馬場洞烤肉專門店 (新都會廣場)

營業中

休息中

今次到訪位於葵芳新都會廣場既分店，店舖空間好寬敞，前鋪位置主要提供比享用韓式料理既客人，同燒烤位置分開，呢個安排十分貼心😎一場嚟到梗係試吓佢哋嘅高質韓牛燒烤！同朋友叫咗個二人精選燒烤套餐，果然抵食又好味👍🏻👍🏻👍🏻精選二人燒烤套餐可以選擇全牛肉、豬肉或者兩者混搭。全牛套餐包括左極級霜降肉、牛膈肌、韓式調味牛肋骨肉以及牛肋骨。前菜方面我揀左佢地既招牌炸雞👅套餐仲可以多揀一份秘製特級牛舌、牛大/小腸或者係烤蝦蔬菜🤩首先一定要介紹佢地既極級霜降肉，質素毋庸置疑！個人覺得係最好食嘅一種🤩肉味香濃嫩滑，帶有雪花般既紋路，肉脂比例平均，輕輕一燒已經可以帶出焦香感同油香😎我自己最鍾意配合生菜食，增加口感同時又大大減低油膩感！牛膈肌相對肉味會較重，有種特別既香氣，入口鮮嫰又有咬勁！呢款肉就咁一小塊食都冇問題！第二最愛係牛肋骨肉😚好有驚喜！好喜歡佢哋既自家韓式調味，好惹味🥹口感都較嫩，帶有豐富的油脂，同時又可以品嚐到牛肉鮮味！佢哋嘅招牌炸雞都很好，外層炸得好薄又脆！炸雞最緊要內裏Juicy，佢哋都做到👍🏻芥末柚子醬汁幾特別，酸酸甜甜👅牛舌同樣高質！最怕牛舌咬唔斷，佢哋就冇呢個問題👍🏻厚度適中，食起上嚟都

餐廳位於新都會廣場，主打韓式烤肉，套餐分2人及3-4人份量，亦可以選擇單點！整體環境闊落，卡位為主，感覺舒適，估唔到平日晚上都full house，想食嘅記得要早啲去攞飛！2人燒烤套餐包括前菜、四款牛肉、配料同飲品！等候期間店員送上餐前小食，可以無限添加，泡菜、蘿蔔、薯仔沙律、應有盡有，配著牛肉食都幾開胃！韓式生拌牛肉細細一份，牛肉唔會太冰冷，顏色粉嫩，食落新鮮、烤蝦兩小隻，爽口彈牙，配上滿滿蒜蓉，超級惹味、雜錦蔬菜反而幾出色，樣樣有齊，燒至腍身又入味，健康又好食🤤肉類有極級霜降肉、韓式調味牛肋骨肉、牛膈同LA秘製牛肋骨，每個有三塊，牛肉味突出，嫩滑多汁唔嚡口，包埋新鮮嘅生菜感覺無咁油膩，飲品方面要咗兩款水果梳打，清甜解渴，正😄

食物好味但職員態度好差門面設計好差，勁容易跌親！有客人喺佢面前跌親一句問候都冇！想要求換位置（重點係勁多吉台）職員即刻黑面啲嘢幾好食都冇用！一定唔會再幫襯！！！！

性價比超高既2人燒烤套餐，精選高質韓牛，仲有小食野飲，呢個價錢呢個質素呢個環境，超抵!!❤️極級霜降肉 油脂分佈平均，肉質細緻，輕輕一燒已經充滿肉香味!!🧡韓式調味牛肋骨肉 韓式醃醬預先調味，味道甜甜地，只即多左種清新唔油膩既感覺，慢慢細味，唔捨得食晒!!💛秒製牛肋骨 同樣已經調左味，帶骨既肉更香更有口感💚牛膈肌 幾款肉之中肉味最濃郁既，質地腍得黎又有咬口💙烤蝦及雜錦蔬菜 蝦肉爽口彈牙，加埋牛油一齊燒，超香牛油+蒜蓉味!! 雞脾菇好juicy~仲有茄子+薯仔等唔同種類既蔬菜💜招牌炸雞 炸到非常香脆，但雞肉仲係好嫩滑，再淋上芝士醬，出色!!🤎水果梳打 跟餐餐飲有唔同口味既水果梳打，食左燒肉飲特別refreshing

很久沒有想寫食評，尤其是負評，但不寫的話又怕其他人墮入這餐廳的經營手法。今日在新地The Point上找葵芳新都會廣場的食肆，看到這個餐廳的星期1⃣️至4⃣️晚上用200分積分換85折的火鍋🍲套餐優惠，親身到L2商場客服查詢如何換領有關商戶的優惠，得知可以到有關餐廳直接對換。去到這家餐廳後，發覺這餐廳分開兩邊入口，左邊是燒烤區🔥，右邊沒有。但在門口右下方看到有關的雙人338元豬🐷脊骨湯火鍋🍲套餐，正是商場的推廣，正要下單，但餐廳的「經理」跑來，這套餐在這邊的餐廳不能點，因為這優惠是旁邊另一邊燒烤區🔥餐廳提供的，着我們到另一邊下單。為著要試試這「優惠」，於是由這「經理」引領，𨍭坐入口左邊的燒烤區🔥。當坐下後，正要點這「優惠」套餐，這「經理」又說不必用商場積分去換這優惠，餐廳可以給予8⃣️折優惠，比商場的8⃣️5⃣️折更好、但要點一個用火燒的單點🥩，因為這邊是燒烤區。當問及可以點什麼肉時，「經理」說點一個最便宜98元的肉也可。由於怕雙人豬脊火鍋套餐不夠飽，正打算多點一個燒烤🥩套餐，但「經理」提醒這火鍋套餐已經夠二人份量，着我先手機下單點了火鍋套餐吃了不夠分量再看看，於是便沒有再細看手機上單點🥩的價錢。最終🐷脊

燒肉這回事無論什麼天氣都好合適，前幾日收工後到葵芳新都會廣場，行經外圍見到玻璃窗內正大口大口食緊燒肉，瞬間覺得餓了🤤行入正門原來係主打頂級韓牛馬場洞烤肉專門店，現時有三間分店，另外三間位於沙田、尖沙咀同元朗！餐廳座位寬敞整潔，用餐比較舒適。甫坐下就有多款韓式前菜提供，而且仲免費Refill 😊餐牌選擇都幾多，套餐亦有不少選擇，我地就睇中「精選二人燒烤套餐」，全牛之選啱哂我地二個牛迷😌「精選二人燒烤套餐」$368套餐包括左極級霜降肉、韓式調味牛肋骨肉、牛膈肌同牛肋骨，仲有包一客包飯菜，我特別喜歡佢地個包飯醬，夠哂惹味！除咗牛肉，仲有菠蘿、鮮冬菇、茄子等等…….三款選一：韓式生拌牛肉80g/招牌炸雞(4件）/芝士紫菜飯卷伴生牛肉 (+$10)我就想食下飯卷，如果怕生的話，生牛肉仲可以選擇輕炙一下❤️三款選一：秘製特級牛舌 80g/牛大or小腸/烤蝦及雜錦蔬菜我相對比較喜歡食小腸，烤一烤脂肪迫出變得好脆口！水果梳打，本來想飲生啤架🥲但中午時有點頭痛，唯有乖乖飲下梳打啦～～

🥩 馬場洞烤肉專門店 秋季你想吃燒肉了嗎？今天帶大家來到葵芳新都會廣場的馬場洞烤肉專門店 ，店內有單點和套餐選擇，二人韓燒套餐包肉類、蔬菜、小吃，2位女生吃的話會超飽，性價比極高的呢 ! 🥬 店內韓式前菜可無限追加，辣度十足的泡菜會辣得非常過癮，還有海帶、生菜、醬瓜和白蘿蔔，唯一有點小失望的是沒有爐邊蛋/芝士粟米，算是健康系韓燒。🐮 精選牛肉套餐 $368極級霜降肉(可+$78升級至1++韓牛屠夫特選牛排)韓式調味牛肋骨肉牛膈肌牛肋骨秘製特級牛舌包飯菜菠蘿🔸 燒烤選項（三選一）✅ 牛舌牛大腸/牛小腸燒蝦及什錦蔬菜🔸 小食選項（三選一）韓式生拌牛肉✅ 招牌炸雞 (四件）芝士紫菜飯卷伴生牛肉 (加$18)🥩 每次聽到油脂觸踫鐵板發出滋滋聲響，加上肉汁滴下來的畫面，就會讓小編胃口大開，1++韓牛粒肉味濃郁，充滿油脂香。由生菜包著再加一點韓式辣椒醬，口感清爽美味。韓式調味牛肋骨肉也是十分推薦的，牛肋肉以醬汁醃製，肉嫩多汁，味道帶點甜甜的，真是百吃不厭。🐔 雖然說是燒烤店，但大大件的招牌炸雞可別錯過，炸得金黃的雞肉外脆內嫩，充滿肉汁，讓人吃得相當滿足。🍹 挑選了2杯水果梳打(西柚和香桃味) 清爽

📍馬場洞烤肉專門店 (新都會廣場)葵芳興芳路223號新都會廣場1樓185號舖店舖都相當大間，卡位都坐得好寬敞。昨晚叫咗一個 2人燒烤🐖豬肉套餐，包括了韓國豬肩肉，豬五花肉，伊比利亞豬肋排肉，秘製伊比利亞豬肋排肉，包飯菜，招牌炸雞4件，大蔥烤豬腸，檸檬梳打水，熱茶。再追加一杯Hoegaarden啤酒🍺，一共($333-HKD)。配菜任添，兩人食相當足夠了。目測都見不少人叫咗二人套餐啊，可想而知真的抵食。

馬場洞烤肉專門店唔止有烤肉🥩最近仲推出左湯品和鍋物🍲🍲岩晒宜家天氣涼涼地🌬️食返啲熱辣辣的湯鍋暖下肚🔥☺️今次要左馬場洞脊骨土豆鍋套餐🐷🥔一個餐夠晒兩個人食，套餐有韓式小菜、馬場洞脊骨土豆鍋、韓式豬脊骨湯炒飯、韓式野菜鍋物伴即食麵、水果梳打兩杯🍹🍹馬場洞脊骨土豆鍋勁足料❗唔算太辣，啲豬骨大大舊 但同時都好多肉，啲肉燉到一篤就出黎🤤肉質好淋又入味，份量多到我覺得3個人食都得🤣韓式豬脊骨湯炒飯有芝士拉絲‼️有好多飯焦，好香口～韓式野菜鍋物伴即食麵，啲麵煮耐少少真係好入味，係比較重口味的😈韓式小菜可以任加，套餐跟兩杯水果梳打，揀左柚子同奇異果梳打，味道正常，唔太甜🆗湯品和鍋物<<馬場洞脊骨土豆鍋套餐>>$388🔸馬場洞脊骨土豆鍋🔸韓式豬脊骨湯炒飯🔸韓式野菜鍋物伴即食麵🔸水果梳打兩杯🔸豬肉泡湯湯配飯📍#馬場洞烤肉專門店 (#葵芳美食)#葵芳 興芳路223號新都會廣場1樓185號舖

