馬來亞餐廳

營業中

休息中

雖然是一間懷舊裝修的餐廳懷舊的侍應服、懷舊的杯碟,但卻盛載著用心的美食很香椰子味,雞都很入味!!米線很滑很香蝦球焗飯,很鮮的蝦球, 中式d因為春卷賣晒, 所以店員推介我地食串燒最驚就是被人hard sell但伯伯很好, 我地一開始都睇左好耐餐牌先點菜, 但佢地一d都冇吹我地, 仲叫我地慢慢睇^^聽到之後入座的人客問邊樣菜多人點, 佢地又好熱心推介再加上佢地不停會加水!!服務態度真係值得我打呢篇野讚好整餐感覺好舒服, 最岩日頭忙碌完輕鬆下慢了下落的節奏, 懷舊溫和的黃光與家人的共聚, 渡過了這個晚上........

在港大上夜堂，基本上不得不光顧校園內的美心或者大家樂。上堂固然是一件不愉快的事情，要是只為了填肚而進食沒有質素可言的快餐店，只會令原本不快的情緒徒添多一份的悲涼。為著自己肚皮的幸福著想，一定要向地頭蟲打聽校園外附近有什麼覓食好去處，得知般咸道上有一家炒貴刁做得非常出色的餐廳，當然要去一試啦。店舖門面及裝潢都很簡單。侍應們的制服都是清一色白襯衣加黑煲呔，想起來很眼熟，對對對，除了太平館，兒時在粵語殘片裡看到雍雅山房的侍應也是這身造型的。需知道一家餐廳，除了自身的食物質素外，情懷也是不可或缺的，能夠保留著昔日情懷的餐廳在香港真的賣少見少，希望這類餐廳不要絕種就好了。話說回來，看到餐牌首頁，實在很想每項各一都點了，無奈一個人能夠進食的有限，只能留待下一次大夥晚飯吧。是日目標，秘制貴刁！沒有吃過這裡的貴刁，我就一直會停留在一貫的想法，就是炒貴刁和星洲炒米基本上沒有分別，只是河粉換成米粉而已。哼，無知的我，大錯特錯。我一方面嘲笑自己的無知，另一方面凝望著熱騰騰的貴刁，啊，賣相真的很吸引啊！比起那些「黃過黃面婆」的茶餐廳貴刁，馬來亞餐廳的秘制貴刁實在令我心動。色香味中的「色」是拿滿分的，還沒放入口

今天很忙，忙得放工時是能剛好接放學的女朋友，當然也可以和她一起去醫肚了，由於真的是挺累的，所以找了附近這所未打烊的餐廳來吃它一吃。以前中學時代經常在附近吃飯，但竟然沒有到此吃過一次，揭一揭餐牌，見有套餐，太累也不多想了，既然餐廳的名字叫馬來亞餐廳，吃它的馬來大餐也是很合適的。馬來大餐包括了很多食物，湯可以選咖啡牛肉湯或酸辣湯，另外還有沙嗲牛肉串或雞肉串四串、大蝦參乜、咖哩雞飯、甜品、咖啡或茶。咖喱牛肉湯根本就是微量稀釋版的咖哩牛肉飯的汁，不信看看有什麼材料，有紅椒、青瓜、青椒、洋蔥、化學牛肉，沒有太大的椰香味，不像馬來咖哩，較像茶記貨式；伴着來的有餐包，但跟咖喱牛肉湯是不太合襯了，但餐包本身是很熱的，單吃也收貨。本人貪心，什麼也想試，所以要求牛肉串或雞肉串各二，伴碟的是青瓜、菠蘿、蕃茄，不大新鮮，串燒的肉的肉質普通得很，沙嗲味道不香，太甜，吃過便算。跟着來的是最飽肚的東西，是咖哩雞飯，有薯仔、蛋、雞件等，今回的咖哩汁比之前咖喱牛肉湯的多了椰汁味，真的可以說是有點馬來風味了，但那些在內的雞件如肯德基的雞塊，不是新鮮的，如以雪藏雞作切雞後，再後加椰汁咖哩，四字成語來形容的正是「貌合神離」

忙到嘔的一星期, 星期日「開工」前搵地方食個 lunch. 人在半山區, 忽然想食海南雞飯, 自然0黎了呢度.跟餐的例湯係一盅粉葛赤小豆煲豬爭, 幾夠火喉, 味道住家 feel, 唔錯唔錯.「海南雞」竟然係文昌雞, 無去骨之餘, 雞皮好厚又好多肥膏, 雞肉又乾又0鞋, 唔掂!醬汁有蔥油及泰式酸辣汁, 獨欠黑醬油... 蔥油過鹹, 酸辣汁就唔夠味, 麻麻.油飯就好好多, 賣相「立立令」, 夠油又夠香, 乾身又粒粒分明, 勁正! 十分出色的一碗油飯, 值得試試!環境帶點茶記 feel, 冷氣勁凍, 唯有快食快閃; 招呼無乜特別.連加一 $61, ok 啦. 下次試試佢 d 喇沙及朋友推介的沙爹串燒.

食過幾次, 因為附近其他店都爆晒所以沒有選擇.咖哩牛肉飯海鮮大會呢兩樣非常難食, 食到差d嘔.喇沙, 炒貴刁同海南雞飯就相反的幾好食, 可以一試.薄荷燴羊腩飯同駝鳥扒就普普通通, 不過不失.烏冬麵就太貴了, 食落去係茶餐廳的水準再低一點.如果價錢可以調低一點的話, 應該都係合格的.

