馬哥孛羅咖啡廳

之前去馬哥孛羅香港酒店staycation包咗個 下午茶🤣咁就係喺客房入面享用精緻英式下午茶咸點有芝士蕃茄香草醬卷、吞拿魚漢堡、牛肉酸菜三文治、煙三魚而甜點有提子鬆餅、貝殼蛋糕、馬卡龍、籃莓芝士餅、士多啤梨奶凍、朱古力慕斯、芒果瑞士卷仲配咖啡或茶-▪️整體黎講如果係包咗喺個$1400左右嘅package小廢我覺得都抵食嘅但無一個話特別好食，個貝殼蛋糕勁似小學呀媽買比我食果啲，所以如果自己比錢食TEA一定唔會揀佢~- 味道值：5/10C P 值：6/10 打卡值：7/10 - 📍馬哥孛羅香港酒店 Marco Polo HongKong Hotel九龍尖沙咀海港城廣東道3號No. 3 Canton Road, Harbour City, Tsim Sha Tsui

Celebrating Christmas, my family and I visited this restaurant for its lunch buffet. Sadly, I didn’t live up to my expectations. I once thought it could offer us a high-end dining experience with panoramic sea view. As it turns out, all walls of the canteen are sealed with concrete. In other words, there is no sea views. Let’s put the view aside for a moment, the food is not satisfactory either. All the foods are only eatable but not able to comply with the ‘5 star hotel’ standard. The seafood a

中伏可一不可再差到我寫人生第一次劣評又貴又難食激到我老婆外祖母鬧個不停食物追三次才refill八爪魚唔切成大大件上,咬到牙軟中午buffet 要5百幾沒生蠔長腳蟹羊架只有低中檔食物只能吃大腸义燒雞蛋去廁所都要由一樓走上六樓(維修)栗子蛋糕溶晒完全無味

雖然呢間餐廳可以評選為本年度最伏餐廳之一，但係佢並唔係好似其他人所講嘅咁多差評囉，只不過佢真係做得唔夠好，同埋價錢一啲都唔值，希望餐廳老闆可以睇睇呢個誠懇嘅評論 。因為餐廳環境以及食物真係好普通，原諒我冇影到任何相給予大家作參考。首先要講嘅係呢間餐廳我哋係林聖誕前去嘅但係好多地方都已經有聖誕裝飾而呢間餐廳一啲氣氛都冇就可以睇得出老闆定唔係對呢間餐廳太上心，所以一日門嘅第一感覺就覺得伏伏地。其次就係要講佢嘅食物，生蠔開得一啲都唔專業每一隻生蠔入邊都有蠔殼，同埋睇得出佢係開定㗎好唔新鮮。然之後就到刺身，質素唔差但係個擺位好有問題，因為刺身嘅檔口位係擺喺門口出邊㗎，俾人感覺好唔專業同埋唔衛生，同埋客人完全望到晒個師傅係點樣處理啲刺身嘅，美觀同埋用餐體驗已經大打折扣。最後要講嘅就係呢間餐廳嘅服務，並唔似其他人所講服務態度差，而係佢入面嘅店員未收到一個五星級餐廳應有嘅培訓，收碟都勤力嘅，而且店員都好有耐性解釋俾你聽你所要問嘅問題。所以希望老闆能夠認真改善同埋檢討呢啲存在嘅問題，因為六百幾蚊一個自助餐真係非常之唔抵食同埋有好多選擇。

Tea buffet was very disappointing, not much selection and the food served aren’t that special either. Dessert selection is very minimal, pastry that are super stale. Refill of food is also super slow. Pricey tea buffet without the food that’s up to standard.

今日食咗9點到10點時段嘅早餐，好少食酒店自助餐係剛剛夠飽，因為食物refill得非常慢，令到選擇好少，可能係最後一節早餐啦。出咗去3次都唔見大家講嘅燒賣同煙三文魚，幾失望。食物味道就唔差嘅。薯餅好脆，唔係放咗好耐個種。腸仔同煙肉都唔算太咸。估唔到有壽司類食物，份量剛剛好，外型可愛，不過係屋企都做到嘅味道。干燒伊麵乾身，味道唔錯。比較驚喜係呢度粉麵可以揀炸醬麵，辣辣地嘅炸醬配幼麵，麵質軟硬口感好好，加左湯令個炸醬冇咁辣，拯救咗仲未夠飽嘅我。牛肉粥冇咩牛肉，不過都夠味。餐廳環境都寬敞。不過遲起身嘅人就唔太推薦係度食早餐，如果唔係好快又會肚餓。

係尖沙咀Marco Polo staycation，今朝去左Cafe嘆個靚早餐早餐喺一樓Cafe Marco，位置係一樓，地方好大坐得好舒服。食物方面有煮奄烈，炒蛋區域。亦都有人即煮粉面，另外有煙三文魚，點心，粥炒粉麵。果汁水果當然唔少得，所以種類都齊備，算係一個唔錯嘅自助早餐。

本身見呢間知名度咁高五星級酒店抱左好大期望， 見網上有訂座優惠就同屋企人試下， 點知極大失望感😢我地book左19:45 諗住都係黃金時間， 點知一入去已經無咩野食 ， 所有都好似水尾食剩咁， 牛排位置/ 刺身位置， 好多位置都無員工， 想食都求助無門， 岩岩見到一個廚師行過已經拉住佢切羊架先有， 同埋食品款式有啲少 ，無乜邊樣野食比較出眾同特別 ， 竟然有叉燒同咕嚕肉真係有點搞笑 ， 到甜品， 竟然啲cake 都無好特別同好味🤔同埋如果呢個價錢， 其實真係有點點失望

