，舒適整潔，既有中式雅致嘅格局，但係同樣有西式明亮嘅感覺。喺咁舒服嘅環境裏面吃大閘蟹放題當然是不錯的選擇，完全沒有限數量㗎每一隻大閘蟹都非常之新鮮，很香很濃郁的蟹膏蟹黃，真係令人食指大動啊！除咗大閘蟹之外，還有其他嘢食小編特別喜愛的就是他們的片皮鴨真的很脆很juice，大家都記住要試試啦！

是日好友介紹到銅鑼灣廣場2期香馥樓吃晚餐。坐好了就點壽味飲，有個蠟燭座可以令到茶可以保持溫度，店員細心地用熱水幫手浸餐具。再食埋酸菜，都夠開胃。最後點了欖菜肉苿四季豆，至尊脆皮燒鵝皇，拔絲咕嚕鳳梨黑毛豬肉，香馥小炒皇。欖菜肉苿四季豆-四季豆新鮮，加入醬汁煮的欖菜，肉，冬菇粒。四季豆完美地吸左醬汁加配料香。配上白飯一流。至尊脆皮燒鵝皇-燒鵝皮脆肉香，肉質好。外皮連鵝肉一起進食更加突顯味道層次感。加上酸梅醬更加昇華。拔絲咕嚕鳳梨黑毛豬肉-咕嚕肉可以拔絲，肉質好。唔會太多粉，炸出嚟香口但唔油膩。新鮮菠蘿可以說是賣點，新鮮菠蘿鮮甜得來又不似糖水浸過死甜。香馥小炒皇-有豐富的材料包括韭菜花，魚乾仔，蝦乾，腰果，蝦仁，帶子，菜脯粒。這個組合有齊海鮮同菜，口感好又有味道層次感。題外話，店員們態度好，親切又細心令人心情舒暢。

最近喜歡一盅兩件，今次去銅鑼灣廣場飲茶，發現新店香馥樓，環境舒適，裝潢及餐具走高貴格調。除了一般的點心，也有造型的公仔點心。萵筍鮮蝦餃3件 $58嘩。。蝦餃好巨型，咬開內裡有好幾只彈牙鮮蝦，當中有萵筍、蝦籽增添口感。醬皇蒸鳳爪 $38鳳爪大隻入味，調味適中。紅米春風得意腸 $58紅色軟糯腸粉皮好有趣，包著薄脆及大粒鮮蝦肉。新開張送每人一粒蟹籽燒賣王，燒賣皮薄餡多，有香菇、鮮蝦肉，口感好豐富，免費也相當有質素。鮮竹牛肉球 $38牛肉球也是大大粒，軟滑的牛肉內有大粒爽口馬啼肉、芫荽等，帶點咬口又香。點心都大大件，美味又經濟，可以再來。

晚餐約了朋友聚餐，選了朋友工作地點附近的中菜廳。店內有各種大小的圓枱，這裏比較安—靜，很適合大家聚會聊天。先開一壼普洱，普洱茶香，茶壼的底座有蠟燭，保持茶的温度。酸菜($28)，爽口的青瓜粒，配上爽滑的黑木耳。微酸爽脆，是一道開胃菜。咕嚕鳳梨黑毛豬肉($198)，賣相勁佳，上桌時冒煙，如置身雲海迷霧中。菠蘿以菠蘿外殼盛著，燒過後的菠蘿帶出其果甜。配上旁邊堆砌得整整齊齊的香熱脆咕嚕球，非常惹味。咕嚕球用上黑毛豬肉，外層香脆，並能掛上酸甜醬汁，內層扎實有嚼勁，整體大份又好吃。絲苗白飯($18)一碗，點了兩碗。豐富的菜餚配一碗絲苗白飯，把咕嚕醬汁澆到飯上，配上鳳梨和脆黑毛豬肉吃。下飯菜配上香熱的白飯，讓人多吃不少。香馥小炒皇($198)，賣相不錯，上桌時冒煙。腰果香脆，韮菜鮮嫩，炒得香口有鑊氣。上湯蒜子浸時蔬($128)，湯底清，小白菜量多和新鮮，頂層鋪上大量軟稔入味的蒜子。小白菜掛上湯底的味道，配一粒煮得軟稔的蒜子吃，温潤中帶着微微蒜香。

香馥樓的裝潢舒適，服務也很周到。酒樓每個月都會有小型演唱會，亦有精選菜做緊優惠，可以一試。酸菜 $28清爽開胃欖仁鮮蟹肉粉絲煲 $288原煲上，煲入面係滿滿已拆嘅蟹肉同粉絲，好吸引。彈牙粉絲炒得乾身，入口有麻辣香，好惹味，讓人忍不住多吃幾口。咕嚕鳳梨黑毛豬肉 $198賣相十分誘人，黑毛豬肉外脆內嫩滑，仲有酸酸甜甜嘅拔絲，配上酸甜的鳳梨，整體好好食山珍炆伊麵麵條吸收了醬汁，口感彈牙，搭配各種菌類，唔錯秘製汁乾炒牛肉河炒牛肉煮得剛剛好，嫩滑入味，搭配河粉去炒，河粉炒得乾身，係經典嘅炒河味道👍飯後仲送了一小杯嘅蝶豆花茶，清新又解膩👍👍 P.S. 茶位，$20@

今晚去咗銅鑼灣食晚飯，試咗一間粵菜，貪佢地點方便，地方闊落，仲要係新開添！一口七味豆腐 ($88)炸得外脆內軟，好適合作為前菜。拔絲咕嚕鳳梨黑毛豬肉 ($198)上桌擺設精緻，這道菜也做到拔絲的效果，咕嚕肉好食又好睇，還有新鮮菠蘿，更加開胃！蝦子京蔥明蝦球 ($198)蝦球夠爽，京蔥絕對能提升味道！欖菜肉茉四季豆 ($168)味道濃郁，非常惹味，最好要來配飯食。秘製汁乾炒牛肉炒河 ($148)炒得夠鑊氣，加埋辣醬食就更好味！臨走前先看到有大閘蟹放題，大閘蟹是我的至愛，已經諗緊邊日要嚟試吓！