同朋友去食飯, 因為佢讀港大, 所以近近地試下呢間服務唔錯, 侍應富經驗 反應亦快叫左個咖哩牛肉飯(連餐湯餐飲~$65), 同埋一個海鮮大會(一樣,~70$)好快有得食. 羅宋湯不過不失, 但唔夠酸亦唔夠辣, 有d人可能會失望咖哩牛肉同飯分開上., 碟飯都幾大碟, 但碟咖哩牛肉呢..um....感覺上好似中學飯堂既飯盒, 唔係太好食, d汁亦有一層厚厚既油係面.至於海鮮大會, 海鮮包括3隻, 一隻細青口, 一條炸魚柳, 同埋幾粒蟹柳, 用白汁加芝士侷, 唔跟飯唔跟意粉.um.... d汁都系似中學飯盒入面既白汁, 瓊埋一攤, 而海鮮就食得出系唔新鮮. 我唔想浪費食物, 但真係食唔落.餐茶-我叫左奶茶-不過不失um... 睇返你間餐廳以前既評價, 似乎以前既質素好d, 可能而家百物騰貴, 餐廳方面都無辦法

The coconut chicken rice...forget it..so much oil.The satay sticks are ok..but they fried it instead of bbq it.炒貴刁is not even made properly. Not authentic. It had some ultra small shrimps, some strips of meat (suspecting to be char-siu) and some strips of HAM..what the...when they invented 炒貴刁...HAM was not even invented yet...!@#$%^&*..total 143I can have better stuff than that.

星期日lunch時段非常多人, 不過只係等左陣.附近choice唔多, 成日搭車都見到呢間野好似好多人, 所以今日要o係呢度食晏就黎試啦.是日有三個set ($60 each), 每個set有湯, 熱辣辣o既包, 兩個dishes (飯/薯菜/沙律)同埋野飲. 一個人一定食唔晒一個set!我地5個人叫晒三個set share食(即係total有6碟野), 最後都食唔晒.味道幾好, 幾野味, 辣o既唔會太辣. 5人Total $240

呢度既curry當然係馬來式, 好香椰子味, 雖然唔夠辣, 不過我都好鍾意, 撈飯真係好正!而駝鳥排都好食, 平時我都唔太食駝鳥排, 覺得佢都幾咸, 不過呢度整得好好, 有肉味, 唔太咸, 又唔un, 配埋個豬排包個包, 真係好好食!waiter都好有禮貌, 仲會同你講下笑tim!

食過好多次. D 喇沙好好味. Set Dinner 都好抵. 多選擇. 平日夜晚都幾多人黎. Waiter 好親切. 令人覺得好自然, 食得舒服. 差不多變了飯堂喇!

以前讀港, 成日都會去食喇沙, 近期經過再去, 水準依然. 雖然係tea set, 但係好大碗, 女仔食份量一定夠, 連埋0野飲三十蚊有找, 仲想點?

炒貴刁好值得推介, 通常炒河粉都會好多油, 但這裡的貴刁唔油膩, 味道仲好得, 價錢亦唔貴, 值得一試! 另外套餐亦好抵食, 五十八蚊有湯, 有咖哩猪肉飯, 有鴕鳥扒, 仲有飲品同甜品. 如果唔係太餓, 兩個人叫一個餐都夠食.

同bf來呢度，食左o個兩個set lunch，係咖哩雞飯同參乜牛飯，個湯好多一patpat，唔係好掂，個咖哩雞飯味道都OK，參乜我地都係第一次聽同食，原來係甜甜地o甘都幾好食，不過兩個飯都略嫌細左ｄ，三十五元有湯，包同野飲.....都算扺啦！

星期三上午去港大開會，順手找在附近工作的舊同學吃飯。佢話有間餐廳的馬拉菜唔錯，天時陰陰涼，第一時間又諗起香噴噴的雞油飯，所以兩個人就來幫襯。呢度好多人，來的時侯是客滿的，我們都要等一等至有位。原本是搭檯的，但一有二人位走，阿叔就立即將我們轉過去，招呼好好，值得一讚。今次又係菜牌都未睇就叫左海南雞飯，舊同學就要了是日午餐的咖哩羊肉飯。再看餐牌，呢度都有一系列的馬拉食品，好似都不錯。海南雞飯餐包海南雞一碟、雞油飯一碗及例湯，醬汁只辣汁加薑蓉，老實講賣相不算吸引。渴口湯，是紅蘿蔔的甜味，還隱約嚐到粟米的味道，沒有什麼味精，真估不到這個例湯也不是一般行貨水準；雞油飯大大碗，微棕色，有雞湯香味，吃過不錯，如果能油一點就更佳，都可以說是有水準的了；海南雞是帶骨的雞背及雞胸部份，雞背部份雖然無咩肉，但就是全隻雞最嫩滑的部份。所以如果全隻雞任吃，我首選不是雞腿，也不是雞翼，更不是雞翼尖，是雞背。這裡的雞肉亦嫩滑，雞皮略肥，亦爽脆可口，都全不放過。連墊底的醃白蘿蔔及紅蘿蔔也一點都不行貨，酸甜有致，味道甚佳，所以這碟海南雞，除了骨以外，是吃得碟底見光。朋友的咖哩羊肉，聽佢講都不錯。埋單一百蚊找番幾蚊，都算

今晚同媽媽黎呢度食,佢叫蒜茸駝鳥扒餐,我叫威爾斯薄荷燴羊腩飯.個扒餐60蚊,有個湯,有個扒同飲品,個飯就50蚊,冇跟其他0野.個駝鳥扒好香蒜頭味,個汁好味,駝鳥扒就多香料味,因為唔知駝鳥肉真正味道,所以唔知駝鳥味重唔重...個燴飯就好好食,個汁好香濃,d羊腩燴到好lam,一d都唔韌,另外加0左d紅蘿蔔去煮,仲有薑,食到好開胃.埋單加一之後都係121蚊,抵呢~