【葵青區】【馬場洞烤肉專門店】約咗同事震華哥食韓燒，點知尋晚太緊張，攪到失眠，然後鬧鐘叫唔醒，就大遲到，鬼咁唔好意思。其實都已經唔止一次係咁，我睡眠係好有問題。不過都無損我哋嚟「馬場洞烤肉專門店」試佢哋啲「燒烤套餐」嘅決心啊。但係去到之後，就算係用 QR Code 落單咁方便，我哋都冇咩 idea 食乜。店長好好人，介紹我哋食 $598 嘅「牛肉套餐」就攪掂晒。首先嚟 150g「極級霜降肉」，好大塊好好味，跟住嘅 100g「韓式調味牛肋骨肉」都好正。之後食嘅「牛膈肌」有 200g，好夠食，亦都好有肉香。到「LA秘製牛肋骨」，都有 150g，整得都好惹味。個餐仲包埋「包飯菜」，震華哥話正，我就冇試。我專心食選配嘅 80g「韓式生拌牛肉」，他他牛咁生食，完全發揮牛肉嘅濃香。選配嘅嘢食仲有「秘製特級牛舌」150g，好重牛舌香味，濃而不膩。嘢飲有三杯，我哋叫咗「荔枝梳打」、「奇異果梳打」同「韓式冰茶」，都係好韓式嘅飲品，有啲人可能會覺得甜但我又 okay。加埋一 $658 走人，合理價錢。。。（地址：葵芳興芳路223號新都會廣場1樓185號舖）#1amfoodie #foodie #hkfoo

我仲睇少咗呢個set會餵唔飽我，齋望好似好少咁🙈🙈🐖✨極級霜降肉80g我地由高食到最底，佢就係最高層嗰個肉😋呢個牛肉肉質柔軟，係有淡淡嘅方香～但就真係比較靭咯，要咬勁耐😭🥹✨韓式調味牛肋骨肉80g口感比較俐落，呢個相對冇咁韌喇!!!😆😆味道上幾濃牛味，肉質較為結實，非常之juicy(>^ω^<)✨牛膈肌80g 掛住發夢，點知燒焦咗少少😂😂佢相對上面嗰三個牛肉嚟講係容易啲窿，記得唔洗燒太耐😌醬汁帶有蒜，食落好有蒜味。肉質鬆軟，係有根的，脂肪幾香。✨L.A秘製牛肋骨100g食落係甜甜地，應該係加左甜嘅醬汁。肉質幾淋幾鬆軟，可惜嘅係又係根嘅位置有少少韌。✨包飯菜（小）其實都唔（小）😂好彩有菜包下，覺得冇咁膩🥲🥲可能就係咁，好快飽🤣【燒烤套餐】✨招牌炸雞（四件）想講呢，佢啲炸雞同沙拉醬嘅味聞落超級似M記嘅麥脆雞😳食落呢間好食少少🤏🏽香脆啲，雞嫩啲😂😂今餐真係好多沙拉菜…呢碟嘅菜都還可以。✨秘製特級牛舌80g質感幾特別，有一邊係有一層一層嘅口感，另一邊就係普通肉嘅質感😂😂😳唔會好韌👌🏻都幾香～✨水果梳打(荔枝&芒果） 荔枝味做得幾好，真係同出面啲荔枝soda差唔多😙不過芒果嗰個真

公道講句食物是好吃的，但店員態度令人食到都背脊骨落。其實一開始其他職員都幾好人，但唔知點解食到一半得返一位男職員，請佢換燒烤盤同添加小菜都極不耐煩。佢係唔應人，真係一句都唔應，連頭都冇點。首先，唔知佢其實有冇聽到，到佢真係幫手換燒烤盤時，佢勁唔情願、勁大力揈晒個舊燒烤網啲油落去我哋啲未燒嘅嘢食到。之後，加單加咗個豬肉，半個鐘都未嚟，所以就諗住叫職員跟一跟，又係同一個男職員完全冇應我就行開咗，返嚟講咗句等多半個鐘就直接行開咗，我諗緊係咪自己聽錯，我就搵第二個職員了解吓，原來佢係講幾分鐘，咁我就話唔好意思我聽錯。可能呢到有啲誤會，但我已經講咗唔好意思。碟豬終於嚟到，我哋就非常有禮貌地問職員可唔可以refill一碟泡菜配豬肉(一開始問咗態度好好嘅女職員話可以refill)。點知呢位男職員又係唔講嘢、冇反應直接行開，過咗陣就真係用掉咁掉咗兩碟泡菜係枱。我哋全家o哂嘴，本身已經食咗個四人餐時用哂啲泡菜，係再加咗單先第一次想refill啲泡菜。而我哋都講到明係話refill一碟姐，點解佢要做到咁唔耐煩……總結就係幾好食都好，但全家人係食得超唔開心，我阿媽仲話比人當乞兒…