上網見到酒店推出個用芝士蛋糕做主題的下午茶自勝餐，立即打電話去book一到餐廳就立即去睇有咩芝士蛋糕，點知行了一圈，連一個芝士蛋糕都見唔到。後來一問原來有兩個，一個叫柚子芝士，一個叫朱古力咖啡芝士，食完柚子芝士就得個酸，食如朱古力咖啡就得個苦，完全冇芝士味。本身是個下午茶自助餐，咁心諗冇蛋糕食，可以食吓其他野啦雞肉粥，似米加水咖哩牛，冇咖哩味刺身，冇鮮味燒雞翼，似瑞士雞翼豆腐花，唔夠滑，冇豆味紅豆沙，糖味太重，染蓋了紅豆嘅味全場有一半嘅都唔是正常自助餐時間係由下午3點3至5點3，但去到下午4點半，熟食就冇人refill，去到4點9，甜品都冇埋。食過咁多間酒店下午茶自助餐中最初的一間，絕對唔會再幫襯

酒店可能稍舊，環境乾淨，食物質素OK,冷盤海鮮種類不多，熱食味道不錯，種類都算多，飲品任飲，甜品也可以，服務員態度親切，整體都值90分，如果冷盤種類能增加，性價比更高

啱啱昨晚去完dinner buffet,伏到不能再伏。~ 生蠔：細過尾指甲，有蠔味， 但咁ge size 唔想再食~ 所有剌身完全冇味，食左一轉冇再去食~ 凍海鮮：除龍蝦外完全冇味~ 凍龍蝦：等左幾轉都比人搶哂，終於拎到嘞，唔係擦子膠，係好食嘅。但等到8:30才拎到~ 片皮鴨，其實係食緊燒鴨+ 皮。佢冇片皮，只係片肉出黎，又係等了又等才有。~ 甜品：見到個樣都唔開胃，冇拎過，朋友們都話食完有糖尿病~ 鵝？鴨肝多士。又係全場最好食之一，不過一人限一舊only, 同埋塊多士淋哂。總括而言，得龍蝦同鵝肝好食😑其實唔好食都唔係最好恐怖，而家你人有三急時，餐廳喺1/F ，但廁所喺6/F😑。如果你突然肚痾保証你會瀨出黎😑。

見啲人成日話馬哥孛羅咖啡廳buffet吾係太好？😅甘好好彩買左平package包左自助早餐，心諗包既都無太大期望！點知⋯⋯今次食Breakfast Buffet都幾surprise 🥰🥰🥰 雖然種類比較少，但起碼叫應有盡有，有中式、有西式、有Cold cut、有egg station、有粥粉麵飯同亮點當然係即蒸點心等等等😍飽到等食多幾次！其實當食個普普通通的自助早餐真係算吾錯！可能我無期望所以無失望？😂😂😂

不要期望山珍海錯，OpenRice 訂有7折服務非常好，收碟快，食物質素正常，選擇多。不要忘記，折完平日午餐都係300左右，任你，任你坐，重要坐得舒服，你想點？這裏適合一班朋友慢慢傾慢慢坐， 300蚊左右我覺得可以接受

馬哥孛羅中午自助餐竟然咩蟹都冇得食，職員話近排冇貨供應，應該出面大部份自助餐都冇蟹食，而且冇龍蝦又冇生蠔，馬哥孛羅只得d普通飯菜供應，在香港的酒店食自助餐這麽多次，從未試過會同時冇蟹食或生蠔或龍蝦食，這次真喺大開眼界，這令我想起澳門換泥碼的自助餐卷時所可享用的大鑊飯.......如果仍是這樣，真的唔會再幫襯。就算訂咗位，下次到步後都必定要睇睇有咩食先，雖然這樣晒時間又浪費，但起碼自己唔會食得唔開心。

—【龍蝦阿拉斯加蟹肉海鮮美酒盛宴】快閃住宿優惠($1460)可於客房內享用3道菜晚餐「龍蝦阿拉斯加蟹肉海鮮盛宴」煙蘇格蘭三文魚配辣根忌廉伴魚子醬阿拉斯加蟹肉 莧菜意大利雲吞配香檳香草汁法式芝士焗波士頓龍蝦及蝦肉伴松露馬鈴薯及時令蔬菜Tiramisu 橙汁晚餐可以用有驚喜嚟形容 餐包軟熟 可以蘸菜式嘅忌廉汁晏晝食咗tea set 其實幾飽肚同有膩意 但主菜色香味俱全 頓時胃口大開好彩預設份量兩個人share啱啱好本身有甜品跟 然後又有個藍莓芝士餅嘅生日蛋糕 睇住奧運食好滿足Cafe marco 自助早餐07:00 - 10:00 於貴賓樓層雅座享用雙人自助早餐第二朝要返工 所以食最早個輪0700～0800之前提過要拎早餐飛入去嘅中西日韓樣樣都有d但係太早同前一日食得太多 唔係好食到嘢🤣🤣係咁飲嘢———————————————Marco Polo Hongkong hotel九龍尖沙咀海港城廣東道3號