小資女孩同鍾意掃街嘅我，間唔中都鍾意去葵廣盡情飲飲食食，同行下新都會廣場，行到攰最岩搵餐廳坐低食嘢，今次收工嚟開就試下馬場洞烤肉專門店嘅葵芳分店☺️ 一坐低當然就有食韓燒最鍾意嘅無限refill小菜😋❝ 精選3-4人燒烤套餐 ❞馬場洞特選韓牛配雜錦烤肉套餐｜$𝟔𝟗𝟖 ✦ 1++ 韓牛肉眼190g六格木盒：✦ 韓國豬肩肉100g✦ 秘製伊比利亞豬肋排肉100g✦ L.A秘製牛肋骨150g✦ 蒜香醬油雞腿肉及雞翼150g+ ✦ 新鮮菠蘿✦ 雜錦蔬菜另提供包飯菜 🥬韓式小食：✦ 韓式生拌牛肉 80g套餐配有自選飲品/特色飲料3杯：✦ 韓式冰茶✦ 韓式柚子蜜✦ 水果梳打-奇異果加配烤物：✦ 烤蝦及雜錦蔬菜｜$𝟖𝟖✦ 蒜蓉牛油煮大蜆｜$𝟔𝟖💬 𝐎𝐯𝐞𝐫𝐚𝐥𝐥：呢個3-4人餐我地2個人都食得晒，如果for比較細食嘅女仔幾個應該就好夠，但男士們/大食啲建議可以再另加烤物😆 餐廳仲有醬油蟹食喔～ 可惜今次未有機會試埋😌

馬場洞烤肉專門店份量好多！前菜有泡菜、沙律菜、酸蘿蔔、芽菜仲有平時好少見嘅蓮藕泡菜嘅酸好適合食完解膩可以無限refill！佢主打韓式烤肉，但我哋食lunch無咩時間就揀咗2款湯飯～脊骨土豆鍋配飯 $98脊骨有5件，有啲辣辣地，啲肉勁入味薯仔都好多舊，仲要全部都吸曬汁！好啱重口味又食得辣嘅人！牛肉牛骨濃湯配飯 $88好多牛肉片，個湯超香牛骨味，唔會覺得好油膩，用嚟送飯一流，想食清淡啲可以揀佢

元朗Yoho mall食韓燒，呢間入到去熟口熟面，原來以前係新麻浦。成個埸光線十分充足👍🏻奇怪韓燒點解冇咗個抽氣扇，原來抽氣放咗喺爐邊裏面，完全冇油煙飄上來，唔會成身燒烤味～餐廳最近新出lunch & dinner menu, 午市燒烤套餐有三款選擇，有精選牛肉、豬肉及馬場洞韓豚配特選牛肉，價錢由$138起。除了燒肉套餐之外，仲有多項別具韓國特色的午市韓食～叫咗兩份一人燒烤套餐：【牛肉套餐】$153♢ 韓式調味牛肋骨肉♢ 牛隔肌 ♢ 牛肋骨♢ 烤大蝦伴雜菜【馬場洞韓豚配特選牛肉套餐】$178♢ 韓國豬肩肉♢ 牛隔肌♢ 極級霜降肉♢ 烤大蝦伴雜菜♢ 秘製伊比利亞豬肋排肉套餐有前菜+紫菜飯＋餐飲幾款醃咗嘅肉醃得好入味，韓式調味牛肋骨肉腍滑，口感佳，油分甘香，燒起來特別美味😋韓國豬肩肉肉質柔嫩，豐富肉汁並味道鮮美，韓風味十足。極級霜降肉霜降油花，柔嫩且風味絕